Tiruleque Teatro organiza unha nova edición da XVII Mostra de Teatro Amador "Terras do Orcellón", que apoian o concello do Carballiño, representado no acto de presentación deste festival polo concelleiro de cultura Diego Fernández, e a Deputación de Ourense, que desprazou ata O Carballiño ao deputado de cultural, César Fernández.

O programa ábrese o dia 5 de outubro con "YALLAH! YALLAH! de "La Caja de Pandora". O Festival, no auditorio do Carballiño prolongaráse ata o 17 de novembro, sempre ás oito da tarde e con esta programación:

12 de outubro: "Soño dunha noite de verán", da Aula de Teatro da Universidade de Vigo.

13 de outubro: "O traballo de Andrea", do Colectivo Cultural Ollomao.

19 de outubro: "VEREDICTO", a cargo de Cambre Teatro Amador.

20 de outubro: "Deus non quere calderilla", da compañía The Sastre.

1 de novembro: "Entrañas Negras", de Disfunción Continua Teatro.

2 de novembro: "REFACHO", do grupo teatral Ateaco.

9 de novembro: "Un mal dia", de Namarella Teatro.

17 de novembro: "Sombras na noite", de Champá Teatro.

Ademáis, o Festival tamén programa actividades paralelas, en concreto o obradoiro o 6 de outubro "A imaxe e o son de Lexis e a Timia, con Ermel Morales. Xa finalmente, o 3 de novembro "Descubrindo o teatro", con Marina Carballal.

O número de turistas que visitaron o municipio do Carballiño entre xaneiro e xullo deste ano 2024 ascendeu a tun total de 33.547, dos que 30.771 foron de orixe nacional e 2.776 de orixe internacional.

Asi o acredita o Instituto Nacional de Estadística, nun informe no que se recolle os turistas chegados a cada municipio español, en base á mobilidade dos teléfonos móbiles, e tendo en conta as persoas que pernoctaron como mínimo unha noite dentro do municipio.

Se comparamos o número de turistas que durante o primeiro semestre de 2024 visitaron O Carballiño cos datos do ano anterior, 2023, vemos que representa un incremento do 9,4%.

En COPE O Carballiño comezamos unha nova tempada na Tertulia dos Venres.

Nesta primeira tertulia do novo curso participaron José Antonio Barge, Manuel Nogueira, Fátima Gómez e Sebas Lamazares, moderados por Xan Pinal.

Escóitaa aquí:

O presidente da Deputación de Ourense, Luis Menor, mantivo un encontro de traballo no Pazo Provincial co presidente da Mancomunidade do Carballiño, Fernando Rodríguez Redondo, para abordar posibles solucións á "complexa situación" que atravesa este organismo polo reducido número de concellos que o integran.

Dos nove concellos da comarca carballiñesa que integraban a entidade cando se creou a Mancomunidade, a maioría deles, que son cinco foron abandonandoa progresivamente, os concellos do Carballiño, Maside, Punxín, San Cristovo de Cea e o último en facélo, o concello de Piñor.

No pleno celebrado esta semana pola corporación municipal do Irixo, debatiuse a proposta para a saída da Mancomunidade por parte desde concello, aínda que a decisión aprazouse tras o debate, e por non ir acompañada a proposta dun estudo económico.

Os seus alcaldes, tanto do PSOE como do Partido Popular, xustificaron a saída da Mancomunidade sempre en base a criterios económicos, dando a entender que resultan máis viables e de menor coste os servizos xestionados directamente polos respectivos concellos.

Neste contexto actual, "o presidente provincial comprometeu o apoio da Deputación á Mancomunidade co obxectivo de garantir a prestación dos seus servizos como poden ser a atención temperá, a axuda no fogar ou o de desbroces nos concellos de Boborás, Beariz, O Irixo e San Amaro -adheridos a este organismo-, así como para potenciar a súa presenza na comarca", aseguran nun comunicado emitido pola entidade provincial.

A Deputación de Ourense e o Concello do Carballiño, a través da concellería de Termalismo e da de Turismo, organizaron unha visita á vila termal do Carballiño dirixida ás delegacións internacionais representadas en Termatalia e aos investigadores e relatores do Congreso Internacional da Auga da Universidade de Vigo.

A deputada provincial de Política Social, Patricia Torres, participou nesta xornada técnica que permitiu aos participantes visitar a única vila da provincia con dous balnearios en funcionamento. Durante a mesma, puideron coñecer as instalacións dos dous balnearios do municipio, así como afondar na historia e tradición desta vila termal da man do seu alcalde, Francisco Fumega, e a concelleira de termalismo do concello carballiñés, Elvira Torres.

Esta visita técnica a O Carballiño permitiu promocionar o presente e o futuro termal da vila entre profesionais e expertos mundiais que traballan no ámbito do termalismo.

A 41 edición do Festival Galaico-Portugués de Polifonía de Canto Coral trae este sábado 28 de setembro (20:00 horas) ao auditorio do Carballiño á Coral Santa María de Oleiros e ao Grupo Coral da Gaia, da localidade portuguesa de santa María da Feira.

Xunto ás dúas agrupacións invitadas, completa o programa os organizadores e anfitrións da Coral Polifónica do Casino do Carballiño. A entrada ao auditorio será gratuíta.

No PODCAST de COPE O Carballiño podes escoitar a entrevista a José Antonio Barge (Secretario) e Jaime Gonnzález Pichel (Director) da Coral Polifonica Casino do Carballiño

Tenso pleno celebrado esta mañá por parte da corporación municipal do Irixo, convocado con carácter extraordinario por iniciativa do grupo popular, que contou co apoio do concelleiro Juan Manuel Villanueva e sumaron maioria para retirarlle o soldo e as competencias delegadas á alcaldesa Susana Iglesias.

O portavoz do Partido Popular, Mnauel "Lito" Cerdeira lamentou en COPE O Carballiño e mesmo pedíu perdón á veciñanza do Irixo polo acontecido nesta sesión plenaria, na que asegurou que "en 20 anos que levo en política nunca vivín nada asi" en referencia aos instultos e ataques personais que -asegurou- tiveron que soportar no transcurso do pleno.

Escóitao no PODCAST de COPE O Carballiño: