A vindeira semana vaise celebrar o xuizo pola demanda interposta polo ex-concelleiro de Alternativa Veciñal, Bernardo García, contra a RPT do Concello de Carballiño.

O sindiato CSIF "expresa a súa fonda preocupación pola dita demanda e a falta de información por parte do Concello de Carballiño en relación coa mesma".

Dende esta central sindical manifestan que "no caso de prosperar a demanda caería unha RPT, que foi un primeiro paso de moitos, que ten que dar o Concello do Carballiño, para a mellora das condicións laborais e económicas do persoal. Sendo a primeira RPT do Concello do Carballiño e que se acadou logo dunha longa negociación, de mais de dous anos, e cun amplo consenso da parte sindical e política".

Consideran que no caso de prosperar a demanda "cousa que a priori vemos difícil, xa que conta con todos os informes favorables, o persoal do Concello do Carballiño, veríase moi perxudicado nos seus dereitos laborais e económicos e isto afectaríalle aos vecinos do Carballiño na prestación de servizos".

Dende o CSIF pídenlle expresamente ao alcalde do Concello do Carballiño, como máximo responsable da política de persoal que adopte as medidas oportunas e se implique sen “medias tintas” na defensa da RPT, xa que a súa anulación "afectaría tanto ao persoal como a veciñanza do Concello de Carballiño",subliñan.

Son datos que se correponden á evolución de afiliacións á Seguridade Social durante o ano 2019, e dos que se desprende que a comarca do Carballiño mantén practicamente inalterable o seu número de afiliacións no transcurso do últimoa ano, aínda que o balance é desigual según os concellos.

Asi, no Carballiño sube o numero de afiliados no sector da industria (+30) e mantense no do fogar e agrario, pero desplómase entre os autónomos (-58) o que da un balance negativo de 26 afiliados menos.

Tamén baixas as afiliacións en San Cristovo de Cea (-14) Maside (-9) e Beariz (-9).

Pola contra, a sorpresa positiva é que no cómputo do ano 2019 aumentaron as afiliacións á Seguridade Social en catro concellos, no de PIñor (+25), Boborás (+17) O irixo (+6) e San Amaro (+5).

Finalmente, no de Punxín a cifra permanece inalterable, e ten o mesmo número de afiliados que fai un ano atrás.

Cos últimos datos actualizados, a Comarca do Carballiño conta con 6.386 afiliacións á Seguridade Social, das que 4.229 corresponden ao municipio do Carballiño

A esta conclusión chegouse tras unha reunión celebrada na Dirección Xeral de Patrimonio Cultural entre a representación da Xunta e o presidente dos comuneiros de Cristimil e A Torre José Modesto Rodríguez, que acudíu acompañado dos seus representantes legais.

A oferta da Xunta consiste no pago dun aluguer anual aos comuneiros pola ocupación da propiedade comunal do monte da Cidade, onde se localiza o asentamento castrexo e a Xunta edificou o museo da cultura castrexa. Ambas partes volverán reunirse próximamente para ultimar as condicións deste acordo.

Antes, o dia 26 deste mes de Xaneiro celebraráse a asemblea convocada pola Xunta Rectora, que deberá dar luz verde a este acordo.

A Consellería de Medio Ambiente, Territorio e Vivenda investiu no Concello de Leiro preto de 450.000 euros desde o ano 2008 na execución de actuacións urbanísticas para humanizar, rehabilitar e acondicionar diferentes zonas e espazos no municipio. Así o subliñou a conselleira Ángeles Vázquez no transcurso dunha visita a Leiro para comprobar o resultado dos traballos acometidos na contorna do Campo da Feira e que finalizaron o pasado mes de decembro.

Neste sentido, a responsable galega de Medio Ambiente explicou que esta actuación levouse a cabo en virtude dun convenio de colaboración asinado o ano pasado entre Xunta e Concello. A aportación da Consellería foi de 40.441 euros, o 70% do custo total, mentres que Leiro achegou outros 17.331 euros, o 30% restante. En concreto, os traballos na zona centráronse en mellorar o tráfico peonil e rodado, renovando o pavimento da praza, e tamén serviron para rematar a senda fluvial desde a rampla que dá acceso á rúa Padre Eiján.

A obra acometida na contorna do Campo da Feira enmárcanse dentro do chamado Plan Hurbe, un programa posto en marcha no ano 2010 pola Consellería de Medio Ambiente para apoiar ás entidades locais na execución de todo tipo de proxectos e actuacións que contribúan a crear, mellorar ou humanizar espazos de uso público.

Grazas a estes investimentos, no período 2010-2018 executáronse 200 actuacións en 125 concellos, o que significa que se actuou case no 40% dos municipios da comunidade. Nalgúns casos, foron varias as actuacións de humanización que se levaron a cabo nun mesmo municipio, como foi o caso de Leiro, onde cómpre lembrar que, grazas a este programa, executáronse ou están en proceso cinco intervencións urbanísticas.

Así, Ángeles Vázquez repasou as principais actuacións acometidas no municipio na última década ao abeiro do Plan Hurbe. Unha das máis importantes, levouse a cabo no ano 2017 cun investimento por parte da Xunta de 193.000 euros. O obxecto daquela obra foi acondicionar a rúa Padre Eiján, que conecta precisamente co Campo da Feira, polo que a última actuación acometida nesta zona serviu, como recordou, para darlle continuidade aos traballos realizados hai dous anos en Padre Eiján.

Así mesmo, a conselleira tamén visitou a pasarela colgante sobre o río Avia, na que actualmente estase a executar unha obra de rehabilitación cun custo de case 50.000 euros, financiados integramente polo seu departamento a través do Plan Hurbe. Estes traballos, segundo dixo, están “practicamente finalizados” e en cuestión de días, se a meteoroloxía acompaña, poderán facerse os últimos remates e dala por concluída.

Por último, Vázquez Mejuto tamén lembrou que a Consellería de Medio Ambiente investira xa 113.000 euros en 2018 no acondicionamento da rúa Prado e que no ano 2010, coincidindo coa posta en marcha do Plan Hurbe, xa se mobilizaran no Concello de Leiro 44.000 euros nunha actuación para reformar e humanizar dous tramos das rúas Emilio Hermida e Prado.

Aconteceu na madrugada e tamén durante a mañá deste martes 14 de Xaneiro, e nalgunhas localidades dos municipios do Carballiño e Maside como Banga, O Lago ou Fonteboa, entre outras, estiveron máis de dúas horas sen suminstro eléctrico. 

En Dacón, as anomalías foron por barrios, e nalgunhas zonas da localidade permaneceron máis de sete horas sen servizo eléctrico, dende a mañá ata pasadas as oito da tarde deste martes. Nas primeiras horas da noite tampouco tiveron iluminación pública nesta localidade.

Tamén noutros concellos, como nos de PIñor, San Cristovo de Cea, San Amaro, Boborás ou O Irixo, foron varios os cortes no fluído eléctrico, aínda que de menor duración.

No mesmo casco urbano do Carballiño e zona industrial, rexistrouse un apagón eléctrico xeralizado neste mediodia de martes, que tivo según as disntintas zonas unha duración entre un e cinco minutos.

Algunhos veciños, mesmo tamén do casco urbano do Carballiño, como aconteceu na rúa Compostela, aseguraron a esta emisora de radio que estiveron polo menos unha hora, sobre as catro desta pasada madrugada sen suministración eléctrica nos seus fogares. Tamén en varias aldeas do rural carballiñés, como en Cabanelas, Banga, Sagra ou Partovia, aseguran que estiveron toda a madrugada e boa parte da mañá sen luz eléctrica.

O PSdeG-PSOE de Leiro critica a “neglixencia” e a “deixadez” do alcalde do PP de Leiro, Francisco José Fernández, que non cumpriu cos prazos do convenio asinado entre Deputación de Ourense e Concello de Leiro para o arranxo e execución da obra de mellora da rúa Casanova. Ante os incumprimentos, o consistorio perdeu unha subvención de 80.000 € que aportaba o ente provincial para a realización dos traballos e deberá esperar o futuro para acometelos.

Os socialistas denuncian que esta situación “non é nova” e que “amosa unha vez máis a falta de xestión e a deixadez do alcalde do PP”, o que acusan de “neglixente o non cumprir os convenios asinados e deixar tirada a veciñanza de Leiro”. Para o PSdeG na vila está claro que o único culpable “é o alcalde, non os técnicos do Concello, nin ningunha outra persoa”.

O convenio para o arranxo da rúa Casanova foi asinado o 22 de agosto de 2019 por Concello e Deputación, e no mesmo figuraba unha subvención provincial de 80.000 euros coa que o ente provincial se comprometía a financiar integramente a obra, tendo o Concello nada máis que aboar os honorarios da redacción do proxecto.

“A obra tiña que comezar a execución a finais de 2019, pero atopámonos que tras realizar unha pregunta formal a través do grupo provincial do PSdeG-PSOE na Deputación, a subvención para a realización do convenio, perdeuse, xa que o alcalde non cumpriu co asinado”, explica Manuel Rodríguez, voceiro socialista en Leiro.

O arranxo da rúa ben motivada por unha moción do Grupo Municipal Socialista na que solicitaban que se arranxara de xeito urxente as deficiencias da rúa Casanova o tratarse dunha rúa moi transitada pois está situada nas inmediacións ou na mesma o cuartel da Garda Civil, Colexio e Tanatorio e “é unha demanda histórica da veciñanza do Concello”, subliña o voceiro socialista. Para Manuel Rodríguez o incumprimento do convenio e a perda da subvención non é máis que “unha nova neglixencia do alcalde, que está máis pendente do seu posto de senador e do que acontece en Madrid, que da veciñanza de Leiro, a que ten totalmente abandonada e deixada a súa sorte”.

O propio voceiro socialista apunta tamén que “o alcalde acumula postos públicos como o de alcalde de Leiro, presidente da Mancomunidade do Ribeiro, do GES ou Senador entre outros, pero é evidente que non pode facer fronte polas graves carencias e a neglixencia manifesta nunha situación como a perda dunha subvención para o arranxo dunha rúa central de Leiro”.

Espazo Común manifestaba onte a súa preocupación por este asunto, pola falla de novas relativas a un novo Obradoiro de Emprego, e mesmo pedía explicacións aos gobernantes municipais para aclarar esta "situación de confusión"

Preguntábanse dende esta formación política se o motivo poidera ser non telo solicitado "por desidia ou por no consideralo importante", ou se acaso si fora solicitado pero denegado por algunha razón "que debería explicarse".

Esta mañá foi o Partido Popular quen dfundíu un comunicado no que desvela as posibles causas ao asegurar que "por parte do concello presentouse unha solicitude e cando dende a Xefatura da Xunta requiríronlle a documentación necesaria para completar o expediente a tramitar non se contestou dende o concello, polo que se desistíu da tramitación".

Os populares consideran "grave" o acontecido "pois estamos a falar que a deixadez do concelleiro responsable desta materia, Manolo Dacal, e do propio alcalde, que deixan sen Obradoiro de Emprego a O Carballiño, e tamén aos concellos de Maside, San Amaro e Boborás, que nos últimos anos viñan participando deste proxecto supramunicipal".

En manifestacións a esta emisora de radio, o portavoz do grupo popular Ricardo Perea lamentou os feitos e  dixo que "coa maioria absoluta, deben pensar que xa está todo feito, porque é a primeira vez en moitos anos que esto sucede ", remarcou.

As rúas Brasil, Uruguay, República Arxentina e Venezuela serán asfaltadas por tramos a partir de mañá e ata o venres, suspendéndose este traballo o xoves pola celebración da feira do 16.

O plan previsto pola empresa adxudicataria destas obras, que son as únicas que quedan para finalizar a mellora destas rúas no entorno de Xullo R. Soto e a Avenida do Balneario, é o seguinte:

Mañá, mércores, asfaltarase o fondo da rúa Brasil, e o fondo da rúa Uruguay desde a rúa República Arxentina, así como a rúa República Arxentina desde a rúa Brasil ata a rúa Uruguay.

O xoves estas rúas quearán abertas e non haberá asfaltado pola celebración da feira do 16.

E o venres asfaltarase a rúa Venezuela en todo o tramo.

Desde o concello pídese a colaboración veciñal e dos conductores para deixar libres de coches estas rúas co obxectivo de poder levar a cabo estes asfaltados que completarán o proxecto de mellora de todoas estas rúas.

O líder non deu opción e mostrou a súa solvencia ante un Arenteiro que estivo por debaixo do seu nivel dos últimos partidos e non pudo contrarrestar as acometidas dun Compostela que, ademáis, aproveitouse dun regalo defensivo dos verdes aos 18 minutos para marcar o seu primeiro gol da tarde e xogar co vento a favor no Vero Boquete de San Lazaro.

Saíu o Arenteiro co seu debuxo habitual, esperando aguantar ben armado atrás e facer rápidas transicións para tratar de xogar as súas bazas, pero desta vez a estratexia non obtivo resultado positivo, e moito tivo que ver nelo a calidade fútboliística que atesoura este Compos, como demostrou na segunda parte primeiro con Brais Abelenda e despóis Gabri Palmás para marcar outros dous goles de bela factura e proclamarse campión de inverno ante o seu público.

Ao Arenteiro tócalle pensar no partido deste próximo mércores dia 15  (21 horas) no campo do Somozas, que fora aprazado polo temporal do 21 de Decembro, e no do próximo domingo, que será xa o primeiro da segunda volta en Calabagueiros ante os valdeorreses do Centro de Deportes Barco.

Crónica do partido en "El Correo Gallego": https://www.elcorreogallego.es/deportes/ecg/aliron-invierno/idEdicion-2020-01-13/idNoticia-1223502/