A curva do coronavirus continúa á baixa no Carballiño, unha tendencia que se mantén dende o venres da pasada semana, e no informe facilitado por Sanidade correspondente a este mércores dia 28 de Outubro vemos que a cifra actualizada de contaxios activos no Carballiño descende ata os146, son once menos ca onte. Tamén parece confirmarse esta mesma tenencia á baixa no concello de Boborás, que a dia de hoxe rexistra 23 casos, dous menos ca onte.Tamén rexistra un enfermo menos en relación a onte o concello de San Cristovo de Cea, que mantén 18 contaxios activos nesta xornada.
O único concello que desta vez incrementa os contaxios de Covid-19 é o de Piñor, tiña un único caso e pasa a ter 3, dous máis ca onte. E non hai cámbeos no resto dos municipios: Beariz (6) O Irixo (4) Maside (3) Punxín (3) e San Amaro (1)
Este é o exemplo de cómo se cumpre a normativa municipal e a lei de prevención de incendios forestais na rúa da Carreira, no medio do Carballiño, por parte de Fenosa, Naturgy, ou como se chame o monopolio este ¿cándo vai actúar o concello?
A actualización de datos da Consellería de Eduación deste martes 27 de Outubro déixanos boas noticias, xa que os casos de Covid-19 activos nos centros educativos da comarca do Carballiño experimentan un notable descenso en relación aos do pasado venres, cando eran 37 casos, que se quedan hoxe martes en 27.
Tan so o CPR Vila do Arenteiro rexistra un incremento de casos positivos de coronavirus na súa comunidade educativa, tiña un único caso o venres e hoxe notifícanse 3. Entra na relación de centros afectados, xa estivera e saíra da lista, á que regresa agora cun caso o CPI de Cea.
Mantéñense os mesmos contaxios activos da pasada semana no PAI de Boborás (6), que permanece pechado, CPI Terras de Maside (1) e Escola Infantil do Carballiño (1).
Descenden os contaxios no resto dos centros afectados, que según esta última actualización, son os seguintes: CPR Sagrado Corazón (6) CEIP Calvo Sotelo (2) IES Chamoso Lamas (2) IES nº1 (2) e CEIP de Boborás (3)
Señores políticos do Carballiño, a nivel autonómico e xa non digamos nacional vaia nivel de ineptitude que nos están dando, pero parece que vostedes non queren quedarse atrás. Expliquennos qué razóns hai para impedir a venta o aire libre un dia de feira con espacio de sobra, o único que favorecen son as agloremaciós nos poucos sitios que continúan abertos. Hai moita xente que coida durante todo o ano as flores para vendelas nesta feira e agora ¿qué? ¿que fan con elas? ¿comelas? e ten máis risco ir buscar unha ración de pulpo para levar a casa nunha pulpeira o aire libre, ca ir recoller un encargo a un restaurante? ¿consideran vostedes que hai risco de contaxio nas terrazas, parécelles normal que teñan asi á hostelería ? Non entendo nada, paren xa de fastidar á xente que o único que queremos é subsistir, eso é o que queremos, non e o traballo un dereito ? deixennos traballar e quedense coas súas axudas, que non as necesitamos. Emilio.
Este lúns, en pleno estado de alarma, 150 persoas celebran unha festa privada pasándose polo arco de trunfo todas as restriccións impostas polo Goberno. Entre estas persoas estaban, o minitro Illa, Pablo Casado, a Fiscal General del Estado, Arrimadas, dous ministros máis, o alcalde de Madrid, e Ayuso.
Pero esta xente qué nos está contando????
Desde logo, a xentiña, que irresponsables somos nonsí'?
O BNG carballiñés culpa "á desidia do goberno local " do estado de abandono dos pasos de peóns, que incumpren a lei de seguridade vial e a lei de accesibilidade, tanto en relación aos pasos de peóns como as deficiencias de varias beirarrúas.
O Bloque Nacionalista Galego acompaña esta denuncia pública cunha galería fotográfica na que se aprecian as deficiencias que poden encontrarse en distintas rúas do Carballiño, según podes observar abrindo o arquivo adxunto:
O alcalde do Carballiño asinou esta mañá un decreto no que prohibe a instalación de postos ambulantes este sábado 31 de Outubro no Carballiño, de igual maneira que xa aconteceu o pasado dia 16, tamén queda polo tanto suspendida esta segunda feira do mes, q que tradicionalmente é coñecida como "a feira das frores" xa que ten lugar na véspera do dia de todos os santos.
O concello emitíu un comunicado no que da conta do decreto asinado polo alcalde Francisco Fumega "dacorde coas restricións que están vixentes Carballiño e para reforzar as medidas de prevención ante o coronavirus"
A actualización de datos da evolución da pandemia deste martes dia 27 de Outubro continúa a tendencia dos últimos dias, reducindose o número de contaxios activos no Carballiño, 9 menos ca onte, polo que baixa a cifra aos 157 casos, 31 menos en relación a unha semana atrás. Tamén Boborás baixa outros dous contaxios activos e quédase con 25, son 7 menos en relación ao pasado dia 23 cando se alcanzou o pico de contaxios neste municipio con 32 casos.
O Irixo desconta outro caso, dos 5 de onte aos 4 de hoxe, un bo dato que podería levar ao comité clínico a propoñer que abandone as restricións de mobilidade vixentes neste municipio. Pola súa parte, San Amaro volve rexistrar un contaxio, onte aínda se mantiña libre de virus.
E sen cambeos no numero de veciños con infección activa de Covid 19 nos concellos de Cea (19) Beariz (6) Maside (3) Punxín (3) e Piñor (1)
Esta é unha foto da estación de Atocha ás sete da mañá (vixente o estado de alarma). Vemos hosteleiros servindo cubatas, xoves de botellón, e todos os clichés. Pero ás sete da mañá como saiu o Sol e o covid é un virus vampiro xa non afecta. Ademáis esas mascarillas chinas garanten a transmisión.
Pois nada, durante seis meses contemplaremos a destrucción do sector servizos e seguiremos caladiños porque quén lle di a éstes que a culpa non é de ningún sector. E lamentablemente temos unha agricultora en vías de extinción e una industria raquítica.
O toque de queda é a medida máis absurda pra sociedade do século XXI, tiña sentido no século XXVI, pero en pleno século XXI... Os efectos da destrucción dos motores da nosa economía xenerarán danos pra saúde igual de perversos que o COVID. Ogallá estea moi errado.
Que irresponsables somos, verdade??
Os contaxios activos de coronavirus descenden por quinto dia consecutivo no Carballiño, aínda que moi levemente, 2 casos menos ca onte, quedando hoxe lúns o dato actualizado nas 166 persoas con infección activa de Covid-19. Tamén segue descontando casos Boborás, 2 menos e quédase con 27.
O concello de San Cristovo de Cea é onde a tendencia é máis negativa, tras incrementarse os contaxios activos en 7 casos en relación a onte domingo, alcanzando xa a cifra das 19 persoas afectadas, cinco delas usuarias da Residencia de Maiores da localidade, todas elas asintomáticas. Non hai variacións no resto dos concellos, que manteñen os mesmos contaxios activos que nos últimos dias. Beariz(6) O Irixo (5) Maside (3) Punxín (3) Piñor (1) e San Amaro (0)
Páxinas
- « primeira
- ‹ anterior
- …
- 330
- 331
- 332
- 333
- 334
- 335
- 336
- 337
- 338
- …
- seguinte ›
- última »
