Un muller de 100 anos de idade e un home de 86 anos faleceron cun intervalo de poucas horas no Complexo Hospitalario de Ourense, ambas foran diagnosticadas co Covid-19, eran residentes do xeriátrico de Beariz, afectado por un brote de coronavirus, que xa provocara a morte doutra residente na pasada semana, unha muller de 95 anos.

No informe de contaxios diarios, o concello de Beariz rexistra hoxe 18 casos, seguido do Carballiño con 6 contaxios activos, e Maside 3. Están libres de virus, sen casos activos, os concellos do Irixo, San Amaro, Piñor, Punxín, Boborás e San Cristovo de Cea. 

O concelleiro de CompromisoXGalicia en Punxín, Eladio Fernández, quere que "se respecte a idea do fundador e que o edificio sirva para que os veciños de Punxin se formen para a vida e non esperen a morte, non é que teña nada en contra dos xeriátricos, pero a idea dun emigrante que non sabía ler era que a xente se formase para a vida, que tivera unha vocación docente o seu legado".

Fernández observa desta maneira "motivos especulativos" na extición da Fundación Benigno Quiroga. Asegurou que "tanto o alcalde, que o teñen prisioneiro, como o delegado territorial da Xunta non foron capaces de mostrarse un documento no que se acredite que o edificio pasará ao concello de Punxin, e non mo poideron mostrar porque non existe".

Según o concelleiro, o obxetivo final sería "destinar o edificio a un xeriátrico, están construíndo un de 24 prazas no antigo restaurante Cabaceiro, pero asi poderán amplialo co edifcio da Fundación". Eladio Fernández calcula que o valor do edificio pode alcanzar o millón de euros "aínda que a valoración que fan é moi inferior, de 400.000 euros". 

ABANCA e o Grupo de Desenvolvemento Rural Carballiño-Ribeiro asinaron hoxe un novo convenio financeiro co fin de promover, fundamentalmente a través do crédito, a reactivación económica na comarca do Carballiño e do Ribeiro. O banco amosa así seu apoio aos traballadores e empresarios rurais desta zona do noroeste da provincia de Ourense, mantendo seu compromiso directo coa súa viabilidade, aínda máis nestas circunstancias tan especiais derivadas da crise sanitaria actual.

O convenio foi subscrito polo presidente do GDR Carballiño-Ribeiro, Francisco José Fernández, e o director de zona de ABANCA en Ourense Oeste, Carlos Díez. Grazas a este convenio, o banco pon a disposición dos beneficiarios dos proxectos vinculados ao GDR un plan de financiamento que responde de maneira integral ás súas necesidades.

O documento inclúe produtos e servizos que permiten tanto acometer investimentos, como reforzar a competitividade destes proxectos. Así, os empresarios destas comarcas contarán con produtos especificamente deseñados, entre os que destacan préstamos persoais e hipotecarios ou leasing mobiliario, con amplos prazos de amortización, posibilidade de carencias e xuros moi competitivos.

A oferta financeira de ABANCA inclúe tamén solucións para as necesidades máis inmediatas e así poder adecuarse ás demandas da actividade diaria. O colectivo terá á súa disposición outros produtos e servizos específicos para os proxectos agrogandeiros como pólizas de crédito, liñas de desconto comercial, avais, corfirming ou factoring segundo as súas necesidades. Os convenios tamén reservan un espazo á internacionalización grazas ás liñas de comercio exterior e ao financiamento oficial a través de diversos programas do ICO, SGR galegas e axudas específicas derivadas da crise da COVID19.

Do mesmo xeito, os empresarios destas comarcas ourensás poderán desfrutar das vantaxes do Programa Cero Comisións de ABANCA, que permite deixar de pagar polo mantemento das contas e tarxetas, pero tamén polas transferencias, ingreso de cheques ou outros servizos habituais. ABANCA, ademais, poñerá a disposición destes profesionais o seu servizo de banca electrónica.

Notable descenso de casos activos de coronavirus o que rexistra a comarca do Carballiño, neste martes dia 8 de Decembro. A maior caída de contaxios activos dase no concello de Beariz , 13 menos que onte, polo a cifra actualizada quédase en 21 casos. Sanidade tamén notifica 3 casos menos que onte no Carballiño, onde o número de persoas con infección activa descende ata as 5. Maside mantén 4 casos activos e Boborás quédase cun único caso.

Ademáis, San Cristovo de Cea súmase hoxe ao grupo de concello libres de virus da comarca, no que xa estaban San Amaro, Punxín, O Irixo e Piñor..

Está en marcha a campaña navideña na Praza de Abastos do Carballiño, que terá continuidade ata o próximo dia 23 deste mes de Decembro, ata esa data os clientes que realicen compras no mercado carballiñés recibirán participacións para o sorteo que se celebrará nesa mesma data, en véspera de noiteboa. Oito clientes serán premiados polo pracerios, con 7 cestas de nadal con productos do comercio local e unha caixa de viño Pazo Tizón.

No acto de presentación da campaña, a concelleira de Promoción Económica do concello do Carballiño lanzou unha mensaxe á toda a veciñanza "apoiar á Praza de Abastos é apoiar  O Carballiño", dixo Silvia Baranda. Pola súa parte, en representación dos praceiros, Eligio González resaltou a importancia do sector primario para a economia local "aquí temos productos de calidade e de próximidade" e agradeu o apoio tanto do concello carballiñés para o desenvolvemento desta campaña "coa que recoñecemos a premiamos a fidelidade do pobo do Carballiño e comarca", subliñou.

Dende o Centro Comercial Aberto, o seu presidente, Julián Garriga animou a toda a veciñanza a apostar polo noso comercio local, do que a Praza de Abastos é un exemplo máis.

A Xunta de Galicia vén de adxudicar cun investimento de preto de 30.000 euros a segunda fase da restauración do reloxo mecánico do S.XVIII e do campanario de forxa do mosteiro de San Clodio, en Leiro, unha achega que suporá unha mellora estrutural deste ben catalogado e que se enmarca na colaboración que a Consellería de Cultura, Educación e Universidade mantén coa Diocese de Ourense para a conservación de varios inmobles eclesiásticos.

Esta restauración terá unha duración máxima de tres meses e con ela dáse continuidade aos traballos realizados pola Xunta de Galicia en 2017 nunha primeira fase de restauración. Naquel momento retirouse a capa de ferruxe que o cubría e que ocultaba as numerosas inscricións históricas que posúe e que dan información do seu valor histórico.

Agora, os traballos centraranse no reloxo que está en funcionamento pero cómpre iniciar unha segunda fase de restauración para devolverlle a súa funcionalidade como elemento sonoro. Para iso, será preciso restablecer a súa conexión cos martelos precursores responsables de dar as horas e os cuartos ao golpear as campás situadas nunha estrutura de ferro de forxa situada no alto da torre do campanario.

Debido ás modificacións efectuadas ao longo do tempo na cuberta, así como á posible localización orixinal das campás dentro do campanario (actualmente no alto da torre), a traxectoria dos tiros que accionaban os martelos da torre para o toque das campás viuse modificada e agora resultaba imposible, por causas técnicas, recuperar o sistema orixinal. Para solucionalo, optarase por utilizar fotocélulas para enviar un sinal eléctrico a uns motores situados no alto da torre.

Deste xeito, os traballos que se iniciarán nas vindeiras semanas manterán o principio mecánico que caracteriza os reloxos históricos, pero evitarán o incremento do tamaño das pesas e desgaste da maquinaria. As actuacións inclúen, entre outros traballos, a instalación de dúas fontes de alimentación así como contactores de manobra e a iluminación da cámara do reloxo mediante focos led activados por detector de movemento.

Tamén se prevé a desmontaxe das campás das horas e dos cuartos da súa estrutura para actuar sobre elas. Ademais, aplicarase unha capa anticorrosión ao conxunto da estrutura portante das campás, elementos decorativos e sistema de martelos de gravidade, entre outras actuacións.

Con estas actuacións o Goberno autonómico continúa reforzando o seu compromiso por poñer en valor e recuperar o patrimonio galego e que se reflicte nos orzamentos do vindeiro ano, onde a partida para actuacións de conservación e restauración se incrementa nun 19%. Neste caso, a Consellería de Cultura, Educación e Universidade céntrase no mosteiro de San Clodio, declarado monumento histórico artístico e Ben de Interese Cultural na década dos 80.

A igrexa do mosteiro, que leva o nome da Santa María, é de estilo gótico e conta con tres ábsidas en correspondencia coas naves. A imaxe da Virxe ocupa o retablo maior e destaca a fachada barroca do antigo palacio abacial.

A comarca carballiñesa cerra a semana con 50 contaxios activos de coronavirus, a maioria deles no concello de Beariz (34) según os datos de hoxe domingo, son 3 casos menos do pico de contaxios os que se chegou no trancurso da semana, cando chegaron a alcanzarse os 37 casos activos no municipio bearicense, a maioria vinculados á Residencia de Maiores da localidade.

No resto dos municipios, O Carballiño rexistra hoxe a cifra máis baixa de contaxios activos (8) dende o pasado mes de Xullo, e cando se cupliron xa as dúas semanas dende que se levantaron no Carballliño as restricións de mobilidade e autorizouse a reapertura da hostelería. Maside mantén 4 persoas con infección activa, Boborás 2, San Cristovo de Cea 1, Piñor 1, e continuán libre de virus os concellos do Irixo, Punxín e San Amaro.

O presidente da Deputación de Ourense, Manuel Baltar; o conselleiro de Medio Rural, José González, e os alcaldes de Avión -Antonio Montero- e Boborás -Patricia Torres- , xunto aos de Lobeira, Esgos, Oímbra, San Xoán de Río, A Teixeira, Trasmiras e Viana do Bolo, asinaron hoxe no parque de maquinaria da Deputación, no Polígono de San Cibrao das Viñas, nove convenios de colaboración entre as tres administracións -local, provincial e autonómica- para financiar a adquisición, por parte dos municipios, de maquinaria forestal para a limpeza de vías rurais e faixas de biomasa para previr incendios. O investimento total é de 900.000 €, sendo a Deputación de Ourense "o único dos gobernos provinciais galegos acollido a este convenio coa Consellería de Medio Rural, nun momento difícil como é o da pandemia pero no que a planificación e a previsión deben presidir a estratexia da nosa política", afirmou Manuel Baltar.

Segundo o acordo, Deputación de Ourense e Xunta financiarán a compra da maquinaria -tractores e rozadoiras- cun orzamento aportado ao 50 % polas dúas administracións. O obxectivo é incentivar e fomentar o mantemento e limpeza da maleza nas infraestruturas rurais de titularidade municipal e nas masas comúns de concentracións parcelarias de cada concello, así como a xestión da biomasa nas redes secundarias de faixas de xestión en terreos de titularidade municipal ou descoñecida.

Cada municipio contará cunha subvención de ata 100.000 euros para mercar un vehículo tractor e dúas rozadoiras -de arrastre e de brazo- coa finalidade de limpar matogueira. A achega é bianual, polo que os concellos poderán comprar dita maquinaria entre este ano e o que vén.

No acto, ademais de Manuel Baltar, o conselleiro e os alcaldes, estiveron presentes os directores xerais da Axencia Galega de Desenvolvemento Rural (Agader), Inés Santé, e o de Defensa do Monte, Manuel Rodríguez.

O conselleiro do Medio Rural agradeceu a implicación da Deputación de Ourense na prevención dos incendios forestais e animou aos demais organismos provinciais galegos "a seguir o seu exemplo". Fíxoo tendo en conta os beneficios que este traballo comporta para a seguridade das persoas e dos bens, e porque a normativa contempla, entre as competencias das deputacións, a prevención e extinción de incendios naqueles concellos de menos de 20.000 habitantes.

O portavoz Municipal socialista no concello de Leiro Manuel Rodríguez recorda como "nos achegamos xa a unhas datas especiais de cada ano, e neste caso con máis motivo, xa que as circuntancias están a ser complicadas na contorna familiar, moitas veces lonxe dos nosos seres mais queridos".

Remarca que "nestes moitos meses de Pandemia temos que facer un recoñecemento aos máis pequenos, xa que os seus costumes e diversións diarias mudaron completamente. Por iso os socialistas propoñémoslle ao Grupo de Goberno que organice para eles e tamén para o conxunto dos veciñ@ s actividades axustadas para estas datas".

Estes son algúns dos exemplos que propoñen os socialistas, desde un Concurso de Decoración Do Nadal (xanelas,balcóns,portais) a finalidade destas obras anónimas de decoración valoraríase a creatividade, orixinalidade, asi como a combinación de elementos e cores.
Tamén un Concurso de Postais para os máis pequenos con algúns premios para as mellores (Quebracabezas,libros,xoguetes ect…) e a postal gañadora podería usarse como a “oficial do Concello” para desexar á nosa veciñanza ben sexa individualmente por correo en cada domicilio, ou tamén de forma virtual (redes sociais, whasap…) desexando unhas felices festas e un bo ano 2021.
Outra das propostas que lle achegan os socialistas ao Goberno Municipal é que se celebre un Campamento de Nadal con todo tipo de actividades desde un Obradoiro de Neve, Carta a Papa Noel, Manualidades de Nadal, Pintura, Árbore de desexos, Globoflexia, Tatuaxes de fantasía ect….unha Semana de Cinema Infantil aproveitando que temos un Cinema e único da Comarca do Ribeiro e Carballiño adaptándose á normas sanitarias que regulan esteas eventos, para que os mais pequenos poidan gozar deste evento nunhas datas tan sinaladas e por suposto premiar o seu esforzo, despois de moitos meses de “restricións”
E finalmente un Concurso de Beléns: para que os veciños mais maiores tamén participen neste Nadal tan atípico dunha forma individual como colectiva desde a Parroquias, Asociacións, Residencia de Maiores e Centro de Día.