O grupo municipal de Espazo Común considera que o anunciado "ofrecemento á Xunta de tres soares de particulares sen facilitar máis información, desprende un nauseabundo cheiro a cacicada". Manifestan que "Fumega ignora por completo o acordo plenario de tomar esta decisión nunha comisión municipal integrada por representantes de todos os grupos" un acordo que "baseouse na indiscutible idea de que este proxecto é esencial e vai máis alá do mandato dun goberno puntual e, polo tanto, debería levarse a termo buscando o maior consenso posible".

Asemade, dende Espazo Común, tildan o procedemento como un exemplo máis da "aberrante ausencia de transparencia do goberno municipal do Carballiño", e mesmo o cualifican como "o goberno totalitario de Francisco José Fumega".

Ante a non convocatoria da citada comisión municipal, Espazo común anuncia que trasladará varias preguntas en pleno ao rexedor municipal, ao que interrogará sobre os motivos polos que o non informa de cales son eses soares, e qué motivos están tras esta actitude, tamén por qué a única opción que se contempla é o entorno do actúal centro de saúde cando ao plantexarse que sexa un edificio de nova construcción non poden contemplarse outras alternativas e, finalmente se "ten alguén do goberno un interese persoal en que se revalorice esa zona concreta".

O delegado territorial da Xunta en Ourense, Gabriel Alén, desprazouse esta mañá ao concello de Beariz para visitar, da man do director xeral de Gandería, Agricultura e Industrias Agroalimentarias, José Balseiros, e do alcalde, Manuel Prado, o pasteiro situado no monte veciñal mancomuniado común de Penias, Pico, Rego de Couto e Lomba.

Este espazo foi acondicionado dentro do Plan de pastos da Xunta, cun investimento de 132.319 euros. A actuación desenvolveuse nun total de 16,8 hectáreas de terreo, nas que ademais de acondicionar o propio pasteiro procedeuse á colocación dunha manga de manexo de gando, á construción dun bebedoiro, un galpón, dúas unidades de paso canadense, captación e condución de auga (85 metros lineais) e peche cinexético (900 metros lineais).

Nesta visita, o delegado e o director xeral destacaron que só na primeira fase do Plan de pastos de Galicia investiuse máis dun millón de euros na provincia de Ourense, para executar seis pastos noutros tantos concellos dunhas 170 hectáreas en total. Na segunda fase, engadiron, están programados 10 pasteiros nos concellos da Veiga, Allariz, Xunqueira de Espadanedo, Lobeira, Laza, Maceda, Vilariño de Conso, O Irixo e Bande, abarcando case 530 hectáreas e un orzamento de case 1,2 millóns.

O delegado territorial da Xunta en Ourense, Gabriel Alén, desprazouse ao concello de Boborás para comprobar da man da súa alcaldesa, Patricia Torres, o final dos traballos de escavación e consolidación do Castro de Cameixa, nos que a Consellería de Cultura, Educación e Universidade investiu na edición deste ano 12.705 euros.

Gabriel Alén explicou que os traballos consistiron na limpeza e roza, baixo control arqueolóxico, da vexetación da zona de actuación e a súa contorna máis inmediata, isto é, a parcela de actuación e acceso á mesma.

Tamén se desenvolveron traballos de escavación –destacou o representante do Goberno galego- con metodoloxía arqueolóxica dunha área de aproximadamente duns 100 m2 que permitiu exhumar parte dos restos arqueolóxicos descubertos nas escavacións dos anos 40 do século pasado que posteriormente se diagnosticaron e as estruturas exhumadas foron debidamente consolidadas.

Por último tamén levaron a cabo traballos de documentación fotográfica e planimétrica da área de actuación e das diferentes fases.

O Castro de Cameixa

O Castro de Cameixa sitúase no concello ourensán de Boborás, en concreto, na parroquia de San Martiño de Cameixa, lugar de Cameixa. Trátase dun castro de obrigada referencia na bibliografía especializada debido a que foi un dos primeiros castros que se escavou con certa metodoloxía arqueolóxica (anos 40 do século XX) e que achegou datacións absolutas de C14 que permitiron reformular os distintos períodos da cultura castrexa. Presenta dous recintos amurallados e mesmo outro antecastro máis exterior pero sen defensas ben definidas. Foi escavado nos anos corenta do século pasado por Florentino López Cuevillas e Xaquín Lorenzo Fernández deixando ao descuberto parte dun tramo de muralla xunto con dúas construcións circulares e unha cuadrangular. Froito da escavación exhumáronse restos cerámicos, pétreos, orgánicos (landras e legumes carbonizadas) e metálicos que abarcan un espectro cronolóxico que iría desde o século VI A. C. ata o I ou mesmo II D. C.

Desde o ano 2018 están a levarse a cabo campañas arqueolóxicas anuais para a posta en valor do devandito xacemento: en 2018 procedeuse a seleccionar a zona de escavación partindo dos debuxos de Xaquín Lorenzo con motivo de localizar e exhumar os restos de estruturas que se rexistraron nas escavacións dos anos corenta, cuadriculando unha zona duns 100 m2. No ano 2019 procedeuse a seleccionar a zona de escavación cuadriculando unha zona duns 120 m2 (escavando unha superficie de 80 m2), e continuando coas xa escavadas no ano 2018. No ano 2020 procedeuse a cuadricular uns 80 m2 e continuouse cos restos estruturais atopados en 2019. O obxectivo era por unha banda, completar o peche da estrutura cuadrangular que se superpón á circular no sector norte e doutra banda ampliar a escavación a unha zona non escavada por X. Lorenzo co fin de definir/comprobar datos estratigráficos e de materiais necesarios para seguir avanzando na investigación deste xacemento.

O mosteiro de Santa María A Real de Oseira acolleu este sábado o acto de entrega do título a Marisa Crespo Leiro como Filla Predilecta do concello de San Cristovo de Cea, a doutora é todo un referente internacional no ámbito da insuficiencia cardíaca e do transplante de corazón.

A corporación municipal de San Cristovo de Cea aprobou no pleno celebrado en xuño de 2020 o inicio do expediente para nomear á Marisa Crespo como Filla Predilecta do Concello, “tendo en conta –sinala a acta- os valores persoais, os méritos profesionais e o recoñecemento xeral que obtivo a doutora, ligada ao concello coa súa vivenda familiar no lugar de Santrós". Unha traxectoria que para o alcalde, José Luis Valladares, “cumpre sobradamente as calidades para o seu recoñecemento pola corporación municipal”.

Marisa Crespo, que ademais de lembrar aos seus pais fixo na súa intervención “un exercicio de gratitude, que a nai de todas as virtudes, dirixe a Unidade de Insuficiencia Cardíaca e Transplante de Corazón no servizo de cardioloxía do Complexo Hospitalario Universitario da Coruña (CHUAC). Profesora titular de Medicina na Universidade da Coruña, forma parte do Comité de Educación da Sociedade Europea de Cardioloxía e ten publicados máis de 250 traballos científicos. Elixida pola revista científica Circulation como unha das mulleres líderes no mundo en transplante cardíaco, en 2020 recibiu a medalla de Ouro e Brillantes do Colexio Oficial de Médicos da Coruña, que destacou as súas calidades humanas e a súa entrega e dedicación aos pacientes, así como a súa contribución á mellora da organización da asistencia da insuficiencia cardíaca, tanto en Galicia como no resto de España.

Na súa intervención, o presidente da Deputación de Ourense, Manuel Baltar,referíuse a“un máis que merecido recoñecemento a unha traxectoria profesional de indubidable proxección mundial, pero tamén a unha muller que destaca polo seus valores persoais e a súa calidade humana”, asegurou Baltar. Tralo acto, ao que ademais do alcalde, José Luis Valladores, e membros da corporación tamén asistiron o presidente do Parlamento de Galicia, Miguel Santalices, e o delegado territorial da Xunta en Ourense, Gabriel Alén, o presidente provincial felicitou ao concello e á veciñanza de San Cristovo de Cea “por unha homenaxe que contribúe a visibilizar a enorme riqueza humana e profesional de mulleres que, ben por nacemento ou por ascendencia, levan o nome de Ourense e dos seus distintos territorios polo mundo”.

O concello do Carballiño emitíu un comunicado no que chama á cidadanía a "unha concentracion de consternación e repulsa polo grave suceso de violencia acaecido na nosa vila". A convocatoria é para este sábado dia 11 de Setembro ás once da mañá na Praza Maior.

A convocatoria chega unhas horas despóis de ir transcendendo as circustancias que rodean ao dramático suceso que mantén conmocionado a O Carballiño, e máis conforme co paso das horas se foron coñecendo os detalles do sucedido, aínda que son varios os aspéctos que deberá aclarar a investigación policial.

Permanece en estado crítico na Unidade de Cuidados Intensivos do Complexo hospitalario de Ourense a rapaza de 14 anos, veciña do Carballiño, que resultou ferida de extrema gravidade tras precipitarse á rúa dende un segundo piso dunha edificación da rúa Astureses, anteriormente foi golpeada cunha barra de ferro e presentaba unha lesión na cabeza. O agresor, outro rapaz tamén veciño do Carballiño, de 13 anos de idade, presentaba unha ferida superficial nun brazo producida por arma branca, foi él mesmo quen chamou ao 112 para comunicar o macabro suceso. 

A Fiscalía de Menores abríu un expediente para avaliar a situación persoal e familiar do rapaz e mesmo se observa algunha anomalía no seu entorno, para adoptar as medidas sobre o seu futuro inmediato, que no caso de confirmarse, pasarían por unha tutela da Xunta de Galicia e o seu ingreso nun centro de protección de menores. En ningún caso, e dada a súa idade de 13 anos, poderá ser acusado ou xulgado por causa penal.

O concello do Carballiño, a través da concellería de cultura, programou un variado "Setembro Cultural" con actividades todas elas gratuítas que se desenvolverán no transcurso das próximas semanas, e concentrando boa parte deste programa coincidindo cos tradicionais dias das Festas do Setembro.

Día 10 ás 20:00 h na Praza da Veracruz
RECREACIÓN HISTÓRICA CAMIÑO DE NÓS

Día 11 ás 20:30 h na Praza da Veracruz
CONCERTO “OUTROS PAÍSES, OUTRAS MÚSICAS”- CORO DE CÁMARA DE MÚSICA VIVA

Día 12 ás 19:00 h na Praza da Veracruz
ODAIKO “RITMO NO CAMIÑO. O LEGADO DO TIBU” ESPECTÁCULO FAMILIAR. (Cultura no Camiño)

Día 14 ás 20:00 h na Praza da Veracruz
ORQUESTA BIG BAND. GARUFA BLUE DEVILS BAND

Día 15 ás 18:00 h na Biblioteca Municipal
CARAMUXO TEATRO

Día 16 ás 19:00 h na Praza da Veracruz
GRUPO AMÉRICA DE VIGO “AMÉRICA REMENBER TOUR 2021”

Día 17 ás 19:00 h na Praza da Veracruz
LA OCA BAND “CAMIÑANTES E CANTANTES. MÚSICA GALEGA”

Día 18
XORNADA POLA IGUALDADE
- ás 10:00 h. ROTEIRO CULTURAL POLO RURAL “EMILIA PARDO BAZÁN”. ( Organiza Centro de Estudios Chamoso Lamas e o Concello do Carballiño) Saída ás 10:00 h na Praza Maior inscripción no departamento de cultura do concello do Carballiño ou a través do enderezo electrónico oixcultura@carballino.gal
-Ás 11:30 h Praza Emilia Pardo Bazán
TITERES “FANTOCHES BAJ”
-Ás 12:30 h na Praza da Veracruz
BANDA DE MÚSICA XUVENIL DE BARRO “O PAÍS DAS BANDAS”
-Ás 19:00 h na Praza da Veracruz
CORIBANTES BANDA FOLCK E ÁS PANDERETEIRAS DO DORRÓN

Día 19 ás 22:00 h na Praza da Veracruz
ACTUACIÓN MUSICAL DE FANNY COUCHEIRO, MARTA FERNÁNDEZ E VICKY RUIZ

Día 25 ás 11:00 h. Roteiro Cultural Insua dos Poetas
RECREACIÓN HISTÓRICA 1926 CAMIÑO NÓS, da Ponte Veiga á Ponte do Eixán.
Inscrición no departamento de cultura do concello do Carballiño ou a través do enderezo electrónico
oixcultura@carballino.gal

EXPOSICIÓNS
Concello... MIRADAS SOBRE EMILIA PARDO BAZÁN
Cafe Peñasco ....Inspiración 1 de A.F. O Potiños
Café Plaza ....... Inspiración 2 de A.F O Potiños
Rua Principal , edificio Ramon ......Descrenza da A.F. O Potiños
Hotel Arenterio ......Foto Forum de Santiago
Asador Veracruz .....Viaxes de Luis Baños
Pazo da Almuzara .... Poti Expo 2020
Casino do Carballiño ....Yeray e oseu deporte
Día 13 de Setembro e ata fin de mes, exposición no Asilo do Carballiño celebración do 120 aniversario da súa creación .

PROGRAMACIÓN DEPORTIVA

Día 12 ás 12:00 h Campo de Fútbol Espiñedo
ARENTEIRO CF- UNIÓN DEPORTIVA LANGREO (2ª DIVISIÓN B)

Día 14 ás 20:30 h no Pabellón Paco Chao
CARBALLIÑO FS-RIBEIRA FS

Día 15 ás 20:30 h no Campo de Fútbol da Uceira
SPORTING CARBALLIÑO-RAIO ALARICANO

Día 18 no Pabellón Paco Chao
-Ás 18:00 h no Pabellón Paco Chao
CARBALLIÑO FS-TROULA FS BENTANZOS
-Ás 9:30 h a 20:30 h no Pabellón Paco Chao
V TROFEO PATINAXE VILA DO ARENTEIRO

Día 19 ás 19:00 h na Praza da Veracruz
I CAMPIONATO DE SUMO DO CARBALLIÑO

OUTRAS ACTIVIDADES
Día 10 no Auditorio presentación programación de curtas Festival de Cans

Día 17
Ás 11:30 h procesión na honra de San Cibrao
Ás 12:30 h Misa Solemne San Cibrao 2021
Banda de gaitas Terras do Arenteiro

Día 22 ás 13:00 h na Praza de Abastos Sorteo Conéctate coa Praza de Abastos

A evidente mellora da situación epidemiolóxica leva ao concello do Carballiño a organización de diversas actividades que terán lugar durante a semana que ven, coincidindo cos dias de tradición festiva no Setembro carballiñés, cando se celebran cada ano as festas patronais de San Cibrán.

Precisamente para o que será o dia festivo de carácter local no municipio, o venres dia 17, terémos no Carballiño en sesión de tarde o espectáculo "Camiñantes e cantantes", da orquestra La Oca Band, un espectúculo pensado para o ano xacobeo, e no que a formación conta coa colaboración de Manuel Manquiña, Pepo Suevos, Eva Iglesias, Pili Pampín ou Lucía Pérez, entre outros artístas invitados que participan do repertorio que ofrece a orquestra.

Non será a única actividade para un San Cibrao aínda en tempos de pandemia, xa que o concello do Carballiño traballa contra reloxio para programar outros enventos compatibles coa seguridade ante o coronavirus. Asi, terémos outras actuacións musicais e outras máis espefícas para o público infantil, que se desenvolverán tamén nestes dias nos que O Carballiño recupera este ano o ambiente festivo das celebracións na honra do patrón.