O alcalde do Carballiño, Francisco Fumega, demandará información da Consellería de Política Social e da dirección da Residencia do Tempo Libre, co obxectivo de coñecer os plans con respecto ao funcionamento deste centro durante a tempada de verán. Por este motivo, solicita reunirse tanto coa conselleira como coa directora da instalación.

Desde o concello considérase que a Residencia do Tempo Libre é esencial para a tempada turística de verán no Carballiño, xa que ademáis dos varios centos de persoas e familias usuarias destas instalacións durante os meses de xullo, agosto e setembro, é unha fonte importante de postos de traballo, polo que é impresindible mantela aberta este próximo verán.

Por outra parte, a Residencia do Tempo Libre é tamén un elemento dinamizador do comercio e da hostalería locais, que neste intre necesitan todo o apoio das institucións para poder saír adiante.

A situación creada polo Covid-19, que paralizou as inscricións para pasar as vacacións nesta residencia, introduce unha gran incertidume con respecto ao seu funcionamento durante o verán, e por iso o concello solicita algún tipo de iniciativa que contribúa á apertura da instalación durante o verán.

O concello considera que a Residencia do Tempo Libre pode ser un destino de vacacións seguro durante a terceira fase da desescalada, e que as instalacións poden cumprimentar todas as medidas requeridas para garantir o seu funcionamento sen que se corra ningún risco, incluso coa posibilidade de reforzar os servizos.

Neste senso, tamén se recorda que é moi importante promover iniciativas que ofrezan alternativas ás familias para as súas vacacións e dinamizar o turismo de interior, que é un xeito de reactivación económica ademáis de cumprir unha función social.
Por todo isto, desde a alcaldía crese que para O Carballiño sería de gran axuda que a Consellería de Política Social puidese atopar algún tipo de alternativa para que a Residencia do Tempo Libre estivese aberta no período de verán.

A praga do escaravello coñecido como o "picudo vermello", que se extende dende fai algunhos anos por toda Galicia, afectou a tres das catro palmeiras que dende fai décadas forman parte da paisaxe da contorna da Veracruz, e tamén ás dúas existentes na confluencia entre as rúas Castelao e Compostela.

O Partido Popular ven de chamar a atención sobre esta problemática "xa que varios veciños levaron algún susto polo desprendemento de ramas", ademáis de reparar na penosa imaxe que dan na Praza da Veracruz.

Os populares aseguran que en ningún caso son recuperables, polo que "deben sustituírse por outrs árbores", pero que non sexan palmeiras "que non son propias do noso territorio e clima", e mesmo aconsellan que no caso da Praza da Veracruz deberían substituílas "por árbores que garantan sombra pero que non cheguen a tapar a fachada do templo, como sucedía coas palmeiras".

En relación ás do cruce de interseción entre ás rúas Castelao e Compostela, o Partido Popular propón que ademáis da súa substitución "se estudie a posibilidade de modifica o triángulo no que se atopan e remodelar o cruce cunha conexión máis funcional e segura para tráfico e peóns", nunha zona moi transitada e na que tamén conflúen as rúas Serra Martiñá e Bos Aires, as dúas paralelas á via do tren.

As axudas que vai conceder o concello do Carballiño no plan de reactivación económica para paliar a crise económica motivada pola pandemia do coronavirus, acordadas por consenso de todos os grupos políticos municipais, terá cinco liñas de subvención, según o avanzado polo alcalde Fumega nesta emisora de radio, que serán destinadas ao comercio, hostelería, autónomos e empresas.

Unha destas cinco liñas de axudas consistirá na creación dun bono de compra do que poderán beneficiarse directamente os clientes que realicen unha compra nos establecementos comerciais do Carballiño "a través dunha tarxeta ou bono desconto que xestionarán os comerciantes, o concello subvencionará unha parte das compras que se fagan, de maneira que se incentiven as vendas, que é o principal obxetivo desta acción", subliñou o alcade.

Ademáis, nas outras liñas de subvención que se contemplarán nas bases reguladoras desta axudas "que pronto serán publicadas no BOP", anunciou Fumega, concederánse axudas para o pagamento de aluguer de locais, asi como para o apoio á transición ao comercio electronico e a creación dunha plataforma de venda telemática.

Outros capítulos subvencionable será o destinado a gastos de prevención, desinfección e equipamento para garantir a seguridade ante o Covid-19, asi como pagar gastos derivados da tramitación de ERTES, tramitación de xestorías e outras relacionadas directamente coa crise sanitaria e as súas consecuencias.

O BNG reclama medidas urxentes para o sistema de concialiación. A concelleira nacionalista, Sofía García, destacou que o goberno do Concello de O Carballiño ten que establecer propostas neste eido porque as familias “teñen dereito a saber se desde o concello se vai apoiar e facilitar a conciliación” así como reforzar as actividades dirixidas ás crianzas.

Levamos agardando desde o ano pasado a que se defina con claridade e se informe por parte da concelleira de Servizos Sociais como se vai configurar o SERVIZO DE CONCILIACION DA VIDA FAMILIAR E LABORAL, que tipo de xornadas se van a prestar e si se inclúe o servizo de comedor no Verán Divertiño.

A covid-19 puxo en evidencia a precariedade do sistema de conciliación que impera na sociedade. O confinamento colocou a responsabilidade de moitas familias unha carga de traballo inmensa e en especial nas mulleres e nas familias monoparentais e monomarentais. “Suman tres en un: teletraballo, coidados e as tarefas do fogar”. A isto súmaselle a preocupación dos núcleos familiares á hora de pagar as facturas e conciliar a vida laboral e a familiar.

“Desde o BNG pensamos que hoxe en día fai máis falla que nunca a activación, desde o Concello, dos mecanismos para facilitar a conciliación laboral e a atención das crianzas. Algúns concellos do país xa están a facelo, abrindo as prescricións para o verán e sempre condicionada a normativa sanitaria e sobre o estado de alarma” afirmou García, concelleira do BNG. Asemade, sinalou que as familias teñen dereito a saber se desde o Concello de O Carballiño se vai apoiar e facilitar a conciliación.

A organización nacionalista defende o reforzo destas actividades dirixidas ás crianzas tanto en número coma en horarios e con especial atención á diversidade sempre que se cumpran as condicións de seguridade.

Para a concelleira do BNG, o goberno do Concello de O Carballiño debe procurar alternativas “ter iniciativa sempre dentro da normativa que establezan as autoridades sanitarias competentes. Mais ten que deixar de agocharse detrás da incerteza como xustificación para esta parálise”

No dia no que se cumpre un ano dende as eleccións municipais de 2019 que auparon ao socialista Franscisco Fumega á alcaldía do Carballiño con maioría absoluta, o rexedor aproveitou a súa intervención radiofónica en COPE O Carballiño para contestar ao comunicado difundido por Espazo Común e no que esta formación facía balance deste primeiro ano de mandato municipal afirmando que foi o dos "enganos, mentiras e pelotazos" no concello do Carballiño.

"Pensa o ladrón que todos son da súa condición" non dubidou en manifestar Fumega a propósito das críticas de Espazo Comun a súa xestión durante o úlitmo ano.

E engadíu "as miñas contas son públicas, teño o mesmo diñeiro que fai catro anos e medio na conta do banco, a miña concepción da política non é a do pelotazo, pódese discrepar, pero eu creo que a recollida do lixo vai mellorar moito nun contrato a 6,8 ou 10 anos, que poderá revertirse en calquera momento, os servizos sociais xa estaban privatizados, no o único que facemos e volvélos a sacar a concurso, e o mesmo pasará coa auga, xa o levaba no meu programa".

E enfatizou, "pelotazos eu ? a miñas contas no banco están a disposición de calquera veciño, as contas son públicas, declaramos o que tiñamos cando entramos no concello, e pode saberse".

Fumega defendeu a súa xestión na alcaldía neste primeiro ano do actúal mandato municipal no concello do Carballiño "do que máis satisfeito estou é do apoio e confianza que me mostraron os veciños, e do máis insatisfeito da situación de suciedade e mal estado no que se atopan algunnhas rúas, temos cousas que mellorar", concluíu.

O responsable da Xefatura da Policia Local do Carballiño, Francisco Valeiras admite que son numerosas as queixas e denuncias que sigue recibindo sobre a normativa de terrazas dende que se iniciou a fase 1 da desescalada e hostalaría local volveu instalálas na vía pública.

“O problema das terrazas no Carballiño témolo con coronavirus e sen coronavirus, existen conflictos de intereses os que temos que atender prácticamente a diario, e esto sucede porque algunhas persoas siguen ó milímetro o comportamento de outros”, dixo Valeiras nesta emisora de radio.

E neste contexto, o Xefe da Policia Local fai unha chamada á comprensión “abogo pola tolerancia, sen poñer en perigo a seguridade sanitaria das persoas, a xente necsita volver a vivir, todos deberíamos colaborar, os hostaleiros e comerciantes están entre as grandes vítimas desta situación, non concibo un pobo que ten que cuidar os servizos e o turismo sen un mínimo de tolerancia”, reflexionou.

“É certo que algunhos locais aínda están tramitando as solicitudes de licenza, pero tamén o é que ninguén podía prever o que pasou o 14 de Marzo”, e mesmo asegurou Valeiras que “en contra do que pensa unha parte da cidadanía, a maioria das terrazas cumplen a normativa, asi o acreditan os informes que realizamos”.

A realidade económica e empresarial da comarca do Carballiño mostra poucas grandes empresas, xa que o panorama está dominado polos autónomos e as micro empresas, que son a maioria.

No ranking de empresas españolas publicado por "El Economista", que recolle datos de 2018, as cinco principales empresas da comarca lograron unha facturación de 95,6 millóns de euros.

Na primeira posición permanece outro ano máis GRI TOWERS GALICIA S.L, factoria que ten a súa sede social no parque empresarial do Carballiño, dedicada á fabricación de torres eólicas, tivo unha facturacion de 33.675.000 euros e empregou a 391 traballadores.

Tamén no mesmo parque empresarial carballiñés ten o seu domicilio social SOCIEDADE GALLEGA DE POLÍMEROS S.A.,a segunda mercantil da comarca en volumen de facturación, que comercializa polietileno e valorización de residuos industriales, facturou 26.730.000 euros, cunha plantilla de 63 traballadores.

A terceira empresa en facturación, e segunda da comarca en número de traballadores, volve ser MADERAS GÓMEZ S.L., a sociedade con sede en Loeda, no concello de Piñor, con 13.050.000 euros de facturación e 141 traballadores, dedicada á transformación da madeira.

Ata a cuarta posición desde ranking das primeiras empresas da comarca ascende FRIGORIFICOS ARCOS S.L., con domicilio no parque empresarial do Carballiño, que centra a súa actividade no elaborado, procesado e almacenaxe de polbo e frio industrial, acadou unha facturación de 11.199.278 euros.

E pecha este TOP-5 das empresas da comarca do Carballiño PACO CACHAROLO S..L., a empresa de San Cristovo de Cea dedicada ao comercio ao por maior de todo tipo de madeira, tivo unha facturación de 10.991.663 euros.

Este martes 26 de Maio cúmplese un ano das eleccións municipais de 2019 que auparon a Francisco Fumega á alcaldía do Carballiño con maioria absoluta.

Espazo Común fai balance deste primeiro ano de mandato subliñando que "o ciclo xa comezou mal cando, sen anuncio previo, Fumega compuxo o goberno máis caro da historia do Carballiño. Catro concelleiros cobrando un soldo e outro máis percibindo un xeneroso salario de 41.000 € anuais da Deputación nunca antes ocorrera".

Afirman que da acción política deste goberno "tan só saen del iniciativas relacionadas coa organización de verbenas, propostas para dar pelotazos coa privatización de servizos públicos e, sobre todo, unha interminable ristra de enganos e mentiras".

E mesmo apuntan a "pelotazos que van deixar as políticas de Fumega para os vindeiros anos ascenden a máis de 30.950.000 de € nos que o Concello do Carballiño vai quedar hipotecado con diferentes empresas para que executen servizos públicos".

E para xustificar todas estas afirmacións, Espazo Comun fai unha relación de "enganos, mentiras e pelotazos":

•TOMADURA DE PELO AOS VECIÑOS DE ARCOS COA NON PARALIZACIÓN DOS SEUS RECIBOS DO LIXO DESPOIS DE TERLLO COMPROMETIDO
•ANUNCIO DA SINATURA DUN CONVENIO CON MASIDE PARA A AMPLIACIÓN DO CHAN INDUSTRIAL QUE RESULTOU SER FALSO
•CONFIRMACIÓN DA PERDA DA SUBVENCIÓN DE 330.000 € PARA O OBRADOIRO DE EMPREGO DESPOIS DE NEGALO EN PLENO E NOS MEDIOS DE COMUNICACIÓN. HOUBO QUE CHEGAR A UN PLENO EXTRAORDINARIO PARA CLARIFICAR A VERDADE.
•NA OBRA DA ALAMEDA COMEZOUSE A OBRA EN MARZO, ANTES DAS ELECCIÓNS E TRAS VARIAS DATAS FALSAS REMATOUSE EN DECEMBRO CUN CUSTO INEXPLICABLE DE 170.000 €
•NEGARON O DESVÍO DE CARTOS DO ORZAMENTO DE EMPREGO AO DE FESTEXOS CANDO ESTÁ REFLEXADO EN DECRETOS DE ALCALDÍA E NA CONTABILIDADE MUNICIPAL
•NAS OBRAS DAS RÚAS QUE UNEN J.R. SOTO COA AVDA. DO BALNEARIO MENTIUSE SOBRE O PROXECTO E A CANALIZACIÓN DE AUGAS ADEMÁIS DE COS PRAZOS E O CUSTE DA OBRA
•CANCELACIÓN DE DÉBEDAS CO CONCELLO A ALGÚNS “AFORTUNADOS” QUE PRIMEIRO ERAN UNS POUCOS E XA VAI EN 70.000 €. SEGUIMOS AGARDANDO A QUE SE NOS FACILITE A DOCUMENTACIÓN
•IMPORTE DE 250.000€ ADICADO AO FÚTBOL EN 2019 TENDO QUE PAGAR OS NENOS DA ESCOLA MUNICIPAL OS DESPRAZAMENTOS DO SEU PETO
•CRITERIOS DE AMIGUISMO PARA O REPARTO DE MASCARILLAS
•FUMEGA AFIRMOU VARIAS VECES EN PLENO QUE LEVABA NO SEU PROGRAMA A PRIVATIZACIÓN DE TÓDOLOS SERVIZOS. QUEDOU DEMOSTRADO QUE É QUEN DE MENTIR SOBRE O SEU PROPIO PROGRAMA QUE ESTÁ ESCRITO.
•INCUMPRIMENTO DO ACORDO DE REMUNICIPALIZACIÓN DA RECADACIÓN : CUSTO EMPRESA = 1.250.000 €
•ANUNCIO DA PRIVATIZACIÓN DO LIXO POR PRIMEIRA VEZ NA HISTORIA DO CARBALLIÑO: CUSTO EMPRESA = 11.000.000 €
•PRIVATIZACIÓN DO SERVIZO DE AXUDA NO FOGAR POLA PORTA DE ATRÁS SEN CONVERSAS CON OPOSICIÓN OU TRABALLADORAS. CUSTO EMPRESA = 4.700.000 €
•ANUNCIO DA PRIVATIZACIÓN DO PARQUE ETNOGRÁFICO
•ANUNCIO DA NON REMUNICIPALIZACIÓN DO SERVIZO DE AUGAS : CUSTO EMPRESA = 14.000.000 €
CUSTO TOTAL DA PRIVATIZACIÓN DESTES SERVIZOS= 30.950.000 €

Como balance da xestión de Fumega neste primeiro ano de mandato dende Espazo Común agardan "que esta situación mude de xeito urxente e o goberno comece a responsabilizarse das súas tarefas. Este pobo non pode permitirse o luxo de perder máis tempo nin regalar máis cartos a empresas",conclúen.