O primeiro dia do estado de alarma desenvolveuse con total normalidade no Carballiño, e con moi poucas persoas nas rúas, a maioria delas para achegarse aos establecementos autorizados que permanecían abertos, como a Farmacía Fontaíñas, que está de garda, quioscos, e os establecementos de alimentación, pequenas tendas, panaderías e confiterías que abren habitualmente todos os domingos.

Esta situación inédita tamén se vivíu con normalidade en todos os concellos da comarca, no ámbito rural, onde o peche das igrexas parroquiais deixou sen o habitúal movemento unha mañá de domingo.

Coa declaración do estado de alarma en España, desde a noite do sábado 14 de marzo todos os cidadáns están obrigados a permanecer nas súas casas e non saír salvo por necesidades básicas.

Esta decisión, consecuencia da aprobación do estado de alarma, acórdase para un período de 15 días prorrogable, durante os cales o Goberno asume o control de todas as actuacións que sexa necesario tomar para frear a expansión do Covid-19. As Forzas de Seguridade do Estado e tamén a Forzas Armadas, se fose necesario, serán as encargadas de que se cumpra.

Pero, que podes e que non podes facer tras esta declaración? Segundo publicou o Boletín Oficial do Estado (BOE) durante a vixencia do estado de alarma as persoas unicamente poderán circular polas vías de uso público para a realización das seguintes actividades:

a) Adquisición de alimentos, produtos farmacéuticos e de primeira necesidade.

b) Asistencia a centros, servizos e establecementos sanitarios.

c) Desprazamento ao lugar de traballo para efectuar a súa prestación laboral, profesional ou empresarial.

d) Retorno ao lugar de residencia habitual.

e) Asistencia e coidado a maiores, menores, dependentes, persoas con discapacidade ou persoas especialmente vulnerables.

f) Desprazamento a entidades financeiras e de seguros.

g) Por causa de forza maior ou situación de necesidade.

h) Calquera outra actividade de análoga natureza que haberá de facerse individualmente, salvo que se acompañe a persoas con discapacidade ou por outra causa xustificada.

Igualmente, permitirase a circulación de vehículos particulares polas vías de uso público para a realización das actividades referidas no apartado anterior ou para a reposición en gasolineiras ou estacións de servizo. En todo caso, a continuación, tratamos de aclarar algunhas posibles dúbidas:

Podo saír a facer deporte?

Non, o decreto do Goberno non che permite saír a facer deporte. Non é un dos supostos permitidos.

E levar aos nenos ao parque?

Ademais de que os parques do Carballiño están pechados ao público, é algo que tampouco prevé o decreto. Tes que quedarte na casa.

Podo sacar a pasear ao meu can?

Si, mantendo as distancias e medidas de protección e seguridade. Sacar á rúa aos animais domésticos é unha das excepcións á restrición de uso do espazo público. Iso si, desde o Goberno instan a “utilizar o sentido común”, sacar a pasear ás mascotas de forma individual e que isto non se utilice como unha forma de paseo.

Que é o que estará aberto?

Alimentación, bebidas, produtos e bens de primeira necesidade Establecementos farmacéuticos, médicos, ópticas e produtos ortopédicos Produtos hixiénicos Perruquerías. Prensa e papelería Combustible para a automoción Estancos Equipos tecnolóxicos e de telecomunicacións Alimentos para animais de compañía Comercio por internet, telefónico ou correspondencia Tinturerías e lavanderías.

Con quen podo quedar?

Tecnicamente, non podes visitar a ninguén salvo que se trate dunha persoa dependente que estea ao teu cargo. Pola contra, aproveita as novas tecnoloxías, as videochamadas, o teléfono e ata os memes de Whatsapp.

Investigadores da Universitat Rovira i Virgili ( URV) e a Universidade de Zaragoza ( Unizar) retomaron a actualización do mapa de risco epidémico por COVID-19 que desenvolveron conxuntamente e lograron estender as predicións a catro días vista, no ámbito local.

Este mapa de risco é o resultado dun modelo matemático que contén os datos de mobilidade e o censo dos municipios de España, así como a dinámica dos contaxios producida por SARS- CoV-2.

O modelo calcula as probabilidades de contaxio en cada municipio en función dos parámetros epidémicos coñecidos para este virus e a mobilidade interurbana da poboación activa, permitindo extrapolar a varios días para monitorar a evolución deste risco.

Como resultado deste modelo, e no que respecta ao noso ámbito comarcal, vemos que o concello con máis alto risco é o de Punxín, seguido e pola seguinte órde e de máis a menos por Maside, San Cristovo de Cea, O Carballiño, Leiro, San Amaro, O Irixo, Boborás, Piñor, Avión e por último, o concello con risco máis baixo, Beariz.

Para ver o mapa sigue a seguinte ligazón: https://deim.urv.cat/~alephsys/COVID-19/spain/es/index.html

O presidente da Xunta, Alberto Núñez Feijóo, anunciou este venres que a partir das 0 horas deste sábado dia 14 de Marzo, toda Galicia entra en estado de emerxencia polo COVID 19, con distintas medidas para enfrontarse á pandemia.

Como consecucencia desta situación absolutamente excepcional e sen precedentes na nosa terra, o presidente do goberno galego tivo unha comparecencia posterior a unha reunión extraordinaria co goberno autonómico e sinalou que as respostas han de "ser miméticas e uniformes en todos os lugares", e mesmo poderán ordear confinamentos.

Ao activarse o plan territorial de emerxencia, Feijóo, que asumirá a coordinación do mesmo, indicou que "estamos nunha situación nova e descoñecida, e o mellor e o máis efectivo é que a xente quede na súa casa".

As medidas acordadas pola Xunta serán trasladadas mediante os medios de comunicación ao conxunto da cidadanía, inclúen nos casos de necesidade evacuación e asistencia social, asi como todo o control de accesos e seguridade cidadán.

Ademais, dende este sábado péchanse aos público bares, cafeterías e restaurantes, pero poderase prestar servizo de entrega a domicilio e recollida en local coa permanencia estritamente necesaria para facilitar a recollida.

A medida complétase co peche de salas de festas, discotecas, pubs, albergues do Camiño de Santiago, polideportivos ou piscinas

Non quedan afectados os establecementos hostaleiros sempre que se destinen aos clientes dos mesmos. Tampouco estarán afectados os comercios minoristas considerados de primeira necesidade como farmacias, peixarías, carnicerías, panaderías, froiterías, gasolineiras ou quioscos.

No caso das grandes superficies, poderán permanecer abertos ao público os establecementos de alimentación.

O presidente da Xunta lembrou á cidadanía a importancia de quedarse na casa: "Quen teña síntomas está obrigado a quedarse na casa e o que non os teña é recomendable que o faga tamén", expresou Feijóo nesta mensaxe a toda a cidadanía galega.

O alcalde do Carballiño Francisco Fumega anunciou esta mañá a batería de medidas acordadas polo concello para a prevención do coronavirus no ámbito municipal.

Ademáis de confirmar a suspensión da feira deste próximo lúns, tamén comunicou o peche dos parques infantís, asi como do conservatorio, a bibiloteca, Bó Día Familia, e todas as escolas municipais, tamén o pavillón de deportes e o resto das intalacións deportivas municipais permanecerán pechadas ata novo aviso.

O concello pon en marcha un protocolo para garantir o suministro alimentario ás persoas maiores que viven soas (máis de 900 persoas de máis de 70 anos no municipio), que poderá solicitarse por parte daqueles veciños que non poidan sair do seu domicilio. Tamén se reforza o servizo de teleasistencia.

Para consultar todas as medidas acordadas pol concello do Carballiño, preme no arquivo adxunto:

O concello do Carballiño anunciou esta mañá a suspensión da primeira feira deste mes de Marzo, que debería celebrarse este próximo lúns dia 16 de Marzo.

Trátase dunha das medidas acordadas esta mañá por parte dos responsables municipais, e comunicada á Xunta de Portavoces, xunto a outras medidas de prevención do coronavis no ámbito municipais.

A alerta sanitaria pola pandemia global polo COVID-19 xa afecta de cheo á vida social e cultural do Carballiño, xa que nas últimas horas vimos coñecendo a suspensión, cancelación ou aplazamento de actividades programadas.

O Cine-Club Carballiño anuncio que "ata novo aviso" suspende as súas proxeccións cinematográficas dos venres no auditorio, polo que xa non se proxectará "Intempérie", a película que estaba programada para esta semana. 

Tamén no auditorio e para este domingo dia 15 de Marzo estaba anunciado o monólogo do cómico Moncho Borrajo, que foi cancelado.

A Xunta de Galicia xa confirmou o peche temporal do Centro Sociocomunitario do Carballiño, e puxo en marcha protocolos de visita nas residencias de maiores.

A Plataforma pola Defensa do Transporte Público do Carballiño, que tiña prevista unha asenblea para este venres, tamén decidíu suspendéla "seguindo as recomendacións pola crise do coranavirus".

No ámbito do deporte, o Club Ciclista Carballiño comunicaba que tamén "ata novo aviso" suspende a actividade da escola de ciclismo.

Están suspendidas por un periodo de 15 dias  todas as competicións deportivas federadas, que afectan a todos os equipos e clubes do Carballiño que participan en competicións deportivas. Tamén os adestramentos.

Ademáis, e como xa tamén confirmou a Xunta de Galicia, dende o próximo lúns permanecerán cerrados todos os centros educativos, en todos os niveis educativos, asi como as garderías infantís e a Galiña Azúl. Este venres dia 13 de Marzo a asistencia a clases é opcional, non obrigatoria.

A concellería de Medio Ambiente, que coordina Rita Soto, está ultimando un programa de acondicionamento das fontes ornamentais da vila.

Trátase de solventar os problemas derivados, según os casos, de averías producidas nos sistemas de auga e iluminación ou de obsolescencia dos equipos ou compoñentes destes sistemas. O obxectivo é conseguir que funcionen regularmente, para que as fontes podan cumplir o cometido para o que foron creadas.

No programa prevese comezar por aquelas fontes que leven máis tempo en situación disfuncional, e que se atopan en lugares moi significativos da vila, como son a fonte-estanque da escultura Muntem, na Praza do Emigrante, e a fonte situada na Praza da Constitución.

A vila do Carballiño conta con seis fontes ornamentais, incluida a fonte histórica do Concello, na baixada a Flores.

Así, están a fonte-estanque da escultura Munten, a fonte da rotonda da Alameda, a fonte da Praza Emilia Pardo Bazán, a fonte da Praza das Galiñas e a fonte da Praza da Constitución. Tamén son fontes ornamentais as pirámides da Alameda e Praza do Emigrante, pero están totalmente inoperativas como fontes, e só cumplen a función de lucernarios e respiradoiros do parking.