A conselleira de Infraestruturas e Mobilidade, Ethel Vázquez, acompañada pola delegada territorial da Xunta en Ourense, Marisol Díaz, asinou co alcalde de Beariz, Manuel Prado, un convenio de colaboración para mellorar a seguridade viaria da rúa Benito Táboas, cun investimento de máis de 55.000 euros.

O obxectivo desta colaboración do departamento de Infraestruturas da Xunta coa Administración local é executar os traballos necesarios na mellora da accesibilidade e seguridade viaria desta rúa integrada no núcleo urbano do concello e que transcorre paralela á estrada autonómica OU-212, A Ermida – Beariz.

Esta rúa constitúe a única vía alternativa posible para desviar o tráfico que transita pola estrada de titularidade autonómica, algo que sucede cando é necesario realizar nela traballos de conservación e, sobre todo e dende hai décadas, durante as festas patronais que se celebran no mes de agosto, e que ocupan a calzada da OU-212 durante varios días.

Tratase dunha actuación que permite a rehabilitación do firme desta rúa, de modo que o tránsito por ela sexa en condicións de seguridade para vehículos e persoas. As tarefas a executar no marco deste convenio comprenden os traballos necesarios para a correcta drenaxe desta vía, de modo que o tránsito pola rúa sexa axeitado e minimice o deterioro do firme, así como as tarefas de conservación do firme co estendido de mestura bituminosa en quente.

Mediante o convenio, o departamento de Infraestruturas da Xunta comprométese a financiar as obras de mellora, e concello asume a obriga de levar a cabo as actuacións necesarias para a correcta execución das obras, así como á contratación, execución, dirección, control e recepción das obras.

Ciudadanos desembarca nestas próximas eleccións municipais no concello do Carballiño.

Faino cunha candidatura que "representará un relevo xeneracioal necesario e despois de comprobar que nos últimos anos sempre se presentan os mesmos", dixo o seu candidato á alcadía Jorge González Quesada, un empresario do sector do transporte de mercancias.

Acompañaráno nos seguintes postos dúas mulleres, Maria Soledad Aguiño no 2º posto e Ana Pérez no 3º lugar desta candidatura do partido laranxa para a convocatoria electoral do 26 de Maio no concello do Carballiño.

Cando as negociacións parecía que poderían culminar con éxito, as mesmas quedaron rotas na tarde deste pasado lúns.

Empresa e os representantes dos traballadores volverán reunirse o próximo dia 22, para esa data se non houbese acordo a convocatoria de folga pasaría a ter carácter indefinido na factoría de GRI Towers Galicia no parque empresarial do Carballiño.

"Queremos traballo e salarios dignos na nosa terra" coreaban os manifestantes nesta mañá de martes polas rúas máis céntricas do Carballiño.

Modesto Ratón, representante do traballadores, manifestaba en COPE O Carballiño que "esta é unha batalla que temos gañada na loita polos nosos dereitos coa forza de todos os compañeiros".

Asi o confirmou hoxe en COPE O Carballiño o secretario xeral desta formación política de corte galeguista, Juan Carlos Piñeiro.

Ana Morgade Durán será a candidata á alcaldía de CompromisoXGalicia para as eleccións municipais do 26-M no concello do Carballiño "unha muller que aportará savia nova á política municipal", manifestou Piñeiro.

Compromiso por Galicia tamén avanzou, por medio do seu Secretario Xeral no que foi a súa intervención nesta emisora de radio, que presentará candidaturas nestas próximas eleccións municipais en varios concellos da Comarca.

En Punxín o cabeza de lista será o coordenador comarcal de CXG Eladio Fernández, en San Amaro lidera a candidatura Gonzálo Fernández, no concello de Maside o candidato á alcaldía será Antonio Manuel Iglesias, e no concello de Avión encabezará a candidatura Aladino Graña Bugallo, un empresario retornado de México.

Ciudadanos tamén se suma á carreira electoral no concello do Carballiño

Este martes 16 de Abril, dia de feira no Carballiño, é a data elixida por Ciudadanos para presentar a súa candidatura para os comicios locais no concello do Carballiño. 

A falta de confirmación oficial, todas as fontes consultadas apuntan a Jorge González, un empresario carballiñés do sector do transporte, como cabeza de lista do partido laranxa.

Comezou a programación da Semana Santa da Cofradía da Veracruz coa celebracións das dúas primeiras das sete procesións que terán lugar ata o Domingo de Pascua, polas principais rúas e prazas do Carballiño.

A do Traslado da Virxen Dolorosa do pasado venres, e a Litúrxica de Ramos este domingo contaron coa colaboración do tempo, que favoreceu a súa solemnidade e participación, na deste domingo co acompañamento da banda de música da BRILAT "Galicia VII", que abarrotou o Templo da Veracruz.

Precisamente, a previsión meteoroloxía é a principal preocupación para o resto da semana, pendientes da choiva para O Via Crucis do mércores, asi como as 3 procesións programadas para o Xoves e Venres Santos, as procesións grandes da Semana Santa Carballiñesa. Xa cara o domingo de Pascua melloran as previsións para a que será a última das procesións da Cofradía da Veracruz.

A Subida á Saleta congregou na tarde deste sábado dia 13 de Abril a varios miles de afeccionados ao automobilismo, que se achegaron ata O Carballiño para gozar da mítica proba do calendario galego de montaña, que levaba tempo sen celebrarse e lograron recuperar este ano un grupo de entusiastas carballiñeses co apoio do concellos do Carballiño e Boborás e a Federación Galega de Automobilismo.

Para a xornada dominical agárdase con expectación a continuidade desta competición automobilística, que tivo este sábado á choiva como convidada non esperada.

Xa pola noite, o espectáculo do motor deu paso á música tradicional, coa Foliada organizada pola A.C. Avantar, tanto na rúa como en varios locais da hostelería local.

Dato histórico, por vez primeira na historia do EGM unha emisora de radio que non está localizada nunha das grandes cidades e áreas metropolitanas de Galicia cólase entre as 3 máis escoitadas en horario de programación local, de 13 a 15 horas de lúns a venres.

Asi o certifica esta última entrega do "Estudio General de Medios", a programación de mediodia de COPE O Carballiño sitúase como a terceira con máis audiencia entre as máis de cen emisoras de radio de todas as grandes cadeas -COPE, SER e ONDA CERO- repartidas por toda Galicia e que emiten programación local, no mesmo horario.

No 9.91 da FM infórmanse a diario do que acontece no Carballiño e Comarca 8.000 oíntes, según acredita o EGM, aos que hai que sumar os que sintonizan esta emisora de radio a través de Internet, e CopeCarballino.es rexistra unha media de 5.000 usuarios únicos.

Ademáis, a de COPE O Carballiño, é a programación local de mediodia con máis audiencia entre todas as emisoras da CADENA COPE en Galicia.

No ámbito comarcal O Carballiño-O Ribeiro, COPE O Carballiño é o medio líder absoluto en audiencia, un liderazgo radifónico que agora se reforza con estes datos actualizados no EGM.

No salón de actos o Aparthotel Arenteiro que se atopaba cheo, foi presentado Celso Carballal Gómez, coñecido empresario durante moitos anos no Carballiño, como número 2 da lista dos Populares.

Arroupado por Rosendo Fernández, secretario Xeral do PPOU, e por Argimiro Marnotes, presidente do PP do Carballiño, foi o propio Ricardo Perea, candidato á alcaldía, quen o presentou como “unha persoa honrada, traballadora e cercana, cunha experiencia e coñecemento de todo o territorio tanto urbano como rural, e das súas necesidades en infraestruturas".

“Non pode, un alcalde como no mandato actual, ser o propio concelleiro que xestione o día a día das melloras en obras, pois para iso necesítase unha dedicación especial, e xa non digamos coñecemento e oficio”, destacou Ricardo Perea, que ademáis aproveitou para dar uns avances sobre cales van a ser as líñas xerais do programa electoral do Partido Popular.

Celso Carballal advertiu que non se incorpora para dar grandes conferencias, senón que para traballar codo con codo, sendo un mais da brigada de obras, para transformala nunha ferramenta o mais moderna e útil posible e resolver xunto con eles, os problemas do pobo e dos veciños.

Traballará para que "no prazo dos 4 anos de mandato os 97 km de viais municipais esteen en perfecto estado de reposición e se garanta por parte do concello o seu mantemento alomenos durante os 10 anos seguintes, e todo sen distinción de barrio, parroquia ou pobo", subliñou.

Rosendo Fernández, dixo de Celso Carballal, que o coñece por agora “pola súa firme decisión de incorporarse activamente á política municipal, que xa non é pouco, ver que alguén se aparte dunha zona de confort persoal para dedicarse a mellorar a vida dos seus veciños”.