concello do Carballiño expuxo na Feira Internacional de Turismo “Fitur”, que se celebra en Madrid, as súas propostas para a promoción do turismo durante este ano 2020, e que son: a oferta termal, a gastronomía e o patrimonio natural e cultural.

Nun acto que tivo lugar hoxe no stand de Galicia, e dentro dunha iniciativa do Xeodestino O Ribeiro-O Carballiño, o teniente alcalde e concelleiro de Turismo, Manuel Dacal, falou das propiedades terapéuticas das augas dos balnearios carballiñeses, en contraposición a outras ofertas termais baseadas máis no relax que na curación de doenzas. Destacou o proceso de modernización recente do Balneario das Caldas de Partovia, e a ampliación das instalacións que vai acometer o Gran Balneario segundo un proxecto do presitixioso arquitecto Manuel Gallego Jorreto, Premio Nacional de Arquitectura.

“Temos dous balnearios: o Gran Balneario e o de Caldas de Partovia, e unha fonte termal pública: o Bañiño de Arcos. A principal característica destes mananciais reside nas propiedades das súas augas. Esta é a gran diferenza do Carballiño con respecto a outro tipo de ofertas termais, máis vinculadas a actividades de relax que ao tratamento terapéutico de determinado tipo de doenzas. Son augas indicadas para procesos epidérmicos, hepáticos, gastrointestinales, respiratorios, circulatorios e de metabolismo, entre outros, e que durante moitos anos contribuíron a que os nosos balnearios teñan unha boa consideración tanto por parte do colectivo médico como dos usuarios”, dixo Manuel Dacal.

“O Balneario de Caldas de Partovia é unha instalación moderna que ofrece os servizos termais máis vangardistas. A súa historia remóntase á época romana, pero a súa configuración actual é moi recente, e os seus baños teñen un sinal de calidade acorde coas esixencias actuáis”, seguiu dicindo o concelleiro, e “o Gran Balneario inaugurouse no ano 1900, pero está a piques de comezar as obras dun ambicioso proxecto de ampliación e modernización das súas instalacións. É un proxecto deseñado polo prestixioso arquitecto Manuel Gallego Jorreto, Premio Nacional de Arquitectura en dúas ocasións. O elemento máis simbólico do proxecto é unha piscina cuberta cunha cúpula acristalada que permitirá ver a magnífica paisaxe do río Arenteiro e do propio parque do balneario mentres se goza do baño”.

Según Manuel Dacal, “son melloras que incidirán na revalorización dos nosos recursos termais, e que nos situarán na vangarda dos balnearios de Galicia”.

XEODESTINO O RIBEIRO-O CARBALLIÑO
O concelleiro compartiu o estrado co presidente do xeodestino O Ribeiro-O Carballiño, Francisco Fernández; o alcalde de Ribadavia, César Fernández; o presidente da Ruta do Viño do Ribeiro, Juan Manuelo Casares, e a delegada territorial da Xunta en Ourense, Marisol Díaz. E tamén se referiu aos tres pilares que sosteñen, xunto co termalismo, a oferta turística do Carballiño, como son: a gastronomía, o patrimonio natural e o cultural.

Así, falou da Festa do Pulpo, do Parque Municipal, do conxunto etnográfico do Arenteiro e dos sendeiros.
Dixo que se está ultimando a elaboración do programa da 58 Festa do Pulpo coa perspectiva de acadar este ano a declaración de Festa de Interese Turístico Internacional, cuxos criterios para a concesión foron modificados recentemente polo Ministerio de Comercio, Industria e Turismo.

PÁXINA WEB DA FESTA DO PULPO EN INGLÉS

Entre os novos requisitos figura que a festa conte cunha páxina web propia e que estea traducida ao inglés.
Neste sentido, Manuel Dacal asegurou que hai uns días completouse a traducción ao inglés da páxina www.festadopupodocarballino.com , polo que xa se cumple este criterio, e que polo tanto xa non debería haber impedimento para que a Festa do Pulpo poda conseguir este ano a internacionalidade.

Durante a exposición da proposta termal e turística do Carballiño, proxectáronse nunha gran pantalla imaxes dos balnearios e dos principais recursos turísticos carballiñeses.

A concelleira carballiñesa do BNG, Sofia García, e a deputada no Parlamento de Galicia Noa Presas, presentaron no Carballiño a campaña reivindicativa que pon en marcha esta formación política para esixir a mellora dos servizos ferroviarios.

Nunha comparencia no local do BNG no concello do Carballiño, Sofía García dixo que non se podía permitir o desmantelamento progresivo do tren "que rematará pechando a estacíón do Carballiño".

A concelleira lamentou que o alcalde do Carballiño "siga sen convocar a reunión que acordamos os grupos manter cos responsables do Adif, e da que nada volveu saberse", e engadíu "que unha vila ben comunicada será unha vila en crecemento, unha vila mal comunicada é unha vila que perderá actrativo para vivir", dixo.

Noa Presas fíxo responsables da situación de perda de servizos ferroviarios en Galica tanto a PP como a PSOE "Renfe e Adif baleiraron de servizos ferroviarios O Carballiño e a provincia de Ourense".

A deputada do BNG subliñou que as políticas centralistas primaron a conexión con Madrid e deixaron abandoadas as necesidades da poboación, sobre todo no interior de Galicia, como é o caso da Comarca do Carballiño.

Nesta campaña, o BNG esixirá a modernización da rede ferroviaria e a aposta por un tren galego de proximidade que conecte as vilas e as cidades.

Os populares farán esta proposta por medio dunha moción ante o pleno da corporación municipal e para que sexa o concello do Carballiño que traslade esta petición ante a Consellería do Medio Rural da Xunta de Galicia.

Recorda o grupo popular como ésta de Santa Uxía de Lobás é a única concentración de terras que se levou a cabo dentro do municipio carballíñés, e tras rematarse a mesma en 2011, o certo é que a maior parte da superficie -son 266 hectáreas- permanecen improductivas, fracasando algúnhos dos intentos que se levaron a cabo para favorecer o seu aproveitamento por parte dos propietarios.

Agora, manifesta o Partido Popular, dánse as circustancias para que as terras de Lobás poidan recuperar a súa capacidade productiva, xa que a Consellería do Medio Rural está a piques de aprobar a Lei de recuperación de terras productivas, que xa está ultimada "e o propio conselleiro ten dito que se procurará a realización de proxectos piloto para desenvolver a lei, que virá acompañada de importantes investimentos para os sectores agrario, gandeiro e forestal, que procurará dar un empurrón para que o solo rural pase de ser improductivo a xerador de riqueza".

A directora xeral de Administración Local, Marta Fernández-Tapias, visitou o concello de Beariz, onde acompañada polo seu alcalde, Manuel Prado, comprobou in situ as melloras levadas a cabo coa rehabilitación da pista polideportiva do concello, que contou cunha axuda da Orde de Infraestruturas de uso público que ascendeu a case 34.000 euros.

A pista polideportiva sita na paraxe da Goberna, foi a primeira instalación deportiva con que contou o Concello de Beariz. Foi construída no ano 1985 polo que co paso do tempo e polas adversas condicións meteorolóxicas procede a súa rehabilitación. Entre outras actuacións levouse a cabo o desmonte do cerramento perimetral existente e construción dun novo cunha altura de 4 metros, limpeza da pista existente, con medios adecuados para eliminar calquera tipo de sucidade existente, aplicación dun novo pavimento e colocación de novas redes.

O concello de Beariz recibiu nos últimos anos axudas da Vicepresidencia da Xunta por importe de case 580.000 euros, que foron destinadas a obras de conservación da biodiversidade, acondicionamento da Carballeira de Doade, acondicionamento da Carballeira de Santo Domingo, instalación xeotérmica na casa do concello, pavimentación de rúas e varias actuacións de eficiencia enerxética, así como o acondicionamento das zonas recreativas en Beariz e Magros

O ministerio de Comercio, Industria e Turismo modificou recentemente os requisitos para a declaración das festas de interese turístico internacional, aseguran dende o concello do Carballiño.

Así, entre os novos criterios de valoración para conseguir esta declaración figura que a festa que opte a esta declaración debe contar cunha páxina web propia, e que esta debe estar traducida ao idioma inglés, independente doutros idiomas que utilice.

Ata agora, a páxina web da Festa do Pulpo www.festadopulpodocarballino.com estaba en dous idiomas: galego e castelán, pero non estaba traducida ao inglés. En canto o concello tivo coñecemento -aseguran- desta ampliación de criterios por parte do departamento ministerial do goberno central que concede estas declaracións, a concellería de Turismo encargou a truducción ao inglés da páxina, un proceso que finalizou hai uns días.

E neste momento a páxina xa está disponible en ingles, ademais de en galego e castelán. Asimesmo, aproveitouse esta circunstancia para actualizar os contidos da páxina, engadir nova información, como a oferta hoteleira, e novas imaxes e videos.

E tamén se mellorou a accesibilidade desde calquera dispositivo informático e electrónico, especialmente desde os teléfonos móbiles. Entre a documentación que se remita á Xunta de Galicia, que é quen debe dar en primeira instancia o visto bo á solicitude do Concello do Carballiño, deben incluirse as estadísticas relativas ás visitas a esta páxina, sendo este o último condicionante que teña que cumplirse para o obtención da declaración da Festa do Pulpo do Carballiño como Festa de Interese Turístico Internacional.

O concello agarda poder remitir estes datos, xunto co resto da documentación, que xa está completada, antes do verán, co obxectivo de que a declaración poda ser unha realidade neste ano 2020, remarcan dende o concello do Carballiño.

Trátase dunha petición que, recordou a deputada Noela Blanco, remóntase ao ano 2010 cando "aprobouse por unanimidade na Comisión de Obras Públicas do Parlamento de Galicia, unha iniciativa do PSdeG transaccionada co PP na que solicitaba á Xunta de Galicia estudar a execución dun enlace de comunicación dos concellos de Punxín, Amoeiro e Maside coa Autovia AG-53 e que se poidesen utilizar para iso as infraestructuras da futura área de servizo prevista no quilómetro 80+400 desta via de alta capacidade".

A Deputada socialista manifestou nesta comparencia que tivo lugar na sede socialista do Carballiño "sertirse especialmente orgullosa" desta infraestructura "unha autovía que foi liberada de peaxe por un presidente socialista como foi Emilio Pérez Touriño, plasmando o seu compromiso e aposta polo desenvolvemento do interior de Galicia.

Agora, os socialistas volven reivindicar a execución deste proxecto por medio dunha proposición non de lei, asinada este pasado dia 17 de Xaneiro, para o seu debate no pleno do Parlamento de Galicia no que piden o apoio para instar á Xunta de Galicia a proxectar e dotar do orzamento preciso, a execución dun enlace directo dende a AG-53 cos concellos de Punxín, Amoeiro e Maside, éste último concello dispón de enlace co ramal do Carballiño, a chamada AG-54.

Na comparecencia ante os medios, Noela Blanco estivo acompañada por concelleiras socialistas de Punxín e Amoeiro, o alcalde de Maside, o deputado provincial socialista pola Comarca do Carballiño, e o ex-alcalde de Amoeiro e secretario provincial do PSdeG-PSOE.

Manuel Nogueira, do Círculo carballiñés de Podemos, fai ambas reclamacións ante a Valedora do Pobo "como consumidor e en nome propio".

Os escritos remitidos á esta institución xa foron presentados para que as peticións sexan atendidas.

Apela Nogueira á "responsabiliade subsidiaria que debería ter Naturgy á hora de indemnizar aos fogares que tiveron perdas económicas polos cortes de suministro eléctrico de longa duración" que tiveron lugar os dias 21,22,23 e 24 de Decembro pasado.

No outro escrito, pídelle á Valedora que traslade ao concello do Carballiño a obrigatoriedade de cumplir as medidas de seguridade no parque infantil da Alameda.

Para acceder a ambas reclamacións presentadas á Valedora do Pobo, preme nos arquivos adxuntos:

Quince anos despois dende que o fixera Manuel Fraga un presidente da Xunta volveu a Boborás, como recordou na súa intervención a alcaldesa Patricia Torres, para asistir ao acto de inauguración do novo centro sociocultural "Manuel Chamoso Lamas", chamado a nuclear toda a actividade social e cultural do concello de Boborás.

Alberto Nüñez Feijóo destacou deste proxecto as súas características técnicas, no que se empregaron as últimas tecnoloxías da aerotermia, nunha decidida aposta pola sostenibilidade, dixo o presidente autonómico.

A obra de reconversión das antigas casas dos mestres neste novo centro sociocultural supuxo un investimento de medio millón de euros, que aportaron a Xunta de Galicia e a Deputación de Ourense.

Ademáis de actividades sociais e culturais, as novas dependencias acollerán algúnhos servizos municipais, como a biblioteca ou a aula CEMIT.

O novo centro leva o nome de "Manuel Chamoso Lamas", o insigne arquelógo que vivíu unha parte da súa vida na localidade de Moldes, neste concello de Boborás.