A Consellería do Medio Rural en 2018 investiu na provincia de Ourense unha partida de máis de 5,1 millóns de euros en axudas para a modernización das explotacións, con achegas para incorporación de mozos, plans de mellora e pequenas explotacións. Estas subvencións, cofinanciadas co Fondo Europeo Agrícola de Desenvolvemento Rural (Feader), repartíronse entre 133 beneficiarios, dos que 61 son mozos e mozas ourensáns que decidiron apostar o seu futuro laboral polo mundo agrogandeiro.

A delegada territorial da Xunta en Ourense, Marisol Díaz Mouteira, acompañada do alcalde de Piñor José LUis González, ofreceu estes datos durante unha visita á finca onde se vai a instalar, ao abeiro destas subvencións, unha nova explotación avícola, cuxa propietaria é unha moza de 21 anos que se quere incorporar á actividade agraria seguindo os pasos dos seus pais, que xa teñen outras granxas na zona e foron beneficiarios desta orde de axudas en convocatorias anteriores, na liña de plans de mellora.

En concreto, o departamento autonómico, dirixido por José González, concedeulle unha axuda global de 178.000 euros, a través de dúas liñas (a de primeira instalación e a de plans de mellora) sobre un investimento total de 334.497 euros. Esta achega destinarase ás obras de construción dunha explotación dedicada ao engorde de polos, con capacidade para 31.800 polos broilers, na finca Chouso do Cabreiro, na parroquia de Coiras.

Asi o confirmou nesta emisora de radio a Presidenta desta asociación, Beatriz Míguez, manifestando con tristeza que "tras 7 anos restacando animais, non podemos máis".

A precaria situación económica é o motivo dese cese na súa actividade, en todo caso, un cese que podería ser temporal "se temos a axuda que precisamos para seguir adiante, pero nestas circuntancias agora mesno é imposible, xa bastante temos con xestionar os animais que temos na actualidade, pero non podemos seguir restacando máis animais", subliñou.

Según a presidenta, a asociación necesita unhos 3.000 euros ao mes, para manter toda a actividade, pagar facturas veterinarias, gastos en residencias caninas e outros gastos.

Míguez recordou como nos últimos sete anos buscaron fogares para centos de cans e outros animais de compañía "tan so o ano pasado xestionamos adopcións responsables para máis de 260 cans, que de non ser por nos estarían mortos", remarcou.

A asociación non conta con ningún tipo de axudas institucionais nin das adminstracións locais, provincial ou autonómica.

Finalmente, a presidenta lanzaba un S.O.S. a todas aquelas persoas que queiran colaborar económicamente "para axudarnos a saír a flote e que este cese na actividade sexa temporal e non definitivo".

E para elo facilitan o nº de conta bancaria da que a asociación é titular en Caixa Rural: IBAN ES46 3070 0039 0160 9369 6927.

Os tres concelleiros que van formar o Grupo Municipal de Espazo Común no Carballiño, veñen de rexistrar un escrito no Concello poñendo á entidade municipal sobre aviso de que, a pesares das importantes inversións que se están a acometer nos térreos onde se atopa a coñecida como Fábrica de Papel, no Rexistro da Propiedade ainda aparece a nome dos anteriores propietarios, a família Otero, aseguran.

Este punto queda acreditado "coa Nota Simple que solicitamos con data onte venres 7 de xuño nunha consulta que calquer cidadán pode facer", subliñan.

Califican esta situación de " irregular e pode acarrexar no futuro diversos problemas xurídicos ou, incluso, a perda de subvencións invertidas nestes térreos"

Por iso foi posta en coñecemento do alcalde, aafirman , como  "máximo responsable nos últimos anos deste proxecto, coa intención de que sexa subsanada á maior celeridade posible e evitar así futuros prexuizos para o Concello".

Neste sentido, recordan, xa se conta con desagradables experiencias anteriores xuridicas en circunstancias semellantes que temos a obriga de tentar que non se repitan. Cabe lembrar por exemplo o conflito co Bispado de Ourense pola titularidade dos térreos do entorno da Veracruz que tivo a obra parada moitos meses.

"Asimesmo hai que recordar tamén que, ainda a día de hoxe, hai varias propiedades municipais das que é complexo demostrar a titularidade pola ausência de documentación que o acredite, como por exemplo o local sito na Praza de Juan Corral Pajariño", advirten.

No caso da Fábrica de Papel a situación xa é reincidente pois, despois dunha primeira rehabilitación, o Concello tivo que adoptar un acordo plenário para gastar 600.000 euros máis na súa adquisición que foron pagados en tres prazos de 200.000 euros. 

"Toda esta gran aposta económica por estas instalacións que, sen dúbida, revalorizarán esta zona e as parcelas colindantes, ten que quedar debidamente acreditada e legalizada ou pódemonos atopar pois cuns terreos nos que se invirta, como mínimo, un total de 800.000 € nos tres últimos anos, polo de agora, sen chegar a facer o sinxelo trámite de rexistralo a nome do Concello e atendendo a experiencias pasadas, semella que é algo que non pode nin debe agardar", conclúen dende Espazo Común.

Co título de “O Carballiño, industria e comercio (1925-1995)”, editado polo concello do Carballiño en colaboración coa Asociación Fotográfica O´Potiños e o Centro Comercial Aberto, acábase de presentar un libro que recolle a historia gráfica da industria e o comercio da vila carballiñesa durante o século XX.

Esta publicación, que é continuación doutra titulada “Xentes do Carballiño” e que se levou a cabo hai tres anos, obedece o obxectivo de recuperar a memoria histórica do Carballiño, según dixo o alcalde, Francisco Fumega, durante o acto de presentación desta obra.

A este acto asistiron, ademáis do alcalde, o presidente da Asociación Fotográfica O´Potiños, Manuel Blanco; o directivo desta entidade José Luis Diz; o presidente do Centro Comercial Aberto, Julián Garriga, e o director do Instituto Chamoso Lamas, José Manuel Vázquez. O libro consta de 127 páxinas que conteñen centos de fotografías e anuncios do período comprendido entre 1925 e 1995, e incluso algúns grabados de finais do século XIX, así como un DVD con entrevistas a comerciantes, que foron realizadas por alumnos e profesores do Instituto Chamoso Lamas.

Editáronse un total de 1000 libros, que serán distribuidos entre as persoas que colaboraron coa publicación cedendo fotografías, entre os comerciantes e aqueles veciños interesados en coñecer a historia da vila.

Francisco Fumega destacou a importancia do comercio na historia do Carballiño, e dixo que esta publicación viña a incrementar os fondos municipais na recuperación da memoria histórica da vila. “O comercio é un sector económico esencial do Carballiño. O é na actualidade e o foi históricamente, pois a actividade comercial sempre estivo vencellada coa nosa vila, e non se podería entender o seu crecemento sen a puxanza do comercio, da hostalería e da industria” -dixo.

Referiuse ao recoñecemento efectuado pola raíña rexente María Cristina en febreiro do ano 1901: “Queriendo dar una prueba de mi real aprecio al Ayuntamiento de Carballino por el progreso de su agricultura, industria y comercio, en nombre de mi augusto hijo el Rey D. Alfonso XIII, y como reina regente del Reino, vengo en concederle el tratamiento de Excelencia”, e expresou a súa satisfacción por contribuir á recuperación da memoria histórica do comercio e da industria do Carballiño a través da fotografía, polo que agradeceu a iniciativa e o traballo realizado pola asociación fotográfica O´Potiños.

Finalmente, agradeceu “a todas as persoas e familias que integraron e integran o sector comercial e dos servizos, así como o industrial, pola súa contribución ao desenvolvemento do Carballiño”. Julián Garriga compartiu as palabras do alcalde e felicitou ao concello e a Potiños polo libro, do que dixo era “precioso e emotivo”.

Así mesmo, destacou o importante que foi, que é e que seguirá sendo o comercio no Carballiño. Tamén agradeceu que se contase con eles para a elaboración do libro.

José Manuel Vázquez expresou a seu orgullo por participar na elaboración do DVD con entrevistas a comerciantes, realizadas por alumnos e profesores do Instituto Chamoso Lamas. Neste sentido, destacou a importancia da fotografía e do cine como ferramentas educativas e fixo mención aos programas de innovación educativa e proxectos que se realizan neste centro educativo.

Manuel Blanco amosouse honrado por presentar este traballo, do que dixo era a culminación do iniciado con libro “Xentes do Carballiño”, e que era froito dunha longa colleita de fotografías antigas por parte da Asociación Fotográfica O´Potiños. Ao respecto dixo que este libro quedará aí como parte da historia do Carballiño.

Explicou a dificultade para realizar este colleita fotográfica, xa que de moitos antigos establecementos non foi posible atopar imaxes. Agradeceu a cesión de fotografías efectuada pola xente, a colaboración do CCA e do Instituto Chamoso Lamas, en especial do profesor Ricardo Paz, que grabou as entrevistas, e ao fotógrafo Moncho Fuentes, que cedeu desinteresadamente moitas fotografías. Tamén se referiu á veciña Lidia Alemparte, que foi unha das persoas entrevistadas pero que falleceu antes da publicación.

Finalmente, José Luis Diz destacou que era un libro para ver, como todos os realizados pola asociación O´Potiños, e que se tivo en conta na súa elaboración tanto os oficios artesanais e industriais como o comercio de sempre.

100 comisarios e 35 axentes de seguridade privada velarán pola boa marcha dos tramos do Carballiño e da comarca, que se desenvolverán este sábado, 8 de xuño, durante o 52 Rallye de Ourense.

O evento, que pode reunir no Carballiño a máis de 25.000 persoas, según a organización, foi presentado esta mañá no concello do Carballiño polo teniente alcalde e concelleiro de Deportes, Manuel Dacal; o presidente da Escudería Ourense, Julio Bouzo, e o presidente da Federación Galega de Automobilismo, Iván Corral.

O treito decisivo deste Rallye de Ourense disputarase nos dous tramos que rematan no concello do Carballiño, asegurou Julio Bouzo, tras agradecer ao concello carballiñés o comportamento co Rallye de Ourense, e tanto nos aspecto da colaboración económica comoa nivel humano, pois, según engadiu, ningún concello tivo nunca na historia deste rallye un comportgamento tan exemplar como este.
Por iso, expresou o seu orgullo e satisfacción, xa que, según dixo, únenme lazos con esta vila, e meu avó e meu pai estarían orgullosos de ver aquó a Rallye de Ourense.

Julio Bouzo dixo que os dous tramos da Saleta estaban previstos para as 12,11 h., e as 16,14 h., respectivamente, pechándose todos os accesos desde unha hora e media antes. Tamén haberá un control de paso diante do concello, que están previstos para as 12,30 h., e 16,35 h., respectivamente, o que supón que os coches participantes pasarán por varias rúas céntricas da vila.

A importancia dos tramos da Saleta é tal que a TVG vainos a retransmitir en directo, incluso con imaxes aéreas a través de drons, e para o cal instalará no percorrido diversas cámaras fixas.

Finalmente, Julio Bouzo dixo que os mellores pilotos de España estarán presentes neste rallye, e que a organización do mesmo espera estar á altura do que require un eventos destas características.

Iván Corral tamén expresou o seu orgullo de carballiñés e impulsor da introducción do deporte do motor no Carballiño coa organización da Subida á Saleta, ou de homenaxe á Peña 9, que impulsou o Rallye do Lacón, para resaltar o posicionamento do Carballiño como vila turística e promotora de grandes eventos vencellados co motor, como é este Rallye de Ourense, que será, según dixo, un gran escaparate para que os milleiros de visitantes que acudan desde Asturias, Cantabria, León, Norte de Portugal e de toda Galicia, entre outros lugares, volvan máis veces.

Neste sentido, recalcou os recursos turísticos cos que conta a vila carballiñesa, en especial a gastronomía. E por iso dixo que o sector hostaleiro ía a ser un dos grandes beneficiados desta xornada deportiva no Carballiño.
Manuel Dacal disculpou a asistencia do alcalde, que tivo que acudir a unha reunión ineludible a Santiago, e referiuse ao Rallye de Ourense como un dos acontecementos deportivos máis relevantes da provincia e por eso expresou a súa ledicia de esta edición transcorra por terras do municipio e comarca carballiñeses.

Dixo que no Carballiño hai unha gran afección ao deporte do motor desde sempre. Tivemos e temos extraordinarios pilotos de competición –engadiu-, creamos dúas probas automobilísticas míticas, como é a Subida á Saleta, que se recuperou este ano, e como foi o Rallye do Lacón, que desexamos poida rexurdir de novo. E temos ao longo do ano media ducia de concentracións de coches clásicos e doutras categorías, como os súper deportivos.

Non é entón casual –proseguiu- que a vila carballiñesa estea moi vencellada ao deporte do motor e que por iso o concello aceptase a invitación da Escudería Ourense e fixese o esforzo de colaborar nesta edición do Rallye para traelo ás terras do Carballiño, e ainda máis nun tramo tan suxestivo como é a baixada da Saleta, que pode ser definitiva no palmarés final.

Non cabe dúbida que se trata dunha proba de velocidade e habilidade moi espectacular, e estou seguro de que atraerá a milleiros de afeccionados a este deporte –dixo Dacal-. Precisamente, esta é unha das razóns, ademáis da deportiva, pola que estamos plenamente comprometidos coa organización, xa que queremos seguir promocionando o turismo como un dos sectores máis dinámicos da nosa vila.

Finalmente, expresou os parabéns e agradecemento á organización, en especial ao presidente da Escudería Ourense, Julio Bouzo, e a Iván Corral, que dende o primeiro momento amosaron o seu interese para que esta proba puidese transcorrer polo Carballiño.

O concello do Carballiño tomou o acordo de dedicar a próxima edición da Festa do Pulpo, que é a 57 e que se celebrará o domingo 11 de agosto, a Asturias.

Esta decisión obedece principalmente a que a comunidade asturiana, ademáis de estar fortemente unida a Galicia por lazos históricos e de vecindade, e de contar con moitos emigrantes galegos, nunca foi homenaxeada nesta festa.

E por outra parte, a que nos últimos anos foise acrecentando considerablemente o número de asturianos que acuden á Festa do Pulpo, especialmente da cidade de Xixón. De feito, desde hai tres anos promociónanse viaxes en autocar desde Xixón ao Carballiño para asistir á Festa do Pulpo, e incluso na edición do 2017 acudiu ao parque municipal carballiñés a Banda de Gaitas de Xixón, que ofreceu un pasarrúas e unha actuación durante a Festa do Pulpo dese ano.

Neste intre, estase xestionando a posibilidade de realizar unha presentación da 57 Festa do Pulpo na cidade de Xixón a comezos do mes de xullo.

Por outra parte, tamén se está a deseñar o cartel da festa deste ano, e cuxa realización voltou a encargárselle á artista plástica carballiñesa Ari Quintas, autora do cartel da pasada edición, dedicada ao Centro do Carballiño en Bos Aires, e que tivo moito éxito.
As dedicatorias da Festa do Pulpo comezaron no ano 1987, cando se lle dedicou aos emigrantes galegos na Arxentina, e desde entón foise homenaxeando a distintos países, cidades e vilas, así como colectivos vencellados coa Festa do Pulpo.

En nove ocasións os receptores da dedicatoria foron os países e cidades de Latinoamérica con maior presencia de emigrantes do Carballiño e Galicia.

En tres edicións dedicóuselle a festa a comunidades españolas (Euskadi, Madrid e Cataluña), e esta de Asturias será a cuarta.
En canto a cidades e vilas galegas, a Festa do Pulpo dedicouselle a Marín, Lugo, Pontevedra, Camariñas, Santiago, Ourense, Vigo e A Coruña.

A Ruta do Viño do Ribeiro presenta as actividades para a VIII Xornada de Portas Abertas nas Rutas dos viños de Galicia, ofrecendo a tódolos públicos un completo programa de propostas enoturísticas, no que continúa, un ano máis, o ViñoBus da Ruta do Viño do Ribeiro. NA presentación desta programación participaron o vicepresidente da Deputación de Ourense, Rosendo Fernández; o presidente da Asociación Ruta do Viño do Ribeiro, Juan Casares; e a xefa territorial de Cultura en Ourense, Sandra Quintas.

O vicepresidente da Deputación de Ourense destacou a importancia do sector vitivinícola na provincia de Ourense afirmando que o viño é "un magnífico embaixador da nos aterra e das nosas xentes" e lembrou o apoio da institución provincial "ás catro denominacións de orixe da nosa provincia, porque somos conscientes de que este sector, estratéxico na economía ourensá, contribúe a fixar poboación, xerar riqueza e dinamiza o desenvolvemento social e económico dos nosos territorios".

Neste mesmo sentido, a xefa territorial de Cultura en Ourense dixo que Ourense é "un referente no sector vitivinícola grazas á calidade dos seus caldos" e salientou o "apoio firme da Xunta coa cultura do viño", con este tipo de iniciativas como a Xornada de Portas Abertas nas rutas dos viños de Galicia que é "unha das experiencias de máis éxito do turismo galego".

O programa de actividades previsto para as xornadas, que se celebrarán os días 8 e 9 de xuño, inclúe visitas ás adegas adheridas á Ruta do Viño do Ribeiro e a desgustación dos seus viños, en horario, o sábado 8 de xuño, de 11.30 a 13.00 e ás 17.00 horas e ás 12.00 horas o domingo, 9 de xuño. Tamén terán os visitantes a oportunidade de gozar de experiencias enogastronómicas con menús especiais que ofrecen os restaurantes, así como descansar entre viñedos, xa que os aloxamentos que participan ofrecerán prezos especiais nas súas estadías.

Ademais, a organización das VIII Xornadas de Portas abertas quere repetir a experiencia co ViñoBus, para facilitar e promover a participación de público de diferentes puntos de Galicia. Deste modo, sairán autobuses dende Vigo, Ourense, Santiago de Compostela e Pontevedra, que percorrerán, acompañados de guías turísticas profesionais, as diferentes adegas que participan na Xornada.

Nesta edición terá unha especial importancia a promoción do patrimonio histórico ao ser entendido como un recurso moi vencellado á cultura do viño e á súa importancia neste territorio. Por esta razón, as rutas do viño bus inclúen visitas teatralizadas de lugares tan relevantes como o Mosteiro de San Clodio en Leiro ou a Pazos de Arenteiro, ou ao casco histórico de Ribadavia.

O sábado 8 de xuño, as rutas dos ViñoBus rematarán en Ribadavia onde a partir das 20.00 horas, poderán gozar da gastronomía que ofrecen os restaurantes socios da Ruta do Viño do Ribeiro, no Sábado de Tapeo con sabor a Ribeiro, que terá lugar na Igrexa da Madalena e a entrada ten un custe de 5 euros. Caldaria, Gastro Bar O Birran, Nautico Castrelo de Miño, Tapería Val do Deva e Sábrego Restaurante ofrecerán pinchos elaborados exclusivamente para esta Xornada que serán acompañados de Viños das adegas da D.O. Ribeiro socios da Ruta.

O domingo 9 de xuño, AMECHIR, o Museo Etnolóxico e o Concello de Ribadavia, organizan a Andaina O Camiño do Viño. Ribadavia- Compostela// Etapa 1. Esta actividade, enmarcada na promoción da Ruta do Viño do Ribeiro para 2019, está centrada na identificación desta Ruta como o Camiño do Viño, co obxecto de poñer en valor a relevancia histórica do Ribeiro na cultura do viño de Galicia e a súa vinculación coa cidade de Santiago de Compostela. A ruta comezará ás 9.30 horas en Ribadavia, e pasará por Santo André de Camporredondo, Esposende ou Pazos Hermos, incluíndo teatralización de escenas do camiño dos Arrieiros.

Como remate desta VIII Xornada de Portas Abertas a Ruta do Viño do Ribeiro ofrece a posibilidade de viaxar polos diferentes vales desta Denominación de Orixe a través dos seus viños. O domingo, 9 de xuño, sairá un autobús dende o parque de San Lázaro, en Ourense, para conducir aos participantes ao Pazo Carballo, en Ribadavia, onde se degustarán os viños elaborados no Val do Miño. A segunda parada será en Arnoia Caldaria, para coñecer os viños do val do Arnoia e o percorrido finalizará en Pazo de Esposende (Ribadavia) para gozar con viños do Val do Avia, acompañados de petiscos.

Os socios da Ruta do Viño do Ribeiro tamén ofrecerán actividades a nivel individual para promover a participación do público. Así, as Adegas Celme propoñen, para o sábado, 8 de xuño, ás 18.30 horas, unha cata maridaxe Celme, pan e queixo, que inclúe visita á adega con cata e degustación de queixos das catro Denominacións de Orixe, acompañada pola Sumiller Mercedes González. Para o domingo, Adegas Celme organiza unha andaina ao Castro de Santa Lucía en Castrelo de Miño e, posteriormente unha cata no lagar milenario no que se facía o viño no século I d. C, ás 12.30 horas con saída da mesma adega.

Pola súa parte, Bodegas Cunqueiro ofrece para o domingo, 9 de xuño, ás 11.00 horas, unha visita de formación polos 100 anos de historia da adega con degustación de viño das fincas visitadas. Mentres que, Casal de Armán prepara un paseo a cabalo con degustación de viño na súa finca para os días 8 e 9 de xuño, ás 11.00 horas, previa reserva, para un mínimo de 4 persoas.

A organización espera "continuar a incrementar o número de participantes nesta edición, tendo en conta a liña ascendente que experimenta o evento desde que se celebra", salientou Juan Casares. Neste mesmo sentido, o presidente da Asociación Ruta do Viño do Ribeiro destacou o éxito da actividade do ViñoBus que "esgotou os billetes en 15 días, desde que se puxeron á venta, tendo lista de espera en case tódalas liñas".

Para máis información ou para as reservas: www.rutadelvinoribeiro.com.

O novo edificio que albergará a recepción, administración e servizos públicos do Museo da Fábrica de Papel da Lavandeira, e que constrúe o obradoiro de emprego, está actualmente moi avanzado, e calcúlase que para o mes de agosto poida estar prácticamente rematado nas súas partes esenciais.

Esta edificación, que se realiza según o proxecto orixinal do arquitecto Manuel Gallego Jorreto, terá continuidade coa rehabilitación do antigo proceso exterior de fabricación da pasta de papel, que é cecais un dos elementos máis chamativos do museo, e para o cal o concello destinará este mesmo ano un orzamento de 145.000 euros.

Precisamente, o alumnado de albanelería e cantería do obradoiro está traballando hoxe na cuberta deste novo edificio, que terá un tellado do mesmo material que o do edificio do secadeiro, e o peche exterior irá cristaldo, de modo que se integre no conxunto e no entorno natural.
O novo investimento municipal destinarase a completar este edificio e reconstruir o proceso industrial de mazas, norias e prensa da fabricación do papel, que será encargado a unha empresa especializada neste tipo de traballos, según o deseño oroxinal desta fábrica do século XIX.

Dase a circunstancia de que algunhas pezas de pedra orixinais, que estaban ocultas baixo a terra, foron recuperadas recentemente e serán aproveitadas para completar o engranaxe exterior, que consta de cinco norias e mazas que van nos arcos da canle de auga, que se conserva intacta.