O escritor Pablo Nogueira Campo (O Carballiño, 1987) é o gañador do XVIII Premio de literatura infantil e xuvenil "Pura e Dora Vázquez", na modalidade de narración, dotado con 1.500 euros e que convoca a Deputación de Ourense. O xurado, reunido esta mañá no Pazo Provincial, destacou da obra premiada, O clube de coleccionistas de selos (presentada baixo o pseudónimo "Catro latas"), "a súa perspectiva inclusiva e que da visibilidade á diversidade funcional entre a infancia", salientando tamén "a posta en valor do medio natural e a necesidade do seu coidado, así coma a figura do avó e as relacións interxeracionais".

O xurado sinala a grande calidade das obras presentadas, destacando do traballo de Nogueira que se trata dunha obra "cunha escrita moi coidada, na que emprega moitas referencias a personaxes históricos e literarios, o que promove a posibilidade de diversificar os itinerarios lectores e o fomento da lectura. Elo converte á obra nun bo recurso literario para mestres e o seu traballo na aula". O xurado, presidido por Patricia Torres, deputada de Cultura da Deputación de Ourense, estivo formado por David Canda, Antón Alonso, Xosé Antón Dorrio, Isabel Mociño, e Ana Malingre (secretaria).

Pablo Nogueira estudou Maxisterio na Universidade de Santiago e actualmente é mestre de Audición e Linguaxe no ensino público. É licenciado en Psicopedagoxía pola USC e posúe un mestrado en Investigación en educación, Diversidade cultural e Desenvolvemento comunitario" na mesma universidade. Publicou dúas novelas curtas para o público adulto: Banda Sonora Orixinal (Fervenza, 2019), obra ganadora do IV certame Balbino de relatos, e Música para os días de inverno (Laiovento, 2020).

O Consello da Xunta de Galicia, celebrado este 29 de xullo, autoriza a firma do convenio entre a Axencia de Turismo de Galicia e o Concello de Boborás por un valor de 180.000 euros para a humanización do núcleo singular de Astureses.

O concello de Boborás "agradece a Xunta de Galicia, e concretamente ao Vicepresidente primeiro e conselleiro de Turismo, Alfonso Rueda, e a Directora da Axencia de Turismo de Galicia pola súa colaboración, sensibilidade, compromiso e por este convenio que sen dúbida transformará o entorno e núcleo singular de Astureses, cunha igrexa a románica a de San Xulián que conforma un dos templos do románicos máis relevantes de Galicia".

A actuación consistirá no levatamento do pavimento actual, a canalización das pluviais e a instalacións dos elementos para o posterior soterramento do cableado aéreo e logo a pavimentación con adoquín de taco de granito combinado en algunhas zonas con hormigón raiado, embecelendo se cabe ainda máis este conxunto de interese patrimonial.

Unha vez asinado o convenio, será o concello o encargado da licitación desta obra.

A alcaldesa Patrica Torres recorda que "con está xa son varias as obras de humanización que levará a cabo o grupo de goberno nos dous anos de mandato, a primeira e xa rematada a do núcleo de Boborás, e xa anunciadas e pendentes de licitación a de Xurenzás e A Vila. O Concello xa traballa para conseguir a financiación como é o caso de Moldes, e prepara proxectos para outras zonas de interese do municipio que se irán anunciando proximamente".

A comisión de motivos da ONCE volve seleccionar á festa gastronómica carballiñesa para dedicarlle un cupón, que será o do próximo xoves dia 5 de Agosto.

O cupón foi presentado no salón de actos do concello carballiñés no transcurso dun acto no que o alcalde Francisco Fumega agradeceu á ONCE esta dedicatoria, polo que supón de gran promoción da Festa do Pulpo por toda a xeografía española.

Os datos dos últimos dias indican que a quinta onda da pandemia está chegando ou xa chegou ao seu pico de contaxios, asi se pon de manifesto no Carballiño que rexistra hoxe 128 casos activos, 3 menos que onte. 

Tamén descenden hoxe os contaxios activos noutros concellos: Avión (-2) (35) Leiro (-2) (6) Cea (-1) (5) e San Amaro (-1) (2)

Os únicos municipios que hoxe incrementan o número de persoas con infección activa son Boborás (+1) (24) e Beariz (+1) (11)

Repetimos datos en Maside (13) Piñor (5) O Irixo (4) e Punxín (1)

O pasado día 12 de xullo, o Instituto Galego da Vivenda e Solo (en adiante IGVS) solicitou na Dirección Xeral de Calidade Ambiental, Sostibilidade e Cambio Climático o inicio do procedemento de avaliación ambiental estratéxica ordinaria da modificación da "Modificación puntual núm. 2 do Plan sectorial de ordenación de áreas empresariais de Galicia", previsto na Lei 21/2013, do 9 de decembro, de avaliación ambiental, que a Lei 1/2021, do 8 de xaneiro, de ordenación do territorio de Galicia, integra no procedemento de aprobación dos instrumentos de ordenación do territorio.

Antes de emitir o documento de alcance do estudo ambiental estratéxico, o órgano ambiental debe consultar ás administracións públicas afectadas.

En data 15 de xullo recibiuse no Concello do Carballiño e no Concello de Maside un escrito do Servizo de Avaliación Ambiental de Plans e Programas no que se solicita que se lles dea traslado das observacións e suxestións que, no ámbito das competencias de ámbolos dous concellos, se estimen convenientes aos documentos achegados polo IGVS dos que consta a modificación do referido plan sectorial: un documento inicial estratéxico e un borrador da proposta.

Os dous Concellos deberán pronunciarse no prazo máximo de trinta días hábiles. O prazo para esta consulta estará aberto, polo tanto, ata o día 25 de agosto.

Na "Modificación puntual núm. 2 do Plan sectorial de ordenación de áreas empresariais de Galicia" recóllense 17 alternativas de delimitación das Áreas Empresariais de Galicia.

A alternativa núm. 9, que ten como nome da Área: "PARQUE EMPRESARIAL DE O CARBALLIÑO – MASIDE", ten como código da Área: 32019013 e ten como promotor: IGVS / XESTUR GALICIA, S.A. responde ao obxectivo de ampliar o Parque Empresarial do Carballiño, afectando ao Concello de Maside.

A xestora tamén será o IGVS / XESTUR GALICIA, S.A. e a superficie da área pasarás a ocupar 1.234.810 m2.

As grandes afeccións que presenta a área empresarial son sobre unha liña de subministración de enerxía eléctrica de 132 kV, sobre a liña de ferrocarril de alta velocidade, sobre a estrada autonómica OU-504 e sobre o regato do Varón, deixando neste caso unha banda de protección de zona verde en virtude do resultado do estudo detallado de inundabilidade e do medio natural asociado.

O acceso ao futuro parque empresarial realizarase dende a glorieta sur do enlace da OU-504 e respectando a liña límite de edificación mediante a cualificación de sistema xeral viario dos terreos comprendidos entre o dominio público da estrada e dita liña.

O planeamento urbanístico vixente no Concello do Carballiño é un PXOM 11.03.1999 (DOG 07.04.1999) e o vixente no Concello de Maside son unhas NNSSPP 29.10.1985 (BOP 03.03.1988).

Os concellos de O Carballiño e Maside constitúen unha unidade territorial localizada no noroeste da provincia de Ourense; concretamente na comarca de O Carballiño. Esta comarca atópase no ámbito de influencia da área urbana de Ourense, xa nas proximidades do dominio do Ribeiro. O eixo de conexión Santiago-Ourense, ten aberto novas lóxicas e funcións neste espazo, que ocupa unha ampla extensión da Galicia central e sur, na transición entre as provincias de Ourense e Pontevedra.

Curiosamente esta unidade territorial posuía a mesma poboación en 1981 que na actualidade, aínda que os comportamentos de cada un dos dous concellos que a compoñen, foron totalmente opostos. Conta, no ano 2020, con 16.798 habitantes por 16.199 a principios dos anos 1980. No momento actual, O Carballiño achega 14.089 persoas polas 2.709 de Maside. Este reparto hai corenta anos era máis equilibrado pero as dinámicas socioeconómicas fixeron que Maside perdese case o 50% da súa poboación e O Carballiño gañase case un 30%, evolucionando positivamente dende os 11.039 habitantes que rexistrou en 1981. O grande momento de evolución positiva e negativa de ambos os dous concellos prodúcese ata o censo do 2011, momento no que se observa un estancamento da poboación.

No documento das Directrices de Ordenación do Territorio, O Carballiño aparece como unha cabeceira do sistema urbano intermedio, como núcleo central da súa comarca e pola existencia nesta vila de diferentes dotacións e servizos administrativos aos que acude a poboación dun extenso número de asentamentos.

As mesmas directrices sinalan que cómpre manter na comarca as incipientes industrias que crearon emprego, como as ligadas á construción ou ao sector madeireiro. Ademais, este feito debe combinarse co reforzo de ámbitos produtivos xa asentados e que contan con estándares de calidade, como é o caso do termalismo, e, en parte, do viño, posto que algunhas zonas quedan incluídas nas áreas de influencia do microclima característico das terras do Ribeiro.

Ao Carballiño identifícaselle unha capacidade de articular e modular os fluxos dos sistemas urbanos da franxa atlántica de Galicia con Ourense, grazas ao factor de oportunidade que supón a posta en servizo da totalidade da autovía entre Santiago e Ourense e a nova vía de acceso á vila. Os factores de desenvolvemento anteriores gañan enteiros a medida que o espazo ten adquirido centralidade coas novas infraestruturas de comunicación.

En canto á paisaxe e patrimonio natural, o ámbito de estudo atópase encadrade na grande área paisaxística da Galicia Central.

Se analizamos a situación actual e a problemática das áreas empresariais de Carballiño, O Carballiño conta cun parque empresarial consolidado situado ao surleste do seu núcleo urbano capital e ao carón da estrada autonómica OU-504.

O PSOAEG recoñeceu tres áreas en funcionamento:
• 32019011 P.E. de O Carballiño. Fase I
• 32019012 P.E. de O Carballiño. Fase II
• 32019021 P.I. de A Uceira

As fases I e II do P.E. de O Carballiño, no seu estremo sur-leste, abranguen terreos que pertencen ao Concello de Maside.

Os Concellos do Carballiño e Maside expresaron ao IGVS a necesidade de ampliar o actual parque empresarial en consideración ao seu estado consolidado e á necesidade de dar resposta á demanda de solo industrial na Comarca do Carballiño.

Asumida a idea da necesidade de ampliar a oferta de solo empresarial en Carballiño e Maside, debido á existencia de demanda e ao esgotamento do actual parque, como puntos ou condicións de partida, podemos enumerar as seguintes:
• A ampliación debe ser tal, entendida como solución de continuidade do actual P.E.
• Resolverá con acerto as dificultades que derivan da inserción na trama urbana de uso industrial e residencial de Carballiño
• Situarase en proximidade aos principais nodos de comunicación, ben na nacional N-541 ou ben na autonómica OU-504.
• Terá en consideración os límites físicos recoñecidos no núcleo urbano residencial de Carballiño e na traza da liña do AVE ao norte.

Como solución inicial ou proposta (Alternativa 1) delimítanse dous polígonos descontinuos. Un deles situado no Carballiño, de 231.485 m2 de superficie, ao oeste do Polígono industrial de A Uceira, dando continuidade ao urdido urbano industrial, mais, sen ocupar terreos que afecten a áreas edificadas. Abrangue terreos clasificados de rústicos e de solo urbano residencial, estes últimos, en pequena proporción, e que deberán cambiar a cualificación cara a usos terciarios.

Por outra banda, proponse unha segunda bolsa de solo de 1.003.325 m2 de superficie no termo municipal de Maside, á outra banda da estrada autonómica OU-504. Esta nova área acomódase entre os límites desta estrada, a vía do ferrocarril (AVE) e a estrada municipal que une a zona industrial do Carballiño coa estrada nacional N-541, ata a súa aproximación ao núcleo de Dacón. Abrangue terreos de natureza forestal e incorpora dous enclaves industriais existentes. A topografía resulta favorable na meirande parte do ámbito.

Como alternativa á proposta (Alternativa 2), e que resultou rexeitada, delimitouse un único polígono, de 514.886 m2 de superficie, no municipio do Carballiño. Neste caso, ocupábanse os terreos situados entre o P.I. de A Uceira e o eixo definido pola liña do FF.CC. e a estrada nacional N-541. No linde noroeste, a delimitación acomodábase ao corredor verde asociado a unha liña de escorrenta que tributa augas abaixo no Regato de Varón. No linde sudeste, facía de límite un conxunto de cuarteiróns residenciais. Nesta opción, ocupábanse terreos con vexetación autóctona e onde existen vivendas unifamiliares illadas que terían que desaparecer.

Nas fichas actuais de viabilidade, da totalidade dos Parques Empresariais que se modifican no referido plan sectorial autonómico, resultou acadar un 80 sobre 100 de viabilidade.

O esgotamento do solo empresarial no Carballiño e a existencia de demanda de solo motivan a ampliación do actual P.E. do Carballiño.

A existencia de condicionantes físicos e urbanísticos motiva que a proposta de ampliación sexa descontinua. Por unha banda, proponse unha bolsa de solo de 231.485 m2 de superficie ao oeste do Polígono industrial de A Uceira, dentro do termo municipal do Carballiño, que se acomoda entre os límites do solo urbano do Carballiño dando continuidade ao urdido urbano. Abrangue terreos rústicos e unha porción de solo urbano residencial que deberá cambiar a cualificación cara a usos terciarios.

Por outra banda, proponse unha segunda bolsa de solo de 1.003.325 m2 de superficie no termo municipal de Maside, a outra banda da estrada autonómica OU-504. Esta nova área acomódase entre os límites desta estrada, a vía do ferrocarril e a estrada municipal que une a zona industrial do Carballiño coa estrada nacional N-541, ata a súa aproximación ao núcleo de Dacón. Abrangue terreos de natureza forestal e incorpora dous enclaves industriais existentes. A topografía resulta favorable, con pendentes practicamente chans.

Nota: Esta información foi facilitada por Óscar Gonfer, arquitécto e técnico municipal do concello de Maside.

Tras varias semanas de incremento diario no número de contaxios activos, O Carballño consigue un primeiro descenso, xa que na útlima actuliazación de datos de Sanidade notifícanse 130 casos de coronavirus no municipio carballiñés, 4 menos que o dia anterior.

Tamén resta 1 caso Avión, que se queda con 31 e Maside, que ten 13 contaxios activos, e tamén ten un caso menos Beariz, que se queda con 12. O Irixo pasa de 5 contaxios de onte aos 4 de hoxe.

 Pola súa parte, Boborás manténse cos mesmo contaxios activos que xa tiña, 22. Tamén repiten datos Leiro (8) Cea (6) Piñor (5) San Amaro (3) e Punxín (1)

A Xunta de Galicia lembra á cidadanía que as persoas identificadas como contacto estreito non precisan recorrer aos servizos de atención primaria, agás no caso de presentar síntomas.

Neste mesma liña, o Executivo galego reforza con 250 profesionais á Central de Seguimento de Contactos, co ánimo de garantir unha óptima atención ás persoas corentenadas por mor do coronavirus, ao tempo que, evita unha sobrecarga de traballo ao persoal de atención primaria.

Os servizos dependentes do departamento de Saúde Pública, como son as xefaturas territoriais ou a Central de Seguimento de Contactos, informan de que estarán exentas de gardar corentena aquelas persoas que, malia ser consideradas contacto estreito, estean vacinadas con pauta completa na data do último contacto coa persoa contaxiada; así como aquelas persoas asintomáticas que pasaran a enfermidade -confirmada mediante proba diagnóstica- nos seis meses previos á última xuntanza co caso positivo.

Con todo, en ambos os dous casos, existen tres excepcións que si obrigarían a estes contactos estreitos a gardar corentena. Nomeadamente, no caso de tratarse de persoas inmunodeprimidas, se existe a sospeita de que o contaxio se debe a unha variante especial do virus -beta e gamma-, ou ben, se o contaxio procede dun visón.

Os protocolos sanitarios determinan que os servizos dependentes de Saúde Pública son os encargados de identificar, entrevistar, declarar ou non a corentena, facer o seguimento e solicitar as probas diagnósticas destas persoas.

De acordo con estes documentos, considéranse contactos estreitos aquelas persoas que compartiran espazo cunha persoa infectada por coronavirus, cunha distancia interpersoal inferior aos 2 metros e durante un período de tempo superior aos 15 minutos. Ademais, tamén se considera contacto estreito ás persoas que, proporcionando coidados a un caso covid-19, estivesen en contacto cos seus fluídos.
Seguimento dos contactos estreitos exentos de corentena

Aquelas persoas que sexan identificadas por Saúde Pública como contacto estreito, e sempre e cando o departamento sanitario non lle indique a obrigatoriedade da corentena, permanecerán baixo vixilancia. Deste xeito, Saúde Pública encargarase de citalas para a realización de probas diagnósticas nas seguintes datas á súa identificación.

Cómpre subliñar que estas probas PCR serán solicitadas por Saúde Pública dun xeito automático, polo que non é preciso nin chamar nin acudir aos centros de atención primaria para concertalas.

Os contactos estreitos exentos de gardar corentena deberán seguir as instrucións xerais de prevención e control: evitar lugares e eventos concorridos, o contacto coas persoas máis vulnerables á enfermidade, estar localizable, realizar as probas PCR que lle indique Saúde Pública, manter a distancia de seguridade e usar sempre a máscara.

Se por calquera motivo, as persoas exentas de illarse non poideran respectar as medidas de prevención e control, estas deberán gardar a correspondente corentena.
Seguimento dos contactos estreitos con obrigatoriedade de corentena

Pola súa banda, os contactos estreitos aos que Saúde Pública determine a obriga de gardar corentena, contarán cun seguimento diario, ben por vía telefónica, ou ben, mediante a plataforma Telea. Sanidade remarca que será este departamento sanitario quen contacte directamente con estas persoas.

Ás persoas con obriga de gardar corentena, Saúde Pública solicitaralle unha PCR aos 5 e aos 10 días do seu último contacto coa persoa contaxiada. Así, o resultado destas probas diagnósticas será comunicado por SMS. Neste senso, se a proba realizada no décimo día obtén un resultado negativo, remataría a corentena; pola contra, se o resultado dalgunhas desta probas é positivo, o contacto pasará a considerarse caso confirmado, polo que recibirá unha nova chamada de persoal médico, no que se lle indicará como debe proceder en cada momento, e como se implementará o seguimento de corentena.

O Carballiño continúa aínda á alza nesta quinta onda da pandemia, e alcanza hoxe domingo os 134 contaxios activos, son 4 máis que o dia anterior. Tamén volve incrementar o número de persoas con infección activa Boborás, 22, que son 3 máis que onte.

Maside tamén sobe 2 casos, e stitúase con 14. O concello de Avión rexistra hoxe 1 caso máis que onte e volve aos 32 contaxios activos. San Amaro notifica hoxe un caso máis que onte, polo que son 3 os contaxios activos neste municipio

Non se observan variacións no resto de municipios según a actualización de hoxe domingo dia 25 de Xullo, polo que o mapa municipal  do coronavirus no noso ámbito queda asi: Beariz (13) Leiro (8) Cea (6) O Irixo (5) PIñor (5) Punxín (1)