O BNG repróchalle ao goberno socialista que "no Carballiño seguimos agardando a que se elaboren as bases para que se concedan as axudas económicas ao tecido economico do Carballiño, hostelería, autónomos e pequenas empresas, e aos sectores sociais máis vulnerables. Que agora sabemos que serán feitas por unha empresa allea ao concello".

E recordan que tras aprobar en pleno do 12 de maio a modificación dos orzamentos municipais con unha cantidade importante de partidas destinadas aos sectores máis sensibles aos efectos da crise provocados pola pandemia da COVID, resulta que as axudas ainda non podrán solicitarse.

“No pleno de maio o BNG criticou a ausencia das bases para a concesión das axudas, que permitirían aliviar a situación da veciñanza máis afectada pola crise económica xerada pola pandemia. Pois para o BNG a axilidade nesta situación é un factor determinante” declara Sofía García, voceira do Grupo municipal do BNG do Carballiño.

E remarca que "tras tres semanas de demora inxustificada na elaboración destas bases, agora infórmasenos que se prepara un prego para un contrato menor para que unha empresa elabore estas bases".

Por elo, desde o BNG consideran "inxustificado este gasto e esta demora, sobre todo se temos en conta temos concelleir@s a soldo que podrían facelo conxuntamente cos servizos xurídicos e adminstrativos dos que dispón o noso concello”.

E concúen os nacionalistas subliñando como "esta xestión non ven máis que a poñer de manifesto a indolencia do goberno municipal cara a situación que está a vivir a veciñanza e as súas ansias privatizadoras. Privatizar a elaboración das bases sumase á longa lista des sevizos municpais privatizados por este goberno supostamente socialista".

O Carballiño conta actualmente con case medio millón de metros cadrados de espazos verdes, sendo o parque municipal e as ribeiras do río Arenteiro as zonas con maior biodiversidade e de maior interese.

No Día Mundial do Medio Ambiente, que se celebra este venres, 5 de xuño, e que nesta edición está dedicado á conservación da biodiversidade, o concello quere resaltar o esforzo que supón o mantemento dos espazos verdes.

En concreto, cabe destacar o parque municipal, de 32 hectáreas, que está a piques de cumprir o centenario da súa creación, e que é un dos parques máis salientables de Galicia, pois conta cunhas 140 especies botánicas catalogadas ademais dunha importante colonia de aves e de especies piscícolas.

Hai especies de grande singularidade, como son dúas grandes secuoyas (Secuoia sempervirens), os Eucalyptus globulus da entrada, varias especies de cipreses imponentes, un exemplar de Eucalytus ovata, probablemente o único en Galicia, tuyas xigantes e pinos de oregón, así como ginkgos, liquidámbar, carpes, arces, carballos americanos, chopos, tilos, castiñeiros ou bidueiros.

E doutro lado, resaltan os sendeiros do río Arenteiro, desde a Ponte de Veiga ata a Ponterriza, e incluso ata Castro Cavadoso, pasando pola Piscifactoría e o Parque Etnográfico, cunha paisaxe característica de ribeira fluvial. Así como a ruta do Camiño dos Arrieiros, con tramos á beira do río Carrás.

Trátase dun conxunto de zonas naturais, que requiren un esforzo notable de mantemento, e que lle otorgan ao Carballiño un lugar preferente na conservación de espazos naturais, e que poden disfrutarse durante calquera época de ano.

O Carballiño CCA inicia unha campaña de captación de socios, debido ás chamadas rexistradas nos últimos días de negocios interesándose polos servizos que ofrece a asociación empresarial.

O colectivo envía unha comunicación aos establecementos do Carballiño, que non son asociados, no que ofrece información do traballo realizado nestes duros tempos ocasionados polo Covid-19, así como dos servizos e das actividades organizadas ao longo de todo o ano para dinamizar o comercio e a hostalería no Carballiño.

A asociación Carballiño CCA fai un chamamento á unión do empresariado carballinés .
 Na carta destácase que “na actualidade desde que comezou toda esta situación creada polo Coronavirus, vimos informando puntualmente os membros da nosa asociación de todas as novidades normativas, aconsellándoos en todas as dúbidas e cuestións que nos presentan, atendendo as súas peticións dentro das nosas posibilidades e estamos a facilitar na medida do posible o material necesario para reabrir todos os nosos negocios. Ademais permanecemos en contacto con todas as administracións para reclamarlles medidas de apoio e axuda esenciais hoxe en día, e que como é lóxico, estas peticións ou esixencias terán máis peso canto máis grande sexa o noso colectivo”.
E engade: “a importancia de estar ben informado e asesorado, tanto da normativa, que cada día é cambiante, como das axudas que veñen publicando, será vital tamén para todos os empresarios. Desde Carballiño CCA garantimos estes servizos de forma gratuíta.

As empresas interesadas poden obter máis información dirixindo un correo electrónico a carballinocca@gmail.com ou no teléfono de contacto 988530011

Carballiño CCA conta, a día de hoxe, con preto de 90 establecementos asociados. As últimas altas son Hotel Restaurante Ou Xardín, Florería Flor de Lis, Café Bar o Caserío, Cortinas López e Plumetti, aos que a asociación dá a benvida.
A xerente, Noelia Mares, confirma que “media ducia máis de empresas do Carballiño pedíronnos información sobre o noso funcionamento. Engade que “quixemos aproveitar todas estas chamadas para poñer en marcha esta campaña de captación de socios, porque cuantos máis sexamos máis cousas poderemos facer xuntos e para beneficio de todos os nosos asociados e asociadas”.


Durante a crise ocasionada polo Covid-19 Carballiño CCA non pasou á cobranza as cotas dos seus asociados nos meses de abril e maio.

O presidente de Carballiño CCA, Julián Garriga, explica que “agora estamos a estudar como afrontaremos os próximos meses. Os negocios están a abrir aos poucos . Imos ser flexibles cos novos asociados que se dean de alta desde agora , xa que comezarán a pagar a súa cota en agosto e así valoran a súa decisión de formar parte da asociación. Garriga engade: “isto suponnos un esforzo moi grande para a asociación, economicamente falando, pero entendemos que así tiñamos que facelo.

Por outra banda, desde Carballiño CCA indican que o horario de atención ao público será de 9:30 a 14:30 horas de luns a venres. Tamén lembran que a asociación dispón do seguinte número de teléfono: 698173665 e do mail carballinocca@gmail.com para ampliar a súa atención de consultas ou asuntos diversos.

Cun presuposto de licitación de 108.207 euros, e un presuposto de adxudicación de 79.327 euros, diron comezo esta semana os proxectos de reforma das rúas Eduardo Blanco Amor e Eusebio Lorenzo, que se enmarcan no plan de mellora de infraestruturas viarias do casco urbano e do rural do Carballiño.

Os proxectos conlevan a renovación da canalización da rede de abastecemento e saneamento, así como beirarrúas e asfaltado en quente.

Hai unhas semanas comezaron tamén as obras da rúa Saleta, que conlevan novo asfaltado, reposición da rede de abastecemento e saneamento, beirarrúa e iluminación led. Estas obras, xunto coas que se realizan nas rúas Madalena, Solana e San Benito, suporán unha mellora significativa dos viais deste barrio, cuxo estado era moi deficiente.

Trátase da primera fase dun plan de mellora de infraestruturas viarias do casco urbano e do rural do Carballiño, que afecta a máis de vinte rúas e que financia o concello con cargo ao superávit do ano 2018, por un importe global de 600.00 euros.

Ademais desta primeira fase do plan, está revisto reformar as rúas Baleares, Rioxa, País Vasco, Navarra, Aragón, Extramadura, Madrid e Cataluña, así como as rúas Beariz, Boborás, Leiro, Maside, Punxín e San Amaro; e tamén a iluminación con led entre O Torrón a As Caldas de Partovia.

Finalmente, contémplase a renovación do saneamento da Baixada a Flores e a rúa Azucena, así como a ampliación da rotonda de Flores, en Aquilino Sánchez.

O concelleiro de turismo do concello do Carballiño, José Manuel Dacal, non entende a polémica suscitada polo anuncio de dedicar a Festa do Pulpo deste ano 2020 aos sanitarios, e persoal de emerxencias e traballadores que estiveron en primeira liña na loita contra o Covid-19.

Tras este anuncio do concello carballñés, feito nun comunicado informativo difundido o pasado sábado, o mesmo suscitou críticas dos grupos da oposición ao considerar que nin é o momento nin as formas, e xerou un amplo debate entre audiencia de COPE O Carballiño sobre a conveniencia ou non deste anuncio e mesmo sobre a celebración ou non da festa do pulpo neste ano 2020, a 58 edición da festa.

Dacal ten unha explicación para esta polémica "igual é que so leron o titular, que igual non foi de todo acertado, e non leron a letra pequena do comunicado", xa que o concelleiro ten claro que en ningún momento "deixamos de decir que o que se faga será con todas a medidas de seguridade que sexan precisas, non creo que nin o Goberno ou a Xunta, que vai autorizar as verbenas, vaian permitir que nos contaxiemos".

"Non imos deixar morrer a festa, e todos sabemos o que representa para O Carballiño, xa verémos con que formato, pode ser parecido o da festa da cachucha, pero si xa temos as pulpeiras os dias de feira, non vexo o motivo que non poidan estar o dia da festa do pulpo", reflexionou Dacal.

Aínda que polo tanto non está decidido o formato de organización que terá a festa "dependerá da evolución da pandemia, en todo caso, sí que terémos festa do pulpo", asegurou o concelleiro de turismo.

O concello do Carballiño contempla a apertura dun novo vial á localidade de Vilar, na parroquia de Veiga, que solucione os problemas de accesibilidade que ten este lugar para o acceso de vehículos de tamaño grande, e mesmo vehículos de emerxencia, como bombeiros, ou doutro tipo.

O alcalde Francisco Fumega está aberto a estudar a execución deste proxecto que se acometería aproveitando un camiño de carro xa existente que comunica Vilar coa zona de Pedrouzo, nas inmediacións de Toscaña de Arriba.

O rexedor municipal confirmou que se trata dunha proposta presentada por veciños "xa fixemos un estudo previo para ver todos os propietarios que terían que ceder terreo para facilitar o ensanche do camiño, despois o concello acometeria o proxecto de apertura do novo vial".

O concello do Irixo financiará este proxecto cunha aportación da Xunta de 60.000 euros, un proxecto novidoso no ámbito comarcal e que consistirá na creación dunha área recreativa e medioambiental infantil.

Os nenos e nenas do Irixo poderán iniciarse neste espazo nos cultivos ecolóxicos, e tomando conciencia dos coidados do medioambiente, e sen deixar de lado o aspécto lúdico, propio da idade infantil.

A ubicación desta nova infraestructura será nun espazo anexo ao centro escolar do Irixo, para que desta maneira poida utilizarse por parte do alumnado do propio centro. A instalación, según recolle o convenio asinado polo concello do Irixo coa Xunta, deberá estar rematada antes do próximo mes de Outubro, según avanzou nesta emisora de radio o alcalde da localidade, Manuel Cerdeira.

O BNG esixe ao presidente da Entidade Local Menor "que defenda os intereses de Berán inste a unha modificación do percorrido, que se recolla o seu pola pola parroquia desde Caldelas ata Caldas".

A reclamación do grupo nacionalista chega despois de saberse da proposta da Asociación Camiño Miñoto-Ribeiro, da que forman parte varios concellos das comarcas do Ribeiro e O Carballiño, sobre o trazado desta ruta xacobea, que aínda está sen oficializar como tal.

O BNG denuncia "o escurantismo desta asociación, que non tivo en conta o traballo que se leva feito por diferentes colectivos de Berán e fora de Berán".

Poñen de manifesto que "o paso do camiño pola parroquia de Berán é un engadido para a divulgación do noso balneario e un valor turístico para Berán, sendo unha reivindicación de diferentes asociacións e veciños de Berán dende que se ven reclamando dende fai ano".