Pequenas empresas, autónomos, comerciantes e a hostaleiros, asi as familias máis vulnerables á situación que vivimos, serán os destinatarios das axudas municipais que vai aportar o concello do Carballiño para paliar na medida do posible o golpe do Covid-19 para a economía local.

Asi o anunciou en COPE o alcade do Carballiño, unha vez rematada a Xunta de Portavoces celebrada esta mañá, "chegamos a un acordo de consenso, e incorporánse a este acordo distintas propostas feitas polos grupos".

Fumega avanzou que o concello destinará 1,2 millóns de euros a estas axudas que se adxudicarán segundo unhas bases que van regular esta convocatoria "un prego de bases que haberá que ultimar estes dias", para regular a concesión destas axudas.

A idea do rexedor municipal é poder convocar o pleno da corporación no que deberán aprobarse no transcurso da semana que ven "entre o martes e o mércores", dixo.

Este luns dia 4 de Maio comeza a "Fase 0" da desescalada, que permite a apertura e atención ao público en establecementos comerciais e de hostalaría, baixo unhas normas que ven de publicar este domingo dia 3 de Maio o BOE.

No caso dos comercios autorízase a apertura a aqueles que teñan unha superficie menor de 400 m2, e limitando o aforo ao 30%, e no caso da hostalaría, con comida e bebida para levar a casa e nunca para consumir no propio local.

-Deberase garantir unha distancia mínima de dous metros entre clientes. Nos locais comerciais nos que non sexa posible manter dita distancia, permitirase unicamente a permanencia dentro do local dun cliente.

-Que se estableza un horario de atención con servizo prioritario para maiores de 65 anos.

-Todos os establecementos e locais que poidan proceder á reapertura ao público segundo o disposto neste capítulo, poderán establecer, no seu caso, sistemas de recollida no local dos produtos adquiridos, sempre que garantan unha recollida graduada que evite aglomeracións en interior do local ou o seu acceso.

Medidas de hixiene
-Os establecementos e locais que abran ao público realizarán, polo menos dúas veces ao día, sendo unha delas obrigatoriamente ao final do mesmo, unha limpeza e desinfección das instalacións con especial atención a pomos de portas, mostradores e mesas ou outros elementos dos postos en mercadillos, mobles, pasamanos, máquinas dispensadoras, chans, teléfonos, perchas, e carros e cestas, así como billas e outros elementos de similares características.

Así mesmo, realizarase unha limpeza e desinfección dos postos de traballo en cada cambio de quenda, con especial atención a mostradores e mesas ou outros elementos dos postos en mercadillos, biombos no seu caso, teclados, terminais de pago, pantallas táctiles, ferramentas de traballo e outros elementos susceptibles de manipulación, prestando especial atención a aqueles utilizados por máis dun traballador.

-Nos establecementos comerciais nos que haxa ascensor ou montacargas limitarase o seu uso ao mínimo imprescindible, a ocupación máxima dos mesmos será dunha persoa, salvo que sexa posible garantir a separación de dous metros entre elas, ou naqueles casos de persoas que poidan precisar asistencia.

-Non se utilizarán os aseos dos establecementos comerciais por parte dos clientes, salvo no caso de que resultase estritamente necesario. Neste último caso, procederase de inmediato á limpeza de sanitarios, billas e pomos de porta

Medidas de prevención para o persoal traballador
-Non poderán incorporarse aos seus postos de traballo nos establecementos comerciais os traballadores que no momento da reapertura do establecemento comercial estean en illamento domiciliario ou que, atópense en período de corentena domiciliaria por ter contacto con algunha persoa con síntomas ou diagnosticada de COVID-19.

-O uso de máscaras será obrigatorio cando non poida garantirse a distancia de seguridade interpersoal de aproximadamente dous metros entre o traballador e o cliente ou entre os propios traballadores.

-A fichaxe con pegada dactilar será substituído por calquera outro sistema de control horario que garanta as medidas hixiénicas adecuadas para protección da saúde e a seguridade dos traballadores, ou ben se deberá desinfectar o dispositivo de fichaxe antes e despois de cada uso, advertindo aos traballadores desta medida.

-A distancia entre vendedor ou provedor de servizos e cliente durante todo o proceso de atención ao cliente será de polo menos un metro cando se conte con elementos de protección ou barreiras, ou de aproximadamente dous metros sen estes elementos.

Medidas relativas á hixiene dos clientes
O tempo de permanencia nos establecementos e locais será o estritamente necesario para que os clientes poidan realizar as súas compras ou recibir a prestación do servizo.

-Os establecementos e locais deberán poñer ao dispor do público dispensadores de xeles hidroalcohólicos

-Non se poderá poñer ao dispor dos clientes produtos de proba.

-Nos establecementos do sector comercial téxtil, e de arranxos de roupa e similares, os probadores deberán utilizarse por unha única persoa, despois do seu uso limparanse e desinfectarán. No caso de que un cliente próbese unha peza que posteriormente non adquira, o titular do establecemento implementará medidas para que a peza sexa hixienizada antes que sexa facilitada a outros clientes.

Medidas en materia de aforo
-Os establecementos e locais deberán expoñer ao público o aforo máximo de cada local e asegurar que devandito aforo, así como a distancia de seguridade interpersoal de dous metros respéctase no seu interior. Para iso, os establecementos e locais deberán establecer sistemas que permitan o reconto e control do aforo, de forma que este non sexa superado en ningún momento, e que deberá incluír aos propios traballadores.

O grupo de goberno socialista ten ultimado o prego de cláusulas administrativas e técnicas para a licitación  dunha nova contratación do Servizo de Axuda no Fogar no concello do Carballiño, que faráse por un periodo de dous anos e prorrogable por outros dous, cunha licitación base que ascende a 4.612.400 euros e para un cálculo de 51.000 horas anuais.

A prestación deste servizo está en precario dende Outubro de 2018, unha vez que venceu o contrato coa empresa adxudicataria, que dende esa data continuou realizando o servizo "administrativamente en precario" e cos prezos sen actualizar, o que levou a empresa xestora a advertír ao concello que se estaba incumprindo o contrato e que deixaría de prestar o servizo a finais deste pasado mes de Marzo, aínda que continúo realizando o servizo unha vez que se declarou a alerta sanitaria e o estado de alarma.

Agora, o goberno municipal agarda á celebración do pleno da corporación municipal para aprobar as condicións do novo contrato, mediante concurso público.

O Partido Popular "celebra" este anuncio "logo de 20 meses que o estabamos agardando" e espera que "o goberno municipal texa arranxado caquera discrepancia económica coa empresa que está a facer o servizo de forma precaria, e se poida garantir un engrenaxe perfecto ente a actúal contrata e a futura que salga do concurso que se pretende sen que se interrompa en ningún momento o servizo".

Tras recordar que foi precisamente o PP quen decidíu externalizar a xestión do SAF no mandato que gobernou o concello entre 2011 e 2015, os populares anuncian que farán algunhas aportacións para incorporar ao prego de licitación que deberá aprobar o pleno da corporación municipal.

Diminución do consumo, redución do volume de negocio, miles de agricultores que poden verse obrigados a deixar abandonadas as súas colleitas e outros miles de adegas en perigo de peche. Este é o impacto que os expertos calculan que pode ter a crise do coronavirus no sector vitivinícola, polo que urxe elaborar un plan con medidas extraordinarias que axude á recuperación dunha actividade que converte a España no primeiro país do mundo en superficie de viñedo, con case un millón de hectáreas, e un dos principais produtores de viño, con 44,4 millóns de hectolitros.

Unha situación á que non é allea a provincia de Ourense, na que, con catro denominacións de orixe das cinco existentes en Galicia, este sector cohesiona o rural ourensán e dinamiza a provincia cunha importante repercusión socio económica.

O grupo parlamentario do Partido Popular no Senado, á vista desta situación, tomou a iniciativa e a través dunha moción asinada polos senadores ourensáns -Miguel Ángel Viso, Carmen Leyte, Francisco José Fernández e Jesús Vázquez- solicitan ao Goberno un plan nacional para paliar as consecuencias desta crise, fixar unha liña de axudas para o almacenamento privado temporal e non sobrecargar os mercados, un plan de apoio ás exportacións e accións dirixidas a potenciar o consumo interno.

A moción, que se debaterá na Comisión de Agricultura, Pesca e Alimentación do Senado, destaca os resultados dun estudo realizado pola Federación Española do Viño, segundo o cal o 96 % das adegas españolas anticipan graves danos aos seus negocios pola continua caída do consumo interno, esperando un descenso do 35 % en volume de viño comercializado e unha perda de máis do 50 % do valor de vendas. E todo iso pese ao repunte de vendas nos supermercados e vía online, que non compensará a forte caída en restauración e hostalería debido ao peche destes negocios, así como a ausencia de promoción pola suspensión de salóns, feiras e mesmo festas tradicionais.

MENCIÓN ESPECÍFICA PARA OURENSE.

A iniciativa dos senadores populares ten unha mención específica para a provincia de Ourense, destacando que é un dos escasos lugares de Europa onde conviven tantas denominacións de orixe –catro- nun mesmo territorio. Un sector que se no ámbito económico ten un destacado peso -en 2018 comercializou máis de 20 millóns de litros e facturou 96,4 millóns de euros- no capítulo social actúa como un factor de cohesión do rural.

A esta complexa situación hai que engadir un factor máis. Dentro de catro meses iniciarase a vendima e chegará unha nova colleita, á que os adegueiros haberán de sumar a produción que non se comercializou, polo que se corre o grave risco de que os viticultores se vexan obrigados a abandonar as súas colleitas e as adegas para botar o peche.

Xunto á importancia económica, a xeración de emprego nas zonas produtoras e a súa contribución á cohesión do rural, conclúen os senadores, hai que sumar o indubidable valor ambiental deste sector polas súas achegas ao mantemento da diversidade, da paisaxe e a redución de C02.

O concello do Carballliño ven de adquirir un xerador de ozono, indicado para os labores de desinfección, co obxectivo de poñelo a disposición dos locais comerciais e hostaleiros da vila de cara á próxima apertura dos establecementos.

A compra efectuouse a través dun establecemento do Carballño que ten a representación e o servizo técnico deste aparato, e que polo tanto pode prestar este servizo con carácter inmediato no caso de que se produza calquera tipo de avería.

O concello establecerá un baremo de cesión para poder atender as peticións que se realicen por parte dos establecementos.

Esta adquisición forma parte dunha serie de iniciativas que está a tomar o concello de apoio ao comercio e á hostalería locais, e que se sumarán a outras de cara a dinamizar a economía local cando se permita a apertura dos negocios.

O Carballiño será o único concello da comarca, no que serán de obrigado cumprimento os horarios que deberán respectar os distintos grupos de idade para sair á rúa e espazos públicos a pasear ou facer deporte a partir deste sábado dia 2 de Maio, no caso do resto dos concellos da comarca non terán que aplicarse as normas horarias por ter todos eles menos de 5.000 habitantes. Asi se recolle na Orden Ministerial que se publica este venres.

Qué poderémos facer a partir deste sábado ?

Permítense actividades deportivas individuais, sen contacto e paseos diarios desde o dia 2 de  maio, unha vez ao día.

Permítese a práctica de calquera deporte sen contacto, individual, unha vez ao día, e dentro do municipio de residencia, xa que non se permite desprazamentos a outros domicilios.

Poderase saír acompañado dunha soa persoa coa que se conviva a unha distancia máxima dun quilómetro, ou cun coidador se fose necesario, e poderáse facer un paseo ao día.

Exclúese destas actividades a persoas con síntomas de coronavirus ou en corentena. En todas as actividades hai que manter as distancias interpersoais, recoméndase un mínimo de 2 metros.

Horarios para cada franxa de idade

-Para a práctica de deporte individual e paseos das persoas maiores entre 14 e 70 anos: entre 6.00 e 10.00 horas e 20.00 e 23.00 horas. O límite para a práctica deportiva será sempre o municipio, e para os paseos ata 1 quilómetro do domicilio

-Maiores de 70 anos e dependentes ou quen teña que saír cun coidador: de 10.00 a 12.00 horas e de 19.00 a 20.00 horas. .

-Menores de 14 anos acompañados dun adulto: de 12.00 a 19.00 horas.

O presidente da Deputación de Ourense, Manuel Baltar, participou xunto ao conselleiro delegado de Gesmedica- Dis S.L., Jesús Pérez González, e o presidente do Banco de Alimentos de Ourense, Cecilio Santalices, no acto de recepción de 3.500 quilos de produtos alimenticios -cuxo valor supera os 7.500 euros-, que a Deputación entregou ao Banco de Alimentos, na súa estratexia de cooperación contra a pandemia do COVID-19. Baltar agradeceu a Gesmedical Dis "este importante xesto de solidariedade e colaboración, que fala alto e ben da responsabilidade social desta empresa, nun momento no que todos debemos actuar unidos #ante esta crise, e onde o ámbito económico xoga un papel fundamental", expresou o presidente da Deputación de Ourense.

A iniciativa solidaria da Deputación de Ourense e de Gesmedical forma parte da estratexia de cooperación do goberno provincial contra a pandemia no ámbito social, unha iniciativa á que se une a adquisición, días pasados, por parte da Deputación de 41.000 máscaras, 40.000 luvas e 450 litros de xel desinfectante -material entregado ao Posto de Mando Avanzado para repartir entre os concellos de Ourense-, e á doazón de 800 botellas da empresa Lixivia Sarmiento e tamén a achega da firma Adolfo Domínguez, que doou material sanitario. "Todo forma parte da estratexia que está a desenvolver a Deputación de Ourense, en colaboración con empresas e traballando coordinadamente coa Xunta de Galicia, para impulsar accións sociais e de planificación para a reactivación económica, dirixidas a combater os efectos que a crise do Covid-19 está a provocar na nosa sociedade", explica Baltar.

Precisamente, as medidas aprobadas onte en pleno -8,2 millóns de euros- intégranse nunha das liñas prioritarias do goberno do presidente Baltar: as axudas a autónomos, comercio e Pemes, que son máis de 4.000 en toda a provincia de Ourense, estratexia da que tamén forma parte a medida de destinar 400.000 euros para material sanitario, aprobada días pasados pola Xunta de Goberno da Deputación, que na súa reunión de hoxe deu luz verde a axudas económicas para infraestruturas, servizos e termalismo en concellos da provincia, contempladas nos orzamentos de 2020 da Deputación. Os concellos beneficiarios son: Bande, O Carballiño, Montederramo, Riós, San Cristovo de Cea, Toén e Vilar de Santos.

Os test rápidos que se están realizando na comarca do Carballiño por parte do Servizo de Atención Primaria poñen de manifesto que a o Covid 19 tivo unha moi escasa circulación entre a poboación comarcal.

Son en total 755 persoas as que participan no conxunto dos 9 concellos da comarca neste estudo epidemiolóxico do Sergas para coñecer como circulou o coronavirus entre a poboación galega, e ainda que a mostra está pendiente de completarse na súa totalidade, xa está bastante avanzada de tal maneira que poderíámos ter xa unha idea aproximada do que vai ser o resultado final.

As probas realizadas mostran unha cascada altísima de negativos na comarca, mentres que os casos positivos nin xiquera van chegar ao 1% sobre o total, de confirmarse esta tendencia.

O presidente do Colexio de Médicos de Ourense, José Luis Jiménez destacou a predisposición que está tendo a poboación para colaborar no estudo "xa que a inmensa maioría das persoas que son chamadas aceptan participar", en relación aos datos que van trascendendo dixo que "a porcentaxe de positivos é moi baixa, o que supón que a inmensa maioria da poboación está moi pouco infectada e non pasou por ela o virus".

A conclusión parece ser clara, ou os test non funcionan ou si o fan correctamente apenas temos poboación infectada polo virus, de feito e dende que comezou a pandemia o número de casos positivos confirmados oficialmente nos concellos da comarca do Carballiño son 31, apenas o 0,1% da poboación comarcal, dandose a circustancia de que varios concellos, os de Beariz, Boborás, Maside, Piñor e San Cristovo de Cea non teñen a dia de hoxe casos positivos rexistrados oficialmente dende que se iniciou a epidemia.

O feito de que a incidencia do Covid 19 fose mínima entre a veciñanza e que tan poucas persoas do noso ámbito tivesen contacto co virus deixa a comarca do Carballiño nunha mala situación ante as etapas da desescalada ou mesmo ante un posible novo brote do virus para máis adiante, tal como se vaticina, porque o risco de contaxio podería ser brutal no noso entorno.