En COPE O Carballiño comezamos unha nova tempada na Tertulia dos Venres.

Nesta primeira tertulia do novo curso participaron José Antonio Barge, Manuel Nogueira, Fátima Gómez e Sebas Lamazares, moderados por Xan Pinal.

Escóitaa aquí:

O presidente da Deputación de Ourense, Luis Menor, mantivo un encontro de traballo no Pazo Provincial co presidente da Mancomunidade do Carballiño, Fernando Rodríguez Redondo, para abordar posibles solucións á "complexa situación" que atravesa este organismo polo reducido número de concellos que o integran.

Dos nove concellos da comarca carballiñesa que integraban a entidade cando se creou a Mancomunidade, a maioría deles, que son cinco foron abandonandoa progresivamente, os concellos do Carballiño, Maside, Punxín, San Cristovo de Cea e o último en facélo, o concello de Piñor.

No pleno celebrado esta semana pola corporación municipal do Irixo, debatiuse a proposta para a saída da Mancomunidade por parte desde concello, aínda que a decisión aprazouse tras o debate, e por non ir acompañada a proposta dun estudo económico.

Os seus alcaldes, tanto do PSOE como do Partido Popular, xustificaron a saída da Mancomunidade sempre en base a criterios económicos, dando a entender que resultan máis viables e de menor coste os servizos xestionados directamente polos respectivos concellos.

Neste contexto actual, "o presidente provincial comprometeu o apoio da Deputación á Mancomunidade co obxectivo de garantir a prestación dos seus servizos como poden ser a atención temperá, a axuda no fogar ou o de desbroces nos concellos de Boborás, Beariz, O Irixo e San Amaro -adheridos a este organismo-, así como para potenciar a súa presenza na comarca", aseguran nun comunicado emitido pola entidade provincial.

A Deputación de Ourense e o Concello do Carballiño, a través da concellería de Termalismo e da de Turismo, organizaron unha visita á vila termal do Carballiño dirixida ás delegacións internacionais representadas en Termatalia e aos investigadores e relatores do Congreso Internacional da Auga da Universidade de Vigo.

A deputada provincial de Política Social, Patricia Torres, participou nesta xornada técnica que permitiu aos participantes visitar a única vila da provincia con dous balnearios en funcionamento. Durante a mesma, puideron coñecer as instalacións dos dous balnearios do municipio, así como afondar na historia e tradición desta vila termal da man do seu alcalde, Francisco Fumega, e a concelleira de termalismo do concello carballiñés, Elvira Torres.

Esta visita técnica a O Carballiño permitiu promocionar o presente e o futuro termal da vila entre profesionais e expertos mundiais que traballan no ámbito do termalismo.

A 41 edición do Festival Galaico-Portugués de Polifonía de Canto Coral trae este sábado 28 de setembro (20:00 horas) ao auditorio do Carballiño á Coral Santa María de Oleiros e ao Grupo Coral da Gaia, da localidade portuguesa de santa María da Feira.

Xunto ás dúas agrupacións invitadas, completa o programa os organizadores e anfitrións da Coral Polifónica do Casino do Carballiño. A entrada ao auditorio será gratuíta.

No PODCAST de COPE O Carballiño podes escoitar a entrevista a José Antonio Barge (Secretario) e Jaime Gonnzález Pichel (Director) da Coral Polifonica Casino do Carballiño

Tenso pleno celebrado esta mañá por parte da corporación municipal do Irixo, convocado con carácter extraordinario por iniciativa do grupo popular, que contou co apoio do concelleiro Juan Manuel Villanueva e sumaron maioria para retirarlle o soldo e as competencias delegadas á alcaldesa Susana Iglesias.

O portavoz do Partido Popular, Mnauel "Lito" Cerdeira lamentou en COPE O Carballiño e mesmo pedíu perdón á veciñanza do Irixo polo acontecido nesta sesión plenaria, na que asegurou que "en 20 anos que levo en política nunca vivín nada asi" en referencia aos instultos e ataques personais que -asegurou- tiveron que soportar no transcurso do pleno.

Escóitao no PODCAST de COPE O Carballiño:

Os alumnos do IES Chamoso Lamas gañan o primeiro premio na sección de cine feito por escolares do Festival Internacional de Curtas de Bueu (FicBueu) coa súa película Cen anos doces, realizada fai dous cursos por un grupo de alumnos de 3º de ESO.

A curta foi escrita, rodada e montada por eles mesmos coa axuda do grupo de profesores de audiovisuais do centro, e nela reflicten a vida de tres xeracións da familia Cerviño adicadas á respostería.

O documental era un complemento á exposición fotográfica que estes mesmos alumnos, en compañía doutros compañeiros do mesmo nivel educativo, realizaron sobre a Confitería Cerviño, e que se pode ver aínda exposta na rúa a carón da propia pastelería.

Na foto podedes ver a Nerea Rodríguez, profesora que participou no proxecto e titora dos alumnos que realizaron a curta e a Francis Meneses, que segue no centro e na actualidade cursa 1º de Bacharelato, e que porta a distinción do Ficbueu á mellor película de Educación Secundaria nesta a súa 17 edición.

Venres 20, ás 00.00 horas comezará o folión anunciando as festas. A verbena estará animada pola orquestra New York e Aqua Music.

Sábado 21, nesta xornada festiva haberá alborada con Feitizo de Pau e verbena coa orquestra Aché e o grupo América SL.

Domingo 22, a Banda Municipal de Celanova será a encargada de animar o pasacalles e de ofrecer, ademais, un concerto. A animación musical da xornada correrá a cargo de Feitizo de Pau.
A orquestra París de Noia e o grupo Zona Zero amenizarán a verbena.

Luns 23, no último día de festa a a Banda de Música Popular de Muimenta realizará un concerto e a orquestra Os Satélites e a charanga Ardores poñerá a nota musical á verbena.

Na programación relixiosa, o domingo 22 haberá misas rezadas ás 9, 10 e 11 da mañá e solemne con procesión e homenaxe á Virxen na Praza do Santo Cristo ás 12 do mediodia.
O lúns 23, misas rezadas ás 9, 10 e 11 da mañá e solemne con procesión ás 12 do medidaida, a misa será cantada pola coral "Lembranzas" de Pontevedra. Ademáis á medianoite terá lugar unha gran tirada de fogos de luz a cargo da parroquia.

No PODCCAST de COPE O Carbaliño podes escoitar a entrevista ao alcalde de Cea, José Luis Valladares.