A Comisión de Festas pretende con este formato contentar aos públicos e veciñanza de todas as idades, deseñando un programa musical que con ata 14 horas diarias de actuacións musicais para os próximos dias na vila de Cea.

O grupo Pikante e a orquestra Saudalde abren a porgramación na primeira verbena, na noite deste venres dia 20 na Praza Maior de Cea.

E a partir do sábado, ata o luns incluido, o gran marathón musical, que iniciaráse ás 12 do mediodia do sábado 21 en sesión vermút na Praza Maior co grupo Tattoo. E dende as 6 da tarde ata ás 6 da madrugada, ademáis de Tattoo, completan o programa musical os grupos Fussión e La Nave e a orquestra Aché, nos escenarios da rúa Calvo Sotelo e Praza Maior. 

A banda de música de Celanova ofrecerá pasarrúas e concertos o domingo 22, e dende as 6 da tarde ás 5 da madrugada, actuarán en Cea os grupos Kien Lo Diría e Nebraska, asi como a orquestra Tango.

Finalmente, o lús 23, dia festivo de carácter local no municipio de San Cristovo de Cea, ofrecerá pasarrúas e concertos a Banda Militar da Brilat, e para a festa e verbena deste úlitmo dia de Festas da Saleta contaráse coa amenización musical da Charanga Ardores, o grupo La Huella 2.0 e a orquestra Solara.

Ademáis, o sábado dende as 5 da tarde celebraráse unha festa infantil con diversas actividades, e tanto o domingo como o lúns haberá tres misas na capela da Saleta ás 9,10 e 11 da mañá, e tamén ambos días solemne con procesión ás 12 do mediodia.

Asi pois, todo preparado en Cea para gozar de catro dias de intensa programación festiva, aínda que moi pendientes das previsións meterorolóxicas que avanzan tempo chuvioso para os próximos dias, sobre todo para a xornada do sábado.

O alcalde de Leiro, Francisco José Fernández Pérez, revalidou o seu cargo como presidente da Mancomunidade Turística Terras do Avia, que ven de celebrar a súa sesión constitutiva para o novo mandato.

Fernández, que foi reelixido por maioría, contou cos votos a favor dos membros do Partido Popular e do PSOE que asistiron á convocatoria, en representación dos concellos de Ribadavia, O Carballiñño, Boborás e Leiro, contabilizándose unha abstención, a do grupo de Ribeiro en Común.

Francisco Fernández seguirá así á fronte da mancomunidade, na que exerce o cargo de presidente desde a súa constitución, en 2003.

Para este novo mandato, Fernández sinalou como obxectivos singulares o pulo ás rutas de sendeirismo e a potenciación do camino miñoto, para o que espera conseguir a declaración de Camiño Xacobeo, “sen deixar de sinalar que seguiremos a traballar en todos aqueles proxectos que supoñan promocionar o turismo nos catro concellos e coordinar as nosas accións coas do xeosdestino Carballiño-Ribeiro”.

Dia festivo de carácter local este xoves 19 de Setembro como xa e tradicional no municipio de Boborás, na que se encontra a capela da Saleta, para máis señas na parroquia de Astureses.

Un dia de romaría que reúne non so a xentes do concello de Boborás, senón que tamén acuden en masa dende O Carballiño, O Irixo, e en menor medida doutros concellos da comarca.

Na xornada previa, este mércores 18, ás seis e media da tarde será o ritual da baixada da Virxen dende a igrexa parroquial ata a capela da saleta, na que se celebrará a misa de benvida, despois haberá ambiente festivo co dúo Estelar e no bar da comisión, sardiñas asadas, empanada e churrasco.

No día grande da romaría da Saleta, haberá misas dende as oito e media da mañá e solemne con procesión á unha da tarde, acompañada da banda de música. 

Para acompañar o xantar campestre non faltará a música tradicional dos Biruxes e o grupo Fusión, aos que se sumará pola tarde a gran orquestra Marbella, que continuará ata a verbena.

O escrito da alcaldesa socialista de San Amaro dando conta da súa demisión foi presentado esta mañá no rexistro muncipal deste concello.

Maria del Carmen Pérez Corral levaba apenas tres meses no cargo, elexida alcaldesa tras o pacto de gobernanza acordado polo PSOE (3 concelleiros) e Xuntos por San Amaro (2 concelleiros), establecendose un acordo entre ambas formacións polo que nos dous primeiros anos a alcaldesa sería socialista e nos dous seguintes o alcalde pasaría a ser Carlos Paz, de Xuntos por San Amaro.

Con este acordo o novo goberno bipartito fíxose coa alcaldía fronte ao candidato do Partido Popular, Fernando Rodriguez Redondo, que fora o máis votado nas eleccións de Maio, pero quedandose a un concelleiro da maioria.

No escrito, a ata agora alcadesa non explica os motivos que a levaron a tomar esta decisión.

Dia festivo de carácter local no municipio do Carballiño, como cada 17 de Setembro celebrando a festividade do patrón San Cibrán, que sairá en procesión ás 11:30 da mañá dende o Templo da Veracruz, co acompañamento da Banda-Escola de Música do Carballiño que despóis, á unha e media da tarde ofrecerá un concerto na Praza Emilia Pardo Bazán.

Antes, dende as 11 da mañá terémos animación de rúa coas Charangas Castro Bello e Doctor Anchoa.

Pola tarde, ás 5 actividades infantís e animación musical do D.J. Tibu na Praza Maior, e a mesma hora na explanada de entrada do parque municipal iniciaráse a XXXVII edición do Concurso de Chave das Festas do Setembro.

Pola noite, para a verbena, dúas orquestras. Na Praza Maior a orquestra Pontevedra ofrecerá dous pases en horarios de 20:30 a 22 horas e de 00:00 a 01:30 horas, mentres que a orquestra-espectáculo Panorama instalará o seu escerario móbil na rúa Evaristo Vaamonde cara a Praza da Veracruz, onde actuará nos seguintes horarios: de 22:15 a 23:45 horas e de 01:30 a 03:00 da madrugada.

A Ruta do Viño do Ribeiro, o Consello Regulador e o Xeodestino Ribeiro – Carballiño, coa colaboración da Deputación de Ourense e da Xunta de Galicia, poñen en marcha novas rutas de ViñoBus para complementar a súa oferta enoturística durante o mes de setembro, coincidindo coa actividade da vendima, centradas na promoción dos recursos patrimoniais e da cultura do viño.

A Deputación de Ourense colabora con esta proposta que este ano ten un marcado carácter de promoción "dos valores patrimoniais do Ribeiro, un territorio no que a cultura do viño deixou unha profunda pegada material e inmaterial", lembrou Rosendo Fernández. Así mesmo, a directora da Axencia de Turismo de Galicia dixo que a xunta de Galicia continuará a colaborar "para poñer en valor os nosos recursos turísticos e o sector vitivinícola que ten un peso crecente na nosa economía galega grazas ás cinco Denominacións de Orixe e ás catro Indicacións Xeográficas Protexidas, que abarcan máis de 450 adegas, máis de 13.000 viticultores e que xera un valor anual de 200 millóns de euros".

Pola súa parte, Francisco José Fernández destacou a importancia da cooperación entre estas cinco entidades para "establecer unha estratexia conxunta e poñer en marcha un plan ambicioso de actividades para desenvolvela". Esta estratexia – engadiu o presidente do Xeodestino Ribeiro – Carballiño, ten como obxectivo "revitalizar unha comarca vitivinícola histórica e potenciala como destino enoturístico, poñendo en valor o territorio, a paisaxe, os recursos culturais e patrimoniais, e o termalismo". Neste mesmo sentido, Juan Manuel Casares explicou que é "o segundo ano que se fai esta actividade coa novidade de tematizar as rutas cos tres grandes momentos da historia milenaria do Ribeiro: a época castrexa romana, a época das grandes ordes monacais, e a época do esplendor dos Pazos, a gran eclosión económica do Ribeiro".

Rutas

As rutas propostas este ano están centrada na temática da historia e comezaron este pasado sábado día 14 de setembro, ás 9.15 horas, cun autobús que partíu da cidade de Santiago de Compostela para percorrer a pegada histórica que as ordes monacais deixaron neste territorio, a través da produción e comercialización do viño do Ribeiro. Nesta ruta, os visitantes tiveron a oportunidade de gozar da visita ao Mosteiro de San Clodio e o Museo do Viño de Galicia, así como adegas socias da Ruta do Viño como Viña Costeira, Cuñas Davia ou Licores os Maios.

O día 21 de setembro, a temática do viñobus procedente de Vigo xirará en torno á cultura Castrexa, incluíndo na ruta visitas ao Castro de Santa Lucía en Castrelo de Miño ou o Castro de San Cibrao de Las, ademais de adegas como Celme, Pousadorio ou Leive Ecoadega.

O último viñobus desta tempada, que partirá da cidade de Ourense o día 28 de setembro ofrecerá un percorrido polo Esplendor dos Pazos para descubrir as grandes xoias da arquitectura barroca situadas na parroquia de Pazos de Arenteiro, declarado conxunto histórico artístico. Complementarase esta visita coas adegas de Pazo Tizón, Terra do Castelo e Priorato de Razamonde.

Tódalas rutas disporán de servizo de guía turístico. O custe das entradas é de 15 euros e están á venta no portal de ataquilla.com, ou na Sede Afundación das cidades de Santiago de Compostela, Vigo e Ourense.