O alcalde socialista Francisco Fumega, cun grupo en minoría no pleno da Corporación, volve conseguir sacar adiante os orzamentos anuais, e faino por terceiro ano consecutivo valéndose da abstención de un dos tres grupos da oposición.
Desta vez foi o Partido Popular coa abstención dos seus seis concelleiros quen permitíu a Fumega a aprobación inicial dos orzamentos para este ano 2018, cifrados en 9,6 millóns de euros para o presente exercicio.
Tanto BNG como Alternativa Veciñal votaron en contra do documento presentado polo grupo de goberno, que consideran continuista "un corta e pega" que non aporta nada novo, argumentaron.
Nesta mesma sesión de pleno extraordinario na que se aprobaron os orzamentos, tamén foi inicialmente aprobada a Relación de Postos de Traballo -RPT- no concello do Carballiño, neste caso grazas a tres abstencións, as dúas do BNG e a do portavoz do PP, Argimiro Marnotes. En contra votaron os outros cinco concelleiros populares e o concelleiro de AV-En Marea, Bernardo García.
A corporación tamén aprobou unha modificación de crédito por importe de 790.000 euros, procedentes do superavit de 2017, que en gran parte se vai destinar a sadar a débeda municipal, según anunciou o alcalde nesta sesión plenaria.
Tamén se aprobou a adhesión do concello do Carballiño á "Rede de Cidades que Camiñan".
Nada chico, que non te enteras. Vouche refrescar a memoria. Déixote aquí a lexislación vixente en materia de Catastro Inmobiliario. https://www.boe.es/buscar/act.php?id=BOE-A-2004-4163 Real Decreto Legislativo 1/2004, de 5 de marzo, por el que se aprueba el texto refundido de la Ley del Catastro Inmobiliario. Como podes ver meu rei, non é Celso Fernández o que firma (fun mirar a ver se fora él porque tampouco é santo da miña devoción). Esta lei é asinada por Cristóbal Montoro (o mesmo que a aplica hoxe).
Con respecto ao IBI de 2017, os masidaos (non sei se coñeces ben este pobo) non pagamos máis pagamos o mesmo porque o IBI de 2017 devéngase a 1 de xaneiro. Pagamos o valor catastral da ponencia de valores do 89, cos coeficientes correctores de Montoro, é dicir, non veñas de listo, se pagamos máis é polos coeficientes correctores de Montoro. É no ano 2017 cando se produce a nova ponencia de valores. A empresa contratada por Montoro fai os seus traballos, e os novos valores entran en vigor no ano 2018. Cando pagaremos máis por culpa destes valores será no 2018 porque como o IBI devéngase a 1 de xaneiro, e os novos tipos impositivos aprobáronse no 2018, non poderán ser efectivos ata o 2019.
Polo tanto Jorge, o que se pagou de máis ata o de agora é polos coeficientes correctores de Montoro. O que se pagará de máis no 2018 é pola nova ponencia de valores (os que te puxeron a dedo xa poideron solicitar unha nova ponencia de valores, porque está ben que queiran estar 28 anos na poltrona, pero 38 anos sen nova ponencia de valores é excesivo).
Polo demáis, eso de coller o toro polos cornos, eso dos petos dos masidaos, e demáis chorradas deberíades telo en conta no ano 2017, ano no que chorábades porque o alcalde non vos poñía os plenos os mércores. Se forades unha oposición un pouco decente e constructiva deberiades poñer unha moción no ano 2017. Pero non te enteras Jorge. Méteste en xardíns que non dominas, e saes trasquilado.
Non podes aplicar un tipo impositivo cando che pete ou cando che veña en gaña ( esto non é como o dos xardíns). Tes que aplicalo a 1 de xaneiro no caso do IBI, e se a un de xaneiro non está aprobado non podes.
Podes visitar as Festas de Santa Rita de Dacón, e deste modo podes despexar a mente.
Un cidadán de Maside.
Mira cos do PP de Maside somos tranquilos pero é que levamos uns meses vendo que dende o Concello de Maside todo son ou contos ou medias verdades, e como parece que xa comezou a campaña no Concello de Maside, pois imos a dar resposta as incertezas sementadas polo Alcalde facendo os desmentidos correspondentes.
Como hai moitos asuntos a tratar irémolos debullando un a un, hoxe tocaremos o tema do tristemente famoso IBI (Imposto de Bens Inmobles) de natureza Urbana, que tanto esta dando que falar en Maside e supoño que noutros concellos tamén.
O alcalde de Maside, vendo as numerosas queixas dos veciños pola suba tan desmesurada do IBI do 2017, vennos coa REBAIXA, pero chega tarde. Tras a moción presentada polos populares para que o catastrazo non caera outra vez sobre as cabezas dos veciños, o alcalde acorda rebaixar o tipo de gravame xeral do 0,6 ao 0,5, pero non o aplica, tal como se lle pediu tamén, para o exercicio 2017, senón que acorda que como moi pronto non entrará en vigor antes do fin do 2018 principios do 2019, vamos cando se paga o IBI.
Vista a moción que presentamos os populares pedindo unha baixada ata o 0,45; o alcalde e algún dos seus concelleiros o darse conta que se quedaran moi curtos nas súas previsións, andan agora a vender a moto aos veciños que aínda van a baixar mais o tipo de gravame a aplicar no IBI urbano, concretamente falan de chegar ata o 0,4 .
Dende o PP de Maside esperamos que se chegue a cumprir o que predican, polo ben do peto de todos os Masidaos, pero que quede a cousa ben clara, o catastrazo veu a petición do concello de Maside non proposto por Rajoy, Montoro ou o primeiro que se lle pase pola cabeza ao alcalde, que o que normalmente fai, así que deixe de botar balóns fora.
Insistimos dende o PP de Maside en dicir que o alcalde sabía perfectamente que como consecuencia da subida do valor catastral do 2017 o Imposto de Bens Inmobles (IBI) a aplicar no 2017 sería moito mais elevado que o que se viña pagando ata entón e é aquí onde a xestión realizada polo Concello fai augas porque primeiro FIXO CAIXA cobrando o IBI ca suba e despois nos vende que o vai o arranxar coa baixada do tipo de gravame xeral a pagar.
Os populares pensamos que o que se debería haber feito era tomar o touro polos cornos e facer esa rebaixa efectiva no 2017, iso sería unha boa xestión por parte do Concello, porque intentaría diminuír o gasto aos masidaos antes de ter que facer o desembolso dos cartos, que polo que podemos apreciar os veciños, eses cartos nunca mais os volveremos a ver.
Luis Jorge Álvarez Ferro. Partido Popular de Maside.
Dende o Programa de Educación Familiar da Mancomunidade de Concellos de O Carballiño veñen de presentar un paquete de charlas formativas dirixidas ás familias e destinadas a apoiar a súa labor educativa na crianza dos fillos e fillas, tratando temáticas de especial relevancia na actualidade que promovan a prevención, evitando así a aparición de diversas problemáticas, que se desenvolerán nos cinco concellos que integran a entidade intermunicipal.
Educar nunca foi tarefa sinxela, ó que de debemos sumar a existencia de novas realidades que veñen a dificultala aínda máis, e nos poñen fronte a novos retos educativos que requiren maiores habilidades e recursos para as familias. A finalidade deste grupo de charlas é precisamente apoiar ás familias e dotalas das ferramentas necesarias para facer fronte ás súas dificultades diarias. Os temas a tratar son diversos e impartidos por profesionais especializados en cada ámbito.
As diferentes xornadas formativas desenvolveranse ó longo do ano 2018 e 2019, de forma periódica, co fin de facilitarlle a asistencia ás persoas participantes e non sobrecargalos, sendo coñecedores da gran cantidade de carga de responsabilidades diarias que ostentan as familias e que limitan o seu tempo libre para formación. O curso “CÓMO EDUCAR” dará comezo cunha primeira charla sobre unha problemática de especial relevancia, o Grooming.
O manexo das novas tecnoloxías por parte dos menores é cada vez máis temperá, facéndoo moitas veces de forma autónoma e sen supervisión, e sen coñecemento real da perigosidade que entraña. Ademais, os pais e nais adoitan carecer das ferramentas necesarias para facer fronte a esta situación. Neste contexto, debemos ter en conta que hai persoas que se dedican a enganar e manipular ós menores para satisfacer os seus desexos sexuais.
A pedofilia produce un temor fulminante nas familias, e xa que non poden influír na conduta desviada destas persoas, o que si poden é educar ós seus fillos e fillas no bo uso da Internet e nas sinais de alerta temperás que deben notificar, para estar protexidos e sentirse seguros.
Baixo o título GROOMING: abusos infantís a través da Internet. Introdución segura das novas tecnoloxías nos menores, persoal da Garda Civil especializado neste tema ofrecerá pautas de detección e actuación ante esta problemática, incidindo tamén nas metodoloxías educativas para introducir ós menores nas novas tecnoloxías dun xeito seguro.
Esta primeira xornada formativa terá lugar nos cinco concellos integrantes da Mancomunidade de Concellos de O Carballiño, requirindo inscrición previa, posto que una vez finalizado todo o curso farase entrega duns diplomas que acrediten a participación:
PIÑOR CENTRO SOCIAL Luns 28 de Maio, 19h a 20:30h
SAN AMARO CONCELLO (Salón de Plenos) Mércores 6 de Xuño, 18h a 19:30h
O IRIXO CONCELLO (Salón multiusos) Mércores 27 de Xuño, 18h a 19:30h
BOBORÁS CONCELLO (Salón de Plenos) Mércores 4 de Xullo, 18h a 19:30h
BEARIZ CONCELLO (Salón de Actos) Luns 9 de Xullo, 18h a 19:30h
As persoas interesadas deben inscribirse no concello correspondente. O curso CÓMO EDUCAR está conformado por un total de 4 charlas formativas. A seguinte sesión versará sobre educación sexual e terá lugar no mes de outubro, mentres que as últimas dúas xornadas se celebrarán no primeiro semestre do ano 2019, das cales se informará coa antelación necesaria.
Na foto, o Presidente da Mancomunidade Manuel Cerdeira e a Vicepresidenta Patricia Torres.
O Portavoz do Grupo Municipal Socialista do Concello de O Irixo, Iago Fariñas Valiña, presentou unha MOCIÓN PARA UN PLAN DE ANÁLISE DE TÓDALAS FONTES PÚBLICAS E MANANCIAIS DE TRAIDAS DE AUGA DE CONSUMO HUMANO DO CONCELLO DE O IRIXO.
EXPOSICIÓN DE MOTIVOS
PRIMEIRO.- Que no noso Concello existen numerosas fontes e mananciais que subministran de auga a toda a veciñanza do Irixo, si ben moitas veces este consumo de auga carece de control sanitario e pode repercutir negativamente na saúde dos veciños e veciñas que fagan uso da mesma.
SEGUNDO.- Que o consumo de auga en mal estado pode ter unha incidencia directa sobre a saúde das persoas, son coñecidas por todos as enfermidades gastrointestinais sen obviar, as enfermidades crónicas por sustancias químicas presentes na auga que moitas veces nin sequera se vinculan ca mesma pasando inadvertida a orixe de dita enfermidade que realmente está na auga. Que incluso non é nada novo o feito de que en outros concellos se teñen detectado no pasado contaminacións de arsénico e outras sustancias nos mananciais de consumo humano co grave risco para a saúde das persoas.
TERCEIRO.- Que entendemos que as fontes son un ben de uso público e os mananciais de consumo humano dos distintos pobos un ben de primeira necesidade para a veciñanza, un ben indispensable e necesario para a vida, polo que o Concello de O Irixo debería atender a súa vixilancia, control, mantemento e sinalización, dando información da calidade sanitaria das augas que subministran.
CUARTO.- Que entendemos preciso que o concello realice un plan de autocontrol adecuado insistindo naquelas fontes nas que se teña constancia que son utilizadas para consumo de auga e que as sinalice de acordo ás características da auga.
QUINTO.- Que nas fontes e mananciais naturais nos que o concello teña constancia que son utilizadas para consumo de auga habitual deberíase realizar un autocontrol periódico dúas veces ó ano, no cal se deberían analizar os parámetros recomendados pola Xunta de Galicia: olor, color, turbidez, condutividade, PH, amonio, Escherichia coli e bacterias coliformes, nitritos, nitratos, enterococos, Clostridium perfringense e outros parámetros en función das características particulares da auga (aluminio, arsénico, manganeso ou ferro, por exemplo). Que segundo as recomendacións e/ou normativa legal se informe/sinalice os resultados dos mesmos e cando sexa posible se proceda a colocación da última análise de auga realizada.
Que dito todo o anterior, o Grupo Municipal Socialista do Concello de O Irixo presenta para a súa consideración, co fin de evitar riscos potenciais para a saúde, garantir a salubridade da auga e así asegurar a protección da saúde da veciñanza do Irixo, insta ó Pleno municipal á adopción dos seguintes ACORDOS:
1º.- Que o Concello de O Irixo encargue unha analítica exhaustiva de tódalas fontes e mananciais de consumo humano do municipio que se deberá repetir coa periodicidade recomendada pola normativa autonómica ó efecto.
2º.- Que o Concello de O Irixo faga públicos os resultados das analíticas co fin de que toda a veciñanza coñeza o estado da auga que están bebendo, e que se hai algún problema se tomen as medidas preventivas e correctoras necesarias.
3º.- Que no seu caso se informe insitu, cos carteis correspondentes e axustados ás recomendacións e/ou normativa legal, do estado da auga dos mananciais; “AUGA APTA PARA O CONSUMO HUMANO”, “AUGA SEN GARANTÍA SANITARIA” ou “AUGA NON APTA PARA O CONSUMO HUMANO”.
El PSOE de Leiro reclama al Gobierno Municipal del Partido Popular la urgente intervención en las carreteras de las nueve parroquias de nuestra Ayuntamiento para que y según dice nuestra campaña que estamos llevando acabo por todo el Ayuntamiento para “MEJORAR LEIRO” y “que se dejen de asfaltar carreteras municipales donde tienen ubicados sus domicilios los acólitos o familiares del Grupo de Gobierno, en vez de primar y priorizar el interés general de tod@s los vecin@s en su conjunto”.
Los socialistas reiteran la inaplazable necesidad de que el gobierno que preside Fco José Fernandez deje de tratar a los vecin@s como ciudadanos de segunda categoría, ya que “el estado de deterioro de las carreteras municipales requieren de una intervención urgente de las mismas” y no dejar pasar el tiempo, para que después en vísperas de las próximas elecciones municipales del próximo año entren las prisas y se haga algo no todo para que piensen los vecin@s que este gobierno municipal piensa en el interés general, por lo que los socialistas criticamos y denunciamos públicamente este tipo de aptitudes caciquiles de este señor Alcalde ya que se viene realizando reiteradamente cuando hay un proceso electoral.
“El gran tránsito de vehículos que transcurre por algunas de las vías, así como su deterioro por la falta de atención y el oportuno asfaltado de las carreteras, han llevado a numerosos vecin@s a solicitar la ayuda del PSOE de Leiro. Muchas personas de las parroquias afectadas nos han trasladado su preocupación por la falta de seguridad vial que este grave problema les ocasiona”.
O presidente da Deputación de Ourense, Manuel Baltar, visitou o concello de Avión, onde se reuniu co alcalde do municipio, Antonio Montero, e con concelleiros do equipo de goberno local.
No encontro analizaron os investimentos que a Deputación de Ourense destina en cooperación co Concello de Avión a proxectos sociais e deportivos, como o centro de día e a piscina municipal, e tamén valoraron vindeiras iniciativas que se levarán a cabo entre ámbalas dúas administracións, referidas á mellora de infraestruturas viarias e de equipamentos comunitarios.
O obxectivo, segundo explicou Manuel Baltar é "seguir ofrecendo os niveis de máxima calidade na prestación de servizos públicos".
En la reciente polémica de los camelios, que el ayuntamiento da por cerrada, debería haber transparencia.
El alcalde en esta misma cadena, dice que si todas las polémicas son estas, es que todo va bien.
Pues le voy a decir lo que no va bien:
¿Cuales fueron la empresas invitadas a ese trámite administrativo?¿Cómo se les invita?
¿Cual fué el coste de la obra?
¿Dónde se plantaron?
¿Porqué no se hacen publicos estos procedimientos administrativos?
Cuando se invita a estos procedimientos sin publicidad, pensando bien uno espera que se haga por el bien de las empresas del pueblo, pero cuando una concejala gana la concesión administrativa, todo queda en un procedimiento opaco. Y más todavía cuando dentro del mismo pueblo se deja fuera a otras empresas que no están avisadas para competir.
A los profanos en política lo que más nos llama la atención es que esto no se debata en los plenos. Es decir si el ayuntamiento tiene un plan para cambiar unos árboles de determinada calle, esto no debería debatirse con los demás grupos políticos.
En mi modesta opinión el aparcamiento en batería tipo espiga, es decir marcha atrás a contrasentido, es un error. Será más fácil salir pero no así entrar, sobretodo de noche que vas más a ciegas y no es fácil ver los huecos a la primera. Pero lo peor es el ángulo que le han dado, demasiado abierto, mas de 75-80 grados con la acera como si fuese un ángulo recto puro. Debieran haberlo dejado en 60 grados como mucho y en mi opinión lo contrario a espiga, es decir, aparcando de frente en el sentido de la marcha y saliendo marcha atras. Se perderían algunas p!asas pero seria mas cómodo y seguro. Que tomen nota para la rúa Evaristo Vaamonde y por lo menos pregunten a la gente lo que quieren antes de hacer nada.
Y lo de los coches de la Peugeot se tiene que acabar. Es evidente para todos que esos coches están a la venta en via publica. Lo sabe todo el mundo y ahí llevan años ocupando no menos de 25 plazas.
“A polémica sobre o proceso de replantación de novas árbores na Avenida Xullo R. Soto é estéril e infundada”, asegurou hoxe o alcalde do Carballiño, Francisco Fumega, durante unha rolda de prensa ofrecida conxuntamente coas concelleiras de Medio Ambiente, Érika Paz, e de Economía, Rita Soto, para informar do procedemento seguido no mesmo.
Este procedemento seguiu os pasos administrativos habituais na contratación do servizo, que se realizou dun xeito totalmente satisfactorio e dentro da legalidade, segundo dixo a concelleira de Medio Ambiente.
Érika Paz compareceu para "aportar toda a documentación que demostra a transparencia seguida en todo o proceso. Así, dixo que se realizou un informe a primeiros deste ano sobre a situación dos camelios e dos maceteiros, concluíndo que moitas árbores estaban secas e os maceteiros, moi deteriorados. Así mesmo, encargouse un informe técnico sobre o tipo de árbores máis axeitadas para esa rúa. E finalmente, elexíronse acebos de alta calidade, que son os que se colocaron", manifestou.
Engadíu que "despois pedíronse presupostos a tres empresas, como é preceptivo, seleccionando unha empresa de Mesego, que efectuou a mellor oferta económica e técnica".
"O encargo incluiu a totalidade do proceso: retirada dos camelios e dos maceteiros; preparación dos alcorques e plantación das novas árbores, así como a replantación dos camelios servibles nos terreos dos centros sociais das parroquias e a xestión dos inservibles, dos maceteiros e doutro tipo de refugallos derivados deste traballo", asegurou
"Esta empresa, tal e como o fai asiduamente, depositou temporalmente os camelios inservibles e os maceteiros nunha finca, chamando posteriormente a unha empresa de xestión de residuos da comarca para o seu transporte e reciclaxe" subliñou a concelleira.
Neste senso, a concelleira aportou unha carta da empresa onde explica este procedemento habitual, así como a recepción destes refugallos por parte dunha empresa de xestión de residuos da comarca. Mentras tanto, os camelios servibles foron replantados nos terreos dos centros sociais das parroquias.
Con estes documentos, que -según os responables municipais- "certifican a legalidade e transparencia de todo o proceso" Érika Paz criticou que o portavoz do principal partido da oposición puxese en cuestión o bo facer dunha empresa local, "que fixo un traballo de calidade, tal e como o manifestan os veciños da avenida Julio R. Soto, así como do concello, que diu solución a unha vella demanda veciñal para cambiar o que a todas luces era unha mala imaxe para esta céntrica rúa da vila",remarcou a concelleira.
Finalmente, Rita Soto, asegurou que "a finca na que se depositaron temporalmente os camelios e maceteiros retirados era propiedade súa e do seu marido, pero que este tipo de depósitos fano eventualmente moitas empresas da zona antes de que se fagan cargo deles outras empresas de xestión de residuos".
De feito, dixo que fora o seu marido o que lle dira o permiso, tal e como fai sempre coas empresas do sector, sen que haxa ningún tipo de interese particular nin calquera outro aproveitamento. Incluso, Rita Soto "asegurou que non se enterou deste depósito ata que o tema saiu publicado na prensa".
Por todo isto, dende o concello crese que o voceiro do PP "só busca obter certo protagonismo e rendimento político, incluso a costa de causar dano a unha empresa local que traballo con rigor".
E incluso o cominan a ir ao Xulgado, "se considera que se produciu algún tipo de ilegalidade, algo que é absolutamente falso".
Páxinas
- « primeira
- ‹ anterior
- …
- 484
- 485
- 486
- 487
- 488
- 489
- 490
- 491
- 492
- …
- seguinte ›
- última »
