O Carballiño tiña gañas de feira, o que unido ao tempo primaveral desta mañá de sábado, propiciou un extraordinario ambiente no primeiro mercado que se celebra despois de dous meses, xa que dende que se decretou o estado de alarma non se celebraron as dúas feiras de Marzo e as outras dúas do mes de Abril.

Corenta postos foron os que se instalaron neste 16 de Maio, a maioría de "rianxo" de venda de prantas para os cultivos de horta e frores, na Praza do Balneario de a súa contorna, e en menor cantidade de alimentación na rúa Norte e a Avenida de Julio Rodríguez Soto.

A afluencia de clientes foi unha constante durante a mañá, "estamos vendedo máis do que esperarabamos, esta vindo moita xente" comentou a COPE O Carballiño un dos vendedores ubicados na rúa Uruguai.

Tamén regresaron a súa ubicación tradicional dun dia de feira a maioría das pulpeiras de Arcos, con algunhas ausencias, pero a maioría instalou as súas caldeiras de polbo nesta feira do reencontro coa súa clientela habitual.

Dende a Xefatura da Policia Local do Carballiño confirmaron a esta emisora de radio que malia a notable afluencia de público ás zonas do mercado, destacou o comportamento responsable, tratando de gardar o distanciamento entre persoas.

A voceira do grupo municipal do BNG do Carballiño, Sofía García, lamentou que o Goberno municipal “esquecese una data tan relevante” para a cultura e a lingua galega como o 17 de maio, día das letras galegas, un feito polo que a administración local “debería sentir vergoña”.

A concelleira define o 17 de Maio deste ano "como unha data que cobra especial relevancia ao adicala a un persoeiro coma Carvalho Calero quen loitou toda a súa vida pola recuperación da lingua galega e a súa normalización".

Por eso, censura que "non pode aceptarse que non haxa a máis mínima inciativa institucional para conmemorar este día e homenaxear a un persoeiro coma Carvalho Calero".

E subliña que Carvalho Calero representa un exemplo de estudoso do galego e “traballador incansábel” na recuperación da nosa lingua. Ricardo Carvalho Calero foi profesor en Dereito e en Filosofía e Letras pola Universidade de Santiago de Compostela (USC) e Doutor pola de Madrid. Ademais, foi un recoñecido membro da Real Academia Galega, e o primeiro catedrático de Lingüística e Literatura Galega da USC.

Neste escenario, engade, "e malia todas as limitacións, este 17 de maio, voltamos ter una cita para que o galego non siga confinado".

Neste sentido, García sinalou que a formación nacionalista que ela representa no concello do Carballiño súmase aos actos promovidos pola “Mesa Pola Normalización Lingüística” para comemorar este día e homenaxear a Carvalho Calero.

Desde o BNG convidan a toda a veciñanza a pendurar a bandeira galega durante todo o día das xanelas ou varandas e os cartaces disponíbeis na web da Mesa. Ás 12 horas Maniféstarse nas redes con mensaxes escritas, vídeos, fotografías, audios… utilizando os cancelos #PrecisamosDoGalego #QueremosGalego #17demaio #Eufalogalego. E ás 13 horas sair á xanela a cantar: A fala (letra: Manuel María; música Uxía- Sérgio Tannus).

O Concello anuncia que apraza a celebración para Outubro

Pouco despóis de facerse públicas as críticas do BNG, o concello do Carballiño difundíu un comunicado no que afirma que o Servizo de Normalización Lingüística do concello do Carballiño tiña previsto desenvolver unha sertie de actividades co gallo da celebración das Letras Galegas, que este ano se lle adica a Ricardo Carballo Calero.

E tamén estaba previsto levar a cabo un recital poético o propio 17 de maio, tal e como se veu realizando os últimos anos. Sen embargo, pola pandemia do Covid-19 todas as actividades quedaron aplazadas, esperando que se podan desenvolver no mes de outubro, coincidido coa nova data establecida pola Real Academia Galega.

Entre estas actividades, que xa estaban contratadas, figuran:

-Unha obra de teatro no auditorio Manuel María dirixida a alumnado 2º ciclo da ESO, baseada no libro 4 pezas (A sombra de Orfeo, Farsa das zocas, A arbore e Auto do prisioneiro) de Ricardo Carballo Calero). Estaba previsto repartir 200 exemplares da citada obra para que a traballaran nos respectivos institutos antes da súa representación.
-Obradoiro nos centros de primaria da vi. 'Lingua Forza 3&#39
- Obradoiro de taboleiros medievais no que descubriremos como se entretiñan e a que xogaban os/as nenos/as (e non tan nen@s) na idade media), e como esa pegada quedou plasmada no legado artístico da comarca.

Tamén estaba previsto editar un marcapáxinas para agasallar ao alumnado e veciños/as, e que tamén se pospón para o mes de out
ubro.

Ademais, íanse realizar diversas actividades de contacontos e obradoiros na sala infantil e xuvenil da Biblioteca Pública Municipal, que tamén se aprazan para outubro.

A Asociación cultural FETEGA "deu a coñecer o relevo, onde o perfil buscado para a dirección requiría un profesional con ilusión renovadora pero sen perder a esencia actual, visión de xestión porque o evento ten que ser sostible, perfil conciliador libre de afiliacións políticas, que mantén as raíces do Carballiño pero cunha visión xeográfica moi ampla".

E manifestan nun extenso comunicado que "todo isto reúneo Carlos Ledo, ademais con coñecemento das novas tecnoloxías, experiencia na coordinación de equipos, xestión de proxectos e dominio da linguaxe teatral".

Segundo manifesta Josi Lage, a directora saínte: “é un momento emocionante, foron moitos anos nos que fun moi feliz, e onde houbo tamén suor e bágoas. Fixen o meu traballo o mellor que sei dando paixón e esforzo, e con grandes equipos detrás. Poñerse agora ao fronte do festival é algo moi valente, máis nestes tempos nos que hai que reinventarse.Deixar a un fillo na man de outro é deixalo voar, crecer... Estou feliz coa persoa que vai coller este relevo. Ambos eramos voluntarios ao inicio do festival, somos do Carballiño e amamos o teatro e a nosa vila. Eu agora preciso dedicarme a tempo completo á miña carreira profesional como actriz tanto audiovisual como de teatro, e tamén á familia.Carlos é novo, está moi ben preparado é coherente, ético, honesto e aberto. Houbo varias persoas candidatas, pero finalmente partimos das bases da filosofía do festival, e atopamos a alguén que cumpre todos os criterios. Unha persoa que xa tivo contacto co festival nas súas orixes, que ama o teatro e ama o galego. O festival queda en boas mans. Eu despídome como directora pero seguirei como programadora artística xa que non me deixan ir completamente".

Josi Lage maniféstase encantada de "ceder o cargo a unha persoa marabillosa, boísima, xenerosa e con moito talante, un amor de persoa, Carlos Ledo Vázquez. Estou convencida de que vai ser un éxito e fará crecer o festival aínda moito máis.Quero agradecer a todas as entidades públicas e privadas e ás persoas que están tras delas, que apoiaron e apoian ao festival, desde o goberno autonómico, deputación provincial e a administración local. Quédome co mellor das institucións, da empresa privada e das industrias culturais e dos comerciantes do Carballiño".

En palabras de Carlos Ledo, novo director do FETEGA "é unha responsabilidade grande e apaixonante especialmente para min, que lembro os inicios cando nin sequera se levaba aínda a palabra Festival. O festival evolucionou, sempre evoluciona, e penso no traballo de Xan Pinal nos seus inicios, e no liderado fantástico de Josi Lage nos últimos anos, nos nomes de tantas persoas, patrocinadores, voluntarios que traballaron durante estes trinta anos e aos que necesitaremos no futuro, na calidade da programación e ennovos retos",subliñou.

As afiliacións á Seguridade Social caen en picado no concello do Carballiño, o sistema perde un 5% de cotizantes nos últimos dous meses, dende que se declarou o estado de alarma o municipio perdeu 202 afiliados, unha cifra que non inclúe aos traballadores afectados por expedientes de regulación temporal de emprego (ERTE).

O dato aínda é moito peor se o comparamos cun ano atrás, en termos interanuais, xa que dende Abril de 2019 O Carballiño perdeu 401 traballadores activos no municipio, o que representa unha caída do 9,4% no último ano.

En Abril de 2019 O Carballiño contaba con 4.296 cotizantes activos, e agora son 3.895, actualiiiizados os datos con referencia a 30 de Abril pasado.

A proposta foi presentada ante o pleno da corporación municipal no pleno do pasado martes, aínda que non obtivo resposta por parte do goberno, e sobre a mesma volveu insistir hoxe o portavoz do grupo popular Ricardo Perea no transcurso dunha interrvención nesta emisora de radio.

Os populares manifestan que non son tempos "para liortas políticas, e sí de ser responsables e traballar codo don codo coa vecñanza do concello do Carballiño que agora nos necesita máis que nunca".

Esta comisión municipal tería como finalidade traballar nun protocolo de actuación e seguridade para os veciños ante o Covid-19, unha situación que se prevé sexa de longa duración e por elo quen mellor que un especialista epidemiólogo do Servizo Galego de Saúde "se temos na corporacion a Pachi Vázquez, entendemos que é a persoa máis indicada para presidir esa comisión, que debería estar creada xa", dixo Ricardo Perea.

O Partido Popular manifesta que fai esta proposta "non por afinidade política, pero sí por coherencia e responsabilidade, que tamén e o que nos demanda maís que nunca a veciñanza, so pedimos que o grupo de goberno tamén o faga polas mesmas razóns, senón unha vez máis quedaría retratadoo", remarcan.

As medidas de seguridade implantadas pola alerta sanitaria viñeron deixar ao descuberto as carencias da oficina de Correos no Carballiño, ubicada na rúa Faustino Santalices, cun espazo para a atención ao público de reducidas dimensións, de tal maneira que para respectar a distancia de dous metros entre persoas tan so dous clientes poden acceder simultáneamente ao interior da oficina, o resto debe agardar na rúa a súa quenda para ser atendidos.

Ademáis, dende a declaración do estado de alarma a Sociedade Estatal de Correos reducíu o seu horario de atención ao público, abrindo tan so tres horas ao dia.

Outro aspécto que non pasa desapercibido para os clientes é a falta de confidencialidade no servizo, xa que os dous únicos postos de atención ao público están separados apenas dous metros e sen ningún tipo de protección, polo que non se dan as mínimas condicións de privacidade nunha oficina na que, entre outras prestacíóns ofrece servizos financieiros coa posiblidade de enviar ou recibir xiros de diñeiro.

As carencias, saltan á vista nunha oficina que non reúne as condicións mínimas para atender a unha poboación como é O Carballiño, que supera os 14.000 habitantes, pero é que ademáis, esta oficina é a de referencia para moitos veciños doutros concellos da comarca.