Manuel Prado, outro dos alcaldes máis veteranos na comarca e provincia, confirmou en COPE O Carballiño que volverá ser o candidato do Partido Popular nas eleccións municipais de 2019.

O rexedor municipal bearicense ven gobernando este concello con sucesivas maiorias absolutas dende o ano 1983.

Prado terá agora máis tempo para dedicarse á alcaldia bearicense, toda vez que "este 31 de Decembro xubílome como profesor no IES Chamoso Lamas, desta maneira teréi máis tempo para a familia e para o concello, é unha decisión que tiña moi madurada dende fai agora dous anaos".

O Concello de Maside pon en marcha a súa programación navideña, que inclúe as seguintes actividades.

CAMPAÑA DE RECOLLIDA DE XOGUETES:
Un ano máis o Concello de Maside co departamento de Servizos Sociais á cabeza recollerá tódolos xoguetes, xogos,... que os nosos/as cativos/as queiran donar para os máis necesitados. A recollida farase ata o día 4 de xaneiro.

XIIº CAMPAMENTO DE NADAL:
Esta actividade está dirixida a rapaces e rapazas de entre 3 e 12 anos do Concello de Maside e dará comezo o próximo día 24 de decembro rematando o 4 de xaneiro. Levarase a cabo no Colexio da Alameda de Maside en horario de luns a venres entre as 10,30 e as 13,30 horas. Realizaranse actividades como: xogos, manualidades (pintura, barro, papel-maché, adornos de Nadal,...), teatro, baile, ... A cota de inscrición é de 12 €/empadroado, 15 €/non empadroado.

CONCERTO “CANCIÓNS PARA NENAS E NENOS” DE MARÍA DO CEO:
Actividade dirixida a nenas e nenos, así como familias que queiran disfrutar da maravillosa voz da cantante MARÍA DO CEO. Terá lugar o domingo día 23 de decembro ás 19,00 h na pranta baixa do Antigo colexio da Alameda. Totalmente gratuito.

EXCURSIÓN A PAZOLANDIA:
Esta excursión ao recinto ourensán de xogos e atraccións está prevista para o venres día 28 decembro. A saída realizarase da Alameda de Maside ás 10,30 horas retornando ás 14,00 horas. Os menores poderán ir acompañados dun adulto (1 adulto por cada 2 nenos/as). Para formalizar a reserva de praza deberán entregar debidamente cuberto o formulario que aparece ao dorso desta carta nas Oficinas de Servizos Sociais e abonar a cota: 5 €/nenos empadroados e 7 €/adultos e nenos non empadroados, antes do día 27 de decembro ( o prezo inclúe entrada e transporte).

BELÉN VIVIENTE DE DACÓN
O martes día 25 de decembro, na Carballeira da Garrida, terá lugar a 31ª Edición do Belén Viviente, que organizan os nosos vecinos de Dacón.

Os portavoces socialistas nos concellos de Piñor, San Amaro e O Irixo protagonizaron unha comparecencia conxunta ante os medios na que puxeron de manifesto "graves deficiencias no funcionamento da entidade supramunicipal que agrupa, na actualidade aos tres citados concellos, ademáis dos de Boborás e Beariz, nestes últimos o PSOE non conta con representación nas súas respectivas corporacións.

Os socialistas aseguran que de forma habitual prodúcense atrasos no pago das nóminas ao persoal da Mancomunidade, unha situación que xa foi tamén denunciada públicamente polos propios traballadores no transcurso dos últimos dias, e mesmo falan de "discriminación entre traballadores, porque unhos cobran antes ca outros".

A deficiente xestión na Mancomunidade tamén afecta aos proveedores "con moitos impagos e inculmplindo sistemáticamente os prazos de pagamento", denuncian os socialistas.

Culpan directamente ao  Presidente da entidade intermunicipal, Manuel Cerdeira, que ademáis é tenente de alcalde no concello do Irixo, de levar á Mancomunidade a ser "un chiringuito con finalidades electoralístas, cun gran aumento na plantilla de traballadores durante o actúal mandato, case todos eles do Irixo, o que agocha unha estratexia electoral cara os comicios municipais", dixo Iago Fariñas, portavoz socialista no Irixo.

"Hai xente en Piñor que non recibe o servizo de axuda no fogar, a pesar de que hai horas libres sobrantes, querémos saber as razósn", subliñou Francisco Fraga, que calificou como de moi deficientes os servizos que presta a Mancomunidade aos concellos "ademáis de moi costosos".

Os socialistas anunciaron unha serie de iniciativas de control na xestión da Mancomunidade "para que respecten os nosos dereitos de acceso á información", concluiron.

Foi no transcurso dunha interveción nesta emisora de radio, na que o alcalde de Cea mostrou a súa dispoñibilidade para repetir como candidato do Partido Popular no concello de San Cristovo de Cea para as eleccións municipais de 2019.

José Luis Valladares asegurou que a dia de hoxe non recibíu ningunha directriz a este respecto por parte do Partido Popular e mostrou a súa predisposición "se o Partido Popular pensa que é o momento de renovación por mín encantado e non vai haber problema ningún, e se me dín que teño que seguir, seguiréi encantado".

Valladares aproveitou ademáis esta entrevista en COPE O Carballiño para mostrar a súa satisfacción porque "xa son moitos os anos traballando pola xente do noso concello e penso que o balance e moi positivo, son moitos máis as cousas boas que se fixeron que as malas, e creo que asi o recoñece a maioría da xente do concello".

Comprar neste Nadal en calquera dos centros comerciais adscritos ao CCA ten premio e agasallos. Así o amosaron o presidente e a xerente do Centro Comercial Aberto, Julián Garriga e Noelia Mares, respectivamente, e o concelleiro de Promoción Económica, Adolfo Nogueira, durante a presentación do programa elaborado por esta entidade para desenvolver nestas datas.

Desde o pasado 14 de decembro, os establecementos inscritos no CCA entregan unha serie de boletos cos que se pode optar a algún dos premios en vales de compra que se adxudicarán co sorteo de Reis, así como pases para realizar un percorrido nun tres turístico ou xogar en colchonetas hinchables.

En total, o CCA repartirá 1.400 euros en vales de compra: Dous de 250 euros, coincidentes cos números do 1º e 2º premio da Lotería de Reis; e 18 vales de 50 euros, coincidentes coas catro últimas cifras do 1º e 2º premio da mesma lotería de Reis.

O tren turístico realizará tres percorridos diferentes polas rúas da vila os días 22 e 23 de decembro, en horarios de mañá e tarde.
Tamén se instalarán colchonetas hinchables en tres prazas da vila o día 4 de xaneiro, víspera da cabalgata de Reis.

O campamento ROBOCCAMB, de robótica e medio ambiente, desenvolverase os días 26, 27 e 28 de decembro, e 2, 3 e 4 de xaneiro.

E finalmente, o 22 de decembro fallarase o concurso de escaparates que terá dous premios consistentes nun cheque e un detalle conmemorativo para os mellores escaparates.

Adolfo Nogueira destacou a importancia do comercio local para O Carballiño, e fixo fincapé na gran oferta comercial da vila, que se intensifica durante estas festas, e que por iso esta campaña resulta esencial. Asi mesmo, diulle a enhoraboa aos directivos do CCA polo excelente traballo que desenvolven e, en concreto, por este programa.

Julián Garriga asegurou que dende a directiva do CCA estábase a facer todo o posible por mitigar os efectos da crise do comercio, e que o programa do Nadal ía encamiñado nesta dirección, con moitas iniciativas que fosen de interese para incrementar o atractivo de mercar no Carballiño.

Noelia Mares amosou a súa satisfacción por contribuir á dinamización do pobo e desglosou o programa de actividades, incidindo en que mercar no Carballiño neste Nadal ten premio. Por iso, destacou que para elaboralo pensouse tanto nos propios comerciantes como nas familias e nos clientes.

O concello de San Cristovo de Cea contará cunha achega económica por importe total de 118.000 euros concedidos pola Deputación en materia de cooperación cos concellos da provincia.

Asi ven de aprobálo a xunta de goberno da entidade provincial atendendo dúas solicitudes presentadas polo alcalde José Luis Valladares, unha delas para a obra de ampliación do local social de Mandrás, que recibe unha subvención de 18.000 euros, mentres que para o proxecto de electrificación do parque empresarial do Fondo de Cea a Deputación acorda una axuda de 100.000 euros.

Pola súa parte, o concello de Boborás resulta beneficiario dunha achega económica que ascende a 125.000 euros, que destinará ao proxecto construcción do futuro centro multiusos , a ubicar no edificio das antigas casas dos mestres, no recinto do Colexio Público de Boborás, un proxecto que no seu conxunto supera os 400.000 euros.