O concello tributou hoxe unha emotiva homenaxe ao histórico grupo de gaitas “Airiños do Carballiño”, co gallo da celebración da semana grande dos actos da 56 Festa do Pulpo.

O acto, que estivo presidido polo alcalde, e ao que asistiron dous dos integrantes da formación primixenia do grupo, José María Álvarez Rabanillo e Eduardo Bernánder López, así como o integrante dunha formación posterior, Manuel Cendón, ademáis dos concelleiros de Turismo e Cultura, José Manuel Dacal e Diego Fernández, e dúas concelleiras representando ao grupo municipal do PP, Pilar Caride, e ao do BNG, Sofía Hermida, congregou no salón de plenos de concello a familiares dos integrantes.

No saúda, o alcalde explicou os motivos da homenaxe, e fixo fincapé na trascendencia deste grupo de gaitas na historia da música tradicional galega no Carballiño.

“O pasado ano, con motivo da presentación da cantiga dedicada á Festa do Pulpo por Xosé Luis Foxo co título de “A pulpeiriña do Arenteiro”, Felipe Senén escribiu un artigo titulado Músicas e Cantares Populares que resoan no Carballiño. Neste artículo citábase ao grupo de gaitas Airiños do Carballiño.

Foi realmente un grupo histórico da nosa vila, nado no ano 1969 por mor dun grupo de amigos que xogaban cada día a partida no Bar Sobrino, e que colleitou moitísimos éxitos ata a primeira metade da década dos anos 70, cando deixaron de tocar xuntos porque eran tantas as actuacións que tiñan, que xa afectaba aos seus traballos, e había que elexir entre o un ou o outro.

O grupo estaba formado por José María Álvarez Rabanillo, José Carramal Bueno, Manuel “Chantada”, Ernesto Roo, José Villar Pereira, César Pereira Rodríguez, Angelino García Bravo “Geli” e Eduardo Bernárdez López.

Tiveron a primeira actuación na Festa do Pulpo do ano 1970, e nese mesmo ano formaron a Unión co Ballet Folklórico Orensano.

Pronto acadaron unha gran sona e actuaron en Oporto, Visseu, Liceo de Matosinhos, Liceo de Lugo, en Bilbao e en moitos outros lugares.

No ano 1971 foron invitados polo programa España en directo de TVE, grabando todo o contido musical do programa, cunha trascendencia extraordinaria.
Ademáis da calidade musical do grupo, “Airiños do Carballiño” caracterizouse por vestir traxes de gala de gaiteiro, sendo probablemente o primeiro grupo de gaitas ataviado co traxe de gala de gaiteiro con chaqueta.

Aqueles traxes foran confeccionados por unha modista de Toscaña, según un modelo copiado dun libro que se atopou na tamén histórica librería Soto, ubicada na rúa do Paseo do Carballiño.

Non cabe dúbida que Airiños do Carballiño marcaron unha época, e de aí esta homenaxe, que ten lugar nas vísperas da 56 Festa do Pulpo, lembrando a súa primeira actuación hai corenta e oito anos, nunha daquelas primeiras edicións da festa.

En memoria daquel acontecemento queremos lembrar hoxe a todos os compoñentes da formación, aos que lamentablemente xa non están con nós (José Carramal Bueno, Manuel “Chantada”, Ernesto Roo, José Villar Pereira e Angelino García Bravo “Geli”), e aos que sí están, José María Álvarez Rabanillo, César Pereira Rodríguez e Eduardo Bernarde López, por aquela iniciativa de recuperación da música tradicional galega e de promoción do nome da nosa vila.

Así mesmo, queremos render homenaxe a quenes conformaron dous anos despois outra formación co mesmo nome, e ao grupo de gaitas do Centro do Carballiño en Bos Aires, a quen lle dedicamos este ano a Festa do Pulpo, e que tamén leva o nome de “Airiños do Carballiño”.

E ademáis, queremos recoñecer o labor doutro grupo histórico de gaitas que xurdiu despois co mesmo nome de “Airiños do Carballiño”, d despois como “Os Renovados”, e do que hoxe temos aquí a un dos seus compoñentes, a Manuel Cendón.

Todos eles, xunto con outros grupos que se crearon máis adiante, como Eiras Nosas, Orcellón e o Grupo de Gaitas da Escola Municipal do Carballiño, que ten na actualidade grandes intérpretes, e que de feito un dos gaiteiros da nova xeración, Isidro Vidal, xunto co seu irmán e outros músicos, vainos interpretar unha composición súa dedicada á Festa do Pulpo, e que se chama “Muiñeira do Pulpo, conforman un grandísimo elenco de músicos carballiñeses que sempre mantiveron viva a nosa cultura, e que nos situaron nun lugar de privilexio en canto á recuperación e interpretación da música tradicional de Galicia.

A todos eles, gracias por espallar o nome do Carballiño por Galicia e polo mundo adiante con orgullo.
Todos sondes parte importante da historia do Carballiño, e temos que dar gracias por contar na actualidade con grandes intérpretes que siguen esta tradición e que garanten que a nosa música goza de boa saúde na vila do Arenteiro.”

A continuación, Francisco Fumega fixo entrega dunha placa conmemorativa desta homenaxe aos integrantes do grupo Airiños do Carballiño presentes no acto.

Por parte do grupo interveu Eduardo Bernárdez, que se referiu aos tempos da súa creación, a finais dos anos 60 e comezos dos 70.
Finalmente, o gaiteiro carballiñés Isidro Vidal fixo a estrea dunha composición súa titulada “Muiñeira do Pulpo”, creada por el mesmo para esta edición da Festa do Pulpo.

O ciclo, organizado polo Concello do Carballiño xunto coa Asoc. Musical Cultural O Tambor Colectivo, é un festival urbano onde os grupos actúan en distintos “salóns” ubicados no centro da vila. O obxectivo é achegar unha gran variedade de estilos musicais aos máis de 500.000 visitantes que se esperan neste 2018 durante as dúas semanas que preceden á celebración da Festa do Pulpo.

Tras o éxito das pasadas edicións, este 4º Ciclo de Músicas de Sofá consolídase xa como un dos festivais de referencia do territorio galego. Para iso a organización conta, como cada ano, con grupos musicais de primeiro nivel, de estilos tan distintos como o rock, a samba ou a música tradicional, entre outros. Esta calidade, unida é estética vintage dos escenarios e á accesibilidade dos mesmos fan dos concertos algo único.

Cinco referentes do panorama musical galego

Nesta edición o festival conta cun total de cinco grupos, referentes nos seus estilos dentro do panorama musical galego. Trátanse de Bala com Bala, cuarteto de bossa nova e samba; Trilitrate, cuarteto de música acústica e videocreación en tempo real; Davide Salvado, referente da música tradicional galega tanto nas nosas fronteiras como fóra delas, ou Oie Trío, trío de jazz composto por guitarra, saxo e contrabaixo; pechará o ciclo És un árbol, grupo de rock absurdo que non deixan a ninguén indiferente, tanto pola música como polas letras.

Ademais, durante os dous días haberá dous salóns destinados aos dj's Chicotralla e Dj Aí, e como novidade , o sábado terá lugar a presentación do libro Mulleres de Gargamala, da man de “Arredor da Tradición”

“Vendo a acollida e progresiva calidade do evento, agardamos e confiamos en que cada ano a proposta será máis ambiciosa, chegando a converter o Ciclo de Músicas de Sofá nun dos festivais urbanos de referencia na Península”, declaran Anaïs e Pedro.

Venres 3 de agosto
Bala com Bala. Samba/Bossa/Jazz (Gz, Portugal)
20:30 hrs. Rúa Aldara
Baixo, cantante, batería e guitarra compoñen este cuarteto que en 2016 se xuntan en Lisboa para mesturar o jazz con outros estilos como samba ou bossa nova

Trilitrate (Vigo)
00:00 hrs. Praza Maior
Proxecto que abarca música acústica e viodeocreación en tempo real. Trátase dunha composición colectiva que ten como fin crear algo persoal e inédito. Desdebuxan as liñas existentes entre a composición e a improvisación, revelando influencias de estilos alonxados entre sí, como música clásica, improvisación libre, hardcore, ou o noise.

Sábado 4 de agosto
Davide Salvado. Tradicional (Gz)
13:00 hrs. Rúa Principal
Un dos artistas galegos con máis proxección tanto na península como fora dela. Ven de presentar o seu 2º álbum “Lobos”, mais desta volta virá ao Ciclo só acompañado das súas percusións, reinterpretando o repertorio vocal da música tradicional galega e peninsular

Oie Trío. Jazz (Gz, Francia)
20:00 hrs. Rúa Curros Enríquez
Cunha formación pouco habitual para un trío de jazz, este combo integrado por músicos residentes na área de Vigo presenta composicións orixinais e arranxos de standars dende unha perspectiva actual, sen esquecer a tradición.

Es un árbol. Rock absurdo (Gz)
00:30 hrs. Praza Maior.
Eles manifestan que practican “rock absurdo, pop marsupial e tarantella saudí”; teñen 2 discos no mercado , “La buena nueva” (2012) e “En el parlamento” (2014). Veñen aos Sofás a facernos vibrar, bailar e rir con temas como “Bambi nuclear”, “El fascismo es mi ley” ou “Un cardenal”

Chicotralla. (O Carballiño)
Venres 3 agosto. 21:30. Praza Aquilino Sánchez
Pinchadiscos ecléctico, baila entre músicas diversas; encaixa e desencaixa temazos populares con temas menos coñecidos. Para entendelo hai que ir velo.

DjAí. Djset (Nigrán)
Sábado 4 agosto. 21:30. Rúa Perfectino Vieitez
Un veterano das festas underground en Galicia, pinchou tanto en praias como en búnkeres. Desta volta ven aos sofás cargado de temazos “rompepernas”; crudo e cool: así son as súas sesións.

Arredor da Tradición. (Gz)
Sábado 4 agosto. 12:30. Rúa Principal
Presentación do libro Mulleres de Gargamala!Cantares de tradición oral.
A etnomusicóloga Xulia Feixoo e o compilador Guillerme Ignacio integran o grupo de traballo “Arredor da Tradición”, centrado na compilación, investigación e divulgación das músicas de tradición oral da Galiza. Froito deste traballo é o seu primeiro libro Mulleres de Gargamala!Cantares de tradición oral,no que debullan e comparten o saber das mulleres e a tradición anual da zona de Gargamala

O xurado do concurso de curtametraxes CURTASoPRIMA acordou na reunión celebrada esta mañá conceder os seguintes galardóns:
Por unanimidade acorda conceder o Primeiro Premio a LA MUJER INVISIBLE, de Noemí Chantada Puime, por considerar o honesto realismo e a delicadeza no tratamento dunha historia actual.

Asimesmo, acorda conceder o Segundo Premio a CANDO MAMÁ PECHOU AS CAIXAS, de Arancha Álvarez Brandón, polo realismo moi vencellado a Galicia, con carácter amador que reflicte unha realidade social actual.

E o Terceiro Premio a ESCARABANA, de Sara Casasnovas Pumar, recoñecendo a calidade técnica e de guión, ao tratarse dunha primeira curtametraxe.

Finalmente o Xurado, destaca a calidade xeral das pezas, especialmente as de carácter amador, a variedade de xéneros e temas, e a unanimidade á hora de outorgar as puntuacións.

Os premios, consistentes en 500, 330 e 100€, respectivamente, para o primeiro, segundo e terceiro, asi como tres trofeos, entregaranse na Gala 35 Aniversario das Xociviga, que se celebrará esta tarde no auditorio municipal.

O Xurado estivo formado por:

Na súa variante profesional, por:

Lara Bacelo. Fundación Carlos Casares
José Antonio Nogueira. Escuela de Artes Plásticas y Audiovisuales de la Benemérita Universidad Autónoma de Puebla, México.
José Rúas. CC SS e da Comunicación. UVIGO

Na súa variante non profesional, por
Aldara Pagán. Estudiante de CC da Comunicación. USC
Yeray Diéguez Barreiro. Estudiante CC SS e da Comunicación. UVIGO
Belén G. Ojea. Estudiante Ciencias da Comunicación USC

Catro alumnas e un alumno do Instituto nº 1 do Carballiño recibiron esta mañá unha homenaxe do concello, tras acadar a excelencia nas probas de acceso á Universidade. Trátase de Carlota Álvarez Feijoo, Marta López Gil, Rita Tizón González, Noelia Trigás Nogueira e Miguel García Fernández.

Todos conseguiron unha nota media superior a 9 nas probas de acceso á Universidade, e outros trece alumnos e alumnas do mesmo instituto estiveron ás portas de acadar un 9 na Avaliación de Bacharelato para o Acceso á Universidade -ABAU-.

Por este motivo o concello reuniunos esta mañá no salón de pleno nun acto ao que asistiron o alcalde, Francisco Fumega; o director do IES nº 1, Celso Fernández, e o concelleiro de Educación e Cultura, Diego Fernández, así como familiares dos alumnos.

Francisco Fumega fecilitou aos alumnos e ao profesorado do centro no seu nome e no de toda a corporación e veciñanza, e amosou a súa satisfacción pola boa saúde do ensino público no Carballiño.

Celso Fernández agradeceu a deferencia do concello polo recoñecemento aos alumnos, asegurando que era unha satisfacción enorme para os país, pero tamén para o claustro de profesores e profesoras do centro.

Finalmente, Diego Fernández sumouse a estes parabéns e fíxolles entrega aos alumno do libro “O cantigueiro de Orcellón”.

Unha estampa que repítese cada vez con máis frecuencia, tamén no Carballiño, a de ver xabaríns no centro do casco urbano.

Desta vez, en pleno dia de feira fin de mes, ésta é a escea que pudo verse esa mañá nos xardíns da Rúa Aldara, a carón mesmo da Praza Maior do Carballiño.

A directora xeral de Administración Local, Marta Fernández-Tapias, acompañada pola delegada territorial da Xunta en Ourense, Marisol Díaz Mouteira, asinaron convenios de colaboración cun total de 18 concellos ourensáns para financiar ao 50% a reparación dos danos ocasionados en infraestruturas de titularidade municipal durante a vaga de lumes do pasado mes de outubro.

No ámbito das comarcas do Carballiño e O Ribeiro os concellos que resultarán beneficiados destes convenios de colaboración son: Avión, Piñor, San Cristovo de Cea, Carballeda de Avia, Leiro, Maside e Melón.

O importe de cada convenio foi calculado en función da información facilitada polos propios concellos, e a comprobación técnica in situ para determinar se eran ou non gastos subvencionables.

Esta era unha das liñas de axudas incluídas na orde conxunta que habilitou o Goberno galego para facer fronte aos danos producidos polos incendios, cuxo orzamento ascendeu a 13,2 millóns de euros. A este orzamento hai que sumar os 9,8 millóns de euros investidos pola Xunta en actuacións directas en distintos ámbitos: nos montes e estradas afectadas, ou nos parques naturais.

Esta convocatoria conxunta do Goberno galego habilitou axudas para poder paliar os danos causados pola vaga de lumes nun amplo abano de supostos, como a de afectación a bens de titularidade municipal (como os convenios asinados hoxe, que serán un total de 41 a nivel de toda Galicia); pero tamén a vivendas, negocios e, por suposto, por danos persoais.