A conselleira de Infraestruturas e Mobilidade, Ethel Vázquez, mantivo unha xuntanza, por videoconferencia, co alcalde do Carballiño, Francisco José Fumega. No encontro, a conselleira trasladou que a Xunta ten redactado un plan para desenvolver a intermodalidade nas vilas galegas con fondos europeos do próximo programa operativo Feder.

A actuación proposta polo Goberno galego permitiría facilitar un intercambio áxil e seguro entre os distintos modos de transporte público aos veciños do Carballiño.

Ademais, desta forma sería posible atender a demanda do Concello do Carballiño de asumir a titularidade da actual estación de autobuses para destinar as instalacións a usos sociais. Neste sentido, a titular de Infraestruturas destacou que, para mellorar o estado das instalacións, a Consellería ten previsto realizar unha mellora na estación de autobuses, actuando sobre a cuberta.

A conselleira destacou ante ao alcalde do Carballiño o compromiso da Xunta coa mellora constante dos servizos do transporte público no municipio. A ese respecto, lembrou que as novas concesións de autobuses previstas no Plan de Transporte Público de Galicia incorporaron as solicitudes trasladadas polos municipios da comarca, ampliando a cobertura xeográfica do transporte público e mellorando as conexións, tanto con Santiago, como con Ourense.

Así mesmo, Ethel Vázquez puxo en valor que desde o pasado mes de xuño todos os mozos menores de 21 anos do Carballiño poden viaxar gratis pola provincia nos autobuses dependentes da Xunta.

Fronte a isto, a conselleira trasladoulle ao alcalde a fonda preocupación da Xunta pola situación dos servizos ferroviarios na Comunidade, e, en concreto, na provincia de Ourense, xa que as frecuencias anuladas con motivo da declaración do estado de alarma aínda non foron recuperadas nin Renfe ofrece previsións sobre a súa restitución.

O tenente-Alcalde, Carlos Paz González, ven de presentar -xunto ao xerente da Empresa Montañesa, Manuel Carballeda, a primeira fase do plan de mobilidade “Móvete por San Amaro”.

Nesta primeira fase, procederase -despois de diversas conversas coa única empresa que realiza servizos no termo municipal- á información e posta en valor dos servizos de transporte público existentes, combinando diversas tipoloxías de transporte, como son a liña regular, o bus compartido ou o transporte á demanda. Neste senso, hoxe xoves día 8, estase procedendo a colocar carteis informativos en cada marquesina do termo municipal.

A mobilidade é un dos grandes retos a solventar en San Amaro, na comarca do Carballiño e -por extensión- en todo o medio rural. A escaseza de transporte público, a dispersión da poboación ou o emprego popularizado dos vehículos privados, provocan unha mobilidade ambiental, económica e socialmente insostible. Neste senso, afirmou Carlos Paz que “apostamos por un modelo de sostibilidade, tanto para protexermos os importantes recursos naturais do concello e da comarca, como para procurarmos uns niveis aceptables de calidade de vida para as veciñas e os veciños dos distintos núcleos do termo municipal”.

Nos vindeiros exercicios, continuarase traballando na redacción do plan de mobilidade, con arranxo ao seguinte cronograma:

FASE 1 (Ano 2020) Información e promoción dos servizos existentes, combinando diversos tipoloxías de transporte, como é a liña regular, o bus compartido ou o transporte á demanda.

FASE 2 (Ano 2021) Elaborar un informe de usos do transporte público e privado. Apertura dun proceso de participación para coñecer as demandas e necesidades da poboación, co que teriamos umha aproximación aos usos potenciais máis demandados pola poboación amarense.

FASE 3 (Ano 2022-23) Poñer en marcha un servizo de transporte público combinado que facilite a mobilidade das veciñas e dos veciños de San Amaro, acorde aos tempos e ás necesidades. Promoción e posta en valor do mesmo. Ordenamento dos espazos públicos -preferentemente os que favorezan o uso de transporte público ou doutros medios non contaminantes- con arranxo ás necesidades das/os usuarias/os, a uns criterios de sostilidade e pouco agresivos co entorno

No arquivo adxunto podes ver a primeira fase desta plan municipal de mobilidade do concello de San Amaro:

O coronavirus sigue a súa expansión na comarca carbaliñesa, neste primeiro dia no que entraron en vigor as medidas restrictivas na vida social publicadas no Diario Oficial de Galicia.

No municipio do Carballiño aumentan en sete os contaxios activos de covid-19 en relación aos números de onte, e son xa 85 os carballiñeses e carballiñesas que están pasando pola enfermidade.

No resto dos concellos o número de contaxios que están activos suman 29 casos, que se reparten asi: Boborás (10) Beariz (6) Maside (4) San Cristovo de Cea (3) O Irixo (3) Piñor (2) e San Amaro (1). O único concello que se mantén libre de coronavirus a día de hoxe é o de Punxín, con 0 casos.

O Diario Oficial de Galicia ven de publicar as restricións que dende hoxe entran e nvigor en todos os concellos da comaca do Carballiño..

Consulta no arquivo adxunto o texto publicado no DOG:

O alcade Francisco Fumega infomou en COPE O Carballiño que, según os datos aportados polo SERGAS esta mañá, son en total 78 os contaxios de coronavirus que permanecen activos no concello do Carballiño, tras dispararse os positivos detectados nos últimos tres dias, que son 39.

O rexedor anunciou que este xoves dia 8 vai manter unha reunión co conselleiro de sanidade Julio Comesaña, para avaliar a situación epidemiolóxica que rexistra O Carballiño, e mesmo acordar posibles medidas para conter a propagación do virus entre a veciñanza carballiñesa. Fumega vaille trasladar ao conselleiro "a preocupación manifestada por numerosas familias do Carballiño, xa que consideran que nesta situación debería suspenderse a actividade nos colexios e institutos".

O alcalde comunicou que por parte tanto da Policia Local como da Garda Civil van reforzarse as medidas de control, para que se cumplan as restricións que entran en vigor ás 00:00 horas deste xoves.

O Carballiño gozaba ata fai apenas unha semana dunha situación epidemiolóxiica envexable, tanto a nivel provincial como autonómico. Todo cambeou radicalmente nos últimos dias, nos que catro brotes e varios casos sen relación entre eles encenden todas as alarmas e motivan que dende as cero horas deste xoves tanto O Carballiño como o resto de concellos da comarca teñan varias limitacións, entre elas a prohibición de reunións de persoas que non sexan conviventes.

Según os últimos datos deste martes dia 6 de Outubro, O Carballiño acumulou nos últimos tres dias un total de 39 novos casos positivos en coronavirus, o que converten ao municipio no terceiro de Galicia con máis novos casos acumulados neste pequeno periodo de tempo, tan so Ourense (106 casos) e A Coruña (64 casos) superan a O Carballiño, eso sí, tendo en conta a enorme diferencia de poboación, porque se facemos a comparativa por cada 100.000 habitantes O Carballiño é o primeiro do ranking que ten agora mesmo o peor comportamento da evolución da pandemia en todo o territorio galego.