A comarca continúa resistindo ben contra a propagación do coronavirus, según os datos deste 6 de Xaneiro rexistra 27 contaxios activos, dos que 14 corresponden ao concello do Carballiño. Continúan rexistrando altas de persoas enfermas no concello de San Cristovo de Cea, que ten hoxe 8 casos, que son 4 menos que onte.

O Irixo, que estivo varias semanas libre de virus volve rexistrar agora 2 contaxios de Covid-19, os mesmo -tamén 2- que sigue tendo o concello de Boborás.Continúa cun único caso activo o concello de Piñor. E resisten con cero casos outro dia máis os concellos de San Amaro, Punxín, Maside e Beariz.

Logo de 75 anos do pasamento de Antonio Palacios, o Concello do Carballiño decidiu que o ano 2020 debía ser o do recoñecemento a un artista que sen dúbida deixou a súa pegada na vila. O Templo da Veracruz, a xoia arquitectónica do Carballiño, foi diseñada polo arquitecto no pasado século e hoxe segue a ser un dos grandes reclamos de Galicia.
Así pois, o concello comezou o recoñecemento cun exitoso concerto en marzo da Escolanía de Segovia, que deu lugar á apertura do Festival Internacional de Música "Pórtico do Paraíso", ao que seguiron outros das corais do Carballiño. Tamén se editaron uns folletos divulgativos sobre o Templo da Veracruz que están repartidos pola vila e foron ben acollidos por visitantes.
Agora, o Concello do Carballiño pretende pechar esa homenaxe que se viu afectada pola actual pandemia. Por iso vai colocar un busto de Antonio Palacios no entorno do templo que de visibilidade a un dos grandes arquitectos contemporáneos de España e levará a cabo unha conferencia sobre a vida e obra do artista cando a situación sanitaria o permita.

A Alcaldesa de Boborás, Patricia Torres, agradeu públicamente en COPE O Carballiño este acto solidario protagonizado por José Antonio González González, veciño natural de Salón emigrado a Panamá, onde reside.

"O concello de Boborás agradece públicamente a un veciño do noso municipio, residente en Panamá, a doazón de 7000 mascarillas quirúrxicas para a veciñanza, sobre todo a quen ten máis dificultades económicas, moitas grazas por este detalle", pon de manifesto a alcaldesa do municipio. Aínda que dende Panamá foron enviadas 10.000 unidades, o certo é que chegaron a Boborás 7.000, tras detectarse problemas en aduanas, polo non se descarta que aínda poidan chegar ao seu destino. Serán repartidas pola institución municipal entre as persoas veciñas que as precisen, para elo non teñen máis que achegarse ata  a casa do concello de Boborás.

A última actualización anual do Padrón Municipal de Habitantes deixanos unha nova caída no número de habitantes no conxunto da comarca carballiñesa, a pesar de que catro concellos logran aumentar a súa poboación. Éste é o caso da capitalidade comarcal, O Carballiño, que suma 62 habitantes máis no padrón de 2020, ata alcanzar os 14.089 habitantes, asi e todo aínda por debaixo do seu teito poboaciónal que obtivo no padrón de 2013, ao rexistrar ese ano os 14.355 habitantes.

A sorpresa positiva deste último padrón anual na comarca é a que nos proporciona o concello de Punxín, que por vez primeira despóis de 20 anos consigue revertir a súa sangría demográfica cun incremento de 15 habitantes, pasando dos 693 do padrón anterior aos 709 habitantes que suma no actúal. Ademáis, outros dous concellos consiguen aumentar a súa poboación por segundo ano consecutivo en ambos casos, Maside, que chega aos 2.709 habitantes, 4 máis no último ano e cun incremento de 58 habitantes na suma dos dous últimos anos, igual que Piñor que suma agora 7 novos habitantes e 43 máis que fai dous anos, polo que a súa poboación chega aos 1.183 habitantes.

Os outros cinco concellos da comarca perden poboación, o que máis Boborás (-62) e quédase con 2.223 habitantes, seguido de San Cristovo de Cea que retrocede en 48 habitantes e sitúase con 2.089. Tamén rexistra un novo retroceso O Irixo, ata os 1.420 habitantes, tras perder 46 no último padrón. San Amaro baixa ata os 1.052 habitantes, tras perder 36 no último ano. Finalmente, Beariz, perde 1 habitante e fixa a súa nova cifra oficial de habitantes en 970. No cómputo dos nove concellos da Comarca do Carballiño o resultado é negativo, cunha pérdida de 106 habitantes, eso si, é a menor caída de poboación dos últimos anos.

Avión e Leiro

Ambos concellos non son alleos á sangria demográfica que ano tras ano sufre a comarca do Ribeiro. Avión perde no último Padron 59 habitantes, e quédase con 1.736 tras esta última actualización do INE. Pola súa parte, Leiro baixa ata os 1.525 habitantes, tras perder 43 durante o último ano.

O Carballiño comeza o ano cun repunte de contaxios, e alcanzado hoxe lúns dia 4 de Xaneiro os 14 casos activos de Covid-19,  tres máis que onte domingo. Desta maneira, O concello do Carballiño pasa de risco de nivel baixo no que permaneceu todo o mes de Decembro a situarse en nivel de risco medio, tras confirmarse 12 novos contaxios nos últimos dias.

No resto de municipios a situación permanece practicamente invariable, con 14 casos que ten o concello de San Cristovo de Cea, 2 casos Boborás e 1 caso o concello de Piñor. Con cero contaxios entran en 2021 os municipios de Beariz, O Irixo, Maside, Punxín e San Amaro.

Os datos facilitados por Sanidade neste domingo 3 de Xaneiro sitúan en 11 os contaxios activos de coronavirus no concello do Carballiño, 2 máis que onte, unha cifra que nos fai retroceder ata o dia 1 de Decembro pasado, daquéla tamén con 11 casos activos no municipio carballiñés.

No resto dos concellos non se producen variacións, San Cristovo de Cea continúa con 15 casos activos, Boborás con 2 e Piñor con 1. O resto de municipios están libres de virus, sen contaxios de coronavirus.