A finalidade destas axudas, que se regulan a través dunha nova ordenanza municipal, é proporcionar apoio económico a aquelas familias nas que se produza un nacemento ou adopción dun novo membro da unidade familiar.
Tamén se trata de incentivar o asentamento da poboación no propio concello de San Cristovo de Cea, caracterizado como todos os municipios do rural pola baixa natalidade.
Serán beneficiarios das axudas os proxenitores, xa sexan casados, parellas de feito ou familias monoparentais, que acrediten tales condicións e teñan fillos durante o ano 2018, asi como os adoptantes de nenos de ata seis anos de idade.
Por cada nacemento que teña lugar ou adopción que se formalice será obxeto dunha axuda anual de 1.200 euros, unha cantidade que podería ser superior ou inferior en función do número de beneficiarios.
As solicitudes de axuda presentaránse no rexistro xeral do concello de San Cristovo de Cea.
Este sábado pasado día 8 de setembro, unha vez máis tivemos que soportar as inundacións na avda. de Compostela, a altura da rúa Piñor. Coma últimamente dixeran que xa se arranxara este tema, quero deixar constancia deste desastre que dende o ano 2008 levamos sufrindo os veciños desta zona, que parece ser que non existimos para a corporación local (ésta e a anterior). Será que non temos bares nin restaurantes e polo tanto non importamos...É ben sabido que últimamente este Concello só se adica a festa e máis festa, pero tamén hai que mirar polos veciños que ó final somos os que pagamos impostos e votamos. Aínda que visto lo visto...xa non se sabe a quén votar .Hai que recoñecer que pasan máis a menudo coa escoba-móvil, pero esto non é suficiente como para arranxar o problema das anegacións desta Avenida. Deixense de tanto antroido e tanta festa que xa parecemos unha república bananera, na que sempre gañan os mesmos. Intenten crear emprego (non só postos precarios de camareros e en negro) e fagan autocrítica, facendo algo máis polos veciños. A ver si temos sorte e como veñen as eleccións fan algo con este problema. "Absténganse" de promesas que xa se sabe que a partires de agora todo vai ser moi bonito... ata pasar as votacións...E xa se sa -be: antes de meter , mucho prometido e despois de meter nada de lo prometido...Lo dicho: A traballar un pouco.
Unha emotiva homenaxe ás rosquilleiras, a quen se dedica este ano a feira, abríu na tarde do venres a programación de actividades desta edición da Feira da Pepa Loba, que dende fai 22 anos se ven celebrando no barrio de Flores, no Setembro do Carballiño e como actividade previa as Festas Patronais de San Cibrán.
Para a xornada do sábado dia 8 temos apertura da feira ás 12 do mediodia, demostración de en vivo dos vellos oficios e amenización musical coa agrupación Os Serandeiros.
O entorno da Fonte de Flores acolle unha lectura colectiva do libro de Aurelio Miras Azor "La Juventud de Pepa Loba". Pola tarde, dende as 5 campionato de birisca para mulleres, e xa as 7 chegará o momento culminante da programación, coa baixada da bandoleira Pepa A Loba acompañada da súa gavilla, coa colaboración do grupo teatral "Dar Trela" e os Felos de Garabás, e varias sorpresas.
As 11 da noite actuación do grupo musical "Las Antonias" de A Coruña.
Para a xornada de clausura do domingo 9, está programado un campionato de chave ás 12:30 horas na eira de Flores, para nenos, homes e mulleres e ás 14 horas celebraráse o xa tradicional xantar popular entre artesáns e veciños. Tanto pola mañá como pola tarde continuarána abertos os postos de artesanía.
“Dar Trela” é o nome do novo grupo de teatro que xurde no Carballiño para dar resposta a unha nova proposta cultural no Carballiño, na provincia e Galicia.
O grupo presentouse nun acto ao que asistiron sete dos doce integrantes, e que conforman a xunta directiva. Son José Ángel Otero, presidente; Chicho Carballido, Rita Freigenedo, Rubén Martínez, Clara Vázquez, Xabier Novoa e Darío Anxo Rodríguez. Trátase de actores e actrices con gran experiencia teatral na maioría dos casos.
O nome do grupo, “Dar Trela”, ten diversos significados, según explicou Chicho Carballido. “Significa dar conversación, dar ánimo, deixar expresar libremente, dar que falar e namorar, por iso o que queremos é dar conversación, dar ánimo, deixar expresarnos libremente, dar que falar e namorar”.
O grupo xurde como unha asociación cultural sen ánimo de lucro, co obxectivo de fomentar a cultura galega e a expresión teatral, según dixo Darío Rodríguez.
Así mesmo, contempla diversos proxectos a curto, medio e longo prazo, que foron expostos na rolda de prensa polos integrantes da directiva.
Entre estes proxectos inmediatos está o de levar a cabo a dramatización da vida de Pepa Loba este próximo sábado, e escenificar o pregón das festas patronais o venres 14 de setembro. En ambas actividades, sobre todo na Feira-Festa da Pepa Loba, anúncianse moitas novedades con respecto a pasadas edicións, e no tocante ao pregón das festas anticipan un bo espectáculo de maxia e humor baseado en personaxes reais e ficticios do Carballiño.
Entre os proxectos a medio prazo figura a creación dun novo espazo escénico único en Galicia como é unha casa situada preto da ponte de Toscaña, e que, co nome de Casa Roxelia, realizará microteatro para un número limitado de persoas, pois as escenificacións terán lugar en diversas salas da casa, e os espectadores deberán moverse polos diversos lugares. Esta orixinal iniciativa contará ademáis coa colaboración de recoñecidos directores e actores galegos.
Trátase dunha idea única en Galicia, que só existe nalgunhas das grandes capitais, e está previsto poñela en marcha durante a próxima primavera, según dixeron Rita Fregenedo e Clara Vázquez.
Finalmente, traballan nun proxecto de espectáculo teatral a estrear na primavera de 2019.
A mancomunidade turística O Carballiño- O Ribeiro promove a limpeza de cinco pontes medievais situadas nos termos municipais do Carballiño, Boborás, Leiro e Ribadavia. Este proxecto lévase a cabo gracias a unha subvención solicitada por este organismo a Turismo de Galicia.
Trátase das pontes históricas medievais de A Ponterriza, Cavadoso, Brués, ponte San Clodio e Prexigueiro. A dirección do traballo corre a cargo do arqueólogo Jorge Lamas Bértolo, e realízase por unha empresa especializada en traballos verticais e con gran experiencia na limpeza de monumentos de interese histórico, como a muralla romana de Lugo, entre outros.
De feito, a limpeza lévase a cabo con cepillos para non dañar a pedra, e o resultado está sendo sorprendente, pois ademáis de mellorar o estado destes monumentos estanse descubrindo unha gran cantidade de marcas de canteiros e símbolos que permanecían ocultos por mor do musgo. A primeira obra executada foi a limpeza da ponte medieval da Ponterriza, que marca as lindes sobre o río Arenteiro dos concellos do Carballiño e Boborás. Se ben nesta ponte xa se levara a cabo no ano 1997 un labor de consolidación dos sillares, había tempo que precisaba unha limpeza exhaustiva, que se realizou no súa totalidade: sillares, arcadas, balaustrada e petriles.
E o resultado foi sorprendente, pois quedaron á vista algúns símbolos que estaban ocultos polo musgo, como a marca do canteiro, unha especie de anzuelo e unha cuncha de vieira, totalmente descoñecidos ata agora para os historiadores. Segundo Jorge Lamas, isto é unha proba que relaciona esta ponte cun dos camiños de Santiago desde O Ribeiro, e que este en concreto o facía por Cabanelas, Banga, Mesego, Ponterriza, Godás, Longoseiros e Astureses para continuar por Cusanca ata Lalín, e de alí a Compostela.
Por outra parte, resultan de gran interese estes achádegos, en especial as marcas de canteiro, pois abre a posibilidade da elaboración dun catálogo de marcas de canteiros da comarca co obxectivo de realizar un estudio sobre a autoría das diferentes obras. Esta iniciativa será plantexada polo Centro de Estudios Chamoso Lamas, de cuxa sección de arqueoloxía é responsable Jorge Lamas.
Nestes días estase procedendo á limpeza da ponte de Brués no río Viñao, e despois farase coas seguintes pontes para ter rematados os traballos a finais deste mes de setembro, segundo a previsión de Jorge Lamas.
O Carballiño, sigue empeñado en mantener como motor local de la economía, en esa base, los 115 bares y 87 restaurantes que hay en el pueblo según el IGE datos del 2016, tienen carta blanca para actuar de la forma en que crean conveniente, para ello, utilizan el suelo público a su antojo, inclumplen todas las normativas, que ya son laxas de por si, y a cambio nos dan unos increíbles sueldos de 700€-900€ trabajando de 10 a 12 horas diarias, la mitad sin asegurar y sin vacaciones.
Hay algún bar en el pueblo que tiene 10 veces mas de terraza que de local propio, todos los carballineses contribuímos a la economía, dando nuestro suelo público, a un módico precio, a cambio sólo pedimos que declaren las mesas por las que pagan, que las monten de abril a octubre y que cierren a las 2,30 de la noche. Esto no lo cumple nadie.
En estos años los hosteleros han declarado la instalación de 350 mesas en la vía pública, cuentalas tú que a mi me da la risa.
Cuando los se dan cuenta que los 13,854 habitantes en carballiño según el IGE, entre los 87 bares dan 159 clientes por bar, incluyendo niños y ancianos, tiene que gastar una media de 30 euros al mes todos los meses para ser medianamente rentables, y que las cuentas no salen, les organizamos fiestas, romerías, conciertos, y lo que haga falta, que pongan barras en las calles, que abran hasta la hora que les parezca.
Aquí otro harto de tanta terraza.
A delegada territorial da Xunta en Ourense, Marisol Díaz Mouteira, entregou esta mañá ao concello de Boborás dous equipos de protección individual e unha pértega para a loita contra a vespa velutina, material cedido pola Consellería do Medio Rural, logo de adherirse como concello colaborador ao Plan de vixilancia e control que puxo en marcha a Xunta de Galicia.
Coa incorporación de Boborás, o plan pasa a contar con 116 municipios que colaboran coa Administración autonómica na retirada dos niños deste insecto invasor, que non é máis perigoso que a vespa autóctona. Por iso, a Xunta de Galicia pide que non se cree unha alarma social innecesaria e lembra que, no caso de localizar un niño, non se deben achegar a el senón que hai que chamar ao teléfono gratuíto 012 para que os especialistas poidan actuar.
A provincia ourensá conta con 25 concellos adheridos ao Plan de vixilancia e control da vespa velutina: Allariz, Baños de Molgas, Barbadás, O Carballiño, Castrelo de Miño, Coles, Cortegada, Chandrexa de Queixa, O Irixo, Maceda, Manzaneda, Nogueira de Ramuín, Oímbra, Parada de Sil, A Peroxa, Pobra de Trives, Rairiz de Veiga, Riós, A Rúa, San Cristobo de Cea, Sandiás, Toén, Vilariño de Conso e Xinzo de Limia.
Ademais dos concellos colaboradores, participan nos labores de retirada de niños os Grupos de Emerxencias Supramunicipais, que en Ourense están adscritos aos concellos de Avión, Barco de Valdeorras, Castro Caldelas, Celanova, A Gudiña, Laza, Lobios, Muíños, Pereiro de Aguiar e Ribadavia, así como persoal da Consellería de Medio Ambiente e Ordenación do Territorio, e da Consellería do Medio Rural.
Este reparto de material forma parte do Plan de vixilancia e control da vespa velutina que elaborou a Xunta de Galicia, no que participan a Consellería do Medio Rural, a Consellería de Medio Ambiente e Ordenación do Territorio, a de Presidencia, Administracións Públicas e Xustiza (a través dos grupos de emerxencia supramunicipais GES, e outras unidades de emerxencias, cando así se cualifican os avisos), e un total de 116 concellos (incluído o de Boborás), representados pola FEGAMP na Comisión de seguimento creada ao efecto.
El tema de las mascotas se está saliendo algo de madre en este pueblo. Yo entiendo que los dueños tengan a sus animales como si fuesen personas, pero no lo son. Aparte de no recoger sus cosas los meten en todas partes sin respetar a los demás. Lo último en una pastelería-panadería donde ya si tuviesen un poco de educación ni se les ocurría meterlo, otra la propia dueña que por no perder un cliente los deja entrar en un local donde hay productos que no se pueden lavar ni pelar. O habrá que denunciar a sanidad o tendrán que pensar tanto unos como otros en comportarse como personas y no como dice el cartel de la plaza mayor como cerdos.
O PSdeG-PSOE de Leiro propón celebrar un encontro entre partidos políticos, colectivos veciñais e culturais, empresarios e técnicos, para potenciar a festa de vedima deste municipio ourensán, unha das celebracións máis lonxevas da provincia logo de sumar xa 29 edicións consecutivas. Segundo aprecian, nos últimos tempos, esta festa está a perder pulo ano tras ano “pola pouca implicación de todos e todas”, unha situación que queren reverter reuníndose sen demora para analizar que está a fallar, propoñer melloras e devolverlle así o brillo e o éxito que merece.
Os socialistas salientan que “fronte o cada vez maior éxito doutras celebracións da comarca como a Festa da Istoria”, en Leiro “ a festa está fallando en moitos aspectos, tanto na organización como nos diferentes apartados, carrozas, actividades paralelas ou publicidade, entre outros, debido á pouca implicación xeral tanto partidos políticos como de asociacións veciñais e culturais, hostalería, empresas locais, adegas ou colleiteiros, xa que o acto principal en forma de desfile de carrozas vai decrecendo co transcurso do tempo e, de feito, este ano houbo moi poucas carrozas”.
O portavoz municipal, Manuel Rodríguez, explica que “temos que reunirnos todos os implicados para evitar que siga esmorecendo e estudar a fondo no que estamos a fallar, xa que este ano, se non fora pola novidade da primeira mostra dos viños, que hai que recoñecer que estivo moi ben, a desfeita tería sido maior”. “Temos que potenciala máis; publicitala no exterior da provincia para que toda Galicia coñeza unha proposta tan interesante; aumentar a súa duración con un día máis; e sumar a novas adegas e colleiteiros”, asevera.
“Un bo espello no que podemos mirarnos para mellorar a organización da nosa celebración, é a coordinadora da Festa da Istoria de Ribadavia”, salienta o portavoz socialista antes de recordar que “a través desa sólida coordinadora canalízanse todas e cada unha das actividades que alí se realizan, que son moitas e todo tipo, e así acadan tantísimo éxito todos os anos, polo que se nós facemos o mesmo e atendemos as demandas de todos os implicados mediante unha coordinadora similar, poderemos lograr que a Festa da Vendima sexa un encontro de todos os veciños e veciñas, e non só do partido que goberna nestes momentos no concello, que é o PP”. Rodríguez recorda que “canto máis traballo consensuado academos, máis éxitos sumaremos para a festa máis importante do municipio”.
O PSdeG-PSOE de Leiro advirte que “de seguir con este formato de festa, pode suceder que a celebración se paralice ou incluso chegue a desaparecer, e por iso debemos buscar un punto de partida no cal esteamos todos e todas dacordo” para evitar o que sucede agora “no que o único que se busca é o beneficio duns poucos e non o beneficio do interese xeral de toda a veciñanza”. “Hai multitude de cousas que se poden facer para potenciar este proxecto, pero sempre desde a perspectiva da unión e non desde o individualismo para sacar un rédito exclusivo duns poucos”.
Pasmado e coa aberta quedei ao ler unha denuncia na que o seu anónimo autor afirma que os de Marea teñen a intención de afundir a hostalería do Carballiño por aplicar a vixente ordenanza de terrazas. ¿Aplicar a vixente ordenanza que regula as terrazas na nosa vila é acabar coa hostalería?. Eu creo que non. Por si non o sabe o Carballiño é unha cidade sen lei en canto as terrazas, pois os hostaleiros fan o que lles peta pensando que as rúas son súas e o concello fai a vista gorda mirando para outro lado evitando por orde neste asunto.
¿Por que digo que os hostaleiros fan o que lles peta pensando que as rúas son súas?. Porque basta con ver o que pasou na semana da Festa do pulpo para entender o que pasa. Na Alameda onde normalmente hai unha fila de terrazas pasou esa semana a ter unha triple fila de terrazas. Nos xardíns que están ao carón do concello quedaron, totalmente, bloqueados polas terrazas que alí se instalaron o que impedía o tránsito aos peóns por esa zona véndose estes obrigados a transitar polo céspede destes xardíns. A baixada que vai dende a praza dos irmáns Prieto ata rúa Principal colocáronse tal cantidade de mesas e cadeiras que se chegan poñer unha mesas máis a dita baixada quedaría bloqueada por completo. As terrazas que se instalaron nos soportais da rúa Principal bloquearon en certo momento o tránsito por esa zona cando un grupo de clientes que estaban sentados alí xuntaron varias mesas e no remate da rúa Principal un coñecido local de hostalería pasou de ter unha fila de terrazas a ter dúas, ademais, o horario das terrazas se incumpre permanecendo estas ata ben entrada a madrugada.
Paréceme ben que os hostaleiros se gañen a vida coas terrazas, pero non cometendo tales abusos (parte dos cales teñen a culpa os clientes). O que non pode ser é que cando os hostaleiros posibilidade de facer negocio se multipliquen por arte de maxia o número de mesas e cadeiras das súas terrazas superando con creces o número de mesas permitidas que ten cada local. Hai unhas ordenanzas que regulan as terrazas que son de obrigado cumprimento e que os hostaleiros debería acatar e querer aplicalas non é afundir os seus negocios. Para desterrar estas malas prácticas o concello debería exercer un control sobre as terrazas, pero por desgraza isto non é así. Por todos estes motivos me parece ben a idea dos de Marea de regular e exercer un control sobre as terrazas, debéndose controlar o número de mesas, o horario, impedir que se bloqueen rúas, soportais e prazas e permitir que nos días festivos se permita ampliar en 3 ou 4 o número de mesas das terrazas e non deixar que se poñan o cento e a nai.
Páxinas
- « primeira
- ‹ anterior
- …
- 467
- 468
- 469
- 470
- 471
- 472
- 473
- 474
- 475
- …
- seguinte ›
- última »
