No caso da comarca do Carballiño, algo máis de 700 veciños e veciñas serán chamados dende este xoves 23 de Abril e no transcurso das próximas semanas para realizar o test o estudo galego de seroprevalencia que vai levar a cabo a Consellería de Sanidade da Xunta de Galicia a través do Servizo de Atención Primaria.

No ámbito comarcal, os concellos de Piñor e San Cristovo de Cea forman parte da área de Atención Primaria de Coles, en ambos os dous concellos serán chamadas 90 persoas para realizar o test, mentres que algo máis de 600 persoas serán residentes nos concellos do Carballiño, Maside, San Amaro, Punxín, Beariz, Boborás e O Irixo, todo eles formando parte do Servizo de Atención Primaria do Carballiño.

O IGE foi o encargado de facer unha selección aleatoria da poboación que vai ser chamada, na que figuran titulares e suplentes, e na que tiveronse en conta os tramos de idade e a poboación de cada concello. 

A proba consiste nunha extracción de sangue de forma convencional, da que se extraerán os resultados que se coñecerán neste estudo de seroprevalencia SARS-COV-2 entre a poboación galega.

A participación nesta proba é voluntaria e os resultados serán confidenciais.

O alcalde do Carballiño, Fancisco Fumega, anunciou hoxe que o concello vai habilitar unha partida orzamentaria de 1.000.000 € para axudar a reactivar a economía local tras da crise polo Covid-19, e que esta iniciativa será levada ao próximo pleno municipal.

Así mesmo, informou da aprobación da modificación do calendario fiscal do 2020, que supón prolongar o cobro dos impostos ata final de ano, coa posibilidade de poder efectuarse en prazos de ata doce meses.

Conxuntamente co concelleiro de Servizos Públicos, Seguridade e Persoal, Manuel Sotelo, o alcalde fixo balance do protocolo seguido no funcionamento do concello e doutras instalacións municipais, xunto coas medidas preventivas levadas a cabo na vila e no municipio para evitar a transmisión do Covid-19.

Se ben, ao comezo do confinamento, o concello funcionou cun 60% de traballo presencial e un 40% de teletraballo, a raíz da detección dun caso positivo, modificouse a un 10% de traballo presencial e o 90% de teletraballo.

Por departamentos, e en virtude das características de cada un, o traballo presencial lévase a cabo fundamentalmente no Rexistro, Padrón, Meioambiente, Medio rural, Servizos Públicos e Policía Local. No resto dos departamentos, como Deportes, Obras e Urbanismo, Educación e Cultura, o teletraballo comezou sendo do 60% e agora é do 90%.

Con respecto ao persoal de obras, parques, limpeza e Servizos Sociais, están establecidas quendas de traballo rotatorios en días alternos.
Todo o personal municipal dispón de EPIS para o traballo, e adquiríronse mamparas para os departamentos de servizo ao público. Tamén se adquiriu una nova máquina para desinfección, que está operativa, e un xerador de ozono, que chegará nestes días.

Entre compras, donacións e doutras administracións, o concello recibiu un total de 7.450 mascarillas, das que 5.000 foron adquiridas polo concello. As restantes proveñen de: Xunta de Galicia (1.250), Josuma (200), empresario chino (350), Subdelegación do Goberno (1.050 -1.000 para a Policía Local-), Mercería La Moderna (400), Cortinas López (100), costureira anónima (50) e Abanca (50).

Recibíronse 2.300 unidades de guantes, 2.000 da Xunta de Galicia e 300 adquiridas polo concello. Así mesmo, a Xunta de Galicia fixo entrega de xel, batas e monos.

Tamén hai que salientar a donación de máscaras de protección por Motosierras Ucha e dunha empresa de Silleda.
A empresa Gasolinera AVIA tamén aportou xel, guantes e lexía.

COLABORACIÓN COS CENTROS EDUCATIVOS

Con respecto ao servizo de colaboración cos centros educativos a través das direccións dos colexios, lévanse realizado no concello ata o día de hoxe 3.500 fotocopias de traballos escolares para o alumnado, e lévanse realizado 300 repartos de libros e material escolar aos domicilios dos alumnos a alumnas.

PROTECCIÓN CIVIL

A través de Protección Civil, préstase o servizo a domicilio de farmacia e compra de alimentos ás persoas maiores que viven soas.

MASCARILLAS

Máis de 2.000 mascarillas están sendo enviadas aos domicilios das persoas maiores de 80 anos.

Naceu o 21 de Abril de 1921, cando a humanidade a duras penas estaba aínda recuperandose daquela terrible pandemia coñecida como a "gripe española", e por culpa doutra pandemia e o confinamento que vivimos non pudo reunirse cos seus amigos na celebración do seu 99 cumpleanos.

Eso si, respondendo en directo a unha chamada de COPE O Carballiño, de inmediato nos aclarou que "estou na casa porque collín unha pequena gripe, non por outro motivo".

Benigno Pérez Santamaría é coñecido popularmente no Carballiño como "Mybe", o nome da droguería que ata os anos noventa do século pasado tivo aberta na rúa do paseo, na que estivo ao fronte ata bastantes anos despóis de que cumplise a idade regulamentada da xubiliación porque "seguín traballando, xubilarse antes de tempo é unha equivocación, na vida sempre hai que facer algo, estar parado non é boa cousa", aconsellou á audiencia.

O seu desexo nese cumpleanos "que todo esto pase pronto e poida volver aos meus sitios de sempre no Carballiño", a eses lugares de encontro nos que  Benigno "Mybe" compartía viño e conversa a diario cos seus amigos ata que chegou o confinamento. 

E mentres agardamos que máis pronto que tarde se cumpla o desexo do noso cumpleaneiros, parafraseamos con él unha das cancións do momento: é tempo de pensar e ser pacientes / tan so queda un pouco máis / volverémos a xuntarnos, volverémos a brindar  / un viño queda pendiente no noso bar /

Pola iniciativa conxunta das concellerías de Tráfico e de Medio Rural, o concello do Carballiño está procedendo dende hai varias semanas á limpeza e arranxo dos paneis de sinalización dos lugares do término municipal carballiñés.

Trátase de restituir tanto os soportes destes sinais como a iconografía impresa nos mesmos cos topónimos dos lugares indicados, e que en moitos casos estaba prácticamente ilexible.

O concello do Carballiño comezou o envío por correo postal de máis de 2.000 mascarillas ás persoas maiores de 80 anos e cónxuxes que residen no municipio carballiñés.

Os sobres que conteñen as mascarillas están sendo preparados por persoal do concello debidamente protexido, e remítense aos domicilios das persoas que se atopan no tramo de idade senalado.

En canto remate este envío e o concello poda dispoñer de máis mascarillas, está previsto efectuar outro reparto ás persoas comprendidas entre os 70 e 80 anos.

O obxectivo do concello é que as persoas que se atopan en idade de risco polo Covid-19, podan dispoñer dalgunha mascarilla.

O concello quere agradecer a colaboración e o esforzo da oficina de Correos do Carballiño, para entregar os sobres nos correspondentes domicilios da contorna municipal.

Unha persoa faleceu esta tarde despois de ser alcanzada por un tren de mercancías -que facía a ruta entre Taboadela e Pontevedra- á altura do concello de Maside. O 112 Galicia tivo constancia do suceso dez minutos antes das 17:00 horas.

Foi nese momento cando o mesmo persoal de Adif comunicou á central de emerxencias que un convoi alcanzara a unha persoa no punto quilométrico 275 da vía, moi próximo á estación de Maside. Indicaban ademais que o accidente se producira nun túnel, nunha zona de difícil acceso.

De inmediato, tras recibir a chamada de alerta, o 112 Galicia pasou aviso ao Servizo de Urxencias Sanitarias de Galicia-061, aos Bombeiros do Carballiño-O Ribeiro e á Garda Civil. Unha vez no punto, os equipos de intervención tan só puideron confirmar o seu falecemento, a vítima é un varón de 46 anos de idade, con veciñanza en Maside.

Despois, os servizos de emerxencias e do Adif restableceron as condicións de seguridade na vía. A Garda Civil trata de aclarar as circunstancias do suceso.

As oficinas municipais volveron abrir esta mañá a atención presencial ao público despóis de que fosen pechadas dende o xoves da pasada semana para os traballos de desinfección,, e tras confirmarse un primeiro caso de positivo en coronavirus por parte dun traballor municipal que desenvolve a súa actividade na casa do concello carballiñés.

O alcalde Francisco Fumega, en declaracións feitas en COPE O Carballiño, informou hoxe que son varios os traballadores municipais, todos os que estiveron en contacto coa persoa contaxiada co COVI-19, os que permanecen "en observación médica" nos seus domicilios, segundo o protocolo para estes casos, para os que se fixa un periodo de cuarentena.

Ningún outro traballador ou traballadora está afectado pola enfermidade, según asegurou o rexedor municipal, xa que todas as persoas que están "en observación" é como medida preventiva.

Nas distintas dependencias, salvo a Policia Local que mantén toda a súa operatividade, "estamos baixo mínimos e mantendo a actividade a través do teletraballo", subliñou o alcalde.

Tamén está baixo mínimos a afluencia de público á casa do concello, que foi esta mañá ainda máis escasa do que ven sendo dende que se decretou o estado de alarma.

O concello do Carballiño está colaborando "intensamente coas direccións dos centros educativos facilitando o traslado de libros escolares desde os colexios aos domicilios dos alumnos e alumnas", informan dende a institución municipal.

Así mesmo, realízase o servizo de reprografía para fotocopiar apuntes e traballos escolares.

O transporte dos libros lévase a cabo a través dos integrantes de Protección Civil, e o servizo de reprografía aténdese a través de persoal do concello, e son os pais ou titores quenes se encargan de recoller as fotocopias.

Estes servizos, que o concello puxo en marcha hai dúas semanas co obxectivo de dar cobertura ás direccións dos centros, "intensificáronse estes últimos días e estarán operativos mentres dure o confinamento", aseguran dende o concello.

E aclaran que son as direccións dos colexios quen comunican ao concello que libros e material escolar deben ser trasladados aos domicilios dos alumnos e alumnas, e son tamén estas direccións quen remiten ao concello os apuntes e traballos que deben ser fotocopiados.

A Mancomunidade de Concellos do Carballiño a través do Servizo de Atención Temperá, pon este dispositivo en marcha para todos aqueles nenos e nenas e as súas familias que por situación do COVI-19 o necesiten.

O dispositivo conta cun sistema de atención psicolóxica dirixido o manexo do estrés e malestar derivado das experiencias xeradas por a exposición á pandemia que estamos a vivir e as súas consecuencias.

Está dirixido especialmente a poboación infantil entre 0 e 6 anos, por consideralos especialmente vulnerables o poder ter familiares falecidos, familiares enfermos, familiares intervindo en primeira fila, familiares traballando en residencias de maiores, persoal de corpos e forzas de seguridade, persoal de administraciones públicas con servizos directos á ciudadanía, persoal de limpeza, cadea de distribución alimentaria, e todos aqueles que vexan que os seus menores e eles mismos están a vivir situación que lle provocan ansiedade e estrés.

O teléfono de contacto é o 671635183.