Todas a probas realizadas ata o de agora tanto a persoas residentes como ao persoal da residencia de maiores A Saleta de Cea deron resultado negativo.

Esta semana Sanidade confirmaba un caso positivo en coronavirus dunha traballadora do xeriátrico xetionado pola Fundación San Rosendo en San Cristovo de Cea, un caso que forma parte do brote de tipo familiar notificado polo Sergas esta semana no muniicpio de San Cristovo de Cea.

O Concello do Carballiño, dentro do Plan de Reactivación Económica, continúa co proceso de recepción de solicitudes das axudas, en réxime de concorrencia non competitiva, destinadas a traballadores/as autónomos, microempresas e pequenas empresas cuxo domicilio fiscal e local comercial ou negocio afecto á actividade, radique no termo municipal do Carballiño, e este último permanecera pechado ao público ou detivese a súa actividade empresarial como consecuencia das medidas derivadas da declaración do estado de alarma provocado polo COVID-19.

Estas axudas están destinadas a financiar diferentes gastos, a través de 3 liñas de financiamento: Gastos de alugueiro do local comercial, Transición cara ao comercio en liña ou optimización do existente e diferentes tipoloxías de axuda para financiar os gastos derivados do cumprimento das especificacións de peche de atividade tales como Gastos sanitarios e de desinfección e Gastos de asessoramento, xestoría, consultoría, ou servizos profesionais especializados
A día de hoxe recibíronse mais de 200 solicitudese, das cales o 30 % pertencen ao sector do comercio, o 40 % ao sector da hostalería, o 20 % a traballadores autónomos e o 10 % a outros sectores económicos.

O prazo de presentación de solicitudes remata o vindeiro día 15 de setembro de 2020, e para realizar calquera consulta están a vosa disposición os seguintes números de teléfono: 662920641 / 617851309.

Ademais, recordamos que o Concello do Carballiño puxo em marcha unha oficina especializada de atención ás empresas para ofrecer información e asesoramento especializado e que pode consultarse en liña na seguinte dirección: https://oficinacovid.carballino.gal

O concello de Boborás pon en marcha un programa cultural cunha serie de actividades para a veciñanza patrocinadas polo Agadic, da Conselleira de Cultura e Turismo da Xunta de Galicia. Con todos os protocolos Covid-19 que garante a seguridade dos asistentes comezamos coa primeira delas.

Unha das actividades que se presentan é o espectáculo circense de "Desastronauts" titulado"Máis alto ainda". Trátase dun espectáculo de circo acróbatico, que xa ten sido un éxito por todos os lugares polos que ten pasado.

Será o sábado 5 de setembro no Campo da Saleta, Astureses, ás 19.30 h. Apto para todos os públicos.

Pódese obter máis información sobre este espectáculo neste enlace: http://www.culturactiva.org/gl/artista/desastronauts

Os dous últimos brotes de coronavirus declarados en Avión e O Carballiño continúan incrementando os contaxios, con novos casos confirmados por PCR nas últimas 24 horas.

O brote orixinado no Carballiño a pasada semana nunha reunión de amigos xa alcanza as 15 persoas afectadas, tras sumar tres novos casos notificados por Sanidade, un home de 25 anos, unha muller de 82 e un menor. Polo que respecta ao brote no municipio de Avión, contabilízanse dous novos positivos co que se eleva a once os contaxios activos, estes dous últimos son unha muller de 79 anos e un menor de idade.

Unha traballadora da Residencia de Maiores A Saleta de Cea está entre os once contaxios activos de Covid-19 no concello de San Cristovo de Cea, según os últimos datos actualizados por Sanidade nesta xornada, todos eles en illamento domiciliario e seguimento por parte do Sergas.

A muller forma parte do brote familiar declarado esta semana no municipio de San Cristovo de Cea. Por parte da dirección do xeriátrico xa se notificou esta circustancia ás familias das persoas residentes.

Un home de 82 anos faleceu a primeira hora da tarde deste xoves 3 de Setembro nun accidente co seu tractor no lugar de A Vila, na parroquia de Pazos de Arenteioro.

O tractor que conducía chocou primeiro contra un muro e despóis envorcou, provocando a morte do octoxenario.

Ata o lugar do accidente, o 112 mobilizou un operativo de emerxencias no que participaron os bombeiros do parque comarcal, efectivos do GES de Avión e Protección Civil de Boborás, asi como o persoal médico do 061 e un helicóptero medicalizado, aínda que xa nada poideron facer para salvar a vida da vítima.

Sanidade confirmou este mércores 2 de Setembro un novo brote de Covid-19 na Comarca do Carballiño, está localizado no concello de San Cristovo de Cea e afecta, de momento a seis persoas, aínda que podería aumentar unha vez que se coñeza o resultado das probas que se realizan aos contactos destas seis persoas.

O brote ten neste caso carácter familiar, e as seis persoas afectadas son dous homes de 34 e 56 anos, tres mulleres de 33,35 e 56 anos, un menor, todos eles en seguimento domiciliario por parte do Sergas.

A planta do Carballiño do Grupo Dizmar atópase nun período de plena actividade. Estes días saíron en transporte por estrada as dúas primeiras seccións para a ponte de Veldebebas, en Madrid, e traballa arreo na elaboración da estrutura metálica do novo hospital para epidemias da Comunidade de Madrid. O centro sigue o modelo de Ifema e contará con tres pavillóns de 7.400 metros cadrados cada un.

Está ubicado na Cidade da Xustiza, xunto a Ifema e o Aeroporto de Madrid-Baraxas Adolfo Suárez. A superficie total do novo hospital acadará casi os 40.000 metros cadrados organizados en tres pavillóns de 7.400 metros cadrados cada un, un centro loxístico/almacén central do Servizo Madrileño de Saúde (Sermas), de 7.900 metros cadrados; unha avenida peonil, un área administrativa polivalente, unha central de instalación, un memorial para as vítimas do Covid-19 e un monumento dedicado aos profesionais santarios. Este centro, que disporá de máis dun millar de camas e 48 postos de UCI, está previsto que se conclúa este próximo outono, polo que a planta de Dizmar do Carballiño traballa intensamente na elaboración da súa estrutura metálica, que lle foi encargada pola Comunidade de Madrid.

O presidente da Confederación Hidrográfica do Miño-Sil José Antonio Quiroga, e o alcalde do Carballiño, Francisco Fumega, rubricaron o Convenio de colaboración para o “Acondicionamento das marxes do río Arenteiro no Carballiño (Ourense)”, a través do mesmo, determínanse as condicións para o financiamento e execución, así como, o réxime da posterior entrega das obras para o seu mantemento e conservación.

PROXECTO

Nos anos 2007 e 2008 a extinta Confederación Hidrográfica do Norte executou o proxecto de acondicionamento de marxes do rio Arenteiro no T.M. do Carballiño (Ourense), no que se incluía a realización de paseos en ambas as marxes. Estes paseos sufriron unha notable deterioración no tempo transcorrido debido fundamentalmente á acción erosiva da auga de escorrentía.

As obras contempladas no presente convenio consistirán, por unha banda, na substitución do pavimento actual de xabre compactado por un novo a base de aripaq ou material similar resistente á erosión pola acción da auga e mellora da drenaxe e evacuación de augas pluviais e, doutra banda, o proxecto contemplará a substitución da cuberta dun lavadoiro adxacente ao paseo así como a mellora do acceso a través da rúa río Miño e o acondicionamento dunha leira próxima para a futura instalación dun parque infantil.

O proxecto será redactado polo Organismo de conca e o investimento necesario estímase en 350.000 €, dos cales a Confederación Hidrográfica do Miño-Sil, O.A. achegará 280.000 € e o Concello do Carballiño 70.000 €.