Xa que os do PP non se aburren de carruseles electorais nos que fan desfilar conselleiros (sempre beneficiando a concellos do PP), consorcios, e demáis ªcorreveydilesª da propaganda Feijóo, penso que o do voceiro de Maside xa é a gota que colma o vaso e un cánsase de tanta falacia e vodevil.
O caso é que nos volve agasallar cun ladrillo no que tan só di unha frase: O alcalde de Maside impide gravar os plenos (ou eso dá a entender nese ladrillo intragable).
Pois ben, penso demostrar que é unha falacia, porque o alcalde de Maside non ten competencia nin autoridade pra elo (de feito déixolle a xurisprudencia do Tribunal Supremo fotografiada pra que poda consultala).
O próximo Pleno asistirei e eino gravar íntegro. Se o alcalde me impedise facelo amosaríalle a xurisprudencia do Tribunal Supremo. Se seguise insistindo na súa actidude, eu mesmo chamaría ás Forzas e Corpos de Seguridade do Estado. E se aínda así me impediran gravalo, denunciaríao ante os xulgados.
Así é como se defenden os dereitos fundamentais, non con choriqueos nin falacias.
Señor voceiro do PP de Maside: Non faga o ridículo e non veña de defensor dos medios de comunicación, eles coñecen moito mellor que vostede o seu traballo e saben perfectamente que se alguén lles impedise gravar un pleno, que é unha sesión pública, estaría incurrindo en cesura previa de dous dereitos fundamentais: O dereito á información, e o dereito á liberdade de expresión.
Por suposto que os medios son benvidos aos plenos, non precisan do permiso do alcalde, e se non veñen será porque nin o goberno nin a oposición suscitan de momento interese informativo. Prometer un Plan Básico en dous anos cando Maside xa ten un Plan Básico (a norma subsidiaria), abandonar un pleno porque non é en mércores, pedir que o Concello arranxe canto antes as pintadas da igrexa (cando é o Obispado o dono), ou pedir que o Concello loite contra a plaga da velutina (cando todo o mundo sabe que é competencia de Medio Rural) suscita moi pouco interese informativo.
Non sei como irá vostede coa maquetación da revista, panfleto, ou pasquín do PP de Maside, pero agardo que veña vostede con asuntos máis útiles pra poboación de Maside :)
A deputada provincial do Reto Demográfico, Igualdade, Benestar e Emprego, Luz Doporto, expuxo hoxe as liñas básicas do proxecto EmprendOU, posto en marcha polo goberno provincial para afrontar o reto demográfico, aos alcaldes da comarca do Ribeiro co obxectivo de "chegar a tódolos cidadáns e implicar na difusión desta iniciativa ás administracións públicas máis próximas á veciñanza", sinalou Luz Doporto.
Na reunión, a deputada provincial do Reto Demográfico explicoulles aos máximos responsables dos municipios do Ribeiro, a importancia desta iniciativa a través da cal a Deputación de Ourense concede axudas de 675 euros ao mes para mozos que presenten proxectos empresariais ou de auto - emprego en municipios rurais de menor poboación, no marco do proxecto EmprendOu, financiado polo Programa Operativo de Emprego Xuvenil do Fondo Social Europeo (axudas EMP-POEJ).
Luz Doporto, quen visitará tódalas comarcas da provincia con esta finalidade, salientou o traballo que a Deputación de Ourense está a desenvolver para afrontar o reto demográfico situando a cuestión do "despoboamento do rural nunha das prioridades da folla de ruta deste goberno".
Mostra dese compromiso, a Deputación puxo en marcha o proxecto EmprendOU para apoiar a nova actividade empresarial das persoas que teñen entre 16 e 30 anos para que poidan crear o seu propio posto de traballo, xa sexa individual ou formando parte dunha persoa xurídica de carácter mercantil, e o fagan naquelas áreas rurais afectadas polo gran desafío demográfico, os que se denominan "municipios elixibles", en concreto, son 82 os concellos da provincia que poderán beneficiarse deste proxecto.
Para elo, a institución provincial puxo en marcha un Punto de Atención ao Emprendedor, en convenio co Ministerio de Industria, Comercio e Turismo, que atenderá ao emprendedor no seu propio municipio desprazándose, deste xeito, a administración provincial ao territorio.
Este PAE será un soporte que facilitará a creación de novas empresas, o inicio efectivo da súa actividade e o seu desenvolvemento, a través da prestación de servizos de tramitación de documentación e apoio, permitindo a creación da empresa nos municipios máis rurais en tan só 48 horas.
A dispoñibilidade orzamentaria para este programa de emprendemento ascende aos 2.025.000 euros, sendo a contía da axuda concedida ás persoas beneficiarias deste Proxecto de 675 euros por cada mes de exercicio efectivo, cun mínimo de 6 meses e un máximo de 12 meses.
As persoas destinatarias do Proxecto EmprendOU será a mocidade de entre 16 e 30 anos, non ocupados e non integrados nos sistemas de educación ou formación, independentemente do seu nivel formativo, e que estean inscritos no Sistema Nacional de Garantía Xuvenil, no marco do Programa Operativo de Emprego Xuvenil do Fondo Social Europeo.
Ademais, deberán residir durante todo o período de vixencia da axuda nalgún dos "municipios elixibles", podendo participar tanto a mocidade xa residente como aquelas que retornen ou se instalen nestes municipios.
Para máis información: https://www.emprendou.com/
No primeiro Pleno Ordinario celebrado no Concello de Maside o pasado 4 de outubro, o Alcalde e o seu Grupo Municipal Socialista impide a gravación do Pleno, solicitamos tamén dende o Grupo Popular se podería vir a Televisión do Carballiño a facelas e a contestación foi que en principio non, que non queren gravacións, así que señores dos medios de comunicación xa ven que para o Grupo Municipal Socialista son vostedes persoas NON GRATAS.
Pensamos dende o Grupo Popular de Maside que os nosos veciños deben de estar ben informados e que sería unha boa maneira de comezar o mandato coa publicidade necesaria para mantelos perfectamente conectados coa realidade do Concello, pero xa vemos no horizonte néboas e chuvascos que van a afectar a transparencia e o incremento da prepotencia deste Goberno socialista.
Intuímos o rumbo que empezan a tomar a cousas en Maside, publicidade a xusta ou mellor ningunha, transparencia pouca e dende logo esa é a maneira de actuar cando se queren facer e tomar as decisións pola calada, vamos que os socialistas se lo guisan e entre eles se lo comen.
Consecuencias lóxicas xa temos algunha, como é a non aprobación por parte do PP da acta do último pleno da sesión extraordinaria, por motivos varios, o primeiro a transcrición do que realmente se dixo no pleno non coincide co reflectido na acta, en segundo e o mais grave é que o contexto de que se quere expresar na intervención do PP non esta plasmado na acta, entendemos que non hai que poñer todo que se dixo, pero o que si é imprescindible é que na acta de reflicte o sentido do que verdadeiramente se dixo no pleno.
En terceiro lugar o Alcalde fixo una proposta con posterior votación para facer un escrito que non figuraba no Orde do Día da sesión extraordinaria, nin se presentou texto para poder miralo e valoralo, porque o escrito estaba sen facer, motivo polo que o PP votou que NON, por entender que non reunía os requisitos legais para sometela a votación.
Finalizando entendemos que das actas devense de facer un resumo, pero sempre que a información sexa exacta e veraz, nin que dicir ten que si se houbera gravado o Pleno non habería este problema.
Asinado: Luis Jorge Álvarez Ferro. Portavoz do Partido Popular no concello de Maside.
A Consellería de Medio Ambiente, Territorio e Vivenda iniciará este outono as obras de acondicionamento e humanización da rúa Cristóbal Colón, a rúa principal da localidade de Boborás, e na que se ubican a casa do concello, o centro de saúde e a farmacia do municipio.
A Consellería de Medio Ambiente vén de adxudicar as obras, por un importe de case 240.000 euros, e de asinar o contrato de obra, que permite o inicio da actuación, que consistirá na recuperación dunha parte do espazo do núcleo tradicional de Boborás, identificado como rúa Cristóbal Colón.
Os traballos consistirán no levantado do firme de rego asfáltico, sumidoiros e arquetas do tramo, abriranse gabias para canalización de redes de alumeado público, electricidade, telecomunicacións e rede de pluviais e tamén se procederá á renovación da canalización de recollida de augas pluviais, ao soterramento das liñas de electricidade e de telefonía e concluirán coa instalación dun novo pavimento. O prazo de execución das mesmas é de oito meses.
Esta actuación desenvólvese no marco do Plan hUrbe, unha iniciativa posta en marcha pola Xunta de Galicia a prol do desenvolvemento das vilas e dos núcleos de poboación con criterios de sustentabilidade económica, ambiental e social, e para ofrecer unha oferta de calidade e adecuada ás necesidades da poboación co fin de incrementar o atractivo das áreas rurais. En definitiva, trátase de dar cumprimento a tres obxectivos, como estreitar lazos e colaboracións entre as administracións, fomentar a humanización das vilas de Galicia e promover o reequilibrio territorial na comunidade.
O Pleno do Consorcio Provincial para o servizo contra incendios e de salvamento, do que depende o parque de bombeiros do Carballiño-Ribeiro, aprobou os orzamentos da entidade para o ano 2020, que ascenden a un importe total de 4.261.000 euros.
"A aprobación dos presupostos para o vindeiro exercicio, con planificación e previsión, vai a permitir que o Consorcio continúe a traballar desde o 1 de xaneiro na mellora dos servizos que presta na nosa provincia, así como investir en innovación e en material dedicado ás intervencións", explicou o presidente do Consorcio Provincial, Pablo Pérez.
O obxectivo para este vindeiro ano é continuar "na mesma liña de traballo que durante estes anos anteriores, por elo, dedicaremos unha importante partida á innovación e ao material que se dedica nas intervencións, e acabaremos a adecuación da parcela que cedeu o Concello do Carballiño no parque de bombeiros para destinala a aparcadoiro e adaptala como lugar de adestramento para os propios bombeiros", sinalou o presidente do Consorcio.
Pablo Pérez fixo balance das medidas adoptadas ao longo do ano 2019 como "a adquisición de novos vehículos, material para operativos de intervención en emerxencias, unha cámara térmica de alta resolución para o dron híbrido, co fin de homoxeneizar as dotacións dos catro parques de bombeiros do Consorcio Provincial e reforzar tamén o último parque que abrimos, o do Carballiño".
Ademais do presidente do Consorcio Provincial de Ourense, tamén estiveron no Pleno a delegada territorial da Xunta en Ourense, Marisol Díaz Mouteira; o deputado provincial, Aurentino Alonso; a alcaldesa de Larouco, Patricia Lamela; o director xeral de Emerxencias e Interior, Santiago Villanueva; o subdirector xeral de Seguridade e Coordinación na dirección xeral de Emerxencias e Interior, Jorge Atán Castro; o secretario do Consorcio, Juan Marquina; a interventora do Consorcio, Mónica Legaspi; o xerente do Consorcio, Celso Conde.
Os datos son os que ven de publicar o IGE, e recollen a taxa de carga poboacional de todos os concellos e Comarcas de Galicia, no caso da comarca carballiñesa é do 98,44%.
Trátase da da diferencia entre a poboación que cada día entra na comarca, os non residentes presentes, que son 1.358 persoas e a poboación que a diario saen da comarca, os residentes ausentes, que suman 1778 persoas, polo que se obtén un saldo poboacional de 420 persoas.
Ou o que é o mesmo, temos máis poboación nocturna que diurna, xa que a saída de persoas da comarca que por motivos laborais ou estudos, non se compensa coas que entran a traballar e residen fora da comarca carballiñesa.
Por concellos, á cabeza desta oscilación poboacional sitúase O Carballiño, onde entran cada día 796 persoas e saen 938, asi que residen de forma habitual 142 persoas máis pola noite que polo dia.
Despois, están San Amaro e Boborás, con 56 e 55 persoas -respectivamente- de saldo poboacional. O concello con menos variación é o de San Cristovo de Cea, onde entran 135 persoas e saen 144, apenas cunha diferencia de 9 persoas.
´Resulta que no último Pleno do Carballiño o PP presenta unha moción para que o Estado lle transfira á Xunta as partidas pendentes, pero o curioso é que non piden que o Estado lle tranfira as partidas aínda pendentes da era Rajoy, nin cando estaba Rajoy pedían as partidas que non chegaban. Ademáis Perea recoñece que é o partido de Feijóo quen obriga a todos os concelleiros do PP a presentar como moción estes choriqueos.
Podemos ver o Pleno íntegro aquí https://www.facebook.com/carballinotv/videos/2356331421088982/?__xts__[0...
Pois ben, xa que o PP emprega os concellos de Galicia pra facer política estatal cando están próximos os comicios, eu, como galego tamén quero mandarlle unha mensaxe a Feijóo.
No ano 2009 Galicia debía 4.859 millóns de euros, o 8,60% do PIB, 1.752€ por cabeza. No ano 2019 Galicia debe 11.685 millóns de euros, o 18,30% do PIB, 4.247€ por cabeza. En 2009 non lle debiamos nada ao Estado e agora debémoslle case que 6.117 millóns de euros, unha vez descontadas esas partidas pendentes de recibir polas que agora choriquean os do PP.
No ano 2017 e remítome a esta data porque tamén estaba Rajoy, o PIB per capita español foi de 25.000€ mentres que o galego se quedou en 22.497€. En 2017 a nosa taxa de paro foi do 14,7%. Hoxe, en plena suposta recuperación, retrocedemos ao 15,1%, sendo as máis castigadas as mulleres -16%- e a xente nova -36,5%-; máis dun punto por riba dos datos de 2017. No ultimo barómetro sanitario do CIS de Rajoy no que aínda non facía das súas Tezanos, a sanidade galega obtiña un 6,49, quedando só por riba de Ceuta, Melilla, Canarias e Andalucía e por debaixo da media estatal: 6,68. A pensión media galega sitúase nos 794,16 euros, hai once anos era a segunda máis baixa do Estado e hoxe ségueo a ser.
PREGUNTA PARA FEIJÓO E OS DO PP DO CARBALLIÑO: ¿Cómo puido medrar tanto a débeda e para qué medrou nestes anos se o único que fixemos foi recortar masivamente no gasto en sanidade, en educación ou en políticas sociais?
Parabéns a Espazo Común e BNG (a única oposición que existe no Carballiño). O PP diu unha imaxe lamentable. Limitouse a ser palmeiros da propaganda de Feijóo, e a estar a favor dos postulados do goberno local. A negativa de remunicipalizar servizos coa connivencia PPSOE será algo sobre o que tomaremos nota. Reflicte a nugalla de políticos cómodos que son incapaces de xestionar o público, e se limitan a privatizalos.
O concello de Leiro "oculta" os contedores da recollida do lixo de forma orixinal, instalando unhos soportes pechados nos que se ubican, dotados dunha porta corrediza, e adornados con fotografias dos monumentos e lugares máis emblemáticos deste municipio.
O deseño é orixinal do coñecido artísta gráfico e pintor Juan Valcárcel, moi relacionado con Leiro, sendo dende fai moitos anos o autor do cartel oficial da Festa da Vendima.
Agora, Valcárcel é tamén o deseñador deste dispositvo ideado oculatar os contedores mostrando macrofotografías, que serven ademáis para promocionar os principais recursos turísticos que ten o concello de Leiro.
De momento, xa se instalaron os catro primeiros do total dos doce dispositivos que se ubicaran na vila de Leiro, aínda que máis adiante o alcalde Francisco Fernández non descarta darlle continuidade no resto das parroquias.
Para esta iniciativa, o concello de Leiro contou cunha axuda da Axencia de Turismo de Galicia.
Páxinas
- « primeira
- ‹ anterior
- …
- 405
- 406
- 407
- 408
- 409
- 410
- 411
- 412
- 413
- …
- seguinte ›
- última »
