Alvite, no concello de Beariz, e Pazos de Arenteiro en Boborás, son os pobos máis bonitos da Comarca do Carballiño, ambos foron os máis apoiados na fase preliminar na que a votación foi aberta e podía votarse a calquera das máis de 500 aldeas repartidas pola xeografía comarcal, e volveron selo tamén na votación final, á que tamén chegaron Cabanelas e Banga como os outros dous finalistas.

Alvite (45% de voto válido) e Pazos de Arenteiro (45% de voto válido) arrasaron nesta segunda votación, acaparando ambos a mesma porcentaxe de voto, o 90% do total.

As dúas aldeas mobilizaron aos seus seguidores e provocaron unha votación másiva que con pequenas oscilacións foi moi igualada dende que se abríu a votación o pasado mércores ata que se pechou na medianoite deste pasado domingo. 

Banga e Cabanelas conseguiron o 10% dos votos restantes. Rexistráronse algo máis de 9.000 votos válidos.

A proposta de COPE O Carballiño tivo unha gran repercusión popular, cumplindose o obxetivo de dar a coñecer e promocionar o gran patrimonio rural da nosa comarca. Na galería fotográfica pode observarse a beleza que atesouran tanto Alvite como Pazos de Arenteiro.

COPE O Carballiño organizará unha festa tanto en Alvite como en Pazos de Arenteiro, deste recoñecemento como os pobos maís bonitos da Comarca do Carballiño, en datas entre a primavera e o verán de 2020 que se acordarán coa veciñanza e anunciarémos debidamente.

Intentos de alterar a votación

Durante os días nos que permaneceu a votación aberta nesta páxina web houbo numerosos intentos en manipular a mesma.

O sistema de votación utilizado mediante voto telemático básase en deixar unha cooke no navegador para detectar se a persoa votou ou non, pero reiteradamente utilizando unha rede de bots de ordenadores conseguiron votar, en algunhos casos masivamente, e asi tratar de alterar os resultados. Foron anulados todos eles tras as correspondentes comprobacións feitas polo administrador da Web.

A marca EnoTurismo Galicia, que agrupa a oferta enogastronómica das cinco rutas do viño galegas, será a protagonista dun workshop en Madrid, o luns vindeiro 28 de outubro.

Novotel Madrid Center será a sede desta acción profesional na que poderase coñecer a oferta de 25 empresas galegas. Ademais das seis da Ruta do Viño Ribeiro haberá nove procedentes da Ruta do Viño Rías Baixas; tres, da Ruta do Viño Ribeira Sacra; unha, da Ruta do Viño Monterrei; e cinco da Ruta do Viño Valdeorras.

Entre os convidados que xa confirmaron a súa asistencia a esta cita están axencias de viaxe; empresas organizadoras de congresos e eventos; asociacións sectoriais; prensa; e, en xeral, profesionais dos sectores DMC e MICE.

Os asistentes rexistraranse a partir das 18:30 horas; o workshop chegará desde as 19:00 horas; e, xa ás 21:00 horas, terá lugar o acto de presentación de Enoturismo Galicia, coa presenza de Cesáreo Pardal, presidente do Clúster Turismo de Galicia.

Entre os obxectivos desta actividade están promocionar Galicia como destino enoturístico e servires como punto de encontro para o sector, as súas empresas e profesionais.

O Clúster Turismo de Galicia organiza este evento, co apoio da Xunta de Galicia – Axencia de Turismo de Galicia.

Marca xeradora de sinerxías

Impulsada polas cinco rutas do viño en colaboración co Clúster Turismo de Galicia e con Turismo de Galicia, EnoTurismo Galicia é unha marca paraugas baixo a que se agrupa a oferta en turística dos cinco vieiros do viño galegos: Rías Baixas, Ribeiro, Valdeorras, Ribeira Sacra e Monterrei.

O seu obxectivo é o adoptar unha estratexia común por parte das Rutas do Viño que permita dar a coñecer o patrimonio vitivinícola do país de xeito conxunto, promocionando o enoturismo e a enogastronomía, especialmente de fronte ao exterior, así como xerar sinerxías entre as cinco rutas.

A través da súa web http://enoturismoengalicia.com infórmase das novas e recursos no seu eido, neste portal tamén se ofrecen plans turísticos.

Os mellores pilotos de enduro de España e Portugal daranse cita esta próxima fin de semana no Carballiño para participar na VII Xtremo Mesego Enduro Training.

Entre outros estarán o actual campión de España e un dos tres mellores pilotos do mundo na especialidade Mario Román, así como os catro gañadores das últimas catro edicións, entre eles Pol Tarrés, e os tres mellores pilotos de Portugal.

Nesta edición acádase o récord histórico de participantes con 140 pilotos chegados desde todas as comunidades españolas e Portugal, unha cifra que puido superarse se non fose que a organización pechou as inscricións hai tempo por exceso de participantes, segundo dixo un dos responsables da organización, Juan Caderno, que presentou esta tarde o evento xunto coa concelleira de Deportes, Sivil Baranda.

Para supervisar, controlar e cronometrar as distintas probas, a organización contará con 60 persoas.

Juan Caderno asegura que será unha das edicións con máis seguimento de afeccionados, e tanto polo plantel do máximo nivel dos participantes como pola espectacularidade das probas.

Silvia Baranda manifestouse no mesmo sentido, asegurando que non hai en Galicia ningunha proba destas características e que por eso é un acontecemento deportivo do máximo rango, que dinamizará a vida da vila durante a fin de semana, sobre todo no sector hosteleiro, polo que agradeceu o traballo que realiza a organización e que contribúe a dar realce ao Carballiño como vila de grandes acontecementos deportivos.

Finalmente, Juan Caderno e Silvia Baranda fixeron unha chamada aos afeccionados para que respeten todas as medidas de seguridade, xa que é unha modalidade deportiva extrema que conleva perigo.

PROGRAMA

O sábado 26 haberá unha crono en Pena Cobertoira de 11,00 a 13,00 h., e pola tarde, de 17,00 a 21,00 h., terá lugar o circuito urbano de súper enduro nas inmediacións da rúa Ben Cho Sei. Ás 22,00 h., haberá entrega de premios. Ambas probas servirán ademáis para establecer os postos de saída do domingo.

A proba do domingo 27 disputarase en Pena Cobertoira entre as 10,00 e as 15,00 h. E a entrega de premios terá lugar ás 17,00 h., tamén en Pena Cobertoira.

O núcleo do Penedo de Xuvencos, no concello de Boborás, converterase na segunda aldea modelo de Galicia, despois de Osmo (Cenlle).

A Consellería do Medio Rural vén de recibir as sinaturas dos seus veciños, grazas ao apoio da alcaldesa da localidade, Patricia Torres.

Neste caso, a iniciativa de aldea modelo, que promove a Xunta, ten por obxectivo recuperar as terras en abandono da contorna da aldea, para así contribuír á súa posta en valor, mellorando a calidade de vida da súa poboación e, ao tempo, reforzando a prevención dos lumes na proximidade das vivendas.

Esta actuación vai servir para recuperar unha superficie de arredor de 23 hectáreas no entorno do Penedo de Xuvencos, para destinalas a pradería e á produción de cereais e de castiñeiro. Actuaríase nun total de 675 parcelas de 132 propietarios.

Así, nesta aldea realizarase a limpeza e a recuperación da faixa dos 50 metros máis próxima aos núcleos de poboación, no marco do convenio de protección das aldeas fronte o lume posto en marcha pola Xunta, Seaga e a Federación Galega de Municipios e Provincias (Fegamp).

Ademais, o resto dos terreos ata o total da actuación (neste caso ata as 23 hectáreas), que pode acadar faixas de ata 150 metros, será posto en produción mediante a actuación da Axencia Galega de Desenvolvemento Rural en colaboración cos produtores interesados no seu aproveitamento, para así crear actividade agrogandeira nelas, mediante cultivos de horta, cereal, pastos, froiteiras, castiñeiros, oliveiras, etc.

Ao mesmo tempo, o conxunto dos terreos recuperados funcionarán como devasa natural fronte o lume, xa que serán os cultivos os actúen como método de protección, sen necesidade de rozar e limpar de forma periódica.

Todos os terreos recuperados serán incorporados ao Banco de Terras de Galicia, de maneira que as persoas titulares reciban unha compensación económica anual. Isto é, a aldea modelo suporá a obtención dun rendemento económico directo ou indirecto tanto para as persoas propietarias dos terreos –que conservarán sempre a titularidade das parcelas ao tempo que reciben un pago por arrendamento– como para os interesados na súa posta en produción.

A Coral Polifónica do Casino do Carballiño celebrará este próximo sábado, 26 de outubro o 40 aniversario da súa creación e a 37 edición do Festival Galaico-Portugués de Polifonía e Canto Coral. E para participar en ambos eventos están convidadas dúas agrupacións corais de Portugal e unha de Salamanca. Trátase da Coral “Annuba”, de Salamanca; do Orfeâo da Fundaçâo Alord, de Paredes-Porto; e da Coral Caetanense de Cantanhede, de Coimbra.

O Festival terá lugar ás 20,30 h., no salón de actos do Casino do Carballiño, con entrada totalmente libre.

Tanto o festival como as actividades da conmemoración do aniversario da Coral do Casino foron presentados nun acto desenvolvido no concello ao que asistiron o concelleiro de Cultura, Diego Fernández; a vicepresidenta da Coral do Casino, Pilar Caballero; o tesoreira da entidade, Mari Carmen Fernández, e o director da mesma, Jaime Pichel.

Ao remate do festival, as 150 persoas integrantes das catro corais participantes celebrarán unha cea de confraternidade, e o domingo 27, na misa das 12,30 na Veracruz, cantará unha destas corais en memoria de todos os coralistas e directores fallecidos. Logo habrá un xantar.
Diego Fernández loubou a traxectoria da Coral do Casino, resaltando o traballo que realizan a prol da cutura na vila e fóra nas súas viaxes. Asimesmo, destacou especialmente a etapa actual baixo a dirección de Jaime Pichel. Finalmente, animou aos veciños a participar nestes actos que, ademáis dinamizan a vila, pois conlevan unha gran ocupación hoteleira.

A Coral do Casino tivo ao longo destes corenta anos seis directores, un feito que subliñou Pilar Caballero ao referirse á traxectoria da entidade, que naceu en 1979 por iniciativa do presidente do Casino, Manuel Blanco co apoio de Juan Corral e de quen sería o primeiro director da coral José Antonio Bueno. No ano 1984 lle sucedeu Vicente Abeijón, e tras él, José Luis Reza, que coincidiu cunha etapa álxida da coral, na que se viaxou a Arxentina, Venezuela e México; logo virían Ana Docampo Arocas, un período no que se celebrou o 25 aniversario da coral, e Begoña Alonso. Finalmente, no 2011 a dirección asumiuna Jaime Pichel, que continúa na actualidade.

Pilar Caballero dixo que a Coral ía pechar a conmemoración do 40 aniversario grabando un CD, co que se completaría a edición de CDs, ademáis dun vinilo histórico.

Jaime Pichel amosou o seu orgullo por dirixir a coral estes últimos oito anos, e agradeceu a todos os coralistas e directores o traballo realizado. Dixo que a Coral do Casino tiña moito prestixio cando asumiu a súa dirección, e que neste período intentou asumir novos retos, con cambios notables durante os concertos, como é introducir movementos coreográficos, entre outros.

Asimesmo, dixo que o lema conductor desta edición do festival é “Abioxénese 79”, en referencia ao nacemento da Coral, e que o programa do concerto é o máis galaico-portugués da historia, xa que ademáis das dúas corais portuguesas actúa unha de Salamanca, en clara alusión á antiga Gallaecia e Lusitania, que abarcaba o territorio enriba do río Douro, por esto o concerto deste sábado recibe o nome de "Galaicus"

Mari Carmen Fernández agradeceu a colaboración da Deputación Provincial de Ourense, Concello do Carballiño, Casino, Carpintería Canosa, Axencia Garriga e Confitería Cerviño, así como de todos os compañeiros coralistas e directores.

Ata as 24 horas deste próximo domingo 27 de Outubro en COPE O Carballiño eliximos o pobo máis bonito da Comarca do Carballiño.

Tras a votación preliminar na que mediante mensaxes na caixa de voz e whatsapp obtiveron votos ata un total de 107 aldeas dos nove concellos que forman a comarca do Carballiño, sairon os catro candidatos finalistas que foron os máis votados, agora toca a decisión final.

Alvite no concello de Beariz, Pazos de Arenteiro en Boborás, e Cabanelas e Banga no concello do Carballiño, son as catro aldeas elixidas para quedarse co título de pobo máis bonito da comarca do Carballiño.

A votación está aberta na enquisa activada nesta mesma páxina web mediante voto electrónico, tan so se rexistrará un voto por IP. Moitas grazas por participar nesta proposta para promocionar e poñer en valor as aldeas da nosa comarca.

Os máis votados por concellos na fase preliminar

Ás portas de entrar na final quedouse Oseira, que foi o pobo máis apoiado no concello de San Cristovo de Cea.

A Touza e O Lago, foron as aldeas consideradas como as máis bonitas no concello de Maside.

Lousado, este pobo da parroquia de Loeda, foi o máis votado no concello de Piñor.

Eiras e Anllo foron os favoritos da nosa audiencia no concello de San Amaro.

Ourantes foi a localidade que máis votos obtivo no concello de Punxín.

Finalmente, no concello do Irixo o voto estivo moi repartido entre varias aldeas, as que máis apoios lograron foron as de Barcia, na parroquia de Reádegos, Cebral en Froufe e Parada de Laviote.