A 22 edición da Subida Automobilista á Saleta celebraráse os próximos sábado 22 e domingo 23 deste mes de Agosto, a entidade federativa mantén calendada esta popular proba automobolistica puntuable para o campionato galego de montaña 2020.

O parque de custodia de vehículos participantes faráse finalmente na Avenida do Arenteiro do Carballiño dende as 9:30 horas do sábado 22, de onde partirán os participantes para as dúas xornadas de competición, sábado e domingo.

Para a tarde do sábado 22 están programados os adestramentos oficiais a partir das 16 horas, logo ás 18 horas correráse a primeira manga e ás 20 horas a segunda manga. Para a matinal dominical están programados os adestramentos oficiais a partir das 9:30 horas, a terceira manga desputaráse ás 11:30 horas e a continuación a cuarta e última manga oficial. A entrega de trofeos faráse no Pazo da Almuzara a primeira hora da tarde do domingo.

As pemes, autónomos e entidades de economía social galegas poden solicitar ata o vindeiro 17 de agosto as axudas do programa Reactiva comercio e servizos seguros. A Xunta activou estes apoios, con achegas de ata 3000 euros para implantar nos negocios medidas de protección fronte á covid-19, co obxectivo de facilitar a volta á actividade dos sectores do comercio, o turismo, os servizos e o transporte en condicións de confianza para os consumidores.

Os apoios cobren os gastos tanto das medidas que se implanten agora como das xa realizadas desde a declaración do estado de alarma, mediante unha tramitación rápida e sinxela, que inclúe a achega de anticipos no momento da resolución favorable da axuda pola metade da contía dos investimentos realizados. Cunha dotación total de 16 millóns de euros, nesta iniciativa colaboran as consellerías de Economía, Emprego e Industria; Cultura e Turismo (no marco do plan Galicia destino seguro); e Infraestruturas e Mobilidade.

As axudas poden destinarse á adquisición de equipos de protección individual e de desinfección; a adaptación dos espazos con equipamento de seguridade e redución do contacto entre persoas; a realización das obras de renovación, limpeza e ventilación do aire; e a posta á disposición dos clientes de información relativa ás medidas hixiénicas e de protección. Así, os establecementos comerciais, empresas do sector turístico e salóns de peiteado de menos de 10 traballadores poden obter apoios polo 100% das medidas activadas, desde 300 a 1200 euros. Por outro lado, as pemes de menos de 50 traballadores tanto destes sectores como do transporte, os servizos e as actividades profesionais poden beneficiarse de apoios directos do 80% do custo nas medidas de seguridade precisas, desde un mínimo de investimento de 1500 euros ata un máximo de 3750, sendo polo tanto a axuda máxima de 3000 euros.

O concello do Carballiño recorda que "según a normativa da ordenanza da venda ambulante" en vigor no municipio, a primeira feira deste mes de Agosto, unha das máis importantes en canto á afluencia de púbico, adíantase ao venres dia 14. Este cámbeo débese ás circustancias do calendario, xa que o dia 16 cadra a domingo e o dia anterior, o sábado 15 é festivo.

O Carballiño despide este domingo as "Xornadas Gastronómicas do Pulpo" l, a iniciativa promovida dende o concello coa colaboración da hostalaría local e as pulpeiras e pulpeiros de Arcos para "Salvar os mobles" en substitución da Festa do Pulpo e na medida do posible atenuar as consecuencias da crise pola pandemia do coronavirus en sectores claves da economia local, 

Un total de 46 locais, restaurantes, bares e mesóns ofreceron durante a semana o pulpo á feira, ademáis durante a fin de semana -sábado e domingo- sumáronse 20 postos de venda de pulpo que, como se fose un dia de feira calquera, instalaron na rúas e prazas as pulpeiras de Arcos, que este ano non poideron instalar as súas caldeiras no parque municipal, ao quedar cancelada a que debería ser a deste 2020 a 58 edición da Festa do Pulpo.

Non houbo aglomeracións en ningún momento, tal como se perseguía pola situación que vivivmos e o resultado da semana dende o punto de vista económico foi bastante "discreto" e e nalgunhos establecementos "cativeiro", según os datos aportados a esta emisora de radio polos profesionais consultados, tan un chisco o sábado e algo máis o domingo a mediodia animouse a afluencia de público chegado de fora para desgustar o noso manxar gastronómico máis internacional, consumido este ano maioritariamente no Carballiño en ambiente famiiar nas casas, foi como a maioria dos carballiñeses conservaron este ano a tradición deste segundo domingo do mes de Agosto.

En todo caso, o desplome na caída do consumo de pulpo foi histórico nestas datas de agosto, son as estimacións de  Daniel González Atanes de Frigoríficos Arcos, unha das empresas locais punteiras do sector "algo de pulpo comeuse, pero moi lonxe das toneladas doutros anos, eu calculo que se vendeu un 25% do que se vendía outros anos", un dato certamente revelador que é corroborado por outras profesionais como Aurora Gómez, da asociación de pulpeiras Arcos-O Carballiño que instalou as súas caldeiras na rúa do Paseo xunto ao gastrobar Don Paco"no parque vendíase moito, moito pulpo, hoxe aquí estamos traballando como un dia de feira, máis ou menos".

Tamén caeu a mínimos históricos no Carballiño a ocupación en hoteis e hostais nesta semana do pulpo, sempre con ocupación plena ano tras ano e desta vez con moitas habitacións libres, e con apenas un 30% de ocupación no conxunto dos establecementos hoteleiros carballiñeses "outros anos tiñamos cheo toda a semana e coas reservas feitas con moita antelación, este sábado ocupamos tan so dúas das catorce habitacións que temos, outros anos se tivesemos capacidade enchiamos a grada do Espiñedo", aseguraba a COPE O Carballiño Pepe Növoa, de Casa Pituxo.

Polo demáis, na noite do sábado e madrugada do domingo, a actividade nos locais de ocio desenvolveuse con normalidade e sen inicientes reseñables, nas intervecións das forzas de seguridade e órden público tan so se contabilizaron dous delitos contra a seguridade no tráfico, con dous positivos en controis de alcoholemia.

O concello do Carballiño prohíbe que se realicen celebracións no parque municipal, asi como en calquera outro espazo público da vila, durante esta fin de semana.
Só estará permitido xantar ou cenar nos locais hostaleiros, pero non se poderá facer no parque municipal nin en calquera outro espazo público do Carballiño non autorizado.

Así mesmo, tampouco está permitido celebrar “botellóns” nin calquera outro tipo de festa da mocidade nestes lugares. Ao respecto, o concello anuncia que as persoas que infrinxan calquera destas prohibicións serán sancionadas con multas.

A situación que se vive polo Covid 19 esixe que sexamos responsables en todo momento, polo que é preciso extremar as medidas de prevención, sobre todo durante estes días nos que se incrementa o número de visitantes na vila.

As Xornadas Gastronómicas do Pulpo teñen o obxectivo de ofrecer a posibilidade de degustar a gastronomía propia do Carballiño, pero nos lugares autorizados e con todas as garantías de seguridade e as medidas preventivas que se esixen na normativa polo coronavirus.

O conselleiro de Cultura e Turismo en funcións, Román Rodríguez, participou no Mosteiro de Oseira na presentación de Avaliación e análise do potencial do Camiño de Santiago-Vía da Prata para o desenvolvemento sostible a escala local, un estudo realizado polo Grupo de Análise e Modelización Económica do IDEGA da Universidade de Santiago de Compostela de resultas da sinatura dun convenio entre o Consello Económico e Social de Galicia e a Deputación de Ourense, e do que destacou que coincide coa diagnose inicial e con bastantes das propostas impulsadas nestes últimos meses desde a Xunta de Galicia no seo desta ruta.

O titular de Turismo cualificou este estudo de “excelente”; apelou á colaboración e á boa sintonía entre as diferentes administracións e os axentes que actúan na dinamización deste territorio histórico, e sinalou que resulta “moi positivo” contar con estudos como o presentado, “posto que contar con novos ferramentas solventes e útiles para a toma de decisións é esencial para aproveitar dun modo intelixente e sustentable un legado histórico e patrimonial de primeiro nivel como a Vía da Prata”.

Na presentación participou, ademais do conselleiro, o presidente da Deputación de Ourense, Manuel Baltar; o alcalde do Concello de San Cristovo de Cea, José Luis Valladares Fernández; o presidente do Consello Económico e Social, Agustín Hernández, e o director do IDEGA, Melchor Fernández Fernández, que realizou a explicación do estudo.

Axente dinamizador

Román Rodríguez explicou que unha vez se detectou a necesidade de potenciar esta ruta como axente dinamizador, “non só dentro de Galicia senón no conxunto de España”, o Goberno galego está traballando en coordinación co resto de Comunidades Autónomas polas que transcorre a ruta “para acordar medidas e concertar os pasos a dar”.

Neste sentido, lembrou que xunto a Andalucía, Estremadura e Castela e León se asinou un protocolo para traballar en accións conxuntas centradas na potenciación do itinerario; tanto no que se refire á promoción turística e a programación cultural, como á defensa e protección patrimonial do itinerario histórico. Ademais, ao abeiro deste acordo tamén se define un marco de colaboración para impulsar a unificación da sinalización e a mellora da seguridade viaria, así como a mellor integracións paisaxística dos tramos urbanos nas respectivas comunidades.

Pola súa banda, o presidente da Deputación de Ourense asegurou que este traballo “pon en valor a importancia da Vía da Prata” a cal, grazas a este estudo “no que todos aportamos o máximo de nós desde as administracións que lideramos, poderemos acadar un resultado importante da mesma como fonte de ingresos e como dinamizadora económica e social”.

Baltar destacou a importancia que tivo a cooperación e o traballo coordinado entre administracións, como se materializou unha vez máis para realizar este estudo, sobre o turismo en Ourense que “nos últimos tempos rexistrou datos históricos tanto de visitantes como de pernoitas”, afirmando que ao incremento deses datos contribuíu “o traballo coordinado”.

Compromiso coa Vía da Prata

O conselleiro fixo un repaso polos investimentos realizados pola Xunta desde 2019 na ruta e os compromisos adquiridos que permitan “avanzar a paso lixeiro para chegar nas mellores condicións posibles ao vindeiro Xacobeo 2021”. Así, explicou que se ten intensificado o traballo no eido da sinalización da Vía da Prata, cun investimento de máis de 2M€ e lembrou que esta conta por primeira vez cun Plan de Mantemento propio dotado con 1,6M€ para todos os seus concellos.

Finalmente, se ben este ruta conta con 13 albergues, algúns recentemente rematados, como o de Ourense, a Xunta impulsa dúas novas dotacións: unha na Gudiña, coa rehabilitación da Casa da Viúva, e outra no propio Mosteiro de Oseira, o que supón un investimento conxunto de 1,3M€. “En ambos casos –explicou o titular de Cultura−, apostamos pola rehabilitación, mantemento e uso do noso patrimonio; un aspecto clave que me parece importante reivindicar”.

Conclusións do estudo

O documento de avaliación e análise presentado no cenobio inclúe diferentes propostas de actuación como o impulso da colaboración interadministrativa; a conveniencia dunha ferramenta de planificación e dirección estratéxica, dun plan de formación sobre o Camiño, dun plan de apoio aos investimentos privados nesta ruta e dun plan de comunicación; así como a suxestión de crear na provincia de Ourense un centro de interpretación da Vía da Prata.

Así mesmo, proponse promover a identificación da Vía da Prata con diversos perfís de peregrinos como o ciclista e o de grandes grupos; a reconfiguración das etapas para acadar que estas sexan máis accesibles para todos os públicos; a existencia de xestores-guías que faciliten a comunicación entre peregrinos, residentes e as administracións responsables da xestión, e a proposta de que a cidade de Ourense sexa o punto de inicio para peregrinos con limitación temporal (rutas de 5 ou 6 días).