Coincidindo coa festtvidade de San Vitorio nee 27 de Agosto de 2020 o concello de Maside procedeu ao izado da súa nova bandeira oficial, converténdose asi no primeiro concello da comarca en contar con este distintivo, recoñecido oficialmente como tal pola comisión de heráldica da Xunta de Galicia.

No acto solemne, que contou coa presenza da corporación municipal e numerosos veciños de Maside, a banda de música A Lira interpretou o himno galego. A bandeira de Maside xa comparte balcón na casa do concello xunto as bandeiras galega, española e europea.

O expediente ante a Xunta de Galicia foi iniciado en 2008 avaliado polo estudo histórico asinado polo investigador masidao e experto en heráldica, Xosé Ricardo Rodríguez.

O PSdeG-PSOE "ven de recibir no dia dunha nova moi importante para o futuro do noso Concello de Leiro, atraves dos nosos representantes, neste caso dos deputados e senador en Madrid, que lle comunicaron o noso Portavoz Manuel Rodríguez" e continúan no seu comunicado os socialistas manifestando que "a Secretaria de Estado para o Avance Dixital, vai a dotar de rede de banda ancha, a varios pobos do noso Concello, que estaban carentes de cobertura como son Beran, Cubilledo, Gomariz, Casar, Lebosende,Leiro, As Cortes, Orega, Barouta, Meson do Pardo, A Ponte, A Veiga, Paredes, Saa, Vieite e Barzamedelle todos estos pobos estaban dentro do que se denomina zonas blancas que son zonas que no dispoñian de cobertura de rede de banda ancha de nova xeneración, nin previsions para a sua dotación por algún operador, polo que no dia de hoxe os nosos compañeiros nos confirmaron que en proximas datas se vai executar a través da adxudicación a empresa Telefónica, coa cofinanciación de Fondos Europeos Feder e o Goberno de España", indican os socialistas de Leiro.

O portavoz no concello de Leiro, Manuel Rodríguez. salianta que "a nos mes de Febreiro de este ano 2020, presentamos en Pleno unha Mocion na cal pediamos a cobertura de internet e movil, porque creemos que si queremos asentar poboación no rural, pois temos que levar acabo politicas enfocadas as melloras das novas tecnoloxías, xa que resultan hoxe absolutamente básicas para vivir e traballar e mais agora con esta pandemia do COVID-19, eliminando está fenda dixital por parte do Goberno de España vamos a ter as mesmas oportunidades laboráis, de formación, de emprendemento e de ocio que internet e as novas tecnoloxías nos brindan", celebra finalmente o concelleiro.

O concello do Carballiño ven de anular o procedemento administrativo para a concesión municipal do Servizo de Axuda no Fogar e Espazo Común considera que é unha mostra "do nivel de incapacidade para resolver os problemas máis sinxelos que amosa o goberno do Carballiño comeza a ser preocupante. Queda claro que sendo o goberno máis caro da historia, semellan firmemente decididos a ser tamén o máis incapaz".

ESCO entende que "a xestión dun servizo público da importancia do de axuda no fogar, do que dependen un bo número de persoas e familias é unha clara mostra do desastroso funcionamento do goberno de Fumega". E explican a súa critica recordando como "despois de manter en precario, co contrato vencido, durante 20 meses, á empresa adxudicataria, no mes de maio o PSOE levou a pleno a aprobación dun novo concurso, incumplindo así o alcalde unha vez máis a súa propia palabra e esquecendo o compromiso de remunicipalizar dito servizo". Ademáis, recordan que "na sesión do 12 de maio aprobáronse uns pregos que dende Espazo Común xa advertimos que contiñan erros e irregularidades. A pesares dos avisos o rexedor decidiu continuar adiante e pasar o rodillo da súa maioría absoluta. Só un mes despois, o 17 de xuño tivo que recuncar e voltar a levar os pregos a pleno cun importante número de correccións".

Aseguran dende Espazo Común que a partir desa data, o único requisito era subir os pregos aprobados á Plataforma de Contratación do Sector Público para que as empresas interesadas poideran comezar a presentar ofertas. "Un traballo que nun mundo normal levaría apenas unhas horas, vai xa por tres meses e medio para que o Concello do Carballiño complete o trámite. A día de hoxe, a páxina para facelo, que leva pendurada da páxina dende o 10 de xullo xa foi rectificada o día 28, o que implicou unha obrigada ampliación do prazo legal para a recepción de ofertas e no día de onte, 25 de agosto aparece o concurso coma anulado",poñen de manifesto. Remarcan, finalmente que "a ineptitude á hora de xestionar un contrato de 4.500.000 € resulta impresentable e dende Espazo Común demandamos á concelleira responsable Guadalupe Sobrado e ó alcalde Fumega que dean explicacións de xeito inmediato".

As actividades programadas polo concello masidao deron comezo o pasado sábado co espectáculo de Dar Trela "Risoteatria" e teñen continuidade coas Noites de Cine, ás 21:30 na Praza Maior coas proxeccións das películas "Angry Birds 2", "Padre no hay más que uno" e "Spirderman-Lejos de casa".

O xoves 27 é festivo de carácter local no concello de Maside, e as 13 horas procederáse a izar a nova bandeira oficial no balcón do consistorio. Ademáis, neste mesmo dia de San Vitorio as bombas de palenque anunciarán ás 10 da mañá a festividade, que terá misa solemne ás 12 do mediodia ao aire libre, no parque do feiral de Maside, ao pe da igrexa parroquial.

A Banda de música A Lira de Ribadavia ofrecerá pasarrúas e un concerto ás 13:30 horas na Praza Maior, mentres que a charanga Castro Bello animará as rúas dende as 19 ás 24 horas, tamén acturán grupos locais na tradicional tarde de folc e troula.

Xa o venres 28, os masidaos gozarán dos pasarrúas matinais da Banda de Música de Boborás, que despóis dará un concerto ás 13:30 horas na Praza Maior. Dende as 19 horas máis música coa charanga CLK, e as 23 horas un concerto na rúa principal de Maside do grupo "The Impossiblues". Unha sesión de fogos artificiais á medianoite completará este programa de actividades organizado polo concello de Maside en substitución das Festas de San Vitorio, que este ano non se celebran debido á pandemia do Covid 19.

A convocatoria co seu texto completo pode verse na Base de Datos Nacional de Subvencións (https://www.infosubvenciones.es/GE/esw/convocatoria/519094), e no Boletín Oficial da Provincia deste martes 25 de Agosto pubícase o extracto, que é o que reproducimos nesta información.

O extracto ten por obxecto regular a convocatoria para a concesión de axudas, en réxime de concorrencia non competitiva, destinadas a traballadores/as autónomos, microempresas e pequenas empresas cuxo domicilio fiscal e local comercial ou negocio afecto á actividade, radique no termo municipal do Carballiño, e este último permanecera pechado ao público ou detivese a súa actividade empresarial como consecuencia das medidas derivadas da declaración do estado de alarma provocado polo COVID-19, e cumpran os requisitos quese establecen nas bases reguladoras, sendo a finalidade última delas o fomento de emprego no termo municipal.

Obxectivos:

a) Paliar a incidencia que tivo a declaración do estado de alarma, acordada polo Goberno en virtude do Real decreto 463/2020, do 14 de marzo, prorrogado en sucesivas ocasións, para a xestión da situación de crise sanitaria ocasionada polo COVID-19, en todo o territorio nacional e, en concreto, no termo municipal do Carballiño, e minimizar o seu impacto económico e no emprego. b) Preservar o tecido empresarial, obrigado ao peche dos seus establecementos, ao tratarse de actividades non esenciais e, por tanto, afectadas polas prohibicións impostas pola declaración do estado de alarma. c) Protexer o interese xeral da veciñanza do Carballiño, dando soporte aos traballadores/as autónomos, ás microempresas e ás pequenas empresas tratando de manter todos os postos de traballo. d) Lograr que, unha vez finalizada a alarma sanitaria, se produza canto antes unha reactivación da economía do noso concello, actuando directamente sobre as persoas físicas e xurídicas máis afectadas, e tratar de evitar, na medida do posible, situacións de risco ou exclusión social derivadas do peche da actividade e) Impulsar a actividade económica no termo municipal do Carballiño, outorgándolles liquidez ás empresas do concello para contribuír a facilitar o cumprimento das súas obrigas empresariais e o mantemento da actividade e o fomento de emprego, e amortecer, así mesmo, a redución drástica de ingresos. f) Promover e mellorar a participación no uso das TIC (tecnoloxías da información e as comunicacións) 

Persoas beneficiarias e requisitos.

Poderán solicitar a subvención as persoas físicas ou xurídicas, así como as comunidades de bens, sociedades civís ou outras entidades económicas sen personalidade xurídica legalmente constituídas que leven a cabo as actividades empresariais que motivan a concesión das subvencións e que cumpran os seguintes requisitos:

a) Que se trate dunha actividade empresarial ou profesional.

b) Que a actividade sexa desenvolvida por unha persoa física (traballador/a autónomo/a), unha microempresa, unha pequena empresa ou unha empresa de economía social. Terán a consideración de traballadores/as autónomos/as beneficiarios/as aqueles/as que tributen mediante o sistema de estimación obxectiva ou ben aqueles que, tributando en estimación directa, non superen un millón de euros de importe neto de cifra de negocio anual (casa 01 modelo 130 ou equivalente que acredita o importe anual). Para os efectos da presente convocatoria, terán a consideración de microempresas e pequenas empresas as que ocupen menos de quince traballadores/as e que non superen un millón de euros de importe neto de cifra de negocio (casa 00255 modelo 200 ou equivalente).

c) Que teña o seu domicilio fiscal no termo municipal do Carballiño.

d) Que se producise o peche total do establecemento ou que, ao ser cualificada como non esencial, se producise o cesamento total e absoluto da actividade, en aplicación do disposto no artigo 10 do RD 463/2020, do 14 de marzo, modificado polo RD 465/2020 do 17 de marzo.

e) Que o solicitante estea exento do Imposto de Actividades Económicas no exercicio fiscal de 2020, extremo que se comprobará a través do último padrón aprobado.

f) Que estea dado de alta no réxime da Seguridade Social ou na mutua profesional correspondente e na Axencia Estatal de Administración Tributaria no momento da presentación da solicitude.

g) Que non se atope incurso en ningunha das circunstancias previstas nos artigos 13.2 e 13.3 da Lei 38/2003, do 17 de novembro, xeral de subvencións, e, en particular, estea ao corrente no cumprimento das súas obrigas tributarias coa Facenda Estatal (AEAT) e coa Tesouraría Xeral da Seguridade Social (TXSS) no momento da presentación da solicitude, e coa Atriga e o Concello do Carballiño. Establécese un límite máximo de subvención do 90% do total do gasto subvencionable, que non terá en conta o IVE. Os límites máximos de subvención por beneficiario serán de 1.000 euros.

Prazo de presentación das solicitudes.

As solicitudes para participar no presente procedemento deberán presentarse no prazo de quince días hábiles, a contar desde o día hábil seguinte á publicación no Boletín Oficial da Provincia de Ourense do extracto da convocatoria remitido pola Base de Datos Nacional de Subvencións. Da devandita publicación darase información no portal de internet do Concello do Carballiño.

Manifestan que "nuns momentos extremedamente complexos e nos que as diferentes administracións apelan á responsabilidade individual de cada un de nós para frear a pandemia que nos asola e que costa vidas humanas tódolos días, o papel dos concellos é fundamental nesta loita".

E subraian que "as administracións máis próximas ó cidadán teñen a obriga de controlar o cumprimentos das medidas de protección decretadas e ó mesmo tempo poñer tódolos seus recursos ó dispor da tarefa de garantir a saúde pública. Excepto no Carballiño, onde é moi evidente que hai outras prioridades".

Dende Espazo Comùn decláranse "afeitos ó oscurantismo e a constante falsidade e manipulación dos feitos por parte do alcalde Fumega e o seu equipo pero este comportamento acada o grao de mesquiño e miserento xa que falamos de que se xoga coa saúde da veciñanza".

Aseguran que "o longo da semana pasada houbo un constante devir de novas sobre un brote de COVID19 no Carballiño que acadou un número importante de casos, incluso na plantilla de traballadores do propio Concello". Engaden que "ó contrario do que fixeron en lugares tamén gobernados polo PSOE coma Barbadás ou Monforte onde inmediatamente se fixeron públicos os contaxios e se publicaron bandos e informacións demandando á cidadanía extremar precaucións, o goberno carballiñés tentou facer ver que non acontecía nada. Nin unha soa nova, nin unha soa publicación en redes, nada".

"Chegouse ó punto de pechar as instalacións de Servizos Socias, o pasado luns, para unha desinfección despois de saber que un dos positivos estivo alí en días anteriores. Eso sí, sen avisar nin tan sequera ós usuarios que tiñan cita previa nin poñer un cartel informativo na porta das instalacións.
Noutras dependencias municipais onde se sabe certamente que houbo presencia dalgún dos infectados, negouselle ós traballadores durante días que fora necesario facer desinfección algunha",afirman dende Espazo Común e pregúntanse polas "motivacións de Fumega e o seu grupo para un comportamento tan irresponsable pero sí sabemos que o seu mesmo partido, anuncia que non acudirá o pleno do Concello de Ourense pola falla de transparencia de Jácome no tocante a un positivo dun traballador municipal, qúe opinará logo o señor Villarino desta nova contradicción co seu amigo o alcalde do Carballiño".

Finalmente, esixen a Fumega "que se deixe dunha vez de tacticismo político e de manipulacións e que non xogue con algo tan delicado e que pode ter un custo tan caro para a veciñanza. Informar, cumprir coas normas e ser transparentes e o mínimo que ten que facer o Concello do Carballiño nestas circunstancias".

As obras de renovación do firme na autoestrada AG-53 farán necesarios os cortes do enlace de San Cristovo de Cea e da saída de Piñor dende o luns ata o venres.

En concreto, estes peches de tráfico prolongaranse dende a mañá do luns ata a mediodía do venres. Ademais, tamén se cortará a calzada esquerda da autoestrada, en tramos duns 4 km de lonxitude, o que será sinalizado coa antelación necesaria.

Na autoestrada disporanse paneis de sinalización antes da saída cara a AG-54 e na entrada desde a estrada OU-504 coa fin de avisar aos usuarios dos cortes e dos percorridos alternativos, mediante a AG-54, a OU-504 ou a N-525.

Cómpre lembrar que a Xunta está a executar a mellora do firme no tramo comprendido entre Dozón e San Cristovo de Cea, dende o punto quilométricos 56+320 ao 74+200 da autoestrada, cun investimento duns 4,8 millóns de euros.

No marco desta intervención, as citadas restricións na circulación son precisas para poder avanzar na extensión da capa de rodadura, que debe realizarse a calzada completa. Os traballos consisten na reparación de danos superficiais na estrada, no fresado de taboleiros de pasos de vigas e na reposición do firme en todo o tronco da vía e nos ramais do enlace de Cea. Tamén se levarán a cabo o repintado de todas as marcas viarias do tronco e dos ramais da autoestrada e a reposición de captafaros e elementos de balizamento.

O concello de Maside procederá o próximo xoves dia 27 de Agosto, coincidindo coa festividade de San Vitorio e festivo local no municipio, a estrea e izado da nova bandeira no balcón do consistorio masidao, e no transcurso dun acto solemne que se celebrará ás 13 horas.

O novo distintivo foi aprobado pola Comisión de Heráldica da Xunta de Galicia, a petición municipal e partindo dunha proposta realizada polo historiador e investigador masidao Xosé Ricardo Rodríguez, experto en xenealoxía e heráldica.

A bandeira de Maside fai alusión á historia da vila e concello e recolle varios símbolos que o identifican. Sobre fondo verde e en amarelo dourado aparece a torre da casa do concello, sen dúbida o elemento máis identificador de Maside, que aparace flanqueada por dous leóns, sobre dúas ondas, tal como tamén figuran no escudo municipal.