Aínda que non todos abriron, O Carballiño amenceu nesta mañá de lúns dia 11 de Maio coas primeiras terrazas abertas neste primeiro dia da fase 1 da desescalada.

Moitos -a maioria- optaron por esperar, pero sí que o fixeron un número bastante representativo da zona centro da hostalaría carballiñesa, na rúa do Paseo , na zona típica do terraceo no Carballiño. Tamén fora da rúa do paseo abriron algunhas terrazas, como en Julio Rguez Soto, Conde Vallellano, ou Avda. 25 de Xullo, entre outras.

A temperatura agradable, e algunhos momentos de sol, animaron aos máis madrugadores en sentarse á mesa para tomar un café ou o primeiro viiño en terraza, despóis de dous meses.

Non hai límite de horario, pero sí normas que cumprir: mesas a dous metros de distancia mínima, e consumición individual, aínda que poden compartir mesa ou agrupación de mesas ata un total de 10 persoas. Eso si, para entrar no baño, de un en un.

O grupo popular celebra que "aínda que vaian transcorridos 839 dias, dous anos, tres meses e dezasete dias, por fin o concello do Carballiño terá unha ferramenta imprescindible en tempos de crise para moitas familias, que contará cun orzamento de 40.000 euros ata final de ano".

A maiores, dentro das medidas aprobadas por consenso dos catro grupos políticos do concello carballiñés en materia social, deberán sumarse outros 30.000 euros para atencións de persoas de avanzada idade, xunto con 9.000 euros para Cáritas e outros 9.000 euros para Cruz Vermella.

Unha vez aprobada esta nova ordenzanza de emerxencia social, as persoas e familias carballiñesas poderán ser destinatarias destas axudas:

a) Para facer fronte aos gastos de farmacia e gastos médicos non cubertos pola Seguridade Social (dentista, lentes …) A achega será equivalente á achega do usuario, co límite máximo de 200,00 €/ano.

b) Alimentos perecedoiros como complemento ás achegas de entidades de iniciativa social, vestiario, calzado e demais indispensables para o desenvolvemento da vida cotiá: ata un máximo de 600,00 €/ano.

c) Axudas individuais para promover e facilitar a integración socio-laboral: ata un máximo de 500,00 €/ano

d) Axudas individuais para facilitar o aloxamento temporal, a prestación de recursos residenciais en situacións transitorias, ata un máximo de 1.400,00 €/ano

e) Vinculadas ao uso e mantemento da vivenda: aluguer, hipoteca, fianza, mantemento e conservación da vivenda; auga, luz, gas e gasóleo calefacción. Ata un máximo de 1.000,00 €/ano.

f) Vinculadas á mellora da habitabilidade da vivenda habitual: ata un máximo de 800 € / ano.

g) Falta de cobertura económica para a adquisición de equipamento básico para o fogar, entendéndose como tal o mobiliario e electrodomésticos básicos e de primeira necesidade. Ata un máximo de 400,00 €/ano.

h) Falta de cobertura económica para o pago dun aloxamento alternativo (hostal, pensión …) cando sexa imposible a permanencia da persoa no seu domicilio habitual por situación de catástrofe e/ou situación persoal, familiar, sanitaria ou social. Ata un máximo de 500,00 €/ano.

i) Outras non relacionadas nos apartados anteriores, consideradas de primeira ou urxente necesidade, sempre que así se xustifique suficientemente no informe social elaborado para o efecto: ata un máximo de 1.000,00 €/ano

As persoas oficialmente falecidas por coronavirus en España, según os datos actualizados este domingo dia 10 de Maio, son 26.621, unha cifra que deixaría sen habitantes á comarca do Carballiño, que no conxunto dos nove concellos que a integran suma 26.589 habitantes, según o último padrón de 2019.

Se compararamos o número de falecidos no conxunto de España co padrón de habitantes da nosa comarca - a de máis poboación da provincia- pode axudarnos a tomar conciencia do drama e das súas dimensións.

Entre a veciñanza residente na comarca non está rexistrada a dia de hoxe ningunha vítima por Covid-19, pero sí entre veciños naturais da comarca e residentes noutras localidades, polo menos 7 vítimas do virus recibiron sepultura nos cemiterios parroquiais da comarca carballiñesa.

Os portavoces socialistas de Leiro, Cenlle, Beade, A Arnoia e Cortegada, indican que ata o 24 de Xullo os veciños dos cinco concellos da Mancomunidade teñen para abonar tanto o imposto de lixo como vehículos, afimran que "a resolución do Tesoureiro da Mancomunidad con data do 27 de Abril, non da tregua o contribuinte a hora de abonar os impostos e tasas, pese a Alarma Sanitaria xenerada por o COVID-19 e o estado de alarma no que se encontra o país desde o pasado 16 de Marzo".

Entenden por elo que "os rexidores da Mancomunidade, se situan o marxen do resto de rexidores dos Concellos da Provincia, moitos dos cales aplicaron un aplazamento nos pagos ata final de ano, por que denotan los rexidores da Mancomunidad “un abuso e desconsideración hacia os veciños e ciudadans. O caso e que os que teñen a recaudación delegada na Diputación, os que a institución provincial lles dota de liquidez con un anticipo da recaudación non ingresada, en na Mancomunidad o prazo para pagar sin recargo finaliza o 24 de xullo e habrá que facelo atraves de 1 entidade bancaria".

Da a sensación, engaden "de que o Pte da Mancomunidade xunto co conxuntos de rexidores, ainda non comprenden a gravidade da situación na que nos encontramos e como están moitas familias da Comarca do Ribeiro, señalan os socialistas. Que lle reprochamos os rexidores do Partido Popular, que o seu grao de preocupación e empatía polos problemas dos veciños, non vai mais ala de repartir mascarillas os veciños e facendo propaganda de cara as próximas eleccions autonomicas, en vez de facer xestión e resolver os problemas dos veciños pertenecentes os concellos integrados na Mancomunidade do Ribeiro".

Os Socialistas do Ribeiro instan aos alcaldes da Mancomunidade do Ribeiro tres medidas concretas:

Ampliar ata o 1 de Decembro do 2020 o prazo para o pagamento de todalas taxas e impostos. Que non se vexan afectados polas medidas propostas nos seguintes puntos.

Devolver ou descontar a parte proporcional ao período de paralización da sua actividade no imposto de IVTM (vehículos)para autónomos e empresas que acrediten que o mesmo e empregado para o seu uso profesional.

Desconto no recibo de lixo polo importe proporcional a todo o tempo que estean obrigados a permanecer pechados, para o pequeno comercio, hostelería ou calquer empresa afectada.

Os representantes populares no Congreso por Ourense, Ana Vázquez e Celso Delgado, entenden que a nova fase de desescalada que agora se inicia debería ter tamén en conta a un sector de gran tradición na provincia como son as pulpeiras, excluídas do retorno á actividade dos negocios dedicados á restauración e hostalería.

Por esta razón rexistraron unha pregunta dirixida ao Goberno na que piden que aclare se ten previsto autorizar a instalación dos postos de venda de polbo na provincia.

Na súa interpelación ao executivo, Ana Vázquez e Celso Delgado sinalan que as pulpeiras, do mesmo xeito que outros moitos pequenos negocios, levan dous meses de inactividade, situación que está a provocar graves problemas económicos a un sector do que viven preto dun centenar de familias só na provincia de Ourense.

E, subliñan, cando se fala de familias debe entenderse a todos os membros, pois son numerosos os casos nos que todos os integrantes dun mesmo núcleo familiar dedícanse á venda de polbo.

Tendo en conta que desde o pasado 4 de maio abriron de novo as súas portas os servizos de restauración para levar comida a domicilio, os deputados ourensáns entenden que tamén debería incluírse á pulpeiras nesta desescalada, permitindo o seu regreso á rúas da capital, vilas e pobos da provincia, adoptando as medidas hixiénicas, sanitarias e de seguridade necesarias para preservar a saúde dos clientes e traballadores.

Franxas horarias

A partir do lúns dia 11 tan solo para paseos e facer deportes e con posibles cámbeos no tramo dos nenos para evitar as horas de máis calor, polo momento as franxas horarias mantéñense igual que durante a fase 0 para pasear e facer deporte. De 6 a 10 e de 20 a 23 horas para persoas de 14 anos a 69 anos; de 12 a 19 horas para os nenos menores de 14, que poden ir en grupos de ata tres acompañados dun adulto; e o horario de 10 a 12 e de 19 a 20 horas para os maiores de 69. Estas franxas só rexen o paseo e o deporte. Para o resto de actividades, por exemplo ir ao supermercado ou a comprar en calquera comercio, non hai limitacións horarias. Con todo, non se poderán compatibilizar outras actividades coas deportivas durante a mesma saída, por exemplo saír a correr e parar a tomar algo nunha terraza. Non estará permitido.

Todas parroquias da comarca, excepto o núcleo urbano do Carballiño

Poderán continuar paseando ou facendo deporte con liberdade horaria, sen ter que ningunha franxa, que sí terán que seguir respectando durante a fase 1 aqueles residentes do núcleo urbano do Carballiño (11.338 habitantes)

Poderémos xuntarnos en grupo de ata 10 persoas

Estes encontros poderán realizarse tanto en domicilios como en terrazas, respectando as medidas de seguridade e hixiene. Os participantes poderán ser nenos ou adultos. Só exclúense persoas con síntomas e colectivos vulnerables. Este límite non se aplicará ás persoas que conviven. As visitas a familiares non conviventes realizaranse entre persoas sen ningunha patoloxía previa e que non sexan vulnerables. Con todo, estableceranse limitacións para maiores e xente con patoloxías, que poderán ir modificándose nas fases 2 e 3.

Toda a familia de convivencia pode viaxar no mesmo vehículo

Estará permitido que os vehículos viaxen ao cento por cento da súa ocupación se todos os viaxeiros viven no mesmo domicilio. No caso de que non sexa así terán que facelo como ata o de agora, dous por liña e con máscara.

Todos os comercios, sen cita previa e cun aforo do 30%

Desaparece a cita previa e aforo dos locais queda reducido ao 30 %, aínda que respectando as medidas de distanciamento social. En todo caso, só poderían abrir aqueles que teñan menos de 400 metros cadrados. O aforo ten que estar exposto ao público e o propio local deberá levar o control. Deben manter un horario prioritario para maiores de 65 anos. Os concellos poderán reabrir mercados e mercadillos ao aire libre, dando preferencia aos produtos agroalimentarios. A mercadoría non pode ser manipulada polos clientes.

Terrazas ao 50%.

As terrazas reabrirán, limitándose ao 50 % das mesas que tiñan permitidas, que deberán estar dispostas gardando a distancia de seguridade. A limpeza debe ser constante e priorizaranse os materiais dun só uso, como manteis de papel. Fomentarase o pago con tarxeta e evitaranse as cartas impresas de uso común. Os elementos de servizo, como as vaixelas, deben almacenarse en recintos pechados ou lonxe de zonas de paso. Priorizaranse os envases monodosis. A ocupación máxima dos aseos, que deberán limparse un mínimo de seis veces ao día, será dunha persoa, salvo que o usuario necesite asistencia. Os negocios que reabran poderán establecer sistemas de recollida de comida no local, sempre que esta sexa graduada e evite aglomeracións no interior ou o acceso.

Turismo de natureza.

Poderase realizar turismo activo e de natureza en grupos limitados, de momento exclusivamente dentro da mesma provincia.

Igrexas e lugares de culto

Poden iniciar a súa actividade cun aforo do 30% da súa capacidade, e respectando as normas de seguridade. Os velorios en interior cun límite de 10 persoas e 15 en exterior, igual que nos cemiterios.

O concello do Carballiño pechou hoxe o ciclo de reunións que está a manter con representantes do tecido económico da vila, de cara a coñecer as principais inquedanzas e necesidades destes sectores na actual situación de desescalada polo control da propagación do covid-19. Onte reuniuse cos comerciantes e hostaleiros, e esta mañá a quenda correspondeulle aos empresarios do polígono industrial da Uceira e do parque empresarial.

A esta reunión, que tivo lugar no salón de plenos do concello, asistiron, por parte do concello, o alcalde, Francisco Fumega, e o concelleiro de Promoción do Emprego, Manuel Dacal, así como e a concelleira de Comercio, Silvia Baranda. Por parte do sector, estiveron o presidente da Asociación de Empresarial do Polígono da Uceira, Manuel Carballeda; o xerente de GRI Towers Galicia, Cándido González, xunto con outro directivo da empresa; e o xerente da empresa DIZMAR, Carlos Rivas.

Tamén asistiron as asesoras laboráis do concello e o representante da empresa Infoxiro. Os empresarios comunicaron que están adoptando todas as medidas de seguridade para evitar posibles contaxios polo covid-19, e expresaron a necesidade de que as administracións públicas competentes deben especificar mellor as normativas para as empresas neste período de desecalada polo control da propagación do virus.

Tamén se analizou a posbilidade de que por parte das administracións públicas se podan conceder axudas para instalar cabinas de ozono para a desinfección, co obxectivo de incrementar as medidas de prevención nas empresas. Así mesmo, acordaron co concello intensificar a limpeza do entorno e delimitar mellor as zonas de aparcamento próximas ás rotondas para facilitar os xiros dos grandes vehículos de transporte. Tamén se acordou intensificar a eliminación de niños das avispas velutinas, que están proliferando nesta primavera.

PRODUCCIÓN AO CEN POR CEN

Por outra parte, os xerentes tanto de GRI Towers Galicia como de Dizmar, que son as dúas grandes factorías do polígono e parque empresarial do Carballiño, e que contan coas plantillas  de traballadores máis numerosas, aseguraron que neste intre, e pese á pandemia mundial que se está padecendo, atópanse nun punto álxido da súa produción, e que incluso precisan máis persoal cualificado, polo que insistiron na necesidade de seguir desenvolvendo cursos de formación encamiñados a cubrir esta deficiencia.

Por fin, quen manda e ordena parece que cae do burro e rectifica o que era un erro clamoroso, non distinguir entre municipio e núcleo de poboación, algo que impedía a miles de galegos ter a libertade horaria da que gozan dende o pasado sábado para os paseos todos os que viven en municipios de menos de cinco mil habitantes, que no caso da nosa comarca son todos menos O Carballiño.

Non obstante, a absurda norma obrigaba  a veciños de concellos de máis de 5.000 habitantes a unhas normas de franxas horarias que non tiñan ningún sentido en localidades que en moitos casos nin xiquera chegan a unha ducia de veciños.

Pois ben, a partir deste venres dia 8 de Maio desaparece a obrigatoriedade das franxas horarias para os disntintos grupos de idade para saír a pasear ou facer deporte para todos aqueles veciños das parroquias do rural do concello do Carballiño, que pasan a ter libertade horaria, tras a rectifiación do goberno.

Mantéñense as franxas horarias unicamente para os residentes no núcleo urbano do Carballiño (11.338 habitantes), pero non terán xa limitación horaria todos aqueles que residan en calquera das localidades das parroquias da zona rural do municipio, que según o útlimo padrón suman  2.689 habitantes.

O grupo de goberno municipal mantivo hoxe dúas reunións con representantes do sector do comercio e da hostalería co obxectivo de perfilar as axudas e a folla de ruta a seguir de cara a colaborar na reactivación da economía local. Asimesmo, está previsto que se reúna mañá con representantes do sector empresarial do polígono industrial e do parque empresarial carballiñés.

A estas reunións aisitiron o alcalde, Francisco Fumega; o teniente alcalde e concelleiro de Turismo e Promoción do Emprego, Manuel Dacal; a concelleira de Comercio, Silvia Baranda, e a concelleira de Medio Rural e Servizos Públicos, Rosa Fuentes.

Nas reunións, encamiñadas a manter unha estreita colaboración entre o tecido económico do Carballiño e o Concello, adoptáronse diversos acordos, entre eles, a posta a disposición dos comerciantes, hostaleiros e empresarios dun número de teléfono e un correo electrónico para informar de todos os pormenores e consultas relativas ás aperturas e normativa tras o descofinamento escalonado polo covid-19. Este número de teléfono e correo electrónico estarán atendidos polo departamento municipal de Orientación Laboral, con dúas orientadoras laboráis para a súa xestión.

Asemade, acordouse establecer os criterios para elaborar as bases das axudas municipais que se establezan para estes sectores, así como as necesidades máis apremiantes que teñen de cara á apertura e comprimento da normativa, como poden ser equipos de protección, xeles, mascarillas, desinfección, etc, entre outras necesidades.

Para poñer en marcha este plan de choque de reactivación do tecido económico e empresarial local, o concello conta tamén coa colaboración desinteresada das empresas locais de marketing e promoción económica, Infoxiro e Intrend.

Á reunión do sector hostaleiro acudiron representantes de todas as modalidades do sector, como cafeterías, restaurantes, hoteis e pubs.

E á reunión do sector do comercio, que se celebrou a continuación, acudiron representantes do Centro Comercial Aberto, así como do comercio non adscrito a esta asociación.

A reunión cos representantes do sector industrial do polígono e do parque empresarial celebrarase mañá pola mañá.

Un veciño do Carballiño, un home de 73 anos de idade, foi detido na tarde deste pasado mércores pola Garda Civil, como presunto autor dun delito de violencia de xénero, hoxe estaba previsto que pasase a disposición xudicial.

Tanto o presunto agresor como a muller foron trasladados ao centro de saúde do Carballiño, para ser sometidos a recoñecemento médico, tal como se fixa no protocolo que siguen as forzas de órden púbico para os casos de violencia de xénero.

No operativo, ademáis da Garda Civil, tamén participou a Policia Local do Carballiño.