Os sete candidatos que optan á alcaldia nas eleccións deste próximo domingo despediron o "Encontro Electoral" celebrado nos estudos de COPE O Carballiño brindando cun viño Ribeiro polo futuro do Carballiño.

O PODCAST íntegro deste "Encontro Electoral" pode descargarse na sección "Programas" desta Páxina WEB, grabación de audio correspondente a este xoves dia 23 de Maio.

Esta emisora de radio reúne este xoves dia 23 de Maio aos sete candidatos á alcaldía do Carballiño nestas eleccións municipais do próximo domingo.

Ana Morgade (Compromiso por Galicia), Jorge González (Ciudadanos), Pachi Vázquez (Espazo Común), Bernardo García (Alternativa Veciñal), Chema Ferreiro (BNG) Francisco Fumega (PSdeG-PSOE) e Ricardo Perea (Partido Popular) participan neste encontro electoral que se iniciará ás 13:10 horas nos estudos de COPE O Carballiño.

Cada candidato dispoñerá de oito minutos en total para as súas respectivas alocucións.

Na primeira parte da emisión, cada candidato terá dúas intervencións de 2 minutos cada unha, na que nos achegarán a súa idea "do Carballiño que temos" e "O Carballiño que queremos".

Tras un intermedio, cada candidato terá tres intervencións -de 2, 1 e 1 minuto respectivamente- que poderán utlilizar libremente, coa temática que elixa cada candidato.

O encontro poderá seguirse en directo nas emisións de FM e Online. 

A partir das 3 da tarde poderá descargarse o PODCAST nesta mesma páxina WEB.

José Manuel Iglesias “Cadavid”, alcalde de Maside, e o Presidente da Confederación Hidrográfica Miño-Sil, José Antonio Quiroga, asinaron un convenio para a execución das obras de reparación da rúa Principal de Maside no tramo do centro ó enlace coa N-541.

Este tramo viuse moi severamente afectado polo último gran temporal que viviu a capital do Concello, que afectou sobremaneira as redes de abastecemento, saneamento e, sobre todo, de pluviais. Estas últimas rebentaron en varios sitios, abrindo as beirarrúas e facendo blandas e socavóns en moitos puntos da calzada.

Agora, “despois de varias solicitudes que xa tramitara o meu predecesor ante a Xunta e a Deputación, coa calada por resposta, salvo o traballo para a valoración dos danos que nunca chegou, logramos agora que a administración do Estado colabore connosco na financiación dunha obra tan custosa como é esta”, sinala o alcalde masidao.

En efecto, preto de medio millón de euros destina a Confederación a esta obra que José Manuel Iglesias considera prioritarísima, pois segue habendo risco de socavón e a chegada dun novo temporal como o anterior tería uns efectos devastadores”.

En palabras do rexedor municipal “ as augas pluviais acadan tal velocidade e tal presión neste tramo de forte pendente que as conducións non o soportaron, polo que se fai necesario tomar medidas que só coa axuda da Confederación, grazas á comprensión do problema por parte do seu presidente, José Antonio Quiroga, é posible afrontalas”, subliñou.

A I Xuntanza de Quads O Carballiño congregará o próximo sábado, 25 de maio, a 60 quads de toda Galicia.

O evento foi presentado este mediodía na Praza Maior coa asistencia do concelleiro de Deportes, Manuel Dacal, e os organizadores José Antonio Lama, Juan Carlos Fernández e Héctor Nogueira.

A xuntanza, que non ten carácter competitivo, transcorrerá por rutas de montes dos concellos do Carballiño, Boborás e Bearíz. A cita será ás 9 da mañá na Praza da Veracruz, a continuación levarase a cabo o itinerario previsto que concluirá no Carballiño, onde os participantes celebrarán un xantar de confraternidade.

Os quads permanecerán expostos na Praza da Veracruz desde as 16,00 ás 18,30 h. Os quads proceden de toda Galicia e, según Juan Carlos Fernández, tiveron que pechar as inscricións ao terceiro día porque sobrepasaban o número de participantes previsto, que era de cincuenta.

Incluso, asegurou que podería haber ata cen participantes, pero que non o consideraron conveniente desde a organización. Tanto Juan Carlos como José Antonio Lama e Héctor Nogueira decláranse afeccionados a este tipo de vehículos de motor desde hai moitos anos, e organizan esa primeira xuntanza co obxectivo de dar a coñecer O Carballiño e a comarca, e aproveitar para pasar un día de lecer practicando este deporte en contacto coa natureza.

Así mesmo, agradeceron a colaboración do concello. Manuel Dacal tamén agradeceu a organización deste evento que dinamiza o turismo do Carballiño e o converte nun lugar idóneo para calquera práctica deportiva, como esta dos quads, e máxime, según dixo, cando esta fin de semana tamén terá lugar a concentración de coches superdeportivos así como un torneo de futbol sala no pavillón de deportes, o que garante a presencia de moito público na vila.

Doutra parte, tamén o sábado 25 de maio terá lugar a IV concentración de Superdeportivos Villa do Carballiño, que reunirá nas proximidades da Praza Maior do Carballiño a preto de cen coches de alta gama. Trátase dunha cifra récord neste evento, que foi presentado ao mediodía coa asistencia do concelleiro de Turismo e Deportes, Manuel Dacal, e os promotores da concentración, Santiago Pereira e Jorge Coca.

Para que non haxa dúbida da calidade dos vehículos desta concentración, durante o acto de presentación exhibíronse tres coches deportivos de alta gama: un Porsche, un Mercedes e un BMW de última xeración. Ademais, a esta edición acudirán por primeira vez integrantes do Club Soportal de Asturias, o que dá conta da proxección que está a ter este evento mesmo fóra de Galicia, segundo dixo Santiago Pereira.

Pereira tamén explicou o programa, que comezará o sábado 25 de maio ás 10,00 h., continuará a partir das 12,30 h., por un roteiro secreto da comarca; logo será a comida nunha carpa da Praza Maior ás 15,00 h., e pola tarde quedarán concentrados de novo os coches na Praza Maior.

Tanto Santiago Pereira como Manuel Dacal anunciaron a presenza de figuras moi coñecidas, e resaltaron o elevado custo dos vehículos participantes, que vai desde os 50.000 euros aos 500.000 euros. Mesmo pode acudir un coche que está valorado en 600.000 euros, segundo afirmaron.

Manuel Dacal agradeceu esta iniciativa, que atrae moita atención pola espectacularidade dos vehículos, e que é un incentivo turístico máis para O Carballiño. Por iso, felicitou aos organizadores.

O Monte do San Trocado, en San Amaro, acolle este sábado 18 de Maio a tradicional romaría que xunta a numerosos romeiros, sobre todo das parroquias de San Cibrán de Lás, Eiras, Laias e Ourantes, e doutras da contorna.

Ás 12:30 horas celebraráse a misa solemne na capela, e o xantar campestre estará amenizado coa música da charanga Europa. Haberá servizo de comidas, con pulpo, churrasco e carne ao caldeiro, xa pola noite a verbena no pobo de Andrade contará coa animación da charanga Europa e a orquestra Televisión.

E doutra parte, en Boborás, a parroquia de Santa María de Xuvencos celebra este 19 de Maio o segundo domingo da tradicional Festa das Mudacións, que conserva tradición do intercámbeo de imaxes entre a capela de San Antonio de Boborás e a Igrexa Parroquial de Xuvencos.

Ás 11 da mañá será a misa na capela de Boborás e de seguido sairá a procesión con destino á Igrexa Parroquial, co acompañamento dos gaiterios Os Alegres de Pontevedra. Depois, ás 12:30 do mediodia celebraráse a misa solemne na igrexa parroquial, cantada polo Orfeón do Carballiño.

Ás seis da tarde haberá Xogos para nenos no campo da festa da Almuzara, onde se iniciará a verbena a partir da noitiña coa orquestra Capitol.

O alcalde de Maside vai poñer a disposición da parroquia de Santa Comba dos terreos necesarios para a obra de ampliación do cemiterio parroquial

O alcalde José Manuel Iglesias ultima os trámites para entregarlles unha superficie suficiente para o aumento da capacidade da necrópole.

É unha vella demanda desta freguesía que nunca tiña callado polas especiais características que posúen precisamente os inmobles que circundan o camposanto. Este ubícase no adro da igrexa románica situada no centro do núcleo rural de Santa Comba, con numerosas edificacións que a protexen a modo de gardiáns, algunha delas en mal estado.

A demanda vén provocada polo reducido espazo do adro e polas características das sepulturas. Agora José Manuel Iglesias dá un pulo definitivo ó “traballo iniciado polo meu predecesor Celso Fernández e nestes días, por fin, elevaremos a pública a documentación e procederase ó rexistro do terreo”.

A área de urbanismo municipal do concello xa valorou a capacidade da superficie para albergar varios panteóns de acordo coas condicións que marcan as cautelas impostas polo templo, patrimonio dun enorme valor cultural.

O rexedor masidao agradece "enormemente a disposición extraordinaria dos propietarios, que valoraron moito esta necesidade parroquial, e sen a cal non sería posible poder acadar esa ampliación", remarca Iglesias.

O día 17 de Maio o BNG celebra un acto público en Berán no que participará a Depurada do BNG no Parlamento de Galicia, Noa Presas.

Ás 19:00 faráse unha visita as novas instalacións balnearias e aboradaráse a situación actual das mesmas.

Ás 20:30, nas antiguas escolas do Pazo está programado un acto no que intervirán Noa Presas, Xacobe Ribeiro (candidato á alcaldía de Leiro) e Pura Álvarez (candidata á presidencia da Entidade Locar Menor de Berán)

A candidatura nacionalista para o 26-M no concello de Leiro renóvase coa presenza de Xacobe Ribeiro como candidato á alcadía e Rebeca Paz no segundo posto, mentre que o actúal concelleiro e histórico do BNG Luis Pérez "Ficol" pecha a lista de forma simbólica.

1 - Xacobe Ribeiro Vázquez
2 - Rebeca Paz Vázquez
3 - Marcelino Sanmarful Rodríguez
4 - Purificación Álvarez Vázquez
5 - José Miguel Vázquez Montes
6 - Benigno García Rubio
7 - Ramón Hermida Borrajo
8 - Carmen Montero González
9 - Luis Pérez Estévez "Ficol"

Do 13 ao 19 de maio, o concello do Carballiño ten programadas unha ducia de actividades para conmemorar a Semana das Letras Galegas. Entre estas iniciativas figuran obradoiros, contacontos, concertos, teatro e unha exposición fotográfica, que se desenvolverán ao aire libre, na bilblioteca, no auditorio municipal, no concello e nos centros educativos.

Así mesmo, distribuirase un marcapáxinas de homenaxe a Antonio Fraguas, a quen se lle dedica o Día das Letras Galegas 2019.

Na Biblioteca Municipal haberá un obradoiro de carautas de Antonio Fraguas, o luns 13 ás 18,00 h.; unha xincana infantil o martes 14 á mesma hora; o mércores 15 un contacontos, tamén ás 18,00 h., e o xoves 16 ñas 12,00 h., lectura de fragmentos da obra “Os vellos non deben de namorarse”, de Castelao, pola aula de Teatro do Instituto Chamoso Lamas.

O Conservatorio Profesional de Música programa para o martes 14 de maio, ás 20,00 h., no auditorio municipal, un concerto do alumnado conmemorativo do Día das Letras Galegas.

O xoves 16, ás 20,00 h., na Praza Maior, o concello programa en colaboración coa Deputación de Ourense a performance “A viaxe do afiador”, pola Asociación Cultural Plan-B-Grupo de Teatro. Historias contadas por un afiador, un cego e unha meiga.

O venres 17, Día das Letras Galegas, o concello programa en colaboración co Círculo Poético Ourensán un concerto-recital de poesía e música. Será ás 12,00 h., na Praza Maior.

E o mesmo día, pola tarde, o Centro de Estudios Chamoso Lamas presenta no salón de actos do Casino ás 19,30 h., o libro “Cemiterios Esquecidos: O fenómeno tumulario na comarca do Arenteiro”, de Jorge Lamas.

Finalmente, o 18 e 19 de maio, terá lugar o Maratón Fotográfico O Carballiño, que organiza a Asociación Fotográfica O Potiños en colaboración co concello e o Centro Comercial Aberto.

Así mesmo, exhíbese no concello unha exposición sobre a obra de Antonio Fraguas, a quen se lle dedica o Día das Letras Galegas 2019.

E o concello editou un marcapáxinas para distribuir nos centros educativos e entre a veciñanza de homenaxe a Antonio Fraguas.