O secretario xeral da Emigración, Antonio Rodríguez Miranda, animou os socios do Centro Partido do Carballiño a presumir de galeguidade durante os actos centrais de celebración do seu primeiro centenario, que tiveron lugar na sede da entidade coa presenza das delegacións municipais dos concellos do Carballiño e San Cristovo de Cea desplazadas con tal motivo a Buenos Aires, asi como o alcalde de San Amaro.
O titular galego da Emigración, acompañado polo delegado da Xunta na Arxentina, Alejandro López Dobarro, fixo extensiva a súa invitación a todos os galegos de América “nun día de ledicia para Galicia e para todos nós.
A conmemoración dun século de vida dunha entidade galega como a do Carballiño ten que ser un motivo de orgullo para todos e cada un dos galegos espallados polo mundo, porque implica que o lazo que nos une a todos a Galicia segue máis vivo ca nunca”.
O acto de conmemoración do centenario, que comezou cunha aperta simbólica cos grupos de baile, música e canto da colectividade, prolongouse ao longo de todo o día e xirou en torno ao xantar popular organizado polos socios da entidade e ás actuacións musicais do grupo de baile Airiños do Carballiño, entre outras.
O programa festivo deste pasado domingo, pon fin a preto dunha intensa semana de actividades culturais e sociais coas que os socios e as institucións públicas, entre as que se atopa a Secretaría Xeral da Emigración, quixeron celebrar a entrada do Centro Partido do Carballiño no reducido grupo dos centros galegos que contan con máis dun século de vida e esforzo en prol da colectividade galega na Arxentina.
Quería comentar quesobre la polemica del colegio de Calvo Sotelo por el problema con el horario por motivo del transporte escolar de dicho centro.
La Xunta va a poner en marcha la segunda parte del plan de transportes en Galicia que entrara en vigor en agosto del 2019 y a partir del 1 de enero se espondra al publico y a las empresas interesadas en coger las nuevas concesiones yo creo que era el momento de pedir dicho cambio horario para el colegio por un motivo muy sencillo a las empresas intersadas no les va de dejar de interesar por un cambio de un horario por que en dicha concesion lleva todos los centros de la comarca carballiño,maside,san amaro,beariz,cea,irixo,boboras,y seguro que alguno mas que m olvidare apaerte de instituto y chamoso lamas aparte de todas las concesiones de lineas bueno un paquete que hace dos años fue valorado en mas de 600.000 euros y no creo k por un cambio de un horario de un colegio le deje de ser jugoso a la nueva concesionaria.
Esto ya debia haberse hecho hace dos años en el primer plan de transportes de Galicia que empezo agosto 2017 pero nuestros gobernantes tienen otra cosas mas importantes en que pensar si aparte de de esta reclamacion del colegi calvo sotelo reclamaran mas servicios como por ejemplo vigo santiago etc..... se los podrian volver a poner por k otros pueblos xinzo,verin ,allariz y por la zona de pontevedra reclamaron y se los pusieron en fin que lo miren si kieren y si no a esperar 10 años que es lo que duran las nuevas concesiones
Tal e como estaba previsto, a delegación municipal encabezada polo alcalde, Fancisco Fumega, e os concelleiros José Manuel Dacal, Argimiro Marnotes e Xosé Francisco Ferreiro, xunto co resto da delegación carballiñesa que acude aos actos de conmemoración do centenario do Centro do Carballiño en Bos Aires, visitaron a factoría de GRI Calviño Towers Argentina.
Dase a circunstancia de que esta factoría conta cun encargado e algunhos traballadores que se formaron na empresa de aeroxeradores ubicada no Polígono Industrial da Uceira no Carballiño.
Esta fábrica comezou a súa producción no segundo semestre do pasado ano tras o acordo subscrito entre GRI Renewable Industries (GRI), división industrial eólica da Corporaclión Acek, e a Metalurgia Calviño (CALVIÑO) para iniciar a fabricaclión de torres eólicas na Arxentina.
Está ubicada nas naves industriais que CALVIÑO posúe en Florencio Varela, na provincia de Bos Aires, a uns 26 kilómetros da capital, e que da traballo a arredor de 300 persoas.
É unha das doce fábricas que GRI ten repartidas por todo o mundo, incluida a fábrica do Carballiño.
Hoxe agasállanos na prensa o alcalde de Maside, xustificando que se pasa a Lei de Bandeiras polo forro dos seus caprichos, co solemne disparate de que poñer as bandeiras en tódolos edificos públicos costaría 15000 euros.
Unha cifra moi redonda que ademáis de ser unha animalada, responde á imaxinación dun tipo que non ten nin PI do mercado, nin da realidade. Que vive nos mundos de Yupi vaia.
Parece mentira que haxa xente tan pouco cívica polo mundo. Agora que istes días fai bo tempo, fun buscar o neno a escola a pé, e a volta topámonos con esta falta de civismo a hora de aparcar. Eu co rapaz no carriño, agardando a que pasen todos os coches que veñen de Corzos e sair a rúa para poder continuar o meu camiño pola acera. Sinceramente é lamentable que pasen estas cousas.
Son das mais transitadas e están cheas de fochancas, aceras a medio facer e levantadas, arcenes sen pintar, iluminación moi deficiente, rotura frecuente de tubaxes, falta de control de malos estacionamientos e un largo etcétera.
Para cando señores do gobierno local?
O venres 23 de novembro dará comezo a vixésimo terceira edición das Xornadas da Sección de Psicoloxía e Saúde que se centran nas tecnoloxías emerxentes e nos retos que supón unha contorna dixital para a psicoloxía. Será a primeira vez que este importante encontro profesional de carácter autonómico se celebre no Carballiño, que congregará a un cento de psicólogos e psicólogas do ámbito da saúde.
O evento foi presentado esta mañá nun acto desenvolvido no Casino coa asistencia da concelleira de Benestar Social, Igualdade e Sanidade, e membro da xunta de goberno do Colexio Oficial de Psicoloxía, Marina Ortega; o presidente do comité organizador das Xornadas, José Manuel Fariñas, e a presidenta do Casino, Noelia González.
Noelia González expresou a súa satisfacción por acoller nas instalacións do Casino un congreso de tanta trascendencia, e destacou o feito de que se celebren por primeira vez no Carballiño.
Marina Ortega agradeceu ao Colexio de Psicoloxía, así como ao comité científico a organización das Xornadas, dicindo que non eran unha edición máis senón unha convocatoria moi importante porque íase abordar o mundo das tecnoloxias cun gran nivel profesional.
José Manuel Fariñas agradeceu a colaboración do comité organizador, do concello do Carballiño, do Casino e do Centro Comercial Aberto, e destacou o traballo desenvolvido dende hai máis dun ano para organizar esta edición das Xornadas. Así mesmo, relatou o programa coas ponencias de destacados profesionais que acudirán ao encontro.
Nesta Xornadas, que levan por título “Das vellas tecnoloxías ás tecnoloxías emerxentes; a dixitalización das contornas e das relación” tentarase reflexionar sobre o impacto tanto na sociedade en xeral como na práctica clínica. Así debaterase sobre o impacto da intervención terapéutica online, das aplicacións tecnolóxicas que se están a empregar no eido psicolóxico ou preocupacións tan en auxe como as adiccións sen substancia ás tecnoloxías.
O concello do Carballiño e mais o Casino son entidades colaboradoras das Xornadas, que contan co aval da Asociación Salud Digital e que teñan o recoñecemento de formación continuada do sistema Nacional de Saúde. O comité organizador está integrado por José Manuel Fariñas Darriba e Marina Ortega Otero, mentres que forman parte do comité científico desta edición José Manuel González González, Ana López Durán e José Eduardo Rodríguez Otero.
O presidente da Asociación Salud Digital, Jaime del Barrio Seoane, médico e actualmente “senior advisor” na área de “Healthcare & Life Sciences” de Ernst & Young, será o encargado de ofrecer a conferencia inaugural o venres 23, co nome de “A xestión da saúde nun click: mapas da era dixital, evolución, situación actual e perspectivas”. A seguir, será o momento da análise da terapia online, coa experiencia da psicóloga clínica Mar Aparicio Sanz e do médido psiquiatra Óscar Fernández Torre, de Cantabri, mentres que a avogada Cecilia Barros Díaz exporá os aspectos xurídicos e deontolóxicos do uso de novas tecnoloxías na práctica psicolóxica.
Xa na tarde do venres exporanse dúas caras opostas do impacto tecnolóxico na vida das persoas. Por unha banda, a psicóloga de FEAFES Galicia – Ourense, Patricia Gómez Salgado, reflexionará sobre como estas ferramentas poden favorecer a dinamización e a integración; mentres que o psiquiatra da Unidade de Condutas Aditivas de Ourense Gerardo Flórez Menéndez tratará o abuso do tecnolóxico.
Pechará a xornada do venres unha mesa redonda sobre as potencialidades comunicativas que ofrecen as TIC, O psicólogo clínico Xacobe Abel Fernández García exporá a súa experiencia na moderación dun grupo de redes sociais para a dinamización profesional, mentres que a psicóloga María José Fares Varela e experta en xerontoloxía tratará sobre a fenda dixital e como superala.
Na xornada do sábado será a quenda de aplicación tecnolóxicas “e-Motional Training” para o tratamento e a rehabilitación do funcionamento cognitivo será exposto polo psiquiatra Alexandre García Caballero, do Complexo Hospitalario de Ourense; mentres que Lucía Maneiro Santamaría e Rafael Tourón Estévez reflexionarán sobre as posibilidades da realidade virtual aumentada para a resolución de dificultades como creadores do software PsicoVR.
O peche destas xornadas correrá por conta de Ana Calero Elvira, doutora en Psicoloxía e directora da Clínica Universitaria do Centro de Psicoloxía Aplicada da Universidade Autónoma de Madrid, que presentará a conferencia titulada “O impacto das tecnoloxías emerxentes na atención psicolóxica: reflexións e consideracións desde “o tradicional”.
Tamén haberá oportunidade para actividades internas da Sección de Psicoloxía e Saúde, como a presentación do Anuario de Psicoloxía e Saúde, que chega ao seu decimo primeiro número.
As Xornadas da Sección de Psicoloxía e Saúde son o encontro científico de maior antigüidade organizado polo COPG, que buscan promover o intercambio de experiencias e coñecementos desta área entre o colectivo profesional da psicoloxía e da saúde.
O alcalde do Carballiño, Francisco Fumega, xunto co concelleiro Xosé Francisco Ferreiro, e o presidente da Deputación provincial, José Manuel Baltar, visitaron o Centro Galego de Bos Aires, entidade que se atopa en grave perigo de desaparición por problemas económicos, e que resulta de gran interese para milleiros de emigrantes e descendentes, que tiñan ata agora ao Centro Galego como único referente hospitalario.
De feito, durante a visita ao centro, as autoridades carballiñesas e ourensás fotografáronse cun grupo de manifestantes que pedían a salvagarda do hospital.
Por outra parte, o rexidor carballiñés, que viaxou a Bos Aires por invitación da Deputación provincial, tamén visitou o colexio Santiago Apóstol, no que se promove a cultura galega, e algúns de cuxos alumnos teñen visitado a vila carballiñesa nestes últimos dous anos.
Precisamente por este motivo, os responsables do centro agradeceron a boa acollida do alcalde e o concello carballiñés a estes alumnos durante estas visitas.
O concello do Carballiño investirá máis de 380.000 euros no acondicionamento das rúas Cuba, Brasil, Uruguay, Venezuela e República Arxentina. O pliego deste proxecto, que se comezará a executar coa maior brevidade posible, xa está dispoñible no perfil do contratante da páxina web municipal.
O acondicionamento consistirá na substitución das tuberías de abastecemento, que son actualmente de fibrocemento, e que causan moitos problemas debido a que son moi vellas, por tuberías de PVC. Tamén se instalarán bocas de rego, chaves de paso e acometidas ás conducións de abastecemento.
Outro dos elementos importantes do proxecto é a reforma das beirarrúas que se atopan en peor estado ou que son excesivamente estreitas para coches de bebés ou cadeiras de persoas con discapacidade, e que levarán losetas hidráulicas no caso da beirarrúa esquerda da baixada da rúa Cuba e na beirarrúa dereita da baixada da rúa Brasil. Así mesmo, a beirarrúa da baixada da rúa Venezuela levará lousas de granito, co obxectivo de que teña unha continuidade coa rúa empedrada de Margarita Taboada e a praciña de fronte do balneario.
Outra intervención importante será unha nova pavimentación destas rúas con aglomerado asfáltico en quente.
O proxecto tamén contempla o acondicionamento dos cruces para adecualos á normativa de accesibilidade actual, así como o acondicionamento de entradas existentes, con rebaixe do borde na beirarrúa, e o fresado do firme para conseguir cota.
Finalmente, procederase á sinalización e balización, co marcado de pasos de peóns, indicativos de dirección, sinais verticais, e plazas de aparcamento.
O plazo de execución deste proxecto é de seis meses, e comezará a realizarse en canto conclúa o procedemento administrativo de licitación que se puxo en marcha estes días.
A este importante proxecto, que suporá unha mellora significativa destas rúas para os veciños e usuarios, lle sucederán outros non menos importantes de acondicionamento doutras rúas do casco urbano, cuxo procedemento de licitación se porá en marcha nestes próximos días, e que tamén serán financiados con fondos do concello.
Hoxe un xornal da provincia faise eco da nova do famoso cartel de pediatria no centro de saúde do Carballiño. Eu vou comentar a miña experiencia. Fun pai por primeira vez fai case catro meses. No meu circulo máis próximo tampouco é que abunden moito os rapaces. Pero os que teñen experiencia todos coinciden no mesmo a hora do centro de saúde. O pouco de nacer tiven que pasar por consulta para os trámites habituais de cartilla... Era verán e tiñan a ventá aberta, non dubidaron en pesar o rapaz diante da ventá aberta, que é onde está a báscula, a mín non me pareceu moi normal, si era verán, pero o rapaz inda non tiña 15 días. O momento máis surrealista é a maneira en que che explican o das vacunas, un auténtico show, con dicir que acabou falando da sanidade en Alemaña. (Que quede constancia que eu non sabía que había vacunas obrigatorias e outras voluntarias). A semana pasada tiven que ir a consulta e non me percatei do cartel, bronca que me criou o entrar na consulta, iso si o rematar a consulta, co rapaz so co pañal dixeronme que o vestira forá. Non sei se o meu caso é o único, pero animo a que si hai mais xente proteste. Non me parece normal o trato. O cartel quedase corto, a min mandaronme pra fora co rapaz en pañais. Si é certo, fora hai calefacción pero non ten nada que ver a temperatura que hai dentro na minúscula consulta que case non te das movido co carro, ca temperatura que hai fora no pasillo ou na sala de espera. A onde imos chegar así, a que vaia eu o urólogo e me diga que saia en calzóns da consulta, porque ten moita xente esperando e son lento vestindome. Por esa regra de tres tamén podemos dicir nós que baixen dos coches cando cheguen o ambulatorio xa ca roupa de traballo para non perder tempo vestindose. Non discuto que fagan falla máis pediatras no Carballiño, polo menos que tamén haxa consulta polas tardes, para non ter que ir a Ourense, pero esas non son formas de tratar a xente, moitos nenos o espirse méxanse, non é de recibo sair pra fora así. Os pacientes non témola culpa se somos moitos pra un só medico. En lugar de poñer carteis nas portas con solucións trapalleiras que non van ningures que falen ca dirección do centro é busquen solucións co Sergas. Máis sentido común, menos mala hostia, e máis paciencia. Abundan moito polo centro os carteis que hai que ser educados e evitar as agresións ao persoal sanitario, totalmente dacordo, pero tamén hai que tratar a xente como che gustaria que te tratasen a ti. Istes carteis non axudan precisamente a que haxa unha boa relación entre médico e paciente.
Páxinas
- « primeira
- ‹ anterior
- …
- 463
- 464
- 465
- 466
- 467
- 468
- 469
- 470
- 471
- …
- seguinte ›
- última »
