"Fai 764 días dende o 1 de febreiro de 2018 que se aprobara en pleno o poder ter unha ordenanza de Emerxencia social a petición do Grupo Popular",poñen de manifesto dende esta formación política.

Según os poñulares "455 días ata o 2 de maio de 2019 en ter aprobado inicialmente esta ordenanza en pleno".

E tamén aseguran que "agora levan 242 días sen contestar as 6 alegacións que se presentaron o 8 de xullo de 2019".

Dende o Partido Popular manifestan que "sendo esto grave, unha partida que no seu día o Alcalde Fumega comprometía en 40.000 euros anuais, quedou en 20.000€ no ano 2019 e pasa a 10.000€ nos orzamentos previstos para o ano 2020 e con todo, motivado da falta de ordenanza, resulta que durante o ano 2018 só se gastaron 300€ e no 2019 foron 1.854,85€".

Engaden que "o concello do Carballiño, así segue a derivar a todas/os las veciñas/ños que precisan de axudas, para solventar situacións puntuais de emerxencias que poden cubrir gastos como aluguer, recibos de luz, auga ou teléfono, ou situacións transitorias á espera de axudas doutras administracións, a asociacións beneficas como Caritas e Cruz Vermella que fan unha laboura encomiable, e que a subvención que lles da o Concello do Carballiño, tería que ser para cubrir gastos de funcionamento".

Nunha sociedade moderna e solidaria, ten que estar o Concello para estas necesidades e non deixando a responsabilidade en asociacións benéficas,proclaman os populares.

E conclúen anunciando que "o Partido Popular pedirá que de unha vez por todas se remate este expediente de ordenanza de emerxencia social, para que poida ser de aplicación canto antes, e pedirá non obstante as reponsabilidades a quen corresponda, pois parécenos, canto menos, un acto de irresponsabilidade".

Os tres grupos da oposición municipal, Partido Popular, Espazo Común e BNG, ademáis de Podemos, fixeron público que non asistirán aos actos organizados polo concello do Carballiño con motivo do Día Internacional da Muller, fano en sinal de protesta tanto polo incidente protagonizado polo concelleiro Manuel Sotelo como a falla de reprobación por parte do alcalde e do grupo de goberno no pleno do pasado lúns, asi como a posterior comparecencia do concelleiro socialista que, entenden, aínda agravou máis a polémica suscitada.

Ademáis, o BNG fixo público un comunicado no que insta ao alcalde a retirarlle todas as competencias en materia de igualdade e loita contra a violencia de xénero ao concelleiro Manuel Sotel.

O BNG manifesta que "diante da lamentable situación acontecida o pasado día 2 no pleno do Concello do Carballiño, onde a nosa compañeira e voceira Sofía García Hermida, quen estando no uso da palabra, tivo que soportar a machista e groseira interrupción do concelleiro, o Sr. Manuel Sotelo, así como a actitude cómplice do resto de membros do grupo de goberno do PSOE que riron a cachón tal fazaña, censuramos
sen ningún tipo de paliativos a falla de talante democrático amosado polo grupo de goberno e nomeadamente do alcalde, señor Fumega, por non ter saido inmediatamente, e de forma colexiada a facer unha condena expresa do acontecido na sesión plenaria".

Engade a formación nacionalista que "é moi evidente, basta con ver a gravación do pleno, que o señor Sotelo non trata de igual xeito a homes que a mulleres e non é capaz de recoñecer un acto de machismo tan indiscutible, cremos que non está, en absoluto, capacitado para exercer competencias relacionadas cunha materia tan sensible coma a defensa dos dereitos da muller".

Por iso, a través deste escrito instan ao alcalde do Carballiño a retirarlle de xeito inmediato todas as competencias en materia de igualdade e violencia de xénero asignadas ao concelleiro en cuestión" unmha petición que o o BNG fundamenta "nas finxidas, forzadas e ofensivas desculpas posteriores do Sr.Sotelo.

O BNG non aprecia "ningúnha asunción da súa maleducada e machista intervención, autoxustificandose nun pronto, mintindo sobre a falla de ocasión de pedir disculpas a unha voceira da que nin se molestou en aprender o apelido e coa que viña de estar reunido unha hora nunha comisión, e rematando cunha frase tan elocuente como que “con ela non teño nada que falar” desprendéndose de todo isto que a súa saída ós medios, foi forzada pola gravidade recoñecida pero non asumida dos feitos, saída, seguramente, propiciada polo valente alcalde, que novamente ocúltase nunha covardía vomitiva tentando quitarse o problema de enriba sen lixarse", subliñan.

Advierten que "de non ser atendida tal petición o BNG reservase as accións que considere oportunas nos ámbitos correspondentes".

E por último dende o Bloque Nacionalista Galego agradecen "a multitude de mostras de afecto e solidariedade para a nosa compañeira Sofía García, por parte de veciños e veciñas, movimento asociativo e grupos políticos, nomeadamente Podemos, Espazo Común e Partido Popular, grazas a tod@s".

Este domingo 8 de marzo con motivo do día da muller AMICA convocou un acto no que se reivindicará "que a día de hoxe segue sendo a muller a responsable dos coidados, ven sexa na casa ou coas persoas, nenos ou maiores". "Tareas organizativas da familia e todo elo sin recoñecemento como traballo en sí, nin remunerado, nin cotizado.

O que leva a miserables pensións no futuro para aquelas mulleres que dedicaron a súa vida a este tipos de coidados e unha sobrecarga persoal e vital para aquelas que os asumen a maoires da súa profesión", remarcan dende esta asociación feminista carballiñesa.

Como representación de mulleres coidadoras que o 8M colgan as suas tarefas en protesta e reivindicación dun recoñecemento social e económico , Amica convida a que todas aquelas mulleres que queiran se sumen á marcha cos seus mandís,  as 12:00 do domingo dediante do concello e percorrerá varia rúas ata a chegada á Praza Maior onde colgarán os seus mandís en sinal de protesta. Animan dende a Agrupación de Mulleres pola Igualdade do Carballiño a todas as mulleres que non poidan achegarse por mor de non poder abandonar as súas tarefas de coidadoras que colguen os seus mandís para visivilizar que ainda querendo non poden deixar o seu traballo.

Posteriormente leeráse un manifesto elaborado por esta agrupación feminista que loita "pola visibilización de todo o que aínda queda por avanzar para acadar a igualdade".

A Xunta de Galicia vén de sacar a licitación as obras de consolidación estrutural e restauración das cubertas da capela de San Pedro de Leiro cun investimento superior aos 130.000 euros tal e como recolle o Portal de Contratación do Goberno galego. Trátase dunha actuación que conta cun período de execución previsto de seis meses e que se centrará principalmente na estrutura, nas condicións de estanquidade e de ventilación, nos elementos interiores, no exterior e na súa seguridade e iluminación co obxectivo de recuperar a imaxe orixinal desta capela.

A capela de San Pedro de Leiro é un edificio construído no século XVI que sofre diferentes patoloxías na súa estrutura e cuberta que fan necesaria esta actuación impulsada desde o Goberno galego. Concretamente, a capela presenta graves problemas na formación das bóvedas con visibles fendas e un gran desaxuste do arco toral que separa a nave do presbiterio. Tamén existe no interior unha estrutura de madeira que ocupa o primeiro tramo da nave que impide visualizar ás bóvedas e que deteriora a calidade espacial do interior da igrexa. Outro elemento discordante neste inmoble é a espadana que foi construída posteriormente e que non aparece na súa situación orixinal.

Ademais destas patoloxías, a igrexa tamén sofre filtracións e problemas na estrutura de madeira que soporta a cuberta de tella e nos paramentos, que deberán ser renovados coas cautelas habituais neste tipo de actuacións.

Para levar a cabo todas estas actuacións, que permitirán resolver todos os problemas e recuperar a imaxe orixinal da capela de San Pedro de Leiro, a Xunta de Galicia, a través da Consellería de Cultura e Turismo, asinou un convenio de colaboración coa Diocese de Ourense. Trátase dun acordo que recolle a posta a disposición por parte da Igrexa dos terreos e inmobles necesarios para a execución das actuacións de conservación e restauración en varios inmobles eclesiásticos, entre os que se atopa esta capela

A capela de San Pedro de Leiro está protexida polo seu valor cultural ao ter a consideración de ben pertencente ao Catálogo do Patrimonio Cultural de Galicia. Está composta por un edificio de pequenas dimensións de planta rectangular cunha única nave de dous tramos e unha cabeceira cadrada. Ademais, atópase cuberta con tres bóvedas de cruzaría de potente nervadura que descansan sobre pilastras e paramentos. Toda a capela está construída con cantería de granito.

O Orfeón do Carballiño está de loito polo pasamento do seu presidente Emilio Rodríguez Álvarez, un dos seus fundadores fai 27 anos.

O cadáver vélase no tanatorio de Maside ata as catro e media da tarde deste venres dia 6 de Marzo, a esa hora partirá a condución para o funeral na igrexa parroquial da súa parroquia natal, Santa Comba do Treboedo, onde naceu fai 68 anos.

Por primeira vez nos trece anos de historia do Festival Internacional de Música Pórtico do Paraíso, a sesión de apertura non terá lugar na catedral de Ourense, senón no Templo da Veracruz do Carballiño, e o fará cun concerto do coro de voces brancas da Escolanía de Segovia, que é un referente da música coral en España.

O concerto, que é de entrada libre ata completar o aforo, comezará ás 20,30 h deste venres, 6 de marzo, e ofrecerá un repertorio variado, ameno e novedoso, que vai dende a música sacra ata o jazz, pasando polo barroco ou incluso a música africana.

A Escolanía de Segovia é un coro de voces brancas, dirixido por María Luisa Martin, que conta con vinte anos de historia e unha traxectoria de gran prestixio. Así, ten participado en numerosos festivais, mostras corais e acontecementos destacados, como a XLIV Semana de Música Religiosa de Cuenca, a inauguración do auditorio Miguel Delibes de Valladolid, Auditorio Nacional de Madrid, XXIII Festival de Música Española de León, VII Festival Internacional de las Artes de Castilla y León ou diversas edicións da Semana de Música Sacra de Segovia e do Festival de Segovia.

A Escolanía realizou colaboracións con prestixiosos coros, orquestras, artistas e directores, como o coro e orquestras nacionais dirixidos por Frühbeck de Burgos, o Coro e Orquestra Barroca de Ámsterdam dirixidos por Tom Koopman, a Orquestra Sinfónica de Castilla y León dirixidos por Alejandro Posadas, Coro de la Comunidad de Madrid e a OSCyL dirixidos por Jesús López Cobos e por Lionel Bringuíer, o Coro e a Orquestra de RTVE dirixidos por Semyóm Bychkov, a Coral y Orquesta Politécnica de Madrid, a Orquesta Carlos III de Madrid, o cantautor Amancio Prada e os grupos La Carraca, a Capilla Jerónimo de Carrión e Los Calchakis.

O evento foi presentado esta mañá no concello do Carballiño polo alcalde, Francisco Fumega; o concelleiro de Cultura, Diego Fernández; o director artístico do festival, Juan Enrique Miguéns e a coordinadora do mesmo, Conchi da Silva.

Francisco Fumega agradeceu a deferencia da Asociación Pórtico Musical por elexir O Carballiño como lugar de inauguración do festival, e por traer este concerto da Escolanía de Segovia ao Templo da Veracruz, nun ano no que o concello do Carballiño desenvolverá un programa extraordinario con motivo do 75 aniversario da morte de Antonio Palacios, que deseñou o templo. “É un orgullo e un pracer poder disfrutar no Carballiño e nun marco tan emblemático como é o Templo da Veracruz dun concerto de música deste nivel”, dixo o alcalde.

Juan Enrique Miguéns dixo, en correspondencia coa declaración do rexidor municipal carballiñés, que “os agradecidos somos nós, pois necesitábamos un lugar cunhas características acústicas e de capacidade moi concretas, e queremos recoñecer o esforzo do Concello do Carballiño por colaborar coa organización deste evento”. Ao respecto, lembrou que era a primeira vez que a inauguración do festival non ía a ter lugar na catedral de Ourense, e que estaba satisfeito de que O Carballiño ofrecese un encaixe perfecto para este concerto.

Resaltou as cualidades e a traxectoria do coro de voces brancas da Escolanía de Segovia, e dixo que ía ofrecer un repertorio variado, ameno e novedoso. Destacou que se trata dunha formación moi interesante, composta por 50 voces, e que nalgunhas pezas acompáñase con piano e incluso con percusión. Desde logo, dixo, será un concerto moi atractivo e nada habitual na provincia de Ourense. Finalmente, animou á xente a que se volque neste concerto e acuda a disfrutar ao Templo da Veracruz.

Conchi da Silva engadiu que por parte da Escolanía de Segovia hai un gran entusiasmo por esta actuación, e que incluso hai moitos familiares que veñen acompañando ao coro, e que esperan disfrutar das excelencias do Carballiño e de Ourense durante a fin de semana. Por este motivo, dixo que o festival, ademais da faceta musical, ten unha vertente de promoción turística, dando a coñecer Ourense e a provincia, e situala como referente dun gran evento musical como é o Festival Pórtico do Paraíso.

Diego Fernández, finalmente, expresou o seu orgullo por esta oportunidade de que O Carballiño acolla un evento musical do máximo nivel e interese, e ainda máis por ter lugar no Templo da Veracruz nun ano no que se lle vai render homenaxe ao arquitecto Antonio Palacios.

José Balboa Rodríguez presenta a súa terceira publicación, Arduina, logo de publicar "Uno de tantos" e "Merece la pena", o escritor de Beariz presenta esta obra composta por unha trintena de relatos curtos que foi publicada froito da colaboración da Deputación de Ourense e o Concello de Beariz. A presentación do libro tivo lugar hoxe no Pazo Provincial, acto no que participou o vicepresidente da Deputación de Ourense, Rosendo Fernández; o alcalde de Beariz, Manuel Prado; a presidenta de AFAOR en Ourense, Maria Dolores Neira; e o autor da publicación.

Arduina, da que se editaron 1.000 exemplares, é unha recompilación de relatos que, "ademais de cousas desta terra que me viu nacer, tamén hai pasaxes doutras partes nas que estiven", sinalou José Balboa Rodríguez. As ilustracións do libro son obra de Rafa Prieto, Jorge Sánchez Esteban e Esther Rodríguez Balboa. A publicación foi presentada xa na Feira Internacional do Libro celebrada en Guadalaxara, México.

Na presentación desta obra, Rosendo Fernández destacou o carácter solidario do autor, ao igual que o alcalde de Beariz, quen salientou o labor altruísta de José Balboa Rodríguez, porque ao igual que aconteceu coas súas anteriores publicacións volverá a doar o recadado, nesta ocasión irá destinado contra o cancro infantil e xuvenil e a AFAOR.

Neste sentido, José Balboa Rodríguez afirmou que o que o incentiva a escribir é "conseguir que en calquera recuncho do mundo, unha persoa teña uns segundos da súa vida de mellor calidade", por elo, "todo o que se produza vai destinado a ese fin: contra o alzhéimer, o cancro, a ELA, contra todos eses males que afectan á sociedade e ás nosas persoas queridas", afirmou o autor de Arduina.

O alcalde de Beariz, autor do prólogo do libro, lembrou que José Balboa empezou a escribir obras de teatro cando tan só tiña 14 anos, pero pasados os anos "recuperou a súa faceta como escritor sendo concelleiro de Beariz e consolidouse esa faceta coa novela autobiográfica Uno de tantos. A segunda novela Merece la pena é unha gran obra literaria para min, unha novela estruturada en vinte capítulos, baseada en feitos reais. E, en Arduina, Balboa deixa o mundo da novela para afondar na temática do relato curto, botando man das pinceladas poéticas na súa linguaxe e recreándose nela".

Pola súa parte, a presidenta de AFAOR en Ourense agradeceu, ademais da achega económica que supón para a entidade, a visibilidade que se lle da á asociación.

O concelleiro socialista Manuel Sotelo, protagonista do episodio sinalado como machista acontecido no pleno da corporación carballiñesa deste pasado lúns cando interrumpíu á concelleira do BNG Sofía García, cando ésta estaba no uso da palabra, compareceu ante os medios para "pedirlle disculpas públicas á concelleira, ao resto da corporación e ao pobo do Carballiño".

Sotelo achacou o sucedido a "un pronto" e asegurou que non volvería repetirse, pero negou que a súa actitude e comentarios tivesen sentido machista algún "dixen aquelo de señorita ou señora porque non sei o seu estado civil".

Mentres, Sofía García lamentou que dous dias despóis deste incidente nin o alcade, nin o propio Sotelo, non se houbesen dirixido a ela persoalmente "cando no pleno pedín que constase en acta os termos nos que o concelleiro se dirixíu a min, tamén dixo que se fixera constar que pedía discupas", pero entende a concelleira do BNG que non se trata de pedir disculpas "que as acepto" senón de recoñecer e censurar unha actitude machista e totalmente inaceptable, dixo no transcurso dunha intervención en COPE O Carballiño.

E preguntou a concelleira do BNG "dirixiriáse o Sr. Sotelo a Chema Ferreiro, ou Pachi Vázquez ou Perea decíndolles señorito ou señor", concluindo que "estas actitudes, ou abandonar repentinamente o salón de actos dando portazos" ensucian a vida política.

Finalmente, Sofía Garíca agradeceu as mostras de solidariedade e apoio tanto do Partido Popular como de Espazo Común e lamentou o silencio que mantén o Partido Socialista.