O Día da Bici chega á súa décimo quinta edición, e terá lugar o domingo 6 de outubro. Así se dixo durante a presentación do evento que se levou a cabo na Praza de Abastos coa asistencia da concelleira de Deportes, Silvia Baranda; o presidente da asociación de praceiros, Eligio González; o presidente do Centro Comercial Aberto, Julián Garriga; o presidente do Club Ciclista Carballiño e propietario de Sobre Rodas, Roberto Rodriguez, e Manuel Otero, de comercial Orcellón.

Nesta edición celebraranse varios sorteos, entre outros, dúas bicicletas, e entregarase unha camiseta conmemorativa aos 350 primeiros inscritos.

As inscricións, que son gratuitas, poden efectuarse entre o 30 de setembro e o 4 de outubro na área de Deportes do Concello do Carballiño, ou o mesmo día do evento unha hora antes do comezo, de 10:00 a 11:00 h.

A saída darase ás 11:30 h., desde a praza da Veracruz, e a chegada será no mesmo lugar. O percorrido previsto será de 9 km, e haberá unha zona de xogos no anfiteatro da Veracruz para os máis pequenos.

Trátase dun paseo familiar, que está aberto a todas as idades, e que será doado para pequenos e maiores, de forma que todos os inscritos podan realízalo sen ningún impedimento, agás a obrigatoriedade de levar casco.

Silvia Baranda recordou que esta festa da bicicleta fora promovida había quince anos sendo ela concelleira de Deportes, e que tras este tempo estaba xa moi consolidada, e que por eso convidaba a toda a veciñanza, pequenos e maiores, sin distingos de idades, a inscribirse e participar.

Roberto Rodríguez confirmou que se trata dun paseo lúdico familiar sin ningún tipo de competición, e que, tanto como presidente do Club Ciclista Carballiño como por por parte de Sobre Rodas, estaba encantado de colaborar un ano máis con este evento.

Precisou que o percorrido está pensado para todas as idades, e que os màis cativos terían un lugar de xogos na praza da Veracruz. Así mesmo, dixo que Sobre Rodas instalará un taller á saída para axudar a arranxar calquera problema que se produza nas bicicletas.

Eligio González amosou a súa satisfacción por presentar o evento no marco da Praza de Abastos, recordando que se celebra actualmente o 90 aniversario deste servizo municipal, e que tamén colaboraban con produtos que serán sorteados o domingo 6 de outubro ao remate do percorrido.

Manuel Otero tamén animou á participación, igual que Julián Garriga, que felicitou aos organizadores por esta nova edición do Día da Bici no Carblliño, e animou a participar de xeito masivo.

O Día da Bici, que organiza o concello do Carballiño, conta co patrocinio da Deputación de Ourense, Inorde, Praza de Abastos, Coca-Cola, Gadis, Sobre Rodas, Coluer, Orcellón e Centro Comercial Aberto. Asimesmo, colaboran Club Ciclista Carballiño, Policía Local, Garda Civil, Protección Civil e a Xefatura Provincial de Tráfico da DGT.

Unha nova edición da Mostra de Teatro Afeccionado que organiza Tiruleque Teatro traerá ao Carballiño do 5 ao 27 de outubro algunhas das mellores producións de teatro afeccionado de Galicia.

Cinco compañías, ademáis de Tiruleque, que organiza a mostra, acudirán ao auditorio municipal Manuel María con cinco comedias, que foron as elexidas polo xurado dun total de vinte e sete propostas recibidas.

En concreto, o programa o abrirá Tiruleque coa obra “A Farsa de Maitre Pathelin”, que se representará o 5 e o 6 de outubro.

O 12 de outubro será a quenda de Sangue de Dragón (Narón) coa obra “Algo pasa con Paco”.

O 19 de outubro actuará Namarella (Verín) coa obra “W.C. (O baño)”.

O 20 de outubro tócalle a La Barata Producións (Santiago) coa obra “Solo de Triangulo”.

O 26 de outubro estará a Agrupación Teatral Mariñán (Betanzos) coa obra “Insania”.

E, como remate, actuará Porta Aberta (Vigo) coa obra “Estraños Hábitos”.

Todas as representacións serán no auditorio municipal Manuel María ás 20,30 h., e o prezo das entradas será de 3 euros, agás as dúas primeiras representaciòns, as do 5 e 6 de outubro de Tiruleque con “A Farsa de Maitre Pathelín”, que terán un prezo de 5 euros.

O evento foi presentado esta mañá polo concelleiro de Cultura, Diego Fernández, e os representantes de Tiruleque, Xosé Prada, Florindo González, Lidia Giselle Almonte e Mª del Carmen Fernández.

Diego Fernández destacou o labor que desenvolve a compañía de teatro Tiruleque e o esforzo que realiza para organizar esta mostra de teatro afeccionado que , tras doce anos de traxectoria, é xa un referente en Galicia.

Xosé Prada explicou o proceso de selección das obras, que comezou en febreiro deste co envío de máis de duascentas cincuenta convocatorias a compañías e escolas de teatro de toda Galicia, e que, tras recibir vinte e sete propostas, seleccionáronse cinco obras de cinco compañías, ademáis da obra de Tiruleque. Ao respecto, dixo que se trata de comedias de boa calidade, e destacou, sobre todo, a nova produción de Tiruleque “A Farsa de Maitre Pathelín”, que abrirá o festival, e que se estrenou o pasado 22 de outubro en Lugo cun gran éxito.

Florindo González coincidiu con Xosé Prada na boa oferta da Mostra así como na estrea no Carballiño de A Farsa de Maitre Pathelín, que será a estrela do certame. Tamén se referiu á promoción do teatro entre o público infantil e xuvenil a través dos centros educativos.

Lidia Giselle Almonte anunciou o Premio á mellor obra da Mostra, que otorga Tiruleque, e que conleva acudir ao festival o próximo ano, e amosou o agradecemento da compañía teatral carballiñesa ás institucións (Concello e Deputación Provincial), Ies nº 1, Festa da Historia de Ribadavia e persoas que colaboraron tanto na montaxe da súa obra como na propia Mostra.

Inténtase deste xeito recuperar a actividade de Podemos "que xa existía no Carballiño pero que por mala xestión do antigo secretario desapareceu case ata quedar relegado a un plano case inexistente", manifestan nun comunicado emitido pola formación morada.

Engaden que no círculo de Podemos O Carballiño traballaráse tanto a nivel municipal como autonómico "poñendo á vista as necesidades e demandas da xente da nosa vila".

Tamén avanzan que dende o círculo carballiñés apoiarán "todas a candidaturas de unidade popular que haxa, en pos de traballar por mellorar as cousas e por poñer ás institucións ao servizo da xente".

Nesta asemblea a celebrar este domingo 29 de Setembro ás 20:30 horas na casa da cultura do Carballiño participarán representantes da directiva de Podemos Galiza, e trataránse temas como as próximas eleccións xerais, como as vindeiras autonómicas, ademáis de outros asuntos de ámbito municipal no concello do Carballiño

A resolución da Audiencia Provincial é firme, rexeitandose os recursos presentados polos investigados, e ordena a apertura de xuizo oral aos exalcaldes Pachi Vázquez e Carlos Montes, que o foron entre 1995 e 2011 no concello do Carballiño.

Na mesma causa, que se iniciou fai unhos anos a instancias da Fiscalía, tamén figuran como investigados tres exconcelleiros socialistas que tiveron responsabilidades na mesma etapa no concello carballiñés, Elisa Domínguez, Alfonso Prado e José Antonio Barge. 

A Audiencia Provincial entende que "os indicios recollidos pola instructora son tales superando a mera condición de sospeitas, posto que a contratación laboral foi en unha ou outra medida realizada á marxe de todo procedemento, sen realización de expediente algún". Tamén manifesta a Audiencia que "asi parecen acreditálo algunha das testificais" polo que ordena a apertura de xuizo para que se aclare se os investigados cometeron un delito de prevaricación ou se, polo contrario, resultasen absoltos.

Son en total sesenta presuntas contratacións irregulares de traballadores no concello do Carballiño, a maioria aínda continúan como persoal do concello a dia de hoxe, as que deron lugar a esta causa.

Agora, o procedemento volve ao Xulgado de Instrucción nº 2 do Carballiño, onde a instructora deberá dictar o auto de apertura de xuizo oral, abrindose o prazo para que a Fiscalía presente acusación e os investigados, que defenden que sí existiron procesos de selección na contratación, deberán presentar agora os seus escritos de defensa.

O xuizo celebraráse na Audiencia Provincial de Ourense.

Na actualidade, dos cinco investigados, tan so Pachi Vázquez continúa na primeira liña política, despois de impulsar a creación dunha nova formación política "Espazo Común", sendo concelleiro da actúal corporación municipal do Carballiño.

O Programa de Educación Familiar da Mancomunidade de Concellos do Carballiño informa da posta en marcha da actividade I Encontro de Familias, que se levará a cabo o vindeiro 28 de setembro no Concello de Piñor e, máis concretamente, na Praza de Arenteiro, no concello de Piñor.

Trátase dunha actividade lúdico-educativa totalmente gratuíta destinada a todo o grupo familiar; buscando a convivencia das diferentes familias, así como o fomento do vínculo afectivo entre as persoas membro das mesmas.

A programación, que se desenvolverá de 4 a 8 da tarde, incluirá a A Casa dos Xogos, tamén dous obradoiros de alimentación saudáble con Lucas Requejo, sesións de contacontos con Laura Míguez Escudero e fin de festa coa actuación musical en vivo do coñecido grupo galego de música infantil Mamá Cabra.

Dende o Programa de Educación Familiar buscarase dar continuidade anual a dito encontro, financiado pola Consellería de Política Social da Xunta de Galicia e o Fondo Social Europeo, rotando cada ano o lugar de realización dentro dos diferentes Concellos Mancomunados (Beariz, Boborás, O Irixo, Piñor, San Amaro).

Asi o comentaba nesta emisora de radio o presidente da Manoomunidade de Concellos do Carballiño e alcalde do Irixo Manuel Cerdeira "esta é unha primeira experiencia á que invitamos a todas as familias e a nosa intención é darlle continuidade en próximos anos nos distintos concellos, a deste sábado será en horario de tarde pero cara futuras edición a nosa idea e facéla durante todo o dia".

A practica totalidade dos comerciantes e hostaleiros do entorno da Alameda veñen de asinar un escrito no que mostrar o seu malestar "despois de 6 eternos meses de obras no parque infantil e a incerteza de non saber cando remataran as mesmas, os negocios do entorno sentímonos moi seriamente seria e gravemente perxudicados".

Afirman que dan por perdida a tempada de primavera e verán coa área de xogos pechada sabendo que "é a maior fonte de ingresos de moistos de nós, e a perpectiva para estes meses de outono non son moito mellores", concluíndo que síntense "abandoados e maltratados".

No escrito que dirixen ao alcalde Francisco Fumega piden de forma expresa información relativa ao remate das obras e tamén sobre o proxecto que se está executando, tamén que se mellore a iluminación e a limpeza viaria na zona, xa que sendo un lugar tan céntrico e concurrido "non recibe atención por parte do concello".

A delegada territorial da Xunta en Ourense, Marisol Díaz Mouteira, entrevistouse no seu despacho co alcalde do concello do Irixo , Manuel Cerdeira Lorenzo, que o pasado mes de agosto asumiu o cargo, logo do falecemento de Manuel Penedo que levaba 32 anos ao fronte da Alcaldía deste municipio.

O propósito deste encontro, como lle explicou Díaz Mouteira a Cerdeira Lorenzo, é “coñecer aos rexedores que exercen o seu cargo por primeira vez na provincia, co obxectivo de saber cales son as súas demandas e proxectos para os próximos meses”.

Manuel Cerdeira explicoulle á delegada territorial que a súa intención é darlle continuidade ao labor que desenvolveu o seu predecesor e do que el tamén foi responsable na súa condición de tenente alcalde.

Marisol Díaz na súa primeira xuntanza co novo alcalde do Irixo recordou os apoios de máis de 1,2 millóns de euros que a Xunta destinou a este concello, dos que 590.000 euros foron a través de ordes de subvencións, 500.000 vía convenios, e máis de 130.000 euros achegados ao abeiro de outras actuacións.

Dos proxectos realizados no Irixo que recibiron achegas do Goberno galego nestes últimos anos, Díaz Mouteira subliñou os relativos a melloras de camiños rurais, pavimentación de vías públicas, construción dunha senda peonil na estrada OU-223, obras de mellora no CEIP, distintas iniciativas relacionadas coa prevención e defensa contra os incendios forestais e a posta en marcha dunha Casa Niño.

A representante do executivo autonómico en Ourense expresoulle a Manuel Cerdeira o seu desexo de continuar a traballar de xeito coordinado coa Administración local para dar resposta ás demandas dos veciños e veciñas e mellorar súa calidade de vida.