A directora xeral de Administración Local, Marta Fernández-Tapias, acompañada pola delegada territorial da Xunta en Ourense, Marisol Díaz Mouteira, asinaron convenios de colaboración cun total de 18 concellos ourensáns para financiar ao 50% a reparación dos danos ocasionados en infraestruturas de titularidade municipal durante a vaga de lumes do pasado mes de outubro.

No ámbito das comarcas do Carballiño e O Ribeiro os concellos que resultarán beneficiados destes convenios de colaboración son: Avión, Piñor, San Cristovo de Cea, Carballeda de Avia, Leiro, Maside e Melón.

O importe de cada convenio foi calculado en función da información facilitada polos propios concellos, e a comprobación técnica in situ para determinar se eran ou non gastos subvencionables.

Esta era unha das liñas de axudas incluídas na orde conxunta que habilitou o Goberno galego para facer fronte aos danos producidos polos incendios, cuxo orzamento ascendeu a 13,2 millóns de euros. A este orzamento hai que sumar os 9,8 millóns de euros investidos pola Xunta en actuacións directas en distintos ámbitos: nos montes e estradas afectadas, ou nos parques naturais.

Esta convocatoria conxunta do Goberno galego habilitou axudas para poder paliar os danos causados pola vaga de lumes nun amplo abano de supostos, como a de afectación a bens de titularidade municipal (como os convenios asinados hoxe, que serán un total de 41 a nivel de toda Galicia); pero tamén a vivendas, negocios e, por suposto, por danos persoais.

Os organizadores agardan superar os mil participantes que xa tivera a primeira experiencia carballiñesa "Holi" do ano pasado, para este sábado dia 28 de Xullo agárdase superar esa cifra para esta segunda edición, tal como comentou nesta emisora de radio Uriel Bernárdez.

A quedada está programada para as cinco da tarde na Praza do Emigrante, no centro do Carballiño., onde os participantes serán recibidos con música para ir entrando en ambiente nesta festa na que a pintura e a música son as protagonistas.

A "carreira" ou "recorrido" da Holi Pulpo será de algo máis dun kilómetro, ata a parque municipal do Carballiño, onde se celebrará un festival musical con varios DJ que se prolongará durante unhas catro horas.

As entradas están a venda en varios locais ao prezo de 10 euros, que inclúe ademáis da entrada varios agasallos para os participantes.

Toda a información da "Holi Pulpo 2018" pode verse en Facebook.

O Concello de Avión volverá, un ano máis, a poñer en valor a cultura de México por ser o país ao que emigraron unha gran cantidade de veciños do municipio e, por elo, o venres, 10 de agosto, Avión acollerá a XIV edición da súa tradicional "Festa Mexicana". A presentación desta celebración cultural tivo lugar no Pazo Provincial, acto no que participou o vicepresidente da Deputación de Ourense, Rosendo Fernández; o alcalde de Avión, Antonio Montero; e a responsable da Festa, Isabel Gabián.

"Esta festa comezou a celebrarse no ano 2005 co obxectivo de homenaxear a un país que acolleu a maior parte dos veciños emigrantes do municipio", explicou Rosendo Fernández, que engadiu, "trátase dunha festa de carácter único e particular polas súas características, que ano tras ano medra e mellora, exaltando a música, a gastronomía e a cultura de México".

A festa, que comezará a partir das 18.30 horas, renderá homenaxe á cultura deste país ofrecendo aos asistentes música en directo a cargo de dúas agrupacións de mariachis, gastronomía tradicional a través de catro restaurantes mexicanos afincados en diferentes puntos da xeografía galega, e con actividades gratuítas para os máis cativos. Asemade, haberá sorteos de cestas con produtos mexicanos, así como o famoso xogo da "piñata", tanto para nenos como para adultos.

O alcalde de Avión explicou que esta festividade naceu co obxectivo de "render homenaxe a toda a emigración do noso municipio e para que sexa un sitio de encontro de moitos dos nosos emigrantes que durante moitos meses pasan o seu día a día nos distintos países". Por outra parte, Antonio Montero destacou o labor social desta celebración dado que "as piñatas son elaboradas pola xente do Centro de Maiores, e parte dos fondos que recadamos con isto son para eles para que poidan realizar as súas actividades".

A celebración pretende ser "unha exaltación da cultura mexicana nos seus distintos aspectos e tamén intentamos mostrala a través dos carteis da festa que, nesta edición, rende homenaxe á película de animación mexicana "Coco". O obxectivo é introducir cada ano novos elementos para dar a coñecer a cultura deste país", explicou Isabel Gabián.

En canto á asistencia de público, Antonio Montero explicou que "ano tras ano a afluencia de público vai aumentando, e esperamos que nos visiten como mínimo 3.000 persoas como nas últimas edicións". Neste senso, a responsable da festa lembrou que se trata dunha celebración "referente na nosa provincia e en toda Galicia, á que asisten tamén persoas de Asturias e Portugal".

Nacido no pobo de Garabás, fai 90 anos, o poeta faleceu na mañá deste martes 24 de Xullo, tras pasar unhos dias ingresado no Complexo Hospitalario de Ourense.

A Fundación "Insua dos Poetas" programara para este próximo sábadodia 28 de Xullo unha homenaxe a Victor Campio Pereira no marco da "X Festa da Palabra", unha homenaxe que se mantén "e que se fará agora aínda con moita máis emoción tras o seu pasamento", dixo nesta emisora de radio o presidente da Fundación Insua dos Poetas, Luis González Tosar.

Nesta homenaxe ao poeta masidao intervirán Victor Viñal, Alba Cid, Pablo Rubén Eiré e o propio Tosar. Como mantedor desta "X Festa da Palabra" actuará o escritor Xosé Luis Méndez Ferrín.

O conxunto das mámoas de Segade, inédito e espectacular con media ducia de mámoas, duns 20 metros de diámetro por case 3 metros, a uns setecentos metros de altura, ofrecen ó visitante unha impresionante panorámica da contorna da parroquia de San Cosme e dos pobos e concellos veciños, aínda conservan, feito que non é habitual, os esteos que forman o dolmen, si ben sería de época posterior, consta a inscrición do mosteiro de Oseira e na cara oposta figura outra lenda de “S. Salvador de O” e na cima dun dos esteos pódense ollar uns petróglifos en forma dun par de coviñas.

As mámoas de Segade están catalogadas pola Dirección Xeral de Patrimonio coa denominación de “conxunto de Mámoas de Segade”.
Os socialistas lamentan que a pesar do tempo transcorrido, o goberno municipal, unha vez máis, anclado na apatía e na compracencia de non facer nada para poñer os recursos do Irixo en valor e poñelo no mapa, non fixo absolutamente nada, a pesares de que o pasado 30 de xuño de 2017 os socialistas presentamos unha moción para A CONSTRUCIÓN DUN GRAN PARQUE ARQUEOLÓXICO NO IRIXO e que dita moción foi aprobada por unanimidade da corporación municipal.

O Portavoz do Grupo Municipal Socialista do Concello de O Irixo, Iago Fariñas Valiña, presentou unha MOCIÓN PARA A POSTA EN VALOR DO PATRIMONIO ARQUEOLÓXICO EN XERAL, E O CONXUNTO DAS MÁMOAS DE SEGADE EN PARTICULAR, NO IRIXO.

EXPOSICIÓN DE MOTIVOS

PRIMEIRO.- Que o pasado 30 de xuño de 2017 os socialistas presentamos unha moción para A CONSTRUCIÓN DUN GRAN PARQUE ARQUEOLÓXICO NO IRIXO, ó entender que O Irixo debería estar no mapa pola súa riqueza patrimonial entre outras moitas cousas, como concello rico en xacementos arqueolóxicos, castrexos, rupestres e xa máis recentemente, incluso xacementos románicos.
SEGUNDO.- Que a pesar do tempo transcorrido, o goberno municipal, unha vez máis, anclado na apatía e na compracencia de non facer nada para poñer os recursos do Irixo en valor e poñelo no mapa, non fixo absolutamente nada, a pesares de que dita moción foi aprobada por unanimidade da corporación municipal.

TERCEIRO.- Que incluso unha mostra da riqueza arqueolóxica do noso concello, é o feito de que un dos símbolos máis destacados deste concello incluído no seu escudo sexa unha “Arracada”, que foi descuberta no ano 1905 no castro do Cardedo. Deuna a coñecer Xaquín Lorenzo Fernández no ano 1943 e na actualidade encóntrase no Museo de Pontevedra.

CUARTO.- Que no Irixo existen numerosos castros, no Cardedo e na Esfarrapa (Campo); A Cidá (Irixo de Arriba-Campo); Orros (A Cidá); Corneda (Vilameá-Corneda); Souteliño (Corneda); Loureiro (A Rúa Loureiro); Pedroso, Reádigos e Santiso (Reádigos), San Cosmede ou da Igrexa (O Castro-San Cosmede de Cusanca); Zacarade (San Cosmede de Cusanca); Monte dos Ollos (entre Ribela, parroquia de Riádigos, e Vilameá, parroquia de Corneda). Esfarrapa: Sobre o castro levantouse a ermida adicada a San Roque. San Cosmede: A igrexa parroquial asenta sobre o castro. Zacarade: Castro citado en documentos de mediados do século XVIII.
Que a todo o anterior hai que sumar incontables xacementos rupestres, petróglifos e gravados rupestres, que son elementos moi abundantes en todo o concello de O Irixo e incluso xacementos romanos de explotación aurífera. Entre todos estes xacementos, están as coñecidas por todos, pero esquecidas o mesmo tempo, as mámoas de Segade que forman un conxunto singular.

QUINTO.- Que as mámoas ou medoñas son túmulos funerarios característicos do Neolítico do noroeste da Península Ibérica, neste caso o conxunto das mámoas de Segade, e singular e o mesmo tempo espectacular. Estas mámoas aínda conservan, feito que non é habitual, os esteos que forman o dolmen, aínda si ben é certo que falta a lousa que facía de cumbre ou tapadeira. Ademáis esta está gravada, si ben sería de época posterior, consta a inscrición do mosteiro de Oseira e na cara oposta figura outra lenda de “S. Salvador de O”.
Destacar que na cima dun dos esteos pódense ollar uns petróglifos en forma dun par de coviñas que puideran ser anteriores á construción do enterramento.
Normalmente no interior encóntrase unha estrutura pétrea coñecida como dolmen ou anta, formando o conxunto, un túmulo funerario característico da cultura megalítica. Estamos pois ante enterramentos dos antigos habitantes destas terras entre os séculos V e II, que no caso das mámoas de Segade, están catalogadas pola Dirección Xeral de Patrimonio coa denominación de “conxunto de Mámoas de Segade” ó localizarse preto do propio pobo de Segade que lle da o seu nome.
Este conxunto inédito e espectacular de media ducia de mámoas, duns 20 metros de diámetro por case 3 metros, (rebaixadas nalgúns casos polas labores forestais e agrícolas) están ubicadas a uns setecentos metros de altura, ofrecendo ó visitante ademáis da súa propia riqueza arqueolóxica e cultural, unha impresionante panorámica da contorna da parroquia de San Cosme e dos pobos e concellos veciños.

SEXTO.- Que a posta en valor do patrimonio arqueolóxico do Irixo, en especial das mámoas de Segade, tería entre os seus obxectivos, o de fomentar e fortalecer a conciencia e o respecto cara o patrimonio cultural, e contribuiría a facer do Irixo un lugar máis atractivo que sumado a outras propostas feitas durante estes anos polos socialistas como o parque arqueolóxico do Irixo, un revulsivo para a verdadeira reactivación económica do territorio do Irixo e a súa posta definitiva no mapa.

SÉTIMO.- Que por esta riqueza arqueolóxica, elemento sobresaínte e diferenciador do Concello do Irixo, os socialistas do Irixo propuxemos mediante os nosos representantes no parlamento de Galicia, unha emenda presupostaria ós orzamentos da Xunta de Galicia do ano 2017 co fin de acadar a financiación necesaria para poñer en valor todo este patrimonio como elemento diferenciador e dinamizador do noso concello, un investimento orientado á conservación e revalorización do patrimonio arqueolóxico, e tamén ó fomento da investigación.

Que por todo o manifestado, o Grupo Municipal Socialista do Concello de O Irixo presenta para a súa consideración e aceptación polo Pleno Municipal a seguinte MOCIÓN instando ó Concello a:

1º.- Que o Concello de O Irixo solicite da Xunta de Galicia e/ou da Axencia Galega de Desenvolvemento Rural (AGADER) os medios económicos necesarios para a posta en valor do patrimonio arqueolóxico en xeral e as “Mámoas de Segade” en particular no Irixo.
2º.- Que se proceda á sinalización, acondicionamento e información que permita a vista das “Mámoas de Segade” ademáis dos demais lugares e restos patrimoniais máis significativos espallados polo Concello de O Irixo, restos arqueolóxico, castros, xacementos auríferos... etc.
3º.- Que se traballe e avance en colaboración con outras administracións na consecución dun parque arqueolóxico para O Irixo como xa foi aprobado por unanimidade da corporación municipal o pasado 30 d