Os contaxios activos de coronavirus descenden por quinto dia consecutivo no Carballiño, aínda que moi levemente, 2 casos menos ca onte, quedando hoxe lúns o dato actualizado nas 166 persoas con infección activa de Covid-19. Tamén segue descontando casos Boborás, 2 menos e quédase con 27.

O concello de San Cristovo de Cea é onde a tendencia é máis negativa, tras incrementarse os contaxios activos en 7 casos en relación a onte domingo, alcanzando xa a cifra das 19 persoas afectadas, cinco delas usuarias da Residencia de Maiores da localidade, todas elas asintomáticas. Non hai variacións no resto dos concellos, que manteñen os mesmos contaxios activos que nos últimos dias. Beariz(6) O Irixo (5) Maside (3) Punxín (3) Piñor (1) e San Amaro (0)

O PSdeG-PSOE a través do seu Portavoz Municipal Manuel Rodríguez "quere facer un pouco de historia con respecto a esta rua Casanova para o que o 22 de agosto do 2019 se asinou un Convenio de colaboración entre o Concello e a Deputación, e no mesmo figuraba unha subvención provincial de 80.000€ coa que o ente provincial se compromete a financiar integramente a obra, tendo o Concello que pagar a redacción do proxecto, obra tiña que comezar a execución a finais do ano 2019” cousa que non aconteceu. Polo que o rexidor comentou que se trasladaba o ano 2020”.

Os socialistas de Leiro "vendo que vai acabar o ano 2020 e as obras ainda non se iniciaron, fixemos unha consulta a Deputación atraves do noso Diputado Provincial na Comarca do Ribero que e Nacho Gomez e que foi preguntado o tema de que esta a pasar para que non se inicien as obras, e unha vez revisado o Expte de esa obra por parte do noso diputado provincial, nos comenta que non encontramos ningunha razón obxetiva para que esta rua Casanova non se empezara, e o que si nos aclara o expte e que o dia 15 de Decembro de 2020 esta rua ten que estar rematada e entregada, cousa que a día de hoxe e imposible outra vez como aconteceu o ano pasado e que explicamos con anterioridad, e que enton visto o que xa aconteceu,volvemos a ter un novo fracaso na xestión dos recursos públicos", manifestan.

Desde o Grupo Municipal subliñan "que o unico que facemos no noso Concello e traballar para que os veciños teñan as cousas en tempo e forma de fiscalizar o Grupo de Goberno e non o que está acontecendo agora mesmo, que por unha incompetencia na xestión do Rexidor Municipal porque ten tanto traballo noutros entes e tanta ocupacions que non atende o basico que e o Concello polo que esta subvención se pode perder, como xa alertaramos da otra vez no ano 2019, e que volvemos a reiterar neste ano 2020".

Dous goles, un en cada parte, deron o triunfo ao Arenteiro ante o Ourense CF no partido xogado no campo da Regueiriña en Barbantes ao non podelo facer en Espiñedo debido ás restricións no Carballiño por culpa da pandemia, Marquitos e Javi Pazos marcaron os goles e Diego García volveu deixar a portería a cero.

Curiosamente, o Arenteiro xa se enfrontou no último mes a tres dos catro equipos que xogaron play off de ascenso a pasada tempada, o Compostela en amigable de pretempada e Arousa e Ourense CF neste inicio de liga, e os verdes gañaron os tres partidos.

Este bo inicio de liga sitúa ao Arenteiro como líder do grupo, condición que comparte co Ribadumia, que tamén gañou os seus dous partidos. No partido ante o Ourense Fran Justo seguíu reservando a varios xogadores que arrastran diferentes lesións das que están a recuperarse favorablemente, caso de Sylla, Joni e Manu Mariña, aos que se sumaba a última hora Victor Eimil. No próximo partido en Redondela ante o Choco tampouco poderá xogar Adrián Pol, que hoxe foi expulsando con cartón vermello directo.

Para ver a ficha do partido sigue a seguinte ligazón:

http://futgal.es/pnfg/NPcd/NFG_CmpPartido?cod_primaria=1000120&CodActa=7...

Por terceiro día consecutivo as altas superan aos novos contaxios no concellos do Carballiño, na actualización de datos de hoxe domingo o número de contaxios activos de coronavirus no municipio volven baixar, 5 menos ca onte, deixando a cifra en 168, son 20 menos que o pasado dia 20 cando se chegou ao pico de contaxios activos no Carballiño, 188. Tamén desconta unha persoa enferma o concello de Boborás, que se sitúa hoxe en 29.

O concello de San Cristovo de Cea é o único da comarca que volve incrementar os contaxios activos, 2 máis ca onte e chega xa aos 12.  Non hai ningunha variación nos demáis municipios da comarca, que rexistran hoxe os mesmos casos ca onte: Beariz (6) O Irixo (5) Punxín (3) Maside (3) Piñor (1) e San Amaro (0)

Debido á situación de pandemia que se vive por causa do coronavirus, e tendo en conta que este ano non será doado celebrar no Nadal ningún evento presencial ou que conleve calquera tipo de aglomeración, a área de Cultura do concello do Carballiño elabora unha serie de alternativas para que os nenos e as familias podan contar coas tradicionais recepcións e salutacións de Papá Noel e Reis Magos sen perigo de contaxios.

Así, estase a botar man das tecnoloxías da comunicación para deseñar un proxecto no que os nenos e nenas poderán pedir os seus desexos a través dunha videochamada cunha previa inscrición online. No caso de que algunha familia non teña acceso a internet ou non conte cun dispostivos para inscribirse ou realizar videochamadas, poderá facelo a través dunha pantalla electrónica que se facilitará á entrada dos domicilios ou casas correspondentes.

Esta iniciativa, que terá un custe dez veces menor que as tradicionais carrozas e cabalgata de Papá Noel e Reis Magos, permitirá que os nenos e nenas podan saudar e trasladar as súas peticións a estas figuras institucionais tan salientables do Nadal sen que conleve ningún risco para a saúde. A realización correrá a cargo dunha empresa especializada neste tipo de eventos, e nos próximos días daranse a coñecer os pormenores da mesma co obxectivo de facilitar a participación, que será sinxela e áxil, para que ninguén se quede fóra da experiencia.

ALUMEADO ARTÍSTICO
Así mesmo, ultímase o procedemento para adxudicar o alumeado artístico do Nadal, que este ano ampliarase a máis rúas e prazas, e contará cunha iluminación especial para o templo da Veracruz, símbolo arquitectónico do Carballiño.

Os datos destes deste sábado dia 24 de Outubro deixannos o maior descenso de contaxios activos na comarca dende que a situación comezou a agravarse, 16 casos menos no conxunto da comarca en relación aos que tiñamos onte. A maior baixada rexistrase no concello do Carballiño, que pasa dos 183 de onte aos 173 de hoxe, polo tanto 10 enfermos menos.

Tamén baixan os contaxios en Boborás, 2 menos e quédase en 30, e outros dous menos no Irixo, que descende hoxe ata os 5 casos. Maside ten un caso menos ca onte e rexistra 3, mentres que o concello de San Amaro queda libre de coronavirus, a dia de hoxe, pasa a figurar entre os 48 concellos galegos que non teñen casos activos.

Manteñense estables, co mesmo número de casos de onte, os concellos de San Cristovo de Cea (10) Beariz (6) Punxín (3) e Piñor (1)

A semana escolar finaliza con record de contaxios activos de coronavirus na comunidade educativa da comarca do Carballiño, ao rexistrarse un total de 37 casos, a cifra máis alta dende que comezou o curso no pasado mes de Setembro.

Según a última actualización da Consellería de Eduación o centro máis afectado é o CPR Sagrado Corazón, que contabiliza 9 casos positivos en Covid-16, con 6 casos está o IES nº 1, con 4 o IES Chamoso Lamas, 3 no CEIP Calvo Sotelo, e tamén rexistran un contaxio a Escola Infantil e o Colexio Vila do Arenteiro, todos eles no Carballiño. Sae desta relación a Escola Infantil Trastes, que queda libre de coronavirus.

O maior incremento semanal dase nos dous centros do concello de Boborás, no Punto de Atención á Infancia -PAI- son 6 os casos positivos en coronavirus, e tamén con 6 casos figura nesta relación o CEIP Nosa Señora de Xuvencos. Con un único positivo figura o CIP Terras de Maside, e saen desta lista publicada por Eduación os colexios de Cea e O Irixo, ao quedar libres de casos.