Un ano máis o Servizo Provincial de Emerxencias pon en marcha a xa tradicional campaña de recollida de alimentos no Nadal. A Agrupación de Voluntarios de Protección Civil de San Cristovo de Cea e o Concello de San Cristovo de Cea súmanse a esta iniciativa, como é habitual nos últimos anos.

Tanto o Concello como o Centro de Saúde serán punto de recollida de alimentos, así como todos aqueles supermercados, carnicerías, panaderías, etc que asi o demanden. Como é habitual tamén, dúas entregas, unha a principio e outro ao remate do nadal no Banco de Alimentos.

O Concello do Carballiño destinará unha partida de 359.743 euros ao proxecto de reforma e mellora de varias rúas dos casco urbano. Concretamente trátase das rúas Daniel Castelao, Piñor, Cea, Paraño, San Trocado, Buenos Aires e Serra Martiñá. A intervención nestas rúas forma parte dun plan integral de acondicionamento e mellora que se desenvolverá na vila e que se promove directamente dende o Concello do Carballiño.

Os proxectos para acometer estas actuacións foron redactados polo arquitecto municipal, Sergio Mascareñas Nogueiras. A actuación nestes viais está dividida en cinco capítulos, sendo os investimentos máis destacados os referidos ás pavimentacións (cun custe de 141.046 euros) e aos traballos de alcantarillado (46.293 euros).

Para preparar os espazos públicos nos que se vai a intervir desenvolveranse traballos previos que inclúen accións como o corte do pavimento, previo á demolición ou fresado; demolición de pavimentos, asfalto, baldosas e soleiras de formigón; excavacións e apertura de zanxas en terreos compactos ou en terra e outro tipo de actuacións, coa correspondente retirada e transporte de residuos a un vertedeiro autorizado.

O capítulo referido ao abastecemento de agua contará cunha partida de 19.590 euros e incluirá tubería de abastecemento de agua de PVC, de 90 e 75 mm, conexión á rede xeral, bocas de rego e acometidas para edificios e locais.

As canalizacións para o alcantarillado, pozos de rexistro e sumidoiros suporá un investimento de 46.293 euros. O apartado de pavimentación está dotado con máis de 141.000 euros e contempla a dotación de pavimento continuo de formigón, bordes prefabricados de formigón, bacheo de firme asfáltico, rega de adherencia e firme a base de aglomerado en quente. Tamén se procederá á creación de pasos de peóns sobreelevados.

A Fundación Insua do Poetas, en colaboración coa Deputación de Ourense e os concellos do Carballiño, O Irixo, Boborás e Maside celebrará este domingo, 14 de novembro, un magosto infantil e familiar no espazo natural e cultural da Esgueva,na carballiñesa parroquia de Madarnás, con acceso dende a estrada O Carballiño-O Irixo, que tamén servirá para achegar aos máis novos á lingua propia e, sobre todo, a conmemoración do 101 aniversario da publicación do primeiro número da revista Nós.

A tradicional festa do San Martiño comezará ás 16.30 da tarde e incluirá actuacións musicais a cargo do grupo Chuches Amil,o cantautor Antonio Luz e o o grupo ToKaide, así como tamén coa animación de DjTibu e atraccións infantís. No capítulo gastronómico non faltarán as típicas viandas do masgosto: castañas, chourizos ou bica. Os cativos serán agasallados con libros.

A entrada é libre e de balde, e dende a Fundacíón Insua dos Poetas convidan ás familias, sobre todo con cativos, a vivir unha tarde de domingo gozando dunha festa ancestral como é o magosto, nun entorno natural e cultural como é a Insua dos Poetas. O tempo acompañará a celebración, según os pronósticos de Meteogalicia gozarémos este domingo dun dia con sol e temperaturas outonais bastante agradables.

O presidente da Xunta, Alberto Núñez Feijóo, anunciou hoxe a reactivación de dous programas no ámbito social, Xuntos polo Nadal e Montaña en familia, que foran suspendidos en 2020 a causa da pandemia. Un destes programas, Xuntos polo Nadal desenvolveráse na Residencia de Tempo libre do Carballiño e ofertará un total de 246 prazas, do 21 de Decembro de 2021 ao 7 de Xaneiro de 2022.

Nese sentido, sinalou que para levalos a cabo os centros turísticos da Comunidade poñeranse á disposición dos colectivos que máis o necesitan, as familias de especial consideración e as persoas maiores que viven soas. No caso do programa Xuntos polo Nadal, que permite que as persoas que viven soas teñan con quen compartir esas datas tan especiais, ofrecerá este ano dúas quendas de 8 días cada unha, o que permitirá duplicar as prazas.

Outra das novidades serán a gratuidade do programa para as persoas beneficiarias e a obrigatoriedade de estar vacinados contra a covid-19. Ademais, para reforzar a seguridade realizarase un test de antíxenos á chegada ás instalacións. Sobre este punto, ademais de lembrar que esta iniciativa inclúe a manutención completa, desprazamentos ata a residencia e un amplo programa de actividades de animación e tempo libre, Feijóo tamén explicou que de superarse o número total de prazas, darase prioridade ás persoas de máis idade, ás que perdesen recentemente aos seus cónxuxes ou a persoa coa que convivisen e ás que non participasen antes no Xuntos polo Nadal. E por último, en relación ao prazo de solicitude, salientou que estará aberto ata finais de mes e se poderá realizar tanto a través da web como presencialmente.

A conselleira de Infraestruturas e Mobilidade, Ethel Vázquez e os alcaldes de Leiro e de Boborás, Francisco José Fernández e Ana Patricia Torres, respectivamente, asinaron esta mañá nas dependencias da delegación territorial da Xunta en Ourense, o convenio de colaboración para a mellora do sistema municipal de abastecemento do municipio de Leiro, cun investimento de 360.000 euros.

Mediante este acordo, impúlsase a execución das obras de renovación de tubaxe desde Pazos de Arenteiro, no municipio de Boborás, á estación de tratamento de auga potable de Leiro, co fin de resolver os frecuentes problemas de funcionamento que se producen neste treito de condución que abastece á potabilizadora e ao depósito de Leiro.

No mesmo acto, Vázquez Mourelle e a alcaldesa de Boborás selaron tamén o acordo de cooperación para executar as obras de mellora das redes de abastecemento, saneamento e pluviais neste municipio, no núcleo de Brués, que suporán un investimento de 385.000 euros.

O departamento que preside Ethel Vázquez apoiará aos concellos no desenvolvemento das súas competencias municipais cofinanciando as actuacións previstas en ambos os dous concellos no 80% do seu orzamento total.

Para as obras de mellora do sistema municipal de abastecemento do municipio de Leiro, Augas de Galicia reserva un investimento de 308.000 euros; e para as actuacións de mellora das redes municipais de abastecemento, saneamento e pluviais en Boborás a entidade hidráulica da Xunta destinará un orzamento de 308.000 euros

Pola súa banda as entidades locais achegarán o 20% restante do importe das actuacións que corresponden cos seus respectivos servizos municipais. Ademais, os concellos de Leiro e de Boborás asumen a realización das xestións pertinentes para posibilitar a execución das obras, así como a recepción, posta en servizo, mantemento, explotación.

As intervencións serán financiadas pola Unión Europea, no marco do Eixe REACT UE do Programa Operativo FEDER Galicia 2014-2020, como parte da resposta da Unión á pandemia da covid-19.

Actuacións en Leiro
O Concello de Leiro abastécese dunha captación situada no concello de Boborás, na canle de derivación do encoro de Albarellos. A auga trátase nunha estación de tratamento de auga potable existente no municipio de Leiro e distribúese a través dunha condución cunha lonxitude aproximada de algo máis de 7 quilómetros de lonxitude, dos cales máis de 4,7 se sitúan no termo municipal de Boborás e preto de 2,4 no municipio de Leiro.

Debido á antigüidade da condución que conecta a captación coa potabilizadora, son moi frecuentes as roturas, o que provoca faltas no subministro de auga á poboación.

Coas actuacións proxectadas desde Augas de Galicia, o convenio asinado hoxe permite impulsar a renovación da rede municipal mediante a substitución da tubaxe existente e a instalación de ventosas para a eliminación do aire que se acumule na rede e válvulas de baleirado nos puntos baixos, coa finalidade de garantir o abastecemento á poboación.

As obras darán servicio a unha poboación fixa de 1.568 habitantes para o ano horizonte 2045.

A intervención en Boborás
As redes municipais de abastecemento e saneamento no entorno da estrada N-541, no núcleo de Brués, teñen máis de 50 anos de antigüidade, presentando numerosas deficiencias derivadas do vencemento da súa vida útil. Isto tradúcese na existencia de fugas e perdas de auga e filtracións que derivan en ineficiencias no uso da auga.
Ademais, practicamente non existe rede de pluviais, polo que as entradas de auga de chuvia nos colectores está dificultando a depuración das augas residuais.

Mediante o convenio asinado hoxe impúlsanse as actuacións necesarias para a solución destas deficiencias, a través da renovación das redes de abastecemento, saneamento e pluviais na travesía da estrada nacional N-541.

As obras consisten na construción dun novo tramo de rede de augas pluviais e na renovación das instalacións vinculadas á auga na travesía da N-541 ao seu paso polo núcleo de Brués.

A Xunta continúa prestando o seu apoio técnico e financeiro aos concellos para que poidan prestar os servizos de saneamento e abastecemento, de competencia municipal, aos seus veciños de xeito eficiente.

O  concelleiro de Espazo Común dixo en COPE O Carballiño que "o alcalde ten unha virtude, ten unha habilidade especial para contar medias verdades, que acaban sendo a maior mentira", lamentou o tempo perdido para a posta a disposición da Xunta a parcela que se precisa para a construcción do novo Centro Integral de Saúde "levamos con esto dende novembro de 2019 e os técnicos do concello aínda esta mañá non sabían qué espazo demanda Sanidade ao concello do Carballiño".

Pachi Vázquez considera que a decisión anunciada onte nesta emisora de radio polo alcalde Fumega de trasladar á Xunta varias propostas "é unha forma de escurrilo bulto e que decidan outros de fora que nunca van vir ó medico a O Carballiño, ésta é unha decisión de vital importancia para O Carballiño do futuro que nos esixe responsablidade a todos".

En canto ás dúas posibles localizacións das que falou o alcalde, ningunha das dúas convence a Pachi Vázquez, a que menos a do actúal centro de saúde "qué facemos durante os dous ou tres anos que duren as obras, quedámons sen centro de saúde?", plantexou, "ademáis o concello perdería a gran oportunidade de facerse cun edificio ao que podería dar novos usos".

Sen descartar ningún das posibles ubicacións que poden propoñerse, Pachi Vázquez apunta dúas que non lle parecerían mal "unha parcela que ten 10.000 m2 coñecida como a do Reque, nas inmediacións da rúa Alberto Vilanova ou o solar da estación, onde están as antigas casas da Renfe".

Espazo Común anuncia que en breve organizará unha convocatoria aberta a toda a veciñanza carballiñesa para abrir un debate público sobre esta decisión e recoller a opinión da cidadanía.

A entrevista íntegra a Pachi Vázquez pódese descargar no PODCAST dispoñible nesta mesma WEB, en "Programa" do dia 10 de Novembro de 2021.

O alcalde Francisco Fumega declarou en COPE O Carballiño que é partidario de trasladar á Xunta varias propostas de posibles parcelas e que sexan os técnicos de urbanismo de Sanidade os que decidan a que mellor se adapta o proxecto de construcción do futuro Centro Integral de Saúde do Carballiño.

"De momento temos dúas opcións, a proposta do Partido Popular que é a estación de autobuses e a que facemos desde o grupo de goberno que é onde está o centro de saúde, que conta coa ventaxa de que ten xa unha superficie de 2.074 metros, que lle sairía gratis ó concello, que se completaría coa compra dos terreos da contorna para cumplir coa parcela que se solicita", explicou o rexedor municipal.

A maiores destas dúas propostas, Fumega espera que Espazo Común e BNG fagan as súas "terémos unha reunión de portavoces a finais desta semana ou principios da que ven para ver as aportacións que fan Espazo Común e BNG, e logo que escollan a ubicación máis idónea" subliñou.