5, Novembro 2018

Ata 3 accidentes de tráfico se rexistraron esta mañá no Carballiño, que se saldaron con 3 persoas feridas que foron trasladadas ao Complexo Hospitalario Universitario de Ourense.

De forma cronolóxica, o primeiro percance rexistrábase ás oito e cuarto da mañá na Avenida de Compostela, no paso de peóns a altura da rúa Serra Martíña e a rúa Castelao, onde resultou atropelado por un vehículo un home,  J.R.V., natural de Leiro aínda que na actualidade con veciñanza na Avda do Balneario do Carballiño.

Tamén no trasncurso desta mañá de lúns, foi atropelada unha muller, neste caso na rúa Evaristo Vaamonde, nas inmediacións do Supermercado Eroski.

O outro accidente foi en forma de saída de vía dun automóbil, ás nove e media da mañá, na estrada  OU-504, ao seu paso polo Parque Empresarial do Carballiño.

Os operativos de emerxencias mobilizaron a Policia Local, Garda Civil, Grupo Municipal de Emerxencias e os servizos sanitarios do 061.

Foto: Grupo Municipal de Emerxencias do Carballiño.

2, Novembro 2018

O conselleiro de Economía, Emprego e Industria, Francisco Conde, visitou o programa integrado de emprego do Carballiño, Carbaemprega 2017, unha iniciativa na que colaboran o Concello e a Xunta e na que preto da metade dos 85 participantes conseguiron xa encontrar traballo.

Segundo salientou Conde, iniciativas como a que se desenvolveu no Carballiño teñen por obxectivo incrementar as oportunidades laborais das persoas desempregadas a través de actuacións que buscan a especialización grazas á posibilidade de combinar orientación e asesoramento con formación e prácticas.

En concreto, os participantes en Carbaemprega adquiriron coñecementos de soldadura, operacións básicas de restaurante e bar, atención sociosanitaria, manipulador de alimentos e operador de carretilla elevadora, eidos que, tal e como fixo fincapé o conselleiro, trataron de adaptarse ás demandas laborais da zona para lograr un maior grao de inserción.

Durante a visita, o conselleiro anunciou que se lle dará continuidade a esta iniciativa cun novo programa integrado de emprego no Carballiño, que chegará a un cento de persoas e alcanzará, cando menos, un 45% de inserción.

2, Novembro 2018

NEFASTA SITUACION DE PERSOAL NOS CONCELLOS DO CARBALLIÑO E RIBADAVIA, FALTA TOTAL Y URGENTEMENTE PERSOAL EN TODOLOS SECTORES, PRINCIPALMENTE BRIGADA, POLICIA E SEGURIDADE VIAL.

 

2, Novembro 2018

Hola moi boas , quería facer unha queixa sobre a biblioteca municipal do carballiño.

Quero facerme socia xa que estou vivindo agora no pobo por temas de traballo , a semana pasada fun 4 veces por ali , luns pola mañá , luns pola tarde, martes pola mañá e tamén o martes pola tarde e o que me encontro é que vedes na foto , o sitio completamente valeiro!!!

Esta semana o mercores mais do mesmo.

Carteliño de veño 10 minutos pero alí non aparece ninguén nunha hora!! un cachondeoo.

Saúdos

 

 

1, Novembro 2018
31, Outubro 2018

OUTRO DÍA DE FEIRA NO CARBALLIÑO... E OUTRO DÍA NO QUE OS FEIRANTES SE VAN E DEIXAN TODO FEITO UN ASCO (NON TODOS, PORQUE ALGUNS MARCHAN E NON SE SABE NIN QUE ESTIVERON ). E MOI TRISTE VER COMO TEÑEN QUE ESTAR DOUS BARRENDEIROS LIMPANDO O QUE OUTROS NON SON CAPACES DE RECOLLER, E ESTES RECOLLEN ,O QUE O VENTO LLE DEIXE, PORQUE LOGO ANDAN AS BOLSAS DE PLASTICO POR TODOS LADOS....

CREO QUE NON SERIA TAN DIFICIL QUE ASÍ COMO OS POLICIAS LOCALES ESTAN POR AS MAÑAS REVISANDO QUE TEÑAN TODO EN REGLA.REVISARAN A ULTIMA HORA COMO DEIXA CADA FEIRANTE O SEU POSTO.

PASAN OS MESES E ISTO SEGUE IGUAL. 

31, Outubro 2018

Bernardo García e Manuel Nogueira anunciaron que esta formación política pedirá ante o pleno da corporación municipal "a retirada do salario que cobra o concelleiro de cultura pola súa dedicación de media xornada ao concello".

Alternativa Veciñal xustifica esta petición  pola "nesfasta xestión da biblioteca" e culpa directamente ao concelleiro da deficiente atención derivada da falla de personal cualificado para atender este servizo de bilblioteca, manifestando que "en varias ocasións pedimos o horario laboral dos dous traballadores que atenden a biblioteca e nunca se nos díu, agora incluso trascende que un deles non cumple as funcións que lle foron encomendas e mesmo hai unha denuncia por posible violación de protección de datos".

Recordan que "dende que se xubilou o bibliotecario titular, e desto fai varios anos, o concello segue sen cubir a vacante, e na RPT aprobada recentemente non figuraba cubrir esta vacante e adscribironse dous traballadores non especializados para esta función".

Considera Alternativa Veciñal que "ésta é unha mostra máis da política de persoal do actúal goberno e dos anteriores, a política do enchufe como método de ingreso na admisntración local, Fumega sigue coas prácticas que levaron a excaldes e exconcelleiros a estar pendientes da xustiza por este mesmo motivo".

"O personal do concello ten que entrar pola vía da oposición para garantír a cualificación no posto de traballo, a estabilidade laboral e a actualización de salarios, o que redundará unha prestación correcta dos servizos á cidadanía, que os paga vía impostos", remarcan.

Finalmente, Alternativa Veciñal-En Marea esixe que se cubra a vacente de bibliotecario e se efectúen as obras necesarias para adecuar as instalacións, que "arrastran deficiencias a pesar da intervención feita polo obradoiro de emprego no último ano", conclúen.

30, Outubro 2018

A primeira xornada da cuarta tempada da Ruta das Tapas estará adicada aos pinchos elaborados con produtos de tempada como son as setas e as castañas. Será este venres, 2 de novembro, e o seguinte venres, en catorce establecementos hostaleiros integrados nesta iniciativa.

Os locais son: Roraima, Pituxo, Pulpería Plaza, El Caserío, Don Paco, Café La Parada, Parrillada San Andrés, Café Bar Soldado, Copetín, Estate Quieto, Cafetería Loft, Restaurante A Fuchela, Novo Sobreira (comezará na seguinte xornada) e Ningures.

O evento foi presentado no restaurante Casa Pituxo polo alcalde, Francisco Fumega; os concelleiros de Turismo e Cultura, Manuel Dacal e Diego Fernández; a xerente do Centro Comercial Aberto, Noelia Mares; a relacións públicas de Pazo Tizón, Raquel Cabo, e representantes dos establecementos integrados.

Francisco Fumega e Manuel Dacal resltaron o traballo que realizan os hostaleiros do Carballiño para mellorar cada ano a calidade da oferta gastronómica, e chamaron a atención sobre as boas expectativas de afluencia para esta ponte do día de Todos os Santos, habida conta dos grandes eventos deportivos que haberá durante a fin de semana.

Noelia Mares explicou os agasallos que se poden obter de forma directa nesta nova tempada da Ruta das Tapas. Así, haberá 1.000 euros en premios de 10€, que se deberán canxear por cheques nas oficinas do CCA para realizar compras no Carballiño. Tamén haberá agasallos das empresas patrocinadoras como packs de botellas de viño de Pazo Tizón, copas de Estrella de Galicia, bolígrafos e outros obxectos. Tamén se poderán obter vales para os dos balnearios do Carballiño, o Gran Balneario e o Balneario das Caldas de Partovia, que hai que canxear previamente no CCA, así como entradas para os encontros de C.D. Arenteiro ou en Holli-Pulpo. Finalmente agraceceu a colaboración das empresas colaboradoras como Pazo Tizón e Estrella de Galicia.

Por parte de Pazo Tizón, Raquel Cabo amosou o orgullo da adega por colaborar un ano máis con esta iniciativa que, ao tempo que dinamiza o sector hostaleiro, promove o turismo gastronómico no Carballiño.

Como na anterior edición, a APP “quedamosdetapas”, que se pode descargar nos teléfonos móbiles, ofrecerá imaxes dos pinchos que se poderán degustar en cada establecemento ao prezo de 1,50€, a partir das 8 da tarde.

30, Outubro 2018

O 2º Torneo Vila do Carballiño de Patinaxe Artística, que organiza o Club AEHDE, reunirá este sábado no pavillón de deportes Paco Chao a 166 deportistas de 17 clubs de toda Galicia e as comunidades de Cantabria e Asturias.

Así mesmo, calcúlase que o evento moverá a máis de 600 persoas, moitas das cales teñen reservas nos hoteis da vila para pernoctar o venres e o sábado, producíndose un cheo nestes días. O torneo foi presentado esta mañá no Aparthotel Arenteiro polo alcalde, Francisco Fumega; o concelleiro de Deportes, Manuel Dacal; o presidente do Club Aehde O Carballiño, Uxío Álvarez, e o xerente do Aparthotel Arenteiro, Uiriel Bernárdez.

Francisco Fumega resaltou a importancia deste torneo tanto desde o punto de vista deportivo como de promoción do turismo, pois por unha parte, supón traer ao Carballiño unha competición de gran nivel e ámbito nacional, e por outra serve como reclamo turístico para a nosa vila.  Por iso, agradeceu o traballo que ven desenvolvendo o Club Aehede e, en concreto, o seu presidente.

Manuel Dacal compartiu a reflexión do alcalde, asegurando que O Carballiño ía a ter unha gran ocupación hoteleira esta fin de semana, e que eventos como este engrandecen a nosa vila e o noso deporte.

Uriel Bernández amosouse satisfeito de colaborar con este torneo e este deporte que, ainda que é minoritario e non conta con moitas axudas institucionais, move a moita xente, e de feito asegurou que o Aparthotel Arenteiro estaba xa completo para as noites do venres e o sábado.

Uxío Álvarez dixo que con torneos como este O Carballiño poñíase no mapa do patinaxe nacional. Asegurou que suponía un gran esforzo de organización e que por iso, quería agradecer sobre todo o traballo dos país. Resaltou que, tras o gran éxito do primeiro torneo organizado no 2016, este o superaba, e que se escollera esta ponte de Santos para crear ambiente na vila.

O torneo comezará ás 09,30 h., do sábado, 3 de novembro, na pista anexa do pavillón Paco Chao, e rematará arredor das 09,00 h., da noite. Participan 166 patinadoras de 17 clubes de Galicia, Asturias e Cantabria. Estes clubes son os seguintes: Santander (Alexmar, un dos clubes de referencia da patinaxe a nivel nacional); Asturias (Sobre Ruedas de Gijón, Áncora de Oviedo e CP de Mieres); Galicia (Pontevedra: Volvoreta de Redondela; Lugo: Anca de Sarria; A Coruña: Berenguela, Ágora de Boqueixón, Oroso, Boiro, Galia de Ordes, Sarela, Torres de Altamira, Fontiñas de Santiago, Noia, Teo e Sarela.

O torneo contará con 40 colaboradores, e os xuices son da Federación Galega de Patrinaxe.

Páxinas

Subscribirse a Copecarballiño.es RSS