Son xa cinco os candidatos coñecidos e confirmados para optar á alcaldia do Carballiño o dia 26 de Maio.

O último, de momento, en situarse na carrreira electoral é Pachi Vázquez, que será o candidato de Espazo Común, a formación política que él mesmo fundou tras darse de baixa no PSOE. 

Antes, fixérono outros tres candidatos, o actual concelleiro Bernardo García como cabeza da lista de Alternativa Veciñal , o actúal alcalde Francisco Fumega que busca a reelección para o Partido Socialista, e Ricardo Perea, candidato do Partido Popular e ata o de agora o único entre os candidatos que se estrea como tal.

No transcurso da semana, a Asamblea Local do BNG confirmará a Chema Ferreiro para repetir como candidato pola formación nacionalista, con él no nº 2 da candidatura irá a tamén actúal concelleira Sofia García.

De momento son cinco candidatos, pero non se descarta que nos próximos dias ou a última hora, o prazo remata o dia 22 deste mes de Abril, poida incrementarse esta oferta electoral no concello do Carballiño, de concretarse as posibles candidaturas de Ciudadanos e En Marea.

Asi o confirmou o alcalde e candidato á reelección Francisco Fumega no transcurso dunha intervención nesta emisora de radio, optando por dúas persoas da súa confianza con experiencia na vida política municipal no concello carballiñés para acompañálo nos primeiros postos.

O número dous da candidatura socialista será o actúal concelleiro de turismo e deportes Manolo Dacal, e no terceiro posto irá a tamén actúal concelleira Rita Soto, responsable da área económica no actúal goberno de Fumega, e chamada a asumir novas responsabilidades no caso de que os socialistas sigan gobernando no próximo mandato municipal.

Fumega tamén anunciou que o cuarto posto da lista está reservado para outra muller.

Ademáis da Ministra, o alcalde Francisco Fumega e a candidata nº 1 ao congreso Marina Ortega tamén tomaron a palabra neste "Encontro coa Cidadanía" celebrado no comedor do Restaurante Derbi do Carballiño "ateigado de numeroso público", valoran dende o propio PSOE.

A ministra galega no goberno de Pedro Sánchez destacou os acordos deste mesmo venres adoptados no Consello de MInistros para loitar contra o reto da despoboación do rural, con diversas medidas estratéxicas que inclúen un plan de dixitalización do ámbito xeográfico rural do que se beneficiarán os concellos con menos de 5.000 habitantes.

Tamén fixo referencia Nadia Calviño ao Real Decreto que permitirá aos concellos a destinar o superavit de 2018 a investimentos sostibles durante este ano 2019, ademáis da financiación de obras "gobernando para as persoas" e "destinando a servizos sociais o que antes estaban obrigados a dedicar a amortización de débeda", destacando que o goberno do que forma parte "é un goberno responsable que trata de compaxinar a ambición social coa xestión eficiente dos recursos públicos".

A candidata nº 1 ao congreso pola provincia de Ourense, a carballiñesa Marina Ortega asegurou que neste tempo que o PSOE leva no goberno "aumentaron as becas e as axudas en material escolar, revertironse os recortes da LOMCE e aumentaron as bolsas dos comedores escolares".

A concelleira carballiñesa tamén se referíu á aposta socialista por recuperar o rural e pedíu o apoio incondicional ao proxecto de Pedro Sánchez "`para non padecer máis os experimentos da dereita".

Tanto o alcalde do Carballiño, Francisco Fumega como o Secretario Xeral do PSdeG, Gonzalo Caballero, chamaron a unha movilización masiva cara as próximas citas electorais que "os socialistas encaramos con proxectos, programas e argumentos para lograr un pais mellor".

A Semana Santa do Carballiño terá por vez primeira unha procesión matinal o Venres Santo, e outra o domingo de Pascua. Unha será a procesión do Cristo da Boa Morte e celebrarase ás 12,00 h., con saída da capela do Sagrado Corazón, pasando por Praza Maior, Rosalía de Castro, Curros Enríquez, Antonio Palacios, Templo da Veracruz, Rúa dos Canteiros, Aldara, Praza Maior, e remate na capela do Sagrado Corazón.

E a outra é a Procesión da Resurrección, que se celebrará o domingo 21 de abril ás 12,45 h., con saída do templo da Veracruz e remate na igrexa parroquial. Esta é unha das novidades que ofrece o programa organizado pola Cofradía da Vera Cruz, que foi presentado esta mañá no concello, coa asistencia do alcalde do Carballiño, Francisco Fumega, e o cofrade maior Rafael Melero, actuando de presentador-moderador o locutor ourensán Vidal López.

Ao acto tamén asistiron o párroco do Carballiño, José Benito Sieiro; cofrades, integrantes da Cruz Vermella e numeroso público.

Seis procesións e un Vía Crucis procesional conforman este programa, que comezará o domingo 7 de abril, no templo da Veracruz, coa lectura do pregón a cargo do presidente do Parlamento de Galicia, Miguel Ángel Santalices, e finaliza o domingo 21 de abril.

As procesións son: O traslado da Nosa Señora de Doores, dende a igrexa parroquial ao templo da Veracruz, o venres, 12; a de Ramos, dende o templo da Veracruz, o 14 de abril; o Vía Crucis procesional arredor do templo da Veracruz, o mércores 17 de abril; a do Xoves Santo, dende o Asilo á Veracruz, e dúas o venres 19, unha pola mañá dende a igrexa do Sagrado Corazón e a tradicional “Dos Caladiños”, con saída e chegada no templo da Veracruz. Finalmente, o domingo de Pascua, 21 de abril, terá lugar a Procesión da Resurrección.

Estas procesións contarán coa participación dun elenco importante de Bandas, agrupacións musicais e cantantes. Concretamente, intervirán a Banda-Escola de Gaitas do Carballiño, Banda da Brigada Lixeira Aerotransportable “Galicia VII”, Real Banda de Gaitas de Ourense, Banda de Gaitas “Lembranzas da Terra” de Guillarei, Banda de Música A Lira de Ribadavia, Orfeón do Carballiño e Almudena Mosquera, Maribel López, Ilduara Perianes, Miguel Guillermo Sáez Sotelo, Christian Casas, Concepción Nanín, Elisa Novoa, Samino Otero, Mª José Rodríguez e Soledad Torres.

O gaiteiro carballiñés Isidro Vidal estrenará o mércores 17 de abril, ás 20,30 h., no templo da Veracruz, a obra “Vía de Fol”, durante o Vía Crucis Procesional, sendo o primeiro vía crucis composto para gaita que exista ata a actualidade.

Entre as novidades que se incorporan nesta próxima Semana Santa están un novo trono para a procesión do domingo de Ramos, que necesitará máis de trinta costaleiros para levalo, e unha nova imaxe, un neno hebreo, realizado polo mesmo taller de escultura e imaxinería de Sevilla que fixo A Borriquiña.

Francisco Fumega agradeceu o esforzo que realiza a Cofradía da Veracruz e que contibúe a dar realce á Semana Santa do Carballiño, tanto a nivel relixioso como cultural e incluso turístico. Dixo que nos últimos anos a nos vila estaba sendo un referente na programación de eventos de todo tipo, e que este programa que se presentaba complementa o propio programa cultural e deportivo do concello, situando á vila carballiñesa nun lugar destacado da oferta turística en Semana Santa.

Por iso, propuxo a posibilidade de pedir a declaración de Festa de Interese Turístico de Galicia para a Semana Santa do Carballiño. “Temos unha boa oferta termal, gastronómica, cultural, deportiva e tamén de actos relixiosos que, agás as cidades e vilas galegas que teñen unha Semana Santa recoñecida, moi poucos pobos poden ofrecer”, dixo ao respecto.

Rafael Melero, cofrade maior, recordou os doce anos de andaina da Cofradía da Veracruz, tomando o relevo dunha tradición centenaria do Carballiño, e resaltou sobre todo a incorporación da nova imaxe do neno hebreo, que era a cuarta imaxe adquirida pola cofradía. Así mesmo, agradeceu a colaboración da Cruz Vermella, do concello, da Deputación provincial e dos patrocinadores, A Fuchela, A Canivela Fritida, Cer&Ver, Pulpería Veracruz e Balgón.

Por segundo ano consecutivo, a Asociación Ourensana de Esclerosis Múltiple, Ela, Parkinson e outras enfermedades neurodexenerativas (AODEM) promove unha gala benéfica para colaborar no financiamento das actividades que programa.

Esta II Gala Benéfica Ourense Múltiple foi presentada nun acto ao que asistiron a concelleira de Benestar Social, Marina Ortega; a presidenta de AODEM, Susana Fernández, e a directora da Escola Municipal de Danza, Antía Pérez.

O evento, que será presentado por Cristina Maró, desenvolverase no auditorio Manuel María, a partir das 20,00 h., deste sábado, 30 de marzo, e contará coas seguintes actuacións: Conservatorio de Música do Carballiño, Escola de Danza Municipal do Carballiño, Grupo Orcellón O Carballiño, BachOU (Bachata Ourense), Moovett e Escuela de Baile Cuatro Pasos.

Marina Ortega destacou o carácter solidario desta gala, ademáis da calidade do programa de actuacións. Susana Fernández recordou que a recaudación ía destinada a dar continuidade ás actividades da asociación, e que as entradas poden adquirirse ao prezo de 5 euros en taquilla ou nas entidades colaboradoras, e que tamén haberá unha Fila 0, podendo realizarse o ingreso na conta bancaria ES91 0182 6853 9602 0155 8049, concepto: “Gala”.

Finalmente, Antía Pérez, que coordina o programa de actuacións, dixo que sería unha gala moi dinámica cunha duración de 1h 15mn, na que ían participar seis escolas e grupos de danza de Ourense e do Carballiño, así como o Conservatorio de Música do Carballiño.

O candidato, veciño de Salamonde e xa experimentado na política municipal de San Amaro, presentase "coa ilusión de cambiar a realidade deste municipio cheo de potencialidades sen explotar por parte dos sucesivos gobernos do PP".

Fausto Alén foi voceiro do PSdeG-PSOE na etapa comprendida entre 2007 e o 2011, cando estivo moi preto de arrebatar o goberno ao anterior alcalde. Daquela acadou o mellor resultado en moitos anos dun candidato que non fose do Partido Popular.

Entre as súas propostas fundamentais están "afrontar o problema acuciante do despoboamento, a mellora na eficiencia económica do Concello e facer un especial enfáse no benestar social como piares esenciais para fixar poboación".

A xeración de emprego, ao seu criterio, debería ser prioritaria e factible, dada a ubicación xeográfica deste enclave entre Ribadavia, O Carballiño e Ourense, o que debera facilitar o asentamento de novas empresas "para o que se fai imprescindible a activación dun área de chan industrial", subliñou.

O potenciamento do Centro de Interpretación Castrexa de San Cibrao de Lás, tamén forma parte do seu plan para a xeración de postos de traballo que permitan gañar habitantes ao concello.

Alén foi arroupado nesta reunión por unha trintena de simpatizantes do Espazo Común e contou co respaldo explícito no acto do seu presidente Pachi Vázquez.

O barrio de Toscaña de Arriba conta xa con trinta e seis novas luminarias dotadas con lámparas led, así como doce novos postes metálicos, que están sendo colocados estes días por unha empresa especializada neste tipo de instalacións eléctricas. Así mesmo, renováronse as líneas de tendido eléctrico.

Este proxecto, que ten un custo de 30.000 euros, é continuación doutros enmarcados no plan de mellora da eficiencia enerxética do alumeado público, e cuxo aforro no consumo eléctrico supera o 50% do gasto actual, ademáis de incrementar significativamente a luminosidade das rúas, barrios e parroquias do Carballiño.

A semana pasada tamén entraron en funcionamento 58 novas luminarias no paseo da Avenida do río Arenteiro, e tamén se substituiron 53 luminarias recentemente no barrio de A Uceira, onde se investiron 18.000 euros.

Nos dous últimos anos o cambio do sistema de iluminación xa se realizou nunha boa parte das rúas da vila, entre outras, nas rúas Xullo R. Soto, Conde Vallellano, Ourense, Martínez Avellanosa, Otero Pedrayo, Galicia e Calviño, ademáis de no polígono industrial e no parque empresarial.

Este plan de mellora da iluminación pública e aforro enerxético continuará ata completar o cen por cen das rúas da vila, según haxa dispoñibilidade orzamentaria, aseguran dende o Concello do Carballiño.