O CPI Terras de Maside ven de ser recoñecido cun premio a nivel galego na "II edición dos premios Xardín Galego" pola intervención feita no centro, para converter un patio interior nun xardín oriental, un espazo que viña sendo utilizado como a papeleira do colexio.

O proxecto premiado foi deseñado e realizado por Rosa Arícia Rodríguez. A ambientación das paredes ata o segundo piso foi obra dos deseñadores Iván e Carlos de Anphilocos S.C.

Os premios Xardín Galego son un galardón posto en marcha pola Asociación de Cultivos do Baixo Miño (acuBam) e a Asociación Galega de Empresa de Xardinería (Agaexar) para recoñecer e difundir actuacións exemplares en traballos de xardinería pública e privada realizados por empresas e autónomos de Galicia, dignificando e promocionando o sector da xardinería en Galicia.

Para máis información
https://www.agaexar.gal/ii-edicion-dos-premios-xardin-galego/

As interaciones sociais quedan limitadas a conviventes en toda Galicia, salvo tarefas como o traballo ou o coidado dos maiores ou menores. O obxectivo é que non se reunan as persoas que non viven xuntas.

Todos os concellos quedan con mobilidade restrinxida, salvo causa xustificada non se poderá sair do noso municipio de residencia. O toque de queda mantense o máximo, ás 22 horas.

O comercio non esencial deberá pechar as 18 horas. Pechará toda a hostalería,tan so poderá manter o servizo de comida para levar á casa Pechan todos os ximnasios e a actividade deportiva tan so será permitida de forma individual e ao aire libre, a máscara será obrigatorio tamén para correr nas rúas.

As medidas entran en vigor ás 00:00 deste mércores dia 27 de Xaneiro e estarán vixentes, inicialmente ata o dia 17 de Febreiro.

Continúa o paulatino incremento de contaxios activos de coronavirus no Carballiño, que ten hoxe un caso máis que onte e alcanza os 73. Tamén suman novos contaxios, un máis en cada municipio, os de San Amaro, Piñor e O Irixo, que rexistran dous casos, respectivamente.

Sen variacións no resto de municipios, que continúan hoxe cos mesmos contaxios da fin de semana: Maside (13) Boborás (13) San Cristovo de Cea (7) Beariz (2) Punxín (2)

O equipo dirixido por Fran Justo consolídase como líder do seu grupo na terceira división trala victoria ante o Choco no partido xogado no exilio de Barbantes-Estación, o Arenteiro é ademáis o único equipo invicto no que vai de tempada en todo o fútbol galego de Segunda B e Terceira, e mesmo incluída a pretempada, aínda ningún equipo conseguíu gañar aos verdes.

Era este partido ante o Choco moi complicado, non so pola entidade do rival ao que os carballiñeses aínda non conseguiran gañar dende o seu regreso á terceira división, senón que desta vez engadíase a dificultade de facélo despóis de máis dun mes sen competir, primeiro polo parón de nadal e despóis polo parón motivado polo coronavirus, con apenas catro sesións de adestramento esta semana. Aínda asi, o Arenteiro conseguíu superar o partido con nota e sumar 3 importantes puntos que o sitúan como líder en solitario nesta xornada 14, e tendo aínda  pendientes os encontros adiados correspondentes ás xornadas 12 e 13.

O partido púxose moi ben para o Arenteiro aos 9 minutos cando unha avanzada de Victor Eimil pola súa banda propiciou que o xogador chairego enviase un medido centro ao sgundo pau onde Sylla, libre de marcaxe, so tivo que empurrar o balón ao fondo da portería choqueira. Foi suficiente para gañar o partido, aínda que o Choco puxo empeño en lograr o empate e algunha ocasión tivo, tamén o Arenteiro tivo as súas para sentenciar, as máis claras na segunda parte cun balón de Adrián Presas que se foi ao poste, e outro remate de Joni que resolveu prodixiosamenteCortegoso enviando a corner o balón.

Para ver a ficha do partido, sigue a seguinte ligazón: 

http://www.futgal.es/pnfg/NPcd/NFG_CmpPartido?cod_primaria=1000120&CodAc...

O Carballiño chega hoxe domingo aos 72 contaxios activos, cifra que se convierte no record de casos activos nesta terceira onda da pandemia, son 3 casos máis que onte no municipio carballiñés. Tamén sube o concello de Punxín, que onte tiña un único caso e hoxe rexistra 2. E tamén notifica hoxe un caso o concello de San Amaro, que era o único da comarca que estaba libre de virus, polo que xa non queda ningún.

Ten un caso menos que onte Boborás, que se queda con 13. E non se producen variacións no resto dos concellos, que continúan cos seguintes contaxios activos: Cea (7) Beariz (2) O Irixo (1) Piñor (1)

O Carballiño ten na xornada deste sábado 23 de Xaneiro 69 persoas con infección activa de Covid, repetindo polo tanto o dato dos dous últimos dias. Na incidencia acumulada aos últimos 14 dias O Carballiño rexistra 65 novos casos diagnosticados.

Catro concellos rexistran un caso máis que onte, polo que o seu dato actualizado de contaxios activos é o seguinte: Maside (13) Beariz (2) San Cristovo de Cea (7) e Piñor (1) Os demáis municipios da comarca manteñen os datos de onte, Boborás (14) O Irixo (1) Punxín (1) San Amaro (0) No caso de Boborás, do total de 14 casos que rexistra, 12 deles están vinculados á residencia de maiores de Brués.

O equipo superou con éxito a cuarentena obrigada polo foco de coronavirus que afectou a 10 integrantes do plantel,  e a practica totalidade dos fútbolístas xa adestraron desde este pasado mércores e coas altas médicas correspondentes o órgano federativo incluíu na xornada deste domingo dia 24, tal como estaba fixado no calendario, o Arenteiro-Choco.

O calamitoso estado no que se encontra o terreo de xogo de Espiñedo motivou que o club pedise o cámbeo de campo, que finalmente aceptou a RFGF tras visitar Espiñedo. Desta maneira, o partido xogaráse dende as 16:15 horas no campo da Regueiriña de Barbantes-Estación, a porta pechada, ante a imposiblidade de cumplir as condicións esixidas polo protocolo anti-Covid.

O Arenteiro chegará a este partido con apenas 4 sesións de adestramento e coa baixa segura de Germán Nóvoa, que cumplirá ciclo de amonestacións. O partido será retransmiitdo en directo pola WEB da TVG.

O PSdeG-PSOE de Leiro defenderá no vindeiro pleno municipal unha moción na que lle solicita ao Concello de Leiro que se dirixa a Consellería de Sanidade para que se cubra a praza de médico automaticamente no momento en que quede vacante tanto por baixa laboral, vacacións ou xubilación. Os socialistas denuncian que o municipio leva mes e medio sen que se cubra unha das prazas, xa que o titular se atopa de baixa laboral, pero a praza non foi cuberta por outro facultativo.

Dende o Grupo Municipal Socialista instan ao grupo de goberno do Partido Popular a dirixirse a Consellería de Sanidade para que “non volva a darse esta situación” e esixen que se “cubran sempre as prazas tanto no caso de vacacións, como de baixas laborais ou xubilación”. Os socialistas tamén lle esixen ao Concello que presente unha solicitude formal na propia Consellería para que se cubra “con carácter urxente” a baixa laboral dun dos dous médicos titulares co que conta o centro de saúde do municipio. Consideran que dilatar no tempo a cobertura desta praza “prexudicará gravemente a calidade asistencial e os coidados sanitarios que require a veciñanza, e máis nestes tempos nos que a pandemia da COVID-19 está pondo en risco a saúde da xente”.

Para o voceiro do PSdeG-PSOE en Leiro, Manuel Rodríguez, esta petición “non é un capricho, senón unha necesidade dun concello cunha poboación moi envellecida e que conta ademais con unha residencia de maiores”. O socialista insiste en que a redución do persoal sanitario “prexudica a calidade asistencial” e apunta a que contar cun só médico nestes intres provoca “unha perda de eficacia na atención a veciñanza, polo que esiximos a reposición da praza”.

Rodríguez manifesta que a veciñanza “ten medo de que este feito provoque que nun futuro e no caso da xubilación dun dos facultativos ou outras circunstancias, provoquen que o centro de saúde de Leiro quede para sempre cun só médico, vistos os precedentes de non cubrir a baixa laboral dun médico titular e botando tamén unha ollada ao que acontece noutros municipios coa mesma problemática”.

Os socialistas explican que nos últimos días “foron moitos os veciños que se puxeron en contacto con nós para reclamar e reverter a situación no centro de saúde”. Para o Grupo Municipal Socialista, o municipio de Leiro, conta cunha poboación “moi envellecida, dispersa, dependente e con pluripatoloxía, que necesitan cada vez máis atención e coidados sanitarios”, motivo polo que chaman a “loitar desde o Concello todos xuntos, tanto goberno como oposición, para que se restableza a calidade asistencial no centro de saúde de Leiro”.

O Carballiño manténse hoxe nos 69 contaxios activos de coronavirus, os mesmos que tiña onte, xa que se rexistraron 7 altas médicas pero producirónse 7 novos diagnósticos nas últimas 24 horas, polo que permane inalterable o número de contaxios activos no municipio carballiñés.

O maior repunte da xornada prodúcese no concello de Boborás (+11) que alcanza os 14 contaxios activos, aínda que este notable incremento de casos en Boborás débese ao foco de coronavirus detectado no fogar residenciaal Blanco Amor de Brués. Tamén incrementa dous casos activos Maside, que alcanza os 13.

Baixa en persoas enfermas San Cristovo de Cea, dúas menos que onte e quédase en 6 contaxios activos. E non se rexistran variacións no resto de municipios: Beariz (1) O Irixo (1) Punxín (1) San Amaro (0) Piñor (0)