Escoitábamos en Cope Carballiño a noticia de que un coñecido establecemento  da vila sufría por enésima vez un roubo con forza.

Sendo certo que estos feitos causan a lóxica alarma social, dende aquí quixera romper unha lanza polas forzas de seguridade. Fai unhos días foron detidos os presuntos autores do penúltimo roubo cometido no debandito establecemento.

Esto, non se coñece pola maioría da veciñanza porque forma parte do traballo  calado e discreto das forzas e corpos de seguridade. Esta labor non  transcende, a non ser que se trate dun caso mediático. Pois ben, estas persoas detidas, que inmediatamente pasaron a disposición do xulgado, foron automáticamente postas en liberdade por dito órgano xudicial.

Temos un sistema penal altamente garantista. Sin entrar a valorar se tan alto nivel de garantías para os presuntos delincuente sexa excesivo ou non, a consecuencia inmediata é que os sempre presuntos autores continúan na rúa, podendo continuar co seu "traballo".

Cabe perfectamente a posibilidade de que o último roubo fora cometido polos mesmos que foron  detidos polas forzas de seguridade fai uns días.

As nosas forzas de seguridade levan moitos anos traballando en condicións bastante precarias e con falta de personal e os resultados do seu traballo non sempre se coñecen.

Onte todas as mulleres da Galiza puxémonos en loita contra a desigualdade de xénero. Onte quedou claro que estamos fartas da discriminación por razón de sexo.

E penso que xa é hora de denunciar a organización patriarcal que rixe no concello do Carballiño. Non se entende que sexan os homes os únicos que cobran por adicación parcial, e total no caso do alcalde ¿acaso as concelleiras non se adican parcialmente as súas tarefas? Esto xa é micro/macro machismo.

E dentro do patriarcado machista do concello existe un caso de macromachismo alfa que consiste en que sexan os últimos que chegan os que teñan dereito a cobrar por adicación parcial. Aqueles que sexan fillos dalgún alcalde veciño, porque presúmese por xenética que serán os machos alfa chamados a dirixir o concello. Como nai, non quero que os meus fillos tamén podan ser discriminados por razóns xenéticas. Xa chega coa discriminación que sufrimos as mulleres.

Non señores e señoras do PP, membros e membras dese partido. O complot tácito ou expreso de AV en Marea é produto da fantasía baltar junior. Un partido como AV en Marea propón algo que é necesario. O restate dun servizo dunha empresa que deixou prescribir máis de 3 millóns de euros, e na que curiosamente traballa a dona do actual alcalde.

Pero é que o PP tivo catro anos pra rescatar o servizo das máns desta, cara e ineficiente, por non decir inepta empresa. O PP xa coñecía a prescripción, e incluso fixo unha auditoría que aclarou a situación real das contas (que por outro lado xa están ben claras no Consello de Contas e vese a prescripción de dereitos de cobro, non só do IBI, pero ademáis en outras taxas e contribucións)

AV en Marea, polo menos, tivo a decencia e o bo criterio de propoñer algo que é necesario, cousa que non foi quen de facer o PP en  catro anos e con maioría absoluta.

O PP non ten capacidade moral pra chamar ás cousas polo seu nome. Esto non é un complot, esto é un chiringuito progre, no que os do PSdeG meteron aos seus cando privatizaron o servizo. Pero o PP non pode falar de chiringuitos, xa sabemos que a Deputación é un servizo de colocación de familiares do PP (esto é unha verdade xudicial).

A inepcia da empresa de recadación deixa prescribir inicialmente 3 millóns de euros, e outros dous con posterioridade. O alcalde non ve preciso eliminar esa inepta empresa por razóns obvias ¿E qué fai o resto da oposición? Inventar complots o PP, e o BNG non se sabe todavía qué (alomenos AV en Marea recoñece que foi enganada polo alcalde) SEÑORES E SEÑORAS DA OPOSICIÓN: TENDES INSTRUMENTOS PARA PARAR ESTO!!!  A oposición é maioría absoluta, pode facerlle unha moción de censura ao alcalde, e tamén pode tumbar o proceso de adxudicación. Aquí cada quén debe retratarse.

O “complot tácito” entre o Alcalde do PSdeG-PSOE, Paco Fumega, e o Concelleiro de Alternativa Veciñal-En Marea, Bernardo García, leva a que o Concello privatice este servizo ata mediados do 2020, facendo cunha gran mentira, un gran pacto fantasma pola municipalización.

Tiñan anunciada repetidas veces novidades para antes de rematar o ano 17 e a data de hoxe non se cumpriu ningunha delas, e seguen sen cobrarse as taxas menores. O prego contempla un prezo a maiores de 63.525,00€ para que a empresa asuma un posible incumprimento do cobro das taxas ás que se ten comprometido o concello.

O BOP do 5 de marzo de 2018, da publicidade ao concurso para a adxudicar a empresa privada o servizo de recadación municipal, faltando unicamente que se publique no DOG. A derradeira prórroga do contrato existente e que se fixo por medio de cesión de contrato entre empresas externas, remataba o 31 de decembro do 17, e agora, con meses de retraso se saca a concurso dando só un prazo de só 5 días para a presentación de ofertas, cando o normal, o transparente e o eficaz, sería telo sacado en outubro do 17 e dar un prazo de 30 días para ofertas e ter en vigor un novo contrato o 1 de xaneiro do 18.

O pacto “Bernardo-Fumega”, máximos responsables deste descontrol na fórmula de xestión elixida, resultará que se dos tres bancos que colaboran en materia de recadación, terán cada un deles dúas contas, unha para o Concello e outra para a empresa externa, facendo do control do recadado, un auténtico caos ao ter que conciliar un total de 6 contas distintas. Ao respecto dos pequenos cobros a facer no Concello, anunciado por Bernardo e Fumega en comparecencia conxunta a mediados de Decembro, resulta que aínda non se puxo en funcionamento, nin se fan recibos, nin liquidacións nin auto-liquidacións de taxas menores en ningún dos departamentos.

Pero este é o menor dos problemas, o problema é que nin os propios gobernantes creen nas súas posibilidades de remunicipalización do servizo, toda vez que no prego que rexe este concurso, aparece a cantidade de 63.525,00€ para os dous anos a maiores dos 618.310,00€ do contrato principal, por si a empresa adxudicataria, definitivamente tivera que facer fronte á confección de recibos, liquidacións e auto-liquidacións desas taxas menores.

O prego base para a licitación deixa en evidencia a mentira sobre que xa se está municipalizando o servizo de recadación pois a comparativa entre os 618.310 € que se fixa para a empresa e os 63.525 € no que se valoran as taxas a cobrar polo concello que non son mais do 10,22%. E que dicir de que este prego, non fose pasado, xa non dicimos que polo pleno, pois debería toda vez que incumpre un acordo plenario sobre a remunicipalización de recadación, pero alomenos que fosen o suficientemente elegantes como para pasalo por unha comisión informativa de facenda.

En resumidas contas, teremos recadación privatizada ata o 2020. ¿onde está a remunicipalización?, quizáis ao carón da mentira.

Grupo Municipal do Partido Popular.

Efectivamente como ben conta o/a veciñ@ que critica a actuación do grupo de goberno e a nosa "pasividade" coincidimos en que non estamos de acordo con esta situación. Tanto Bernardo,o noso voceiro, coma o resto de compañeir@s incluíndome a min non estamos de acordo na maneira de actuar e de non cumplir nin co pactado nin co que lle prometen a veciñanza do actual grupo de goberno. Efectivamente o ano pasado a remunicipalización da recaudación era unha das condicións ( a máis importante dende logo) se lle esixíu o Alcalde para aprobar os orzamentos do 2017. Eles mesmos sacaron un calendario que dividía dita remunicipalización en catro fases. Tres delas xa tiñan que completarse no ano xa vencido (2017) e a cuarta ao longo deste. Nada de nada. E para broche de ouro e cubrirse de gloria publican no BOP de maneira unilateral (correspondelle o pleno a aprobación ou non a forma da xestión dos servizos e os expedientes de municipalización...). Esta é a maneira de actuar do actual alcalde, e de pouco serve dar excusas nin dar explicacións cando decimos unha cousa e POR DETRÁS facemos outra. A parte de esta maneira (privatizando) poden seguir tendo persoal traballando de maneira "irregular" (non esquezamos que a plaza de tesoreir@ con habilitación nacional segue sen salir a concurso...e está cuberta por unha funcionaria interina dende 1994 e dada esta situación debandita plaza tiña que ser sacada a concurso na oferta pública de emprego nun prazo máximo de tres anos dende a toma de posesión da mesma por parte d@ funcionari@ interin@). Este xeito de xestionar non é dende logo o que Alternativa Veciñal quere nin aproba. Denunciamos este xeito de facer as cousas e dende logo sentimonos enganados. Non deixaremos que esta situación caia en saco roto e actuaremos en consecuencia.

Manuel Nogueira, integrante de Alternativa Veciñal e covoceir@ de En Marea comarca do Carballiño

Páxinas