Grupos de amigos, comparsas do entroido da comarca e fora dela, e familias enteiras, encheron neste domingo de piñata  os comedores dos restaurantes carballiñeses nesta 27 edición da Festa da Cachucha, a festa gastronómica carballiñesa do inverno, degustantdo o menú tiípico desta celebración a base dun cocido con carne de cacheira, o prato estrela.

O ambiente de entroido aínda se deixou ver tanto nos restaurantes como nas rúas carballiñesas, con numerosos grupos e persoas disfrazadas, prolongando desta maneira o ambiente de carnaval. As charangas Castro Bello, CKL e Doctor Anchoa deron pasarrúas amenizando esta xornada festiva que tampouco quixeron perder Os Liborianos.

A programación foi presentada pola concelleira carballiñesa de Igualdade, Guadalupe Sobrado, e iníciase cunha presentación teatral o sábado dia 5 de marzo ás 20:00 horas no auditorio do Carballiño a cargo da compañía Olivas Negras e a obra "A familia Real", unha creación teatral que "busca traspasar os límites, cuestionar as ideas preestablecidas ao redor da maternidade e a educación".

O propio 8 de marzo, Dia Internacional das Mulleres, ás 12:00 horas no salón de actos do concello, procedárase á lectura do manifesto institucional do concello do Carballiño, coa participación dunha representación do centros educativos e asociacións. Actuará a Batucada do Conservatorio de Música do Carballiño.

O sábado 12 máis teatro, ás 20:00 horas no auditorio a compañía asturiana "Teatro del Norte" presentará o seu espectáculo "Medea, la extranjera" que "non so trata do desamor, os celos e a morte, senón tamén da xenofobia, a violencia ás mulleres, a traizón, a vinganza".

O dia 15 de marzo, no colexio da Uceira "Trémola Teatro" representará "A pequena gran inventora", a historia de Laura "unha gran inventora".

Finalmente, os venres 18 e 25 de marzo, os centros educativos do Carballiño acollerán "Empoderamento sexual feminino contra a violencia de xénero", unha actividade dirixida pola psicóloga e sexóloga Mónica Novas.

O Concello do Carballiño remitirá un escrito á Xunta de Galicia para instar ao Goberno galego a que ofreza as instalacións da Residencia de Tempo Libre do Carballiño para acoller aos refuxiados da guerra de Ucrania.

A Residencia do Carballiño funciona en temporada, centrando a súa maior actividade na época de verán. Dende o Concello trasladarase á Xunta a proposta de que se acondicione a Residencia para que poda estar operativa para cando se necesite e que se proceda a ofrecer as instalacións para acoller ás persoas que se vexan obrigadas a deixar Ucrania pola guerra provocada por Rusia na súa invasión do país.

As instalacións da Xunta no Carballiño xa xogaron un importante papel solidario en 1992, cando acolleron a un numeroso grupo de refuxiados bosnios que fuxían da guerra dos Balcanes. Grazas á súa estadía na Residencia do Carballiño puideron fuxir da guerra, ou mesmo de ser vítimas da mesma, e logo volver ao seu país para continuar coa súa vida e empezar de novo. Nalgúns casos mesmo decidiron optar por afincarse entre nós para desenvolver o seu proxecto vital.

O Concello carballiñés cre que no escenario actual compre dar un paso adiante para demostrar de novo a solidaridade do pobo galego coas vítimas das guerras e por iso mesmo remitirá un escrito á Xunta para que ofreza as instalacións da Residencia de Tempo Libre para acoller aos refuxiados da guerra de Ucrania.

Dende o Concello tamén se fai un chamamento á cidadanía para colaborar coa campaña de axuda urxente que puxo en marcha Cáritas Parroquial de O Carballiño para recoller materiais destinados a Ucrania.

Os materiais que se necesitan céntranse de maneira especial en tres apartados: enseres, comida e medicamentos. No primeiro apartado recóllense dende mantas a cadeiras de rodas ou muletas, ademais de roupa e produtos de limpeza e hixiene para os nenos. A comida deberá ser instantánea (non envasada en cristal), conservas, café soluble e te. E no capítulo de medicamentos necesítanse dende vendas, apósitos e auga osixenada a antibióticos e analxésicos.

Os puntos de recollida de Cáritas para entregar as doazóns solidarias con Ucrania son Cáritas Parroquial do Carballiño e o templo da Veracruz. Cáritas estará aberto de 11 a 13 horas e a igrexa da Veracruz de 18 a 20 horas.

O Carballiño celebra este domingo 6 de marzo a 27 edición da Festa da Cachucha, que se degustará tanto nos fogares carballiñeses como nos 23 restaurantes e mesóns da localidade que servirán o menú típico da festa, a base dun cocido galego con carne de cacheira e postres de entroido, como as filloas e orellas.

Dende o concello do Carballiño aconséllase reservar mesa para unha mellor organización dos hosteleiros, e tamén para non quedarse sen sitio, o concelleiro de turismo Manolo Dacal informou en COPE O Carballiño que xa este pasado xoves algunhos restaurantes xa tiñan o aforo completo para este próximo domingo e as reservas xa superaban ese dia o 60% da capacidade total dispoñible no conxunto dos restaurantes participantes.

Dacal tamén comentou que "o concello agarda que moi pronto esperamos que a festa da cachuxa obteña a declaración de interese turístico galego, de igual maneira que agardamos que tamén pronto sexa unha realidade a internacionalidade da festa do pulpo".

Animarán este domingo as rúas carballiñesas coa súa música as charangas CLK, Doctor Anchoa e Castro Bello. Ademáis, o ambiente de entroido terá continuidade pola presenza dos Liborianos, que como amantes da boa mesa tampouco queren perderse outro ano máis a festa da cachucha.

Os puntos de recollida  son o local de Cáritas Parroquial, no baixo da casa rectoral do Carballiño -Rúa Evaristo Vaamonde,3- en horario de 11:00 a !3:00 horas, e no Templo da Veracruz en horario de 18:00 a 20:00 horas.

Pídese a doazón de enseres (mantas, sacos de dormir, cueiros para nenos, toalliñas húmidas, compresas, calcetíns e gorros para mulleres e nenos, calcetíns e gorros escuros para homes, guantes de latex, muletas ou sillas de rodas). Comida instantánea non envasada en cristál, conservas, café soluble e te. Tamén medicamentos tales como apósitos, vendas de todo tipo, auga oxixenada, yodo, clorhexidina, analxésicos, antiqueimaduras, antibióticos, protectores gástricos, torniquetes ou set de curas.

O párroco de San Cibrán do Carballiño, por medio dunha carta dirixida a toda a poboación carballiñesa, fai un chamamento á colaboración con esta campaña solidaria e da conta dos detalles de organización da mesma.

Podes ler a carta do párroco Jorge Juan Pérez Gallego abrindo o arquivo adxunto:

O Concello de Maside colabora nunha iniciativa solidaria coa posta a venda de Xabons Solidarios, unha campaña que ten como destinatarios os refuxiados pola guerra en Ucrania.

A xabonería artesanal De Lú, ubicada en Maside foi a encargada xunto con voluntarios da elaboración de Xabons Naturais saponificados. Xabons como os que facían as nosas Aboas. Para a elaboración dos xabóns, doaron aceite varios restaurantes sitos no Concello de Maside : Restaurante O Barazal, Os Pitelos, A Casiña do Bardelás, Restaurante Os Amigos de Garabás.

Para o seu embalaxe contouse coa colaboración da Asociación Cultural de Mulleres Santa Agueda de Maside. Cada Xabón irá acompañado dun recetario de produtos de limpeza ecolóxicos que se poden facer coa base das pastillas dun peso de 200gramos. Estas terán un prezo en concepto de donativo de 5€.

Estarán a venda nos establecementos comerciais do Concello de Maside. A recadación irá íntegramente destinada á adquisición de mercadurías (medicamentos ou calquera produto necesario) que serán enviadas a través de transporte solidario, as familias desprazadas da dramática actual situación humanitaria.

Recordamos tamén que A Asociación Cultural A Casa Aberta puxo en marcha unha recollida de material médico e alimentos non perecedeiros e ten como punto de recollida O Colexio Vello de Maside en horario de 17.00 a 20:00 horas.

Figueiroa é un lugarciño da parroquia de Cameixa, no concello de Boborás, onde encontrarás ata o domingo 6 de marzo un xenuíno ambiente do entroido de sempre, con mecos e mecas cheos de retranca a algunhas das noticias máis parrandeiras dos últimos meses, como a historia de Manolo de Xaniño, afortunadamente rescatado despóis de pasar horas atrapado nun pilón tras unha noite de esmorga. 

O visitante que se achegue estes dias ata Figueiroa poderá repostar un grolo de licor café ou augardente na taberna ou na propia  gasolineira da zona, botar un baile na recuperada discoteca Isis Pharia, e ata un motel para recuperarse e que non haxa problemas cos controis de tráfico. Despóis de pasala noite no motel, poderán comprar algo no mercadiño da feira, con boas ofertas,  e tomarlle un viño da zona, por suposto, da adega Pazo Tizón. 

Xogo, humor, gastronomia e moita imaxinación, e todo elo saído do maxín de José Luis Sotelo "O Rubio de Cameixa" e veciños, mantendo vivo o espírito da festa do entroido no noso rural, sen dúbida, entre o máis auténtico de toda a comarca.