Os tres grupos da oposición municipal, e mesmo Podemos que non conta con representación na corporación, apuran ao alcalde do Carballiño para que non demore máis a convocatoria do pleno corporativo, que deberá proceder a resolver as alegacións presentadas á aprobación inicial do orzamento.

Fumega avanzou en COPE O Carballiño que  a convocatoria faráse para a semana que ven, e antes reuniráse a comisión, unha vez que o concello teña a punto os medios tecnolóxicos para a celebración do que será o primeiro pleno telemático na historia municipal carballiñesa "esta mañá estivemos facendo algunhas probas e aínda hai que seguir perfeccionando o sistema que imos implementar para que poida celebrarse este pleno", manifestou o rexedor.

"A idea é que o consenso sexa o maior posible"  dixo Fumega, en relación o anuncio feito a pasada semana para adaptar o orzamento á nova realidade, habilitando un millón de euros para axudas á reactivación da economia local, tras acadar un principio de acordo co Partido Popular.

O resto dos grupos veñen instando ao alcalde a que proceda á convocatoria do pleno sen máis esperas. Dende Espazo Común volvían esta mañá insistir nesta petición, igual que xa fixeron BNG e Podemos "urxe acometer esta tarefa pois o que precisan agora mesmo as familias, autónomos e pequenas empresas son certezas e seguridade, non xestos cara a galería baleiros de contido real", apuntan desde o grupo munlcipal de Espazo Común.

A Xunta abre o prazo de presentación de ofertas para a execución das obras de renovación do firme na autoestrada AG-53, entre os enlaces de Dozón e de San Cristovo de Cea, cun investimento de máis de 4,8 millóns de euros.

O Consello de Administración da Sociedade Pública de Investimentos, adscrita á Consellería de Infraestruturas e Mobilidade, ven de acrodar o inicio do cómputo do prazo de presentación de ofertas para realizar esta actuación xa licitada, pero afectada pola suspensión de prazos nos procedementos administrativos unha vez declarado o estado de alarma.

A resolución, que ven de pubicarse na plataforma de contratos públicos Xunta, indica que as empresas interesadas na execución das obras poden presentar as súas ofertas ata o 20 de maio. No caso do contrato do servizo de control e vixilancia, o prazo finaliza o 11 de maio. O obxectivo da axilización nos trámites administrativos é poder executar a intervención durante este ano e en condicións meteorolóxicas axeitadas.

A actuación, cun prazo de execución de seis meses, desenvolverase no tramo comprendido entre os puntos quilométricos 56+320 e 74+200 da autoestrada.

Os traballos centraranse na reparación de danos superficiais na estrada, no fresado de taboleiros de pasos de vigas e na reposición do firme en todo o tronco da vía e nos ramais do enlace de Cea.

Tamén se levarán a cabo o repintado de todas as marcas viarias do tronco e dos ramais da autoestrada e a reposición de captafaros e elementos de balizamento.

Un total de 2.362 nenos e nenas poderán sair a partir deste domingo do seu confinamento no conxunto dos nove concellos da comarca do Carballiño, dacorde co padrón de habitantes de cada municipio, xa que esa é cantidade de menores de 14 anos.

Deles, a maioria, 1.550 residen no municipio do Carballiño e o resto, 812 repártense entre os oito concellos restantes. Depois do Carballiño, onde máis nenos sairán este domingo do confinamento é no concello de Maside, conta con 252 menores de 14 anos, seguido de Boborás con 184, e San Cristovo de Cea con 108 menores de 14 anos. Completan a relación San Amaro con 69, O Irixo con 66, Piñor con 53, Beariz con 43 e Punxín, con 37.

Noutros concellos do noso ámbito temos en Leiro 101 menores de 14 anos, 93 en Avión e 54 en Cenlle.

BOE: QUEN, COMO E CANDO SAÍR

OS NENOS "MENORES DE 14 ANOS" PODERÁN DAR UN PASEO DIARIO DESDE As 9.00 HORAS DESTE DOMINGO ACOMPAÑADO A UN ADULTO E PODERÁN PASEAR POLAS ZONAS VERDES QUE ESTEAN A UN QUILÓMETRO DA súa CASA, ADEMAIS O ADULTO RESPONSABLE QUE LLES ACOMPAÑE PODERÁ SER UN EMPREGADO DO FOGAR CON AUTORIZACIÓN.

Así o especifica a orde que o Ministerio de Sanidade publicou este sábado 25 de abril e que entra en vigor mañá e estará vixente en caso de sucesivas prórrogas. A orde especifica que se entenderá por nenos e nenas as persoas "menores de 14 anos".

Con todo, o Ministerio de Sanidade aclarara esta semana que os paseos inclúen aos menores de 14 anos. Nas súas distintas comparecencias o ministro de Sanidade, Salvador Illa, referiuse a "menores de 14 anos". Con todo, o vicepresidente de Dereitos Sociais, Pablo Iglesias, falou de "menores de ata 14 anos". Deste xeito, a orde habilita aos nenos e nenas, e a un adulto responsable, a circular polas vías ou espazos de uso público, a condición de que se respecten os requisitos establecidos para evitar o contaxio.

Dita circulación queda limitada á realización dun paseo diario, de máximo unha hora de duración e a unha distancia non superior a un quilómetro con respecto ao domicilio do menor, entre as 9:00 horas e as 21:00 horas.

A orde especifica que non poderán dar paseos os nenos e nenas que presenten síntomas ou estean en illamento domiciliario debido a un diagnóstico por COVID-19, ou que se atopen en período de corentena domiciliaria por ter contacto con algunha persoa con síntomas ou diagnosticado de COVID-19.

DISTANCIA DE POLO MENOS DOUS METROS CON TERCEIROS

Como se adiantou, o paseo diario deberá realizarse como máximo en grupos formados por un adulto responsable e ata tres nenos ou nenas.

Durante o paseo diario deberá manterse unha distancia interpersoal con terceiros de polo menos dous metros. Así mesmo, deberá cumprirse coas medidas de prevención e hixiene fronte ao COVID-19 indicadas polas autoridades sanitarias. Poderase circular por calquera vía ou espazo de uso público, incluídos os espazos naturais e zonas verdes autorizadas, sempre que se respecte o límite máximo dun quilómetro con respecto ao domicilio do menor. Non estará permitido, con todo, o acceso a espazos recreativos infantís ao aire libre, así como a instalacións deportivas.

O ADULTO, RESPONSABLE DE QUE SE CUMPRAN AS NORMAS

A orde especifica tamén que se entende por adulto responsable aquela persoa maior de idade que conviva no mesmo domicilio co neno ou nena actualmente, ou se trate dun empregado de fogar a cargo do menor. Cando o adulto responsable sexa unha persoa diferente dos proxenitores, titores, curadores, acolledores ou guardadores legais ou de feito, deberá contar cunha autorización previa destes. Ademais, establece que é responsabilidade do adulto acompañante garantir que se cumpren durante a realización do paseo diario os requisitos para evitar o contaxio.

Espazo Común agarda "para canto antes" a convocatoria do pleno da corporación municipal no que poidan presentar e defender as propostas incluídas no plan "O Carballiño CON-VIDA 20".

Este plan de apoio social e reactivación económica contempla catro apartados fundamentais, que son os relativos a saúde pública, protección social e familias, modificacións de impostos municipais, e finalmente, medidas de impulso da economía local.

No arquivo adxunto encontrarás íntegro o documento elaborado por Espazo Común "O Carballiño CON-VIDA 20"

A Policia Local do Carballiño remitíu á Subdelegación do Goberno un escrito no que informa da situación que afecta á única sucursal que mantén activa o Banco Santander no Carballiño, que ademáis reducíu o seu horario de atención ao público a tan so dous dias á semana.

No informe remitido á Subdelegación, A Policia Local advierte da acumulación de púbico e as longas colas que se derivan desta situación, considerando que poden representar un perigo para a seguridade sanitaria das persoas, e aos efectos de que se adopten ou ordenen as  medidas que procedan dentro da normativa do estado de alarma.

Dous internos da Residencia Irmáns Prieto do Carballiño deron positivo en coronavirus nas probas masivas realizadas a pasada fin de semana por por parte do Sergas nas propias dependencias da residencia.

Dase a circustancia que ambos recibiron semanas atrás atención hospitalaria no CHUO, e desde o seu regreso ao asilo permanecen illados do resto dos residentes, e desta maneira continúan en permanente observación médica. 

Tanto o persoal como o resto dos residentes,170 en total, deron negativo, igual que a comunidade de relixiosas.

A selección aleatoria foi realizada polo Instituto Galego de Estatística entre persoas de todos os tramos de idade, que serán chamadas dende o seu centro de saúde para participar voluntariamente neste estudo de seroprevalencia que se realiza en toda Galicia, deseñado pola Consellería de Sanidade para coñecer a incidencia do Covid 19 entre a poboación.

Abrindo o arquivo adxunto podes ver o número de persoas que van ser chamadas dende o teu respectivo centro de saúde:

O Partido Popular mostra a súa satisfacción polo acordo alcazado co alcalde Francisco Fumega e que onte anunciou o concello, e no que se recollen as distintas modificacións do orzamento municipal que farán posible destinar un millón de euros para axudas á reactivación da economia local tras a crise sanitaria.

O portavoz dos populares no concello carballiñés, Ricardo Perea, mostrou o seu apoio a este acordo no que estívose traballando no transcurso das últimas semanas, non obstante lamentou que o acordo non sexa de consenso cos outros grupos da oposición "é algo que nos gustaría que houbese sido, pero non é responsablidade nosa", subliñou.

Mentres, Espazo Común demanda "transparencia e diálogo ao alcalde Fumega nas medidas que se tomen" e considera insufiente o anuncio feito polo concello e acusan ao rexedor municipal "dun absurdo e sectario comportamento cando xusto a sociedade o que máis demanda son máis acordos, máis diálogo e máis unión".

Pola súa parte, o BNG insiste na petición de que se convoque un pleno extraordinario da corporación municipal para abordar todas as medidas posibles para adaptar  o orzamento á nova realidade derivada da crise sanitaria.

Nos arquivos adxuntos podes ver tanto o documento que recolle o acordo co Partido Popular como o comunicado emitido por Espazo Común: