José Francisco González Ferreiro "Chiquilín" e "Chiqui" para os seus amigos, faleceu este sábado no CHUO, onde ingresou fai unhos dias despóis dun empeoramento da enfermidade.

Sen dúbida, o traballador municipal en activo máis popular, querido e respectado do concello do Carballiño, dende que a principios da década dos anos oitenta do século pasado tomara o relevo do seu pai como varredor municipal.

"Xa perdín a memoría de cantos alcaldes tiven" dixo na súa última entrevista en COPE O Carballiño", e é que non era doado levar a conta, estivo con Argimiro Marnotes Rodríguez, José Luis García, Marquina, Pachi Vázquez, Carlos Montes, Argimiro Marnotes Fernández, e Francisco Fumega.

Durante case corenta anos era o primeiro traballador en iniciar a súa xornada laboral, que remataba sen mirar o reloxio, e asi ata que fai tres anos tivo que coller a baixa laboral obrigado pola enfermidade, no mes de outubro do ano pasado pedíu a alta voluntaria para incorporarse novamente ao seu posto de traballo no concello do Carballiño, onde continuou ata que a saúde llo permitíu.

"Chiquilín" era un deses traballadores que calquera empresario gustaríalle ter na súa empresa, responsable, bo compañeiro, entusiasta no seu traballo, para él o máis importante era que as rúas do Carballiño lucisen limpas, ver a "Chiqui" a primeira hora da mañá transmitía ánimo, vitalidade, optimismo, alegría. 

O Carballiño vaite botar de menos "Chiqui". Descanse en Paz.

O concello do Carballiño quere render unha homenaxe ao persoal de sanidade e emerxencias que estivo na primeira línea da loita contra o Covid-19, e por eso lle dedica a próxima Festa do Pulpo.

Ademáis destes colectivos, o concello quere recoñecer tamén o esforzo realizado polo persoal farmacéutico, forzas de seguridade estatal e autonómica, Exército, Policía Local, Protección Civil, Grumir, coidadores e coidadoras de residencias de maiores e de axuda no fogar, transportistas, empregadas e empregados dos supermercados e de todo o sector da alimentación e, en xeral, aos traballadores e traballadoras que estiveron nos seus postos de traballo durante o período de confinamento.

A 58 Festa do Pulpo, que se celebra o domingo 9 de agosto, non terá o carácter de festa gastronómica multitudinaria como se veu celebrando habitualmente, senón que nesta ocasión, por causa do coronavirus, será unha festa moito máis reducida, na que se tomarán todas as medidas establecidas para evitar posibles contaxios por Covid-19, e que estará a expensas da evolución da pandemia durante os meses de xuño e xullo.

Na medida do posible, intentarase manter na semana do 1 ao 9 de agosto un programa de actos de pequeno e mediano formato, que terán lugar nas prazas do Carballiño respectando a normativa establecida para eventos culturais ao aire libre.

E o domingo 9 de agosto, o propio día da festa, no que o gran protagonista é o pulpo á feira, así como os pulpeiros e as pulpeiras, establecerase un sistema que permita poder celebrar a festa entre o parque municipal e os establecementos hostaleiros do casco urbano, evitando posibles aglomeracións e respectando sempre as normas de separación e de prevención establecidas polas autoridades para garantir a máxima seguridade ante calquera risco de contaxio.

En todo caso, o formato da festa será establecido nas próximas semanas, unha vez que se comprobe a evolución e o control da pandemia, e se coñezan polo miúdo as normas marcadas para os eventos culturais, festivos e gastronómicos, como é o caso da Festa do Pulpo do Carballiño.

O PSdeG-PSOE ven de presentar unha serie de preguntas con respecto as medidas ou protocolo de actuación con respecto o COVID-19 na praia fluvial as marxenes do Rio Avia o seu paso polo noso Concello de Leiro con respecto a crise sanitaria polo COVID-19.

Con estas preguntas, os socialistas amosan "o seu apoio á veciñanza xa que ai bastante desinformación con respecto si o Concello esta a levar algún tipo de medida ante a crise sanitaria".

O voceiro socialista, Manuel Rodríguez pregunta no seu escrito ao Concello "si desde o Grupo de Goberno hai un Protocolo de actuación para a zoña de baño da praia fluvial de Leiro, xa que se debería regular o acceso ou aforo tendo en conta os metros entre bañistas, así como facer unha limpeza e desinfección da zona de baño, asi como dotar de carteis na zona, advertindo as medidas de hixiene e prevención o COVID-19".

Engade o concelleiro socialita que "este tipo de cuestións a veciñanza e a ciudadania en xeral tennas que saber e estar debidamente informada, porque poden correr o risco de contaxio, por este motivo o Grupo Municipal Socialista quere que desde o Consistorio se nos informe que tipo de medidas se están a tomar na zona de baño da praia fluvial , e de non adoptalas lle exiximos que se adopten coa máxima urxencia, xa que se esta poñendo en risco a saude das persoas que alí acuden".

A Área de Medio Ambiente do concello do Carballiño informa que a partir deste luns, 1 de xuño, ábrese o Punto Limpo, e que, polo tanto, xa se poderán levar os residuos voluminosos, tras o período de peche da instalación por causa do coronavirus.

O horario para depositar este tipo de residuos neste lugar é de luns a venres, de 12,00 a 14,00 h, agás os días festivos.
Asimesmo, recórdase que a recollida de residuos voluminosos a carón dos contenedores só se pode facer mediante aviso previo, chamando ao teléfono do concello, 988 530007–Ext. 347 (Área de Medio Ambiente), de luns a xoves, e de 08,30 a 14,30 h.

Con moita frecuencia, algúns veciños deixan este tipo de residuos a carón dos contenedores calquera día da semana e a calquera hora, sen efectuar esta comunicación previa ao concello, polo que os residuos permanecen na vía pública durante varios días.

Para evitar este problema é absolutamente necesario respetar a ordenanza de recollida de lixo, que establece que os residuos voluminosos deben depositarse no Punto Limpo, ou ben deixalos a carón dos contenedores pero comunicando previamente ao concello o lugar do depósito para que se podan recoller

A reapertura de instalacións públicas anunciadas para a próxima semana, como as pistas polideportivas, leva ao CSIF a manifestar a súa inquietude, xa que para o sindicato non hai constancia de protocolos que garanten a seguridade para o seu uso.

"Como sindicato con representación no Concello do Carballiño, temos que manifestar a nosa sorpresa e a fonda preocupación por este anuncio, xa que se vai a proceder a apertura das mesmas, dende o 1 de xuño, e non temos constancia dos protocolos que se van a aplicar nas ditas pistas polideportivas, tanto para os usuarios como para o persoal que se encarga desas instalacións, o cal pode supor un grave risco para a saude", subliñan.

Afirma que o CSIF xa lle solicitou, por escrito ao Concello do Carballiño, con data 30 de abril de 2020, unha reunión telemática para a elaboración de protocolos para as fases de “desescalada”.

O día 22 de maio CSIF, informa o sindicato, reiterou a necesidade urxente da elaboración de diversos protocolos específicos para os diversos centros e instalacións que previsiblemente, o pasado luns día 25, xa podían abrir ao ser posible o pase a fase 2.

O CSIF, quere por de manifesto e reiterar, "que a data de hoxe non se nos deu traslado de protocolo algún, nin xeral nin específico, o cal pon en serio risco a saude tanto do persoal do Concello do Carballiño coma dos usuarios das diversas instalacións do mesmo, así como o grave incumprimento das diversas normativas legais".

O grupo popular manifesta volve insistir na necesidade de crear unha comisión municipal do Covid-19 que, precisamente entre as súas funcións, estaría adaptar todas as instlacións municipais ás medidas que se van publicando no BOE para adaptálas á nova situación e coas máximas medidas de seguridade sanitaria.

"O concello non está facendo a volta á normalidade con criterio algún e atasca posibles actividades da veciñanza do Carballiño",subliñan os populares e mesmo que "cando noutros Concellos e non moi lonxanos e de menor entidade que o noso, estanse habilitando o uso de certas instalacións deportivas como poden ser pistas de pádel ou pistas de tenis entre outras, no noso Concello non se abren ao uso do público".

En efecto, cando xa se poden facer actividades en auditorios aínda que sexa con aforo reducido, "aquí nin sequera se pode abrir as instalacións culturais para que ensaien grupos de diversas actividades como de teatro ou canto".

E tamén critica o Partido Popular a parálisis nas actividades de conciliación familiar,"coincidindo coa necesaria volta a moitos postos de traballo, e aquí, unha vez pechados os servizos en marzo, ninguén pensa en poñelos a funcionar outra vez".

Entende o PP que seguramente "por medo a non tomar medidas que sexan equivocadas", está retrasándose a apertura de instalacións e servizos.

E por eso, reiteran unha vez máis a necesidade de poñer en marcha unha comisión que baixo a presidencia de Pachi Vázquez, e na súa condición de experto epidemiólogo, estaría en condicións de coordenar todo o traballo.

Recordan ademáis, que esta comisión debería de asesorar sobre como afrontar medidas de seguridade en próximos eventos durante os seguintes meses, para que por parte de alcaldía cando se romen decisións, e saiban tomar precaucións para evitar posibles consecuencias negativas.

E finalmente, os populares recriminalle ao alcalde que non é xustificación a posible falta de persoal para servizos como limpeza, mantementos de instalacións, e outros, "pois ten a posibilidade e así se concretara entre noso portavoz máis el, a implantación dun Plan de choque covid19 por uns 80.000€ para conveniar co SEPE, persoal de diversa cualificación por que paliase as carencias do Concello para facer unha desescalada eficiente e segura, pero incluso para este, para acertar cos perfiles necesarios, faise necesario estar ben asesorado para acertar".

O alcalde do Carballiño, Francisco Fumega, demandará información da Consellería de Política Social e da dirección da Residencia do Tempo Libre, co obxectivo de coñecer os plans con respecto ao funcionamento deste centro durante a tempada de verán. Por este motivo, solicita reunirse tanto coa conselleira como coa directora da instalación.

Desde o concello considérase que a Residencia do Tempo Libre é esencial para a tempada turística de verán no Carballiño, xa que ademáis dos varios centos de persoas e familias usuarias destas instalacións durante os meses de xullo, agosto e setembro, é unha fonte importante de postos de traballo, polo que é impresindible mantela aberta este próximo verán.

Por outra parte, a Residencia do Tempo Libre é tamén un elemento dinamizador do comercio e da hostalería locais, que neste intre necesitan todo o apoio das institucións para poder saír adiante.

A situación creada polo Covid-19, que paralizou as inscricións para pasar as vacacións nesta residencia, introduce unha gran incertidume con respecto ao seu funcionamento durante o verán, e por iso o concello solicita algún tipo de iniciativa que contribúa á apertura da instalación durante o verán.

O concello considera que a Residencia do Tempo Libre pode ser un destino de vacacións seguro durante a terceira fase da desescalada, e que as instalacións poden cumprimentar todas as medidas requeridas para garantir o seu funcionamento sen que se corra ningún risco, incluso coa posibilidade de reforzar os servizos.

Neste senso, tamén se recorda que é moi importante promover iniciativas que ofrezan alternativas ás familias para as súas vacacións e dinamizar o turismo de interior, que é un xeito de reactivación económica ademáis de cumprir unha función social.
Por todo isto, desde a alcaldía crese que para O Carballiño sería de gran axuda que a Consellería de Política Social puidese atopar algún tipo de alternativa para que a Residencia do Tempo Libre estivese aberta no período de verán.

A praga do escaravello coñecido como o "picudo vermello", que se extende dende fai algunhos anos por toda Galicia, afectou a tres das catro palmeiras que dende fai décadas forman parte da paisaxe da contorna da Veracruz, e tamén ás dúas existentes na confluencia entre as rúas Castelao e Compostela.

O Partido Popular ven de chamar a atención sobre esta problemática "xa que varios veciños levaron algún susto polo desprendemento de ramas", ademáis de reparar na penosa imaxe que dan na Praza da Veracruz.

Os populares aseguran que en ningún caso son recuperables, polo que "deben sustituírse por outrs árbores", pero que non sexan palmeiras "que non son propias do noso territorio e clima", e mesmo aconsellan que no caso da Praza da Veracruz deberían substituílas "por árbores que garantan sombra pero que non cheguen a tapar a fachada do templo, como sucedía coas palmeiras".

En relación ás do cruce de interseción entre ás rúas Castelao e Compostela, o Partido Popular propón que ademáis da súa substitución "se estudie a posibilidade de modifica o triángulo no que se atopan e remodelar o cruce cunha conexión máis funcional e segura para tráfico e peóns", nunha zona moi transitada e na que tamén conflúen as rúas Serra Martiñá e Bos Aires, as dúas paralelas á via do tren.

As axudas que vai conceder o concello do Carballiño no plan de reactivación económica para paliar a crise económica motivada pola pandemia do coronavirus, acordadas por consenso de todos os grupos políticos municipais, terá cinco liñas de subvención, según o avanzado polo alcalde Fumega nesta emisora de radio, que serán destinadas ao comercio, hostelería, autónomos e empresas.

Unha destas cinco liñas de axudas consistirá na creación dun bono de compra do que poderán beneficiarse directamente os clientes que realicen unha compra nos establecementos comerciais do Carballiño "a través dunha tarxeta ou bono desconto que xestionarán os comerciantes, o concello subvencionará unha parte das compras que se fagan, de maneira que se incentiven as vendas, que é o principal obxetivo desta acción", subliñou o alcade.

Ademáis, nas outras liñas de subvención que se contemplarán nas bases reguladoras desta axudas "que pronto serán publicadas no BOP", anunciou Fumega, concederánse axudas para o pagamento de aluguer de locais, asi como para o apoio á transición ao comercio electronico e a creación dunha plataforma de venda telemática.

Outros capítulos subvencionable será o destinado a gastos de prevención, desinfección e equipamento para garantir a seguridade ante o Covid-19, asi como pagar gastos derivados da tramitación de ERTES, tramitación de xestorías e outras relacionadas directamente coa crise sanitaria e as súas consecuencias.