A titular do Xulgado de Instrución número 2 do Carballiño da por rematada a investigación sobre as contratacións de traballadores realizadas no Concello do Carballiño entre os anos 1999 e 2011, unha causa na que se encotran en calidade de investigados os exalcaldes Pachi Vázquez e Carlos Alberto Montes, asi como 3 exconcelleiros socialistas que formaron parte da corporación entre os anos anteriormente citados.

A Xuiza acorda neste auto que se siga a causa contra os cinco investigados polos feitos que se lles imputan fosen constitutivos de cinco delitos de prevaricación continuada.

A decisión xudicial foi dada a coñecer na tarde deste martes por parte do Tribunal Superior de Xustiza de Galicia.

Neste mesmo auto a xuíza decretou o sobresemento provisional sobre a presunta falsedade documental atribuída a Carlos Montes, tamén que o concello do Carballiño teña que personarse na causa como responsable civil subsdiario.

A xuiza instrutora determina que hai indicios de que os investigados, no exercicio dos seus cargos, subscribiron nos seus sucesivos períodos de mandato «un gran número de contratacións de persoal laboral de duración determinada para o desempeño de labores de competencia municipal». Concretamente foron sesenta os contratos de traballadores no concello do Carballiño que se realizaron durante eses anos e que foron obxeto desta investigación a instancias da Fiscalía.

Foron contratos temporais que acabaron converténdose en indefinidos que realizaron os exalcaldes e exconcejales dos gobernos socialistas sen atender, presuntamente, « aos principios de igualdade, mérito, capacidade e publicidade que deben inspirar a contratación pública», según manifesta o auto. Tamén se recolle no auto que os investigados, supostamente, coñecían «as advertencias e reparos de legalidade realizados en ocasións pola interventora e o secretario», recolle a instrutora, quen apunta que en ningún dos casos pediron «informes sobre a legalidade das contratacións que efectuaban».

A instructora tamén suscribe no auto que non puideron encontrarse os expedientes «da inmensa maioría dos contratos obrantes na causa», a pesar das procuras instadas polo xulgado ou o TSXG.

Non obstante, a xuíza aprecia indicios que apoiarían algúns dos argumentos utlizados polas defensas, que alegaron a inexistencia dunha regulagación específica dos procedementos de selección de persoal laboral temporal ao servizo da administración local antes do ano 2007.

A titular do Xulgado de Primeira Instancia e Instrución número 2 do Carballiño dá con este auto por concluida a instrución e acorda dar traslado ao Ministerio Fiscal e ás acusacións personadas para que no prazo de dez días formulen escrito de acusación, solicitando a apertura de xuízo oral, o sobresemento da causa ou de maneira excepcilnal a práctica doutras dilixencias complementarias.

O auto non é firme, xa que contra él cabe recurso, ante o propio xulgado do Carballiño e a Audiencia Provincial de Ourense, según aclara o Tribunal Superior de Xustiza de Galicia.

O gaiteiro e compositor oriundo de O Carballiño, comezou o 1 de xaneiro de 2018 o reto de compoñer e publicar de forma gratuíta en redes sociais unha peza musical ao día, con data de finalización en 31 de decembro de dito ano, o que bautizou como #composicion365 e que superaron as 40000 descargas.

Este proxecto foi presentando numerosos obxetivos, entre os que destacaban os didácticos, xa que aproveitaba para escribir pezas didácticas para os seu alumnos das diferentes escolas de O Carballiño, Boborás, Cea, Ourense, O Porriño e A Cañiza onde imparte aulas de música tradicional, ou os facía partícipes das gravacións das mesmas.

Durante varios meses, ofreceu a posibilidade de adicar as pezas a aqueles que lle propuxeran catro notas de comezo para a respectiva canción, facendo así un subreto #4noteschallenge #reto4notas, que consistía en elaborar unha peza a partir das 4 notas que lle propoñían, que acadou bastante éxito por parte do público.

Asemade, algunhas destas pezas foron gravadas por músicos de renome como David Bellas (Galiza), Santiago Molina – Santigaitero (Bos Aires), Brighde Chaimbeul (Escocia), Rodrigo Joglar e Javier Menéndez (Asturies), Yuki Kojima (Xapón), Tiago Morais (Portugal), Rémi Decker (Bélxica), Luis A. Pedraza (Zamora), René Stauffenegger (Suiza), Efraím Díaz (Lugo.

O mundo da composición chamoulle a atención xa de ben novo, e é que dentro do seu catálogo privado atopamos a primeira peza escrita con nove anos, e durante estes últimos anos ten publicado pezas da súa autoría coas editoriais Edicións do Cumio, Dos Acordes, a produtora audiovisual Noveolas, así como varios traballos autoeditados por el mesmo (Muiñeira do Pulpo, 2018) ou por diferentes bandas de indie das que foi partícipe nestes últimos anos.

Parte deste traballo, poderase ver reflexado no seu primeiro disco en solitario, que acaba de empezar a gravar, e que verá a luz durante os próximos meses, onde a música tradicional e folk, serán levados polo camiño das músicas urbanas actuais.

A Deputación de Ourense colabora cun estudo que analizará a situación socioeconómica do territorio que abrangue a Denominación de Orixe Ribeiro, así o explicou hoxe no centro cultural "Marcos Valcárcel", o presidente da Deputación de Ourense, Manuel Baltar, e o presidente da D.O. Ribeiro, Juan Manuel Casares. Esta iniciativa, que afondará polo miúdo na cadea de valor do viño e do enoturismo nos catorce concellos da provincia que forman parte desta Denominación, permitirá "analizar o territorio produtivo, os indicadores económicos, e tódolos recursos potenciais desta Denominación de Orixe, así como trazar un plan estratéxico para o sector que serva de folla de ruta para os vindeiros anos", explicou Manuel Baltar.

Neste mesmo sentido, o presidente da Deputación de Ourense destacou o compromiso do goberno provincial co sector vitivinícola de Ourense, eixo estratéxico da nosa economía, a través de numerosas mostras de colaboración como "as axudas directas para os Consellos Reguladores das catros Denominacións de Orixe da nosa provincia, que a Deputación de Ourense concede desde o ano 2016, para axudalos nas súas funcións e no desenvolvemento das súas competencias, froito do estudo do proxecto "Promercado" que presentamos no ano 2015 en colaboración coa Universidade de Vigo, centrado na posta en valor dos produtos endóxenos da nosa provincia, porque debemos buscar o futuro nas nosas raíces, nos produtos da nosa terra", explicou o presidente da Deputación de Ourense.

Así mesmo, a institución provincial colabora tamén puntualmente con "outras accións específicas de apoio á organización de Feiras do Viño e como colaboradores das catro Rutas do Viño, así como a colaboración nos últimos catro anos coa Evega en formación e transferencia ao sector vitivinícola en 16 accións formativas que beneficiaron a uns 1.000 alumnos", explicou Manuel Baltar.

O presidente do goberno provincial agradeceu a Juan Manuel Casares, como presidente da segunda Denominación de Orixe máis antiga de España, que contase coa Deputación de Ourense para colaborar con este proxecto "no que un grupo multidisciplinar, das tres Universidades galegas, avaliará e pescudará as posibilidades desta Denominación e marque a súa folla de ruta", sinalou o presidente da Deputación de Ourense.

Este estudo será executado por un grupo de investigación "Economía Agroalimentaria e Medioambienta. Desenvolvemento Rural e Economía Social" (ECOAGRAOSC) que coordinará Edelmiro López. O grupo estará constituído por dez mestres pertencentes ás tres Universidades Galegas, implicándose os departamentos das áreas de Economía, Socioloxía e Políticas Agraria, de Empresas e Marketing. "Este cadro de investigadores é unha garantía científica e académica do traballo que se vai a desenvolver", sinalou Juan Manuel Casares.

O estudo xorde da necesidade de facer "unha diagnose polo miúdo do que está a acontecer no tecido socioeconómico da nosa Denominación, e para elaborar un plan estratéxico que nos permita afrontar o futuro con garantías", explicou Juan Manuel Casares. Este proxecto implica tamén valorar a estrutura económica deste territorio co fin de obter as claves para o mellor aproveitamento de tódolos recursos patrimoniais, económicos e paisaxísticos da zona.

A Denominación de Orixe Ribeiro conta actualmente con 115 adegas, 5.700 viticultores e máis de 2.200 hectáreas de viñedos inscritas e "a principal diferenza que presenta a nosa Denominación, fronte ás demais Denominacións galegas, é que o viño na nosa comarca é o verdadeiro motor económico", matizou Juan Manuel Casares, quen dixo que "falar do viño de Ribeiro é falar dun produto senlleiro e bandeira de Ourense".

O Carballiño vivíu na tarde deste sábado 5 de Xaneiro a Cabalgata máis vistosa que se recorda en anos, cun espectáculo de benvida á Melchor, Gaspar e Baltasar, que foi seguido por varios miles de persoas.

Nenos e maiores gozaron dun espectáculo creado para a ocasión, e de forma espefícica para a Torre do Templo da Veracruz, combinando lume, pirotecnía artística e música.

Despois, os reis magos e os seus paxes, entre eles o DJ TIbu, que non deixou de animar durante toda a tarde, protagonizaron a tradicional cabalgata polas rúas máis céntricas do Carballiño, ata achegarse finalmente á casa do concello.

Dende o balcón do consistorio, primeiro o alcalde Francisco Fumega, e logo o rei Melchor, saudaron a todo o numeroso público, que abarrotaba a Praza Maior.

Sen dúbida o bo tempo, e a coincidencia da cabalgata en sábado, contribuiron á afluencia de público, que tamén podía verse no comercio e a hostelería local nesta xornada.

O Carballiño volve recuperar a segunda posición ente os concellos con máis habitantes da provincia, tras a capital. Unha condición que perdera a finais do século pasado en favor do concello de Verín.

Tras a última actualización do padrón de habitantes, que ven de publicar o INE, o concello do Carballiño consigue incrementar a súa poboaccion en 85 persoas, o que sitúa o padrón municipal en 13.939 habitantes. O do Carballiño é o segundo concello da provincia que máis incrementa a súa poboación, tras o de Barbadás, tan so nove concellos consiguen aumentar a súa poboación no transcurso do último anos, entre os 92 municipios da provincia. Tras varios anos de caída, O Carballiño consigue parar esa tendencia negativa.

Os outros oito concellos da comarca carballiñesa perden poboación, no seu conxunto 266 habitantes menos.

O que máis perde, Boborás, cun descenso de 68 habitantes, seguido de San Cristovo de Cea que perde 50 e O Irixo, 42 habitantes menos. Piñor retrocede 32 habitantes, Maside ten 30 habitantes menos que fai un ano atrás, San Amaro perde 21, Punxín 14 e Beariz 9, respectivamente.

Se temos en conta o incremento do Carballiño, concluirémos que no cómputo da Comarca o retroceso do padrón de habitantes é de 181, a menor caída dos últimos anos.

A Cabalgata dos Reis Magos deste novo ano 2019 pode ser unha das máis espectaculares que se teñan celebrado no Carballliño. Así, un gran espectáculo de fogo, pirotécnia, luz e son, que terá lugar na torre da Veracruz, precederá ao comezo da Cabalgata dos Reis Magos este sábado, 5 de xaneiro.

Trátase dun espectáculo novidoso que combina fogo ignífugo, pirotécnia, luz e son nun entorno tan sobresaínte como o templo da Veracruz, e máis concretamente, a súa torre e almenas. Este espectáculo comezará ás 6 da tarde, e terá unha duración aproximada de 15 minutos, para dar a saída nese intre, ás 18,15 h., á Cabalgata dos Reis Magos, cuxas maxestades aparecerán baixo portada da torre do interior do templo e subiranse ás respectivas carrozas, que estarán situadas fronte á fachada principal, na Avenida Evaristo Vaamonde.

CABALGATA DE REIS

Haberá tres carrozas, unha por cada Rei Mago. A carroza de Melchor encabezará a comitiva, e seguiranlle as carrozas de Gaspar e Baltasar. As tres carrozas irán profusamente ornamentadas e iluminadas para a ocasión, e a carroza do medio tamén levará un equipo de son cun paxe-DJ, que terá a misión de realizar a animación musical durante todo o traxecto da cabalgata. Así mesmo acompañarán aos Reis Magos nas súas carrozas uns corenta paxes, entre os que haberá nenos e mozos de Aspadisi. O percorrido da cabalgata, que terá unha duración aproximada dunha hora, realizará o seguinte traxecto: TEMPLO DA VERACRUZ (Avenida Evaristo Vaamonde), CONDE VALLELLANO, ROSALÍA DE CASTRO, MARÍA MOSQUERA, RIBEIRO E CESÁREO TIZÓN, para chegar á PRAZA MAIOR, fronte ó Concello, onde as súas Maxestades descenderán das carrozas para subir ao salón de plenos e realizar os correspondentes saúdas, xunto co do alcalde, dende o balcón do concello. E a continuación recibirán personalmente aos nenos e nenas que o desexen.

EXHIBICIÓN DA ESCOLA DE DANZA

Nesta tarde máxica previa á noite de Reis, haberá tamén unha exhibición de danza que precederá ao espectáculo de fogo, pirotécnia, luz e son, e á Cabalgata de Reis. Terá lugar ás 5 da tarde no auditorio da Praza da Veracruz, e correrá a cargo dos alumnos e alumnas da Escola Municipal da Danza.