Para os roubos non hai cuarentena, e son dous os que se rexistraron en dous establementos do Carballiño durante a madrugada deste venres.

Dunha parte, os ladróns entraron no Estanco sito na Avda. Julio Rodríguez Soto, esquina coa rúa Venezuela, onde conseguiron levarse diversa mercancia, valorada en 1.000 euros.

Tamén lograron acceder ao interior da Parrilada Conde, na rúa Conde Vallellano, onde se apoderaron de diñeiro en efectivo.

A chamada dunha veciña alertou a Policia Local do Carballiño, que procedeu a detención dunha persoa como presunto autor deste roubo.

A Xunta de Galicia ven de designar aos tres aloxamentos para poñelos a disposición de traballadores desplazados, persoas sen fogar ou en exclusión social en situación de emerxencia, vítimas de violencia de xénero ou especialmente vulnerables, mentres dure o estado de alerta.

Son, no ámbito das comarcas do Carballiño e O Ribeiro, o Pazo da Amuzara no concello de Boborás, o hotel Eurostars de San Clodio no concello de Leiro, e o camping municipal do Carballiño.

Con esta iniciativa, a Xunta ofrece unha alternativa polo peche de hoteis e establecementos turísticos decretado polo goberno central e que entra en vigor este xoves dia 26 de Marzo.

Para a xestión de reservas e demanda de aloxamento está dispoñible o teléfono 986 447 060.

Este servizo non poderá ser en ningún caso utilizado por persoas sen unha razón que esté amparada polo Real Decreto 463/2020

Confirmado o primeiro caso de positivo de coronavirus dun veciño no municipio de Punxín, un home de 50 anos, que non estivo fora de Galicia no transcurso dos útlimos meses.

Súmase  á relación dos 231 casos que foron diagnosticados como positivos de COVI 19 na Área Sanitaria da Provincia de Ourense dende que comezou a pandemia.

Doutra parte, confírmase a segunda vítima mortal dun veciño da comarca como consecuencia da enfermidade, un home de avanzada idade que residía en Madrid, onde faleceu. 

Era veciño natural da parroquia de Santa Mariña de Moreiras, no concello de Boborás.

O ritual que se repite cada tarde cando o reloxio marca as 20 horas, a veciñanza do Carballiño agradece con aplausos dende ventás e balcóns, cancións e mesmo vitores o traballo de todo o persoal sanitario que loita contra a pandemia do coronavirus, e tamén das Forzas e Corpos de Seguridade do Estado, asi como do resto de profesionais que están garantindo o funcionamento dos servizos básicos durante o confinamento.

A Garda Civil e a Policia local corresponden patrullando as rúas do Carballiño facendo soar o sinal acústico dos seu vehículos.

Este aplauso unánime que se escoita en cada tarde carballiñesa está ademáis animado por actuacións musicais en directo por parte de algúns veciños, mentres que en moitas rúas escóitase o "Resistiréi" do Dúo Dinámico, a sintonia que COPE O Carballiño elixíu dende o primeiro dia do confinamento para dar ánimo a toda a súa audiencia.

Xuntos resistirémos mellor, xuntos somos máis fortes !!

O presidente da Deputación de Ourense, Manuel Baltar, anunciou hoxe que o goberno provincial mercou 36.000 máscaras e 43.000 pares de luvas, xunto con 500 litros de xel desinfectante, que serán repartidas entre concellos e entidades da provincia de Ourense, unha medida validada polo Comité de Seguimiento do Coronavirus da Deputación, e que forma parte da estratexia de colaboración coa Xunta de Galicia. A petición de axuda foi formulada polo Posto de Mando Avanzando (PMA) en Ourense.

Desta maneira, a xestión levada a cabo polo goberno provincial fai posible a adquisición deste material sanitario, que chegará a Ourense a próxima semana e que se unirá ao da Xunta de Galicia, para poder realizar un reparto conxunto.

Manuel Baltar valora como "sumamente importante unir esforzos para seguir cooperando, ademais dos labores que xa vimos desenvolvendo en materia de servizos sociais e infraestruturas, "con equipamentos que neste momento resultan imprescindibles para afrontar a pandemia do Covid-19".

O presidente do goberno provincial afirma que a cooperación "vai no ADN da Deputación de Ourense, e neste momento, unir esforzos coa Xunta de Galicia e conxuntar o material que mercamos para colaborar nesta crise é algo fundamental e centra todas as nosas estratexias", valora o presidente Baltar.

Unha dotación da Unidade Militar de Emerxencias realizou esta mañá labores de desinfección nas resindencias públicas de maiores do Carballiño, no Cornuval.

O alcalde do Carballiño Francisco Fumega confirmou a esta emisora de radio que, a maiores, tamén se realizan traballos de desinfección nos exteriores das dúas residencias de mairores privadas que temos no Carballiño, a de Partovia e a residencia dos Irmáns Prieto, que coas súas 119 praza é a de máis alta ocupación de toda a comarca.

Mentres, nos concellos de 5.000 habitantes, é decir todos os da comarca agás O Carballiño, son os bombeiros forestais e os profesionais do Servizo de prevención e extinción de incendios da Xunta de Galicia os que desde onte realizar labores de desinfección, que xa fixeron nos exteriores das residencias de Maside e San Amaro, e esta mesma mañá na casa de maiores de Dacón. 

Tamén actuarán nos exteriores dos centros de saúde, complementando os traballos que xa están levando a cabo os respectivos concellos.

Para executar estes traballos, informa a Xunta, os efectivos contan coa debida formación para facelos e con todo o material de protección necesario para asistir con todas as garantías sanitarias, así como cos protocolos de actuación pertinentes, seguindo en todo momento as recomendacións sanitarias ao efecto.

Tamén dispoñen da maquinaria e os produtos precisos para efectuar as desinfeccións. Ademais de desinfectar, establecerán contacto cos profesionais das residencias e reforzarán os seus protocolos de prevención.

A maiores, estes profesionais tamén se encargarán de vixiar as zonas de esparexemento no rural para garantir o confinamento e colaborarán nas comunicacións de posibles condutas irregulares a través da rede de emisoristas do propio Servizo de prevención e defensa contra incendios forestais (SPDCIF) de Galicia.

En concreto, estes labores executaranos os traballadores que participen voluntariamente na iniciativa durante as súas quendas de traballo. Con todo, é sabido que a súa función principal e primordial é a de prevención e extinción dos incendios forestais que se poidan rexistrar, unha cuestión que está garantida.

Así mesmo, ademais de dedicarse á disuasión de posibles comportamentos incendiarios, entre as funcións adicionais que se lle poden encomendar nun futuro poderán ser as de colaborar coas autoridades no auxilio a persoas residentes en zonas remotas ou de difícil acceso, así como no transporte de produtos como víveres ou material sanitario a zonas do rural galego.

Non obstante, a Consellería do Medio Rural insiste en que sempre estará garantida a dispoñibilidade prioritaria destes profesionais para os labores de vixilancia e extinción de incendios forestais.