O plan de mellora de infraestuturas no casco urbano e no rural do municipio do Carballiño prosigue a bo ritmo co acondicionamento de oito rúas na zona residencial.

Trátase das rúas Illas Baleares, Cataluña, Madrid, Extremadura, País Vasco, Navarra, A Rioxa e Aragón, que contarán cun novo asfaltado en quente, beirarrúas nalgúns tramos, así como renovación da rede de auga e alcantarillado, tamén nalgúns tramos. O investimento é de 112.000 euros, que son sufragados íntegramente con fondos do concello.

Así mesmo, este verán acondicionáronse seis rúas na zona de Arcos, que son as rúas Bearíz, Maside, Leiro, Punxín, Boborás e San Amaro. O proxecto consistiu no asfaltado en quente, así como a renovación da rede de auga. O investimento foi de 119.000 euros, e sufragouse con fondos propios do concello.

Finalmente, en breve comezarán as obras de novo asfaltado e acondicionamento de tres rúas tamén na zona de Arcos, que con as rúas Pico Seco, Pena Grande e Volante. O investimento é de 100.000 euros, que son sufragados con fondos da Deputación Provincial de Ourense.

Foron moitas as familias do San Amaro as que durante os meses de desconfinamento padeceron a lamentable cobertura de telefonía e internet que castiga a moitos puntos da nosa xeografía, afimran dende o grupo políitico de Espazo Común.

Veciños e veciñas que tiveron serios problemas para poder teletraballar e nenos e nenas que tamén o tiveron moi complicado para poder seguir o ritmo das clases en liña, aseguran.

Engaenden que "en pleno ano 2020 esta debera ser unha obriga para o alcalde e o seu equipo por un gran número de razóns: fixaría poboación, melloraría as condicións de traballo das empresas locais, garantiría unha mellor situación para as familias no caso de ter que afrontar un novo confinamento.
A inminencia do comezo do curso escolar e a situación de descontrol dos contaxios, con varios casos xa no noso Concello, fai extremadamente urxente que esta cuestión se convirta en prioritaria na axenda dos responsables municipais".

Por todo o antedito, Fausto Alén, voceiro de Espazo Común no San Amaro, solicitará mediante escrito no Concello que o alcalde se poña a traballar nun Plan que garanta unha cobertura de calidade en tódolos lugares tanto de móbil como de internet.

A Xunta de Goberno da Deputación de Ourense ven de aprobar unha rsolucion sobre o concurso público para subvencións, en réxime de concorrencia non competitiva, a persoas físicas que levan a cabo proxectos empresariais ou de autoemprego en municipios rurais en declive demográfico da provincia de Ourense, no marco do proxecto emprendOU.

No ámbito intercomarcal O Carballiño-Ribeiro son subvencionables os proxectos de autoemprego presentados por xóvenes entre os 16 e os 30 anos que residan en calquera dos concellos de ambas comarcas, coa única excepción do municipio do Carballiño.

En concreto, as iniciativas que agora reciben esta axuda desenvolveránse nos concellos do Irixo e Maside e refírense a recolección de produtos silvestres, café-bar en vehículo, servizos forestais e comercio ao maior de produtos cosméticos. Cada emprendedor recibirá unha axuda de 675 euros durante doce meses.

Tras acelerarse a aparicición de novos casos positivos en coronavirus no transcurso dos últimos dias, Sanidade non notifica neste inicio de semana novos casos nos brotes activos do Carballiño, Avión e San Cristovo de Cea.

No Carballiño permanecen activos tres brotes, os dous primeiros que sumaban catro e cinco casos respectivamente quedaronse establizados con esas cifras iniciais, mentres que o terceiro e máis numeroso parece tamén estabilizarse, tras sumar 16 persoas contaxiadas.

Tamén parecen establizarse os dous brotes de Avión, con tres e once casos respectivamente, e o declarado no concello de San Cristovo de Cea, do que forma parte unha traballadora da Residencia de Maiores A Saleta, neste xeriátrico todas as probas practicadas tanto a residentes como ao persoal deron resultado negativo.

A Fundación Insua dos Poetas programa unha noite de cine e poesía, en colaboración co Cine-Club O Carballiño, a partir das 21 horas deste mércores dia 9 de Setembro.

Presentaráse o libro de poesía de José Lameiras "Contra Golpes" e proxetaránse os documentais producidos polo equipo de audiovisuais do IES Chamoso Lamas "Sons no Camiño" e "O Andar da Pedra", completando o programa a película-documental de Aitor Rei "A última viaxe do Afiador".

Para a semana próxima, o xoves dia 16 a Fundación Insúa do Poetas ofrece un concerto musical a cargo do grupo Luar na Lubre.

Todas a probas realizadas ata o de agora tanto a persoas residentes como ao persoal da residencia de maiores A Saleta de Cea deron resultado negativo.

Esta semana Sanidade confirmaba un caso positivo en coronavirus dunha traballadora do xeriátrico xetionado pola Fundación San Rosendo en San Cristovo de Cea, un caso que forma parte do brote de tipo familiar notificado polo Sergas esta semana no muniicpio de San Cristovo de Cea.

O Concello do Carballiño, dentro do Plan de Reactivación Económica, continúa co proceso de recepción de solicitudes das axudas, en réxime de concorrencia non competitiva, destinadas a traballadores/as autónomos, microempresas e pequenas empresas cuxo domicilio fiscal e local comercial ou negocio afecto á actividade, radique no termo municipal do Carballiño, e este último permanecera pechado ao público ou detivese a súa actividade empresarial como consecuencia das medidas derivadas da declaración do estado de alarma provocado polo COVID-19.

Estas axudas están destinadas a financiar diferentes gastos, a través de 3 liñas de financiamento: Gastos de alugueiro do local comercial, Transición cara ao comercio en liña ou optimización do existente e diferentes tipoloxías de axuda para financiar os gastos derivados do cumprimento das especificacións de peche de atividade tales como Gastos sanitarios e de desinfección e Gastos de asessoramento, xestoría, consultoría, ou servizos profesionais especializados
A día de hoxe recibíronse mais de 200 solicitudese, das cales o 30 % pertencen ao sector do comercio, o 40 % ao sector da hostalería, o 20 % a traballadores autónomos e o 10 % a outros sectores económicos.

O prazo de presentación de solicitudes remata o vindeiro día 15 de setembro de 2020, e para realizar calquera consulta están a vosa disposición os seguintes números de teléfono: 662920641 / 617851309.

Ademais, recordamos que o Concello do Carballiño puxo em marcha unha oficina especializada de atención ás empresas para ofrecer información e asesoramento especializado e que pode consultarse en liña na seguinte dirección: https://oficinacovid.carballino.gal