O Irixo rexistra unha incidencia acumulada a 14 dias que sobe ata os 633 casos por cada 100.000 habitantes, o que o convirte en concello candidato a un novo endurecemento de restricións, hoxe venres entrou en nivel alto, pero cos últimos datos todo indica que pasará a nivel máximo de restricións, o que implicará o peche perimetral do concello e a hostelería pechada. Son 9 novos positivos diagnosticados no Irixo neste intervalo de tempo, na IA a 14 dias. Ademáis, preocupa o dato do cribado do pasado mércores, no que se detectaron 4 asintomáticos entre as 389 persoas que participaron na mostraxe.

O Carballiño mellora hoxe o dato da incidencia acumulada a 14 dias, que baixa ata os 99 casos por cada 100.000 habitantes, con 17 contaxios activos. Maside resta un caso activo e quédase con 4. Boborás, Leiro e Cea teñen 1, e Avión ningún.

A tromba de auga caída na tarde deste Xoves Santo no Carballiño asolagou algunas rúas do casco urbano, pero a maior incidencia afectou á Avenida de Compostela, na zona de confluencia coa rúa Piñor, onde asolagou baixos e sotos de edificios e vivendas. Varios propietarios afectados dirixirónse a esta emisora de radio para mostrar a súa indignación por un problema que, aseguran, é recurrente e arrastran dende fai 13 anos.

"Xa pasaron tres alcaldes e seguimos igual, levamos asi dende que se fixo a mal chamada reforma desta rúa, cada vez que chove algo forte repítese o problema, temos sufrido danos importantes e ata a avería do ascensor, os garaxes e os sotos énchensenos de auga, estamos fartos desta situación, estamos cansos de denunciálo no concello, pero seguimos igual, ata a próxima", son algunhas das manifestacións da veciñanza da zona.

A inundación na tarde deste xoves tamén provocou incidencias para o tráfico tanto na Avenida de Compostela como na rúa Piñor, a zona quedou intransitable por máis de dúas horas. Policia Local e Garda Civil desplazaron tres patrullas á zona afectada para desviar a circulación de vehiculos por rúas alternativas. Tamén se mobilizaron efectivos de bombeiros e do Grupo Municipal de Emerxencias do concello do Carballiño

A área de turismo do Concello do Carballiño abre a oficina de turismo co fin de atender as necesidades e dar a información necesaria aos turistas que se acheguen ata a vila, dende este xoves festivo ata o domingo, cun horario de 10 a 14h e de 16 a 19h. Tamén estará aberto para veciños e visitantes o museo “Muíño do Anxo”, sito no Parque etnográfico Do Carballiño, en horario de 9 a 14h e de 16 a 21h. Tamén, dende a área de turismo, o concelleiro Manuel Dacal, recorda que as pallozas municipais están abertas ao público e tiveron unha alta demanda nestes días.

A Semana Santa, nos últimos anos, consolidouse como unha data que congregaba a moitos visitantes no Carballiño, sendo un lugar de referencia a nivel galego. Dende o Concello do Carballiño apuntan que nestes días segue a chegar xente ao Carballiño aínda que con menor intensidade que os últimos anos. Ademáis, a Cofradía da Veracruz viuse obrigada a suspender as actividades previstas para este ano debido á pandemia . Asemade, Concello e Cofradía, agardan que o ano que vén a Semana Santa poda transcurrir con total normalidade e se revirta a actual situación.

O cribado realizado na tarde de onte no Irixo e no participaron 389 persoas do total das 500 que estaban citadas, servíu para detectar 4 casos positivos. Desta maneira, os contaxios activos son 9 neste municipio, no que a incidencia acumulada a 14 dias dispárase ata os 633 casos por 100.000 habitantes, de manterse esta incidencia siñificaría o peche perimetral do concello na próxima revisión do comité clínico, pasando ao nivel máximo de restricións.

O Carballiño mantén 18 contaxios activos, aínda que mellora un chisco no indicador da incidencia acumulada a 14 dias, que baixa hoxe ata os 127 casos por 100.000 habitantes. 

Maside continúa con 4 contaxios activos, Boborás e Cea con 1, e libres de virus o resto dos concellos da comarca carballiñesa. No Ribeiro, Beade sigue á cabeza con 7 contaxios activos, Leiro ten 1 caso, e Avión ningún.

Ao cribado convocado polo Sergas no polideportivo municipal acudiron 389 persoas do total das 500 que foron citadas a participar, o que representa unha participación do 77,7%, a máis alta entre os seis cribados -incluido éste- que se levaron a cabo na comarca. Os resultados coñeceránse nas próximas horas.

Nos últimos dias diagnosticáronse 5 positivos neste municipio, 4 deles vinculados a un mesmo foco familiar, o que levou ao comité clínico a elevar o nivel de restricións no concello do Irixo, que este venres dia 2 de Abril pasará a nivel alto, o que implicará que a hostalaría so pode atender en terraza cunha ocupación do 50%.

Un dos problemas ambientais primordiais ao que se enfronta a nosa sociedade na actualidade é a loita contra o cambio climático. Aínda que este preséntase como un fenómeno de dimensións globais que debe ser abordado no ámbito internacional, o feito é que a súa solución pasa, necesariamente, polo traballo conxunto de todos os sectores da sociedade, incluídos os diferentes niveis administrativos e, dentro destes, mención especial merece o labor dos concellos pola súa proximidade e relación directa cos cidadáns.

A Comisión Europea puxo en marcha en 2008 o Pacto dos Alcaldes (Covenant of Mayors), unha iniciativa aberta a todas as cidades e concellos en Europa co obxectivo de involucrar ás autoridades locais e aos cidadáns no desenvolvemento e a aplicación da política enerxética da Unión Europea. A partir do éxito do Pacto dos Alcaldes, en 2014 lanzouse a iniciativa Mayors´ Adapt, baseada no mesmo modelo de gestión pública, mediante a que se convidaba ás cidades para asumir compromisos políticos e tomar medidas para anticiparse para os efectos inevitables do cambio climático.

O 15 de outubro de 2015, a Comisión Europea lanzou o Pacto dos Alcaldes para o Clima e a Enerxía (Covenant of Mayors for Climate & Energy), o maior movemento mundial de autoridades para loitar contra o cambio climático, fusionando as iniciativas anteriores. Esta nova ferramenta pretende reunir aos alcaldes das cidades europeas nunha rede permanente de intercambio de información para a aplicación de boas prácticas: mellorar a eficiencia enerxética no ámbito urbano, conseguir unha redución das emisións de CO2 no ámbito territorial local e aumentar a resiliencia fronte ao cambio climático.

O Pacto dos Alcaldes para o Clima e a Enerxía consiste no compromiso dos concellos signatarios de facer propios os obxectivos da Unión Europea para o ano 2030 e reducir as emisións de CO2 no seu territorio en, polo menos, o 40% a través de medidas de eficiencia enerxética e dun maior uso de fontes de enerxía renovable, traballando á súa vez na implantación de medidas de adaptación ao cambio climático e aumento da resiliencia fronte a este, así como un aumento da cooperación coas autoridades locais e rexionais similares na Unión Europea e fóra dela para mellorar o acceso á enerxía segura, sostible e alcanzable.

Para alcanzar estes obxectivos, os concellos adheridos ao Pacto comprométense a redactar un Plan de Acción para o Clima e a Enerxía Sostible (PACES), nun prazo máximo de dous anos desde a data de adhesión que mostre a situación de partida fronte aos compromisos municipais fronte ao clima, recolla e programe as accións necesarias para o cumprimento dos obxectivos do Pacto e permita dar conta do cumprimento do Pacto á Oficina do Pacto das Alcaldías, a través da presentación de inventarios de seguimento cada dous anos, unha vez aprobado o PACES. O PACES inclúe un Inventario de Emisións de Referencia (IER) e unha avaliación de riscos e vulnerabilidades ante o cambio climático. Ademais, cada dous anos deberase presentar un informe de seguimento do PACES.
O Pacto, está coordinado en Galicia pola Xunta, a través da Consellería de Medio Ambiente, Territorio e Vivenda que, segundo o establecido no Decreto 42/2019, do 28 de marzo, polo que se establece a súa estrutura orgánica, é o órgano da Administración da Comunidade Autónoma ao que corresponden, entre outras, as competencias e funcións en materia de ambiente, conforme ao establecido no Estatuto de autonomía para Galicia nos termos sinalados na Constitución española. E, segundo se sinala no citado decreto, será a Dirección Xeral de Calidade Ambiental e Cambio Climático a que exerza as competencias e funcións en materia de avaliación e control da incidencia que sobre o ambiente provoque a actividade humana.

O CASO SUPRAMUNICIPAL MASIDE - O CARBALLIÑO

Os Plenos dos Concellos do Carballiño e Maside aprobaron a súa adhesión ao Pacto de Alcaldes polo Clima e a Enerxía, asumindo así os compromisos da Unión Europea en materia de clima e enerxía para o ano 2030 e que formalizou co seu rexistro na web da Oficina do Pacto da Unión Europea (www.pactodelosalcaldes.eu).

Coa adhesión ao Pacto, ámbolos dous Concellos contribúen á consecución da Axenda 2030, un chamamento universal desenvolto polas Nacións Unidas para alcanzar un mundo máis xusto e sostible. Esta folla de roteiro concrétase en 17 Obxectivos de Desenvolvemento Sostible (ODS), e mediante esta iniciativa póñense en práctica de modo máis directo o ODS 13 (Acción polo Clima) e o ODS 17 (Alianzas para alcanzar os ODS).

Unha vez aprobada a adhesión ao Pacto, o día 12 de xuño de 2020, os concellos de Maside e do Carballiño asinaron un convenio, único no contexto autonómico, para formar unha agrupación de entidades locais co fin de colaborar na elaboración conxunta dos seus respectivos PACES que garante o cumprimento dos seus obxectivos no ano 2030.

Unha vez redactado, cada PACES foi aprobado polo respectivo Pleno da corporación municipal e correctamente rexistrado, telematicamente, no sitio web da Oficina do Pacto da Unión Europea, segundo os procedementos establecidos pola propia Oficina.

As dúas entidades responsables comprométense tamén á elaboración, cada dous anos, dun informe de seguimento (o denominado «informe de acción») sobre a implantación do PACES.

Está prevista unha presentación pública dos PACES á veciñanza e aos empresarios dos municipios que terá lugar previsiblemente no auditorio municipal Manuel María do Carballiño nunha data que está pendente da evolución da pandemia da COVID.

A modo de resumo, coa súa adhesión ao Pacto dos Alcaldes, os dous concellos integran a loita contra o cambio climático como unha das variables que deben ter presente nas súas políticas, tanto desde o punto de vista de redución de gases de efecto invernadoiro como da necesaria adaptación ás consecuencias derivadas do quecemento global que está a sufrir o noso planeta. A realización dun Plan de Acción polo Clima e a Enerxía Sostible (PACES) é un dos compromisos adquiridos polos concellos asinantes do citado Pacto. O PACES incluirá medidas para o freo do cambio climático, consistentes na redución de consumos enerxéticos e a substitución de enerxías fósiles por renovables, reducindo así a pegada de carbono de ámbolos dous municipios.

O concello do Irixo pasará este próximo venres dia 2 de Abril a nivel alto de restricións, con tan so 5 casos de coronavirus localizados no mesmo foco familiar. O novo nivel de restricións obrigará á hosteleria a atender so en terraza cun aforo do 50%, aínda que conserva a liberdade de movemento, non hai peche perimetral do concello neste nivel. 

Este mércores, dia 31 de Marzo o Sergas convoca un cribado selectivo a 500 persoas maiores de 18 anos residentes no concello do Irixo, están citadas entre as 15 e as 19 horas para acudir ao pavillón de deportes da localidade.

Maside, con tan so 4 contaxios activos, abandonará o venres o nivel alto de restricións e pasará o nivel máis baixo, o chamado medio-baixo. A hostelería poderá atender en interiores ao 50% e ao 75% en exteriores.

Sen cámbios no resto de municipios, O Carballiño continúa en nivel medio de restricións, con 18 contaxios activos, 3 máis que onte, e cunha incidencia acumulada a 14 dias que está nos 127 casos por cada 100.000 habitantes.

Boborás mantén 1 contaxio activo, tamén Leiro ten un caso activo, e os demáis concellos continúan libres de virus.