Xa é oficial, o club acaba de recibir a comunicación do comité de competición da RFEF que confirma que o partido de copa do próximo xoves ante o Valencia xogaráse no estadio municipal de Espiñedo.

Os socios do Arenteiro terán preferencia para retirar a súa entrada, dende hoxe venres e ata o próximo domingo dia 12 nas taquillas de Espiñedo, en horario de 17 a 20 horas e polas mañás de 10 a 13:30 horas. A partir do lúns a venda será libre, tanto para socios como público en xeral. Os prezos das entradas son 15 euros para socios e 30 euros para os non socios.

O delegado territorial da Xunta en Ourense, Gabriel Alén, visitou o concello de San Amaro, onde mantivo un encontro co seu alcalde, Fernando Redondo, para analizar e facer repaso dos grandes proxectos e necesidades que dependen da Xunta de Galicia, entre elas, a cuberta do Centro de Saúde.

Tras a reunión, o delegado territorial visitou as obras de mellora do abastecemento e do sistema de depuración que se están a desenvolver grazas ás axudas concedidas pola Consellería de Infraestruturas e Mobilidade, a través de Augas de Galicia, por importe superior aos 70.000 €. Concretamente, a Xunta concedeu ao Concello de San Amaro unha axuda de máis de 21.000 euros para a mellora do abastecemento no municipio; e outra por importe de 49.210 euros para a conexión da rede de saneamento e depuración do lugar das Viñas á rede das Casas Novas.

O Carballiño sumou 115 novos positivos nos últimos 14 dias, o que representa unha incidencia acumulada de 816 casos por cada 100.000 habitantes.

En canto a contaxios activos, O carballiño alcanza hoxe os 120 contaxios activos, un incremento que tamén afecta a outros concellos da contorna, que tamén soben o número de contaxios activos: San Cristovo de Cea ten 8 casos, Maside tamén rexistra 8 contaxios, O Irixo 4, con 3 casos -respectivamente- figuran os municipios de Beariz e Boborás, con 1 contaxio están San Amaro e Piñor, polo que o único concello comarcal que resiste sin notificar casos nesta sexta onda da pandemia é o de Punxín.

A banda ancha ultrarrápida chegará a seis dos nove concellos da comarca carballiñesa durante os dous próximos anos no marco do plan de ampliacion do Ministerio de Asuntos Económicos e Transformación Dixital para beneficiar a empresas e fogares, asi o acredita a resolución definitiva da convocatoria do Programa de Universalización de Infraestruturas Dixitais para a Cohesión ÚNICO-Banda Ancha, que forma parte do Plan de Recuperación, Transformación e Resiliencia do Goberno.

Desta maneira, os primeiros proxectos desenvolveranse nas chamadas "zonas brancas", é dicir, aquelas áreas que non dispoñen de cobertura de redes de velocidade de polo menos 30 megabits por segundo, nin plans para a súa dotación no próximos tres anos. A data límite para a súa execución é o 31 de decembro do 2023, de modo que a cobertura de banda ancha comezará aextenderse a partir do próximo ano nestes concellos con problemas de conectividade. Os plans son plurianuais, polo que as tarefas contempladas na convocatoria do 2022 poderanse executar ata o 2024 e os do 2023 ata o 2025, para chegar así á totalidade da poboación en tres anos.

Na comarca do Carballiño, son en total 132 as áreas na que Telefónica desplegará redes de banda ancha ultrarrápida, figuranda á cabeza o concello do Irixo con 46 zonas brancas, seguido de O Carballiño con 29, Beariz con 18, Boborás con 18, San Amaro con 14 e Maside con 6. Quédanse fora deste plan do goberno os concellos de San Cristovo de Cea, PIñor e Punxín, nos que non se contempla ningún tipo de actuación deste deste programa. Dentro do noso ámbito tamén se quedan fora os municipios de Avión e Cenlle, mentres que no de Leiro contemplanse 3 zonas brancas.

Nos últimos 14 dias, diagnosticaronse no Carballiño 110 positivos (cunha incidnecia acumulada a 14 dias de 780 casos por cada cen mil habitantes), mellorando o indicador da IA  da última semana, que suma 47 positivos, onte eran 56 novos casos nos últimos 7 dias.

En canto contaxios activos, O Carballiño rexistra 107. No resto de municipios temos 7 casos activos en Maside, 4 en San Cristovo de Cea, 3 no Irixo, 2 en San Amaro, Boborás, Leiro e Avión, e 1 en Piñor. Finalmente, os municipios de Beariz e Punxín continúan co marcador do coronavirus a cero.

O concello do Carballiño sigue sendo o epicentro comarcal do coronavirus nesta sexta onda da pandemia, aínda que de momento a alta incidencia que presenta O Carballiño apenas afecta aos concellos da contorna, que siguen todos eles aguantando ben esta fase expansiva, con casos illados en todos os municipios da comarca e mesmo en dous deles con nula incidencia, xa que Beariz e Punxín manteñen o contador de casos do coronavirus a cero.

Asi pois, é no concello do Carballiño onde a situación é preocupante, cunha incidencia acumulada a 14 dias que alcanza os 745 casos por 100.000 habitantes, xa que suma 105 positivos diagnosticados nos últimos 14 dias. Se nos fixamos na última semana, observamos que O Carballiño rexistrou 56 novos contaxios, según os datos publiciados pola Consellería de Sanidade.

O Arenteiro continúa facendo historia e tras eliminar ao Logroñés  na primeira ronda da Copa do Rei, agora por vez pirmeira dende a súa fundación en 1958 enfrontaráse en partido oficial a un equipo da máxima categoria do fútbol español, a un dos grandes entre os grandes, o Valencia C.F.

Será a partido único e o Arenteiro actuará como local. Unha vez ceñecido o resultado do sorteo, o presidente do club, Argimiro Marnotes, manifestou en COPE O Carballiño que "o Arenteiro vai facer todo o posible e máis para que o partido poida xogarse no estadio de Espiñedo, queremos que esa foto históricia ante o Valencia sexa en Espiñedo, que é a nosa casa, o Arenteiro é do Carballiño e queremos xogar no Carballiño", subliñou.

O partido xogaráse o xoves dia 16 deste mes de Decembro, as 7 da tarde. O equipo, que tras completar o adestramento matinal coñeceu en Espiñedo ao seu rival, recibiu o resultado do sorteo con satisfacción "estamos felices e contentos, o Valencia era un dos preferidos", dixo o capitán Daniel Portela. 

Se queres coñecer o próximo rival do Arenteiro na segunda ronda da Copa do Rei, non tes máis que sintonizar COPE O Carballiño, xa que esta emisora de radio retransmitirá en directo o sorteo que se celebra na sede da Real Federación Española de Fútbol este venres dia 3 de Decembro, desde as 12 do mediodia.

Será a primeira vez nos 63 anos de historia do club carballiñés que se enfronte en partido oficial a un equipo da máxima categoria do fútbol profesional español.

Como "un soño que hai que facer realidade", asi se referíu Manuel Amil ao proxecto de contrucción da residencia para usuarios e familiares de Aspadisi, de feito as obras xa están en marcha na mesma parcela na que se ubica o Centro Ocupacional que xestiona xa dende fai algunhos anos esta asoación no Carballiño.

Nunha comparecencia na que Amil -directivo e portavoz da Asociación de Pais e Nais de Discapacitados Psíqucos da Comarcas do Carballiño-O Ribeiro- estivo acompañado pola presidenta da asociación, Josefa Rodríguez, deron conta do estado de desenvolvemento no que se encontra este proxecto, que contempla un espazo residencial con 16 habitacións e capacidade para 32 prazas. Na actualidade, o centro acolle a 24 usuarios de diversos concellos das comarcas do Carballiño e O Ribeiro.

A construcción do edificio e posteriomente, o seu equipamento e mobiliario, ten un orzamento de 1,2 millóns de euros. A asociación ten comprometido aportacións intitucionais do Concello do Carballiño, Deputación e Xunta de Galicia, asi como de empresas privadas, que suman arredor dun millón de euros,faltarían polo tanto unhos 200.000 euros para completar o presuposto total, e aquí é onde os responsables de Aspadisi agardan a resposta solidaria da cidadanía comarcal "trátase de ser solidarios con quen máis o necesita", subliñou Amil.

Abrindo o arquivo adxunto, encontrarás a información detallada tanto da asocicaicón como deste proxecto, asi como as contas bancarias nas que podes facer unha doazón, que terá unha bonificación fiscal do 80% no IRPF, en cantidades ata 150 euros.

O concello do Carballiño continúa o incremento diario de contaxios activos e alcanza hoxe xoves os 89 casos, que son 8 máis dos que había onte no municipio carballiñés.

A situación no resto de concellos do noso ámbito continúa sendo boa, sen transmisión comunitaria e tan so con casos illados. Mesmo, Maside logra xa rebaixar o seu número de contaxios activos, resta dous casos e quédase con 6, dous menos que onte. Beariz e Punxín resisten como concellos libres de virus.