A Consellería do Medio Rural achegará un total de 53.724 euros no ano 2018 ao Concello de Boborás para mellorar as súas infraestruturas agrarias. Esta é a dotación contemplada no Plan Marco de mellora de camiños de titularidade municipal para este concello, tal e como lle confirmou hoxe a conselleira do Medio Rural, Ángeles Vázquez, ao alcalde de Boborás, Cipriano Caamaño, nunha xuntanza de traballo en San Caetano.

Esta cantidade é idéntica á recibida polo municipio ourensán no pasado exercicio e destinarase a sufragar diversas obras de adecuación e posta en valor de pistas no seu territorio. Dende o ano 2009 Boborás recibiu un total de 487.538 euros para esta finalidade, o que permitiu actuar en máis dunha vintena de puntos, mediante o arranxo, afirmado e reposición do firme de diversos camiños do seu territorio municipal.

A conselleira e o alcalde destacaron que este tipo de actuacións teñen unha repercusión moi positiva na contorna, xa que ademais de facilitar a mobilidade dos veciños propician un transporte e unha distribución máis áxiles e rápidas dos produtos do agro cara os diferentes mercados.

Ademais de abordar estas melloras, a titular de Medio Rural e o rexedor municipal avanzaron tamén na colaboración entre ambas institucións en materia de prevención e loita contra os incendios forestais. Boborás recibiu nos anos 2016 e 2017 un total de 80.470 euros da Consellería para financiar estes labores, tanto no que atinxe ás infraestruturas preventivas como a tratamentos silvícolas e á dotación das brigadas de prevención e extinción.

Na reunión de hoxe sentáronse as bases para continuar con esta cooperación no futuro.

O alcalde do Carballiño, Francisco Fumega, ven de encargar aos servizos técnicos do concello un estudio sobre a viabilidade dunha rebaixa do coeficiente que se aplica no Imposto de Bens Inmobles (IBI) para os próximos exercicios, así como a aplicación dalgún tipo de bonificación, ademáis das legalmente establecidas, polos atrasos.

Pese a que o concello do Carballiño aplica un coeficiente baixo do IBI, pois é do 0,6 cando o tramo establecido oscila entre o 0,4 e o 1,10, a recente actualización catastral decretada polo Goberno central provocou a regularización de moitas vivendas que levaban anos sen contribuir, o que supón un incremento da recadación municipal por este concepto, e de aí que dende a alcaldía se encargase este estudio co obxectivo de valorar unha posible rebaixa do IBI, así como algunha bonificación polos atrasos.

Para este pagamento pode solicitarse un plan de pago, de maneira que en vez de efectualo dunha soa vez, se faga por mensualidades ao longo do ano. A última revisión catastral realizouse no ano 1990, polo que O Carballiño atópase entre os 1.296 municipios españoles nos que se produciu un incremento do valor catastral.

Destes 1.296 municipios, aqueles que revisaron por última vez o catastro antes do 2004 verán incrementada a valoración das vivendas, cun coeficiente que varía entre o 1,08 para os anteriores a 1991 e do 1,03 para os que o fixeron entre 2001 e 2003.

Esta actualización non implica que varíe o tipo do imposto, xa que é de carácter municipal e o fixa cada concello-, pero sí o fai a valoración do inmoble, que é a base imponible sobre a que se aplica.

O Partido Popular quere que a corporación municipal traslade este debate á Mesa do Comercio.

A celebración da feira-mercado quincenal do Carballiño adiántase sempre que coinciden os dias 16 e derradeiro de mes en domingo ou festivo. O Partido Popular abre o debate sobre a idoneidade de manter a súa celebración nesas datas

Para acceder á proposta do Partido Popular prema no arquivo adxunto:

O Plan Integrado de Emprego, CARBAEMPREGA 2018 do Concello do Carballiño seleccionou aos primeiros 40 alumnos.

A Concellería de Promoción Económica, dirixida por Adolfo Nogueira, segue a emprender todo tipo de iniciativas que fomenten a formación co obxectivo de inserir no mercado laboral a todas as persoas desempregadas do Carballiño que sexa posible.

Nos vindeiros días completarase esta selección con 45 persoas máis ata acadar o total dos 85 previstos para esta segunda iniciativa. Todos os interesados que cumplan os requisitos marcados pola Dirección Xeral de Emprego teñen que dirixirse á Oficina de Emprego do Carballiño.

Este ano, ademáis das formacións troncais como informática, prevención de riscos laborais, etc. inclúese tres posibles itinerarios profesionais: soldadura, atención sociosanitaria e servizo de restaurante-bar. Todos eles, considerados por ter potencialmente demanda de persoal formado e profesionalizado. O orzamento, financiado pola Xunta, é de 204.000 €, case o dobre que no ano anterior.

O PIE do 2017 foi todo un éxito xa que atoparon traballo 42 dos 60 desempregados que o comezaron, moi por riba das previsións para este tipo de plans que inicialmente esixía a inserción laboral de 27. Estes plans teñen como compoñente máis atractivo un compromiso de contratación para parte do alumnado.

Así pois, o Concello ten acordos con empresas locais do sector do metal, do sector hostaleiro e de atención sociosanitaria para a realización de prácticas e, no seu caso, a contratación da meirande parte posible dos participantes. Na provincia de Ourense, só a capital e O Carballiño desenvolven este tipo de plans de emprego.

Estas iniciativas inflúen moi positivamente nas cifras de desemprego do noso concello, que pecharon este pasado ano 2017 por debaixo dos 1.000 parados por primeira vez dende hai 8 anos e coa perspectiva de continuar mellorando.

Ante a última previsión meteorolóxica, que anticipa unha mellora do tempo a partir das 5 da tarde, o concello informa que os Reis Magos efectuarán un recorrido, a partir das 17,30 h., polas principais rúas da vila nas súas carrozas máxicas. Noutronte, os resposables municipais acordaran suspender a cabalgata ante a previsión de mal tempo para esta tarde de venres.

Este recorrido da cabalgata comezará no barrio da Uceira e seguirá pola rúa Evaristo Vaamonde, Conde Vallellano, Aldara, Cesáreo Tizón, Ribeiro, Cruce de Ribadavia. Rúa do Paseo e Curros Enríquez, e finalizará no auditorio municipal, ondeterá lugar a recepción dos Reis.

A chegada das carrozas ao auditorio está prevista para as 18,30 h, aproximadamente. Durante o recorrido, haberá música en directo do dúo Canela Cafuné, e repartiransemilleiros de golosinas aosnenos e nenas que presencien a caravana e se acheguenao auditorio.

Así mesmo, haberá unha actuación especial da escola municipal de danza.

Recordan dende o Partido Popular como "o día 18 de Decembro de 2018 en comparecencia pública do Alcalde Sr. Francisco Fumega e o Concello de Alternativa Veciñal Sr. Bernardo García, manifestaron, dándose a razón un ao outro, que antes de que rematase o 2017, porían en marcha a primeira fase de municipalización do servizo de recadación, e que algunhas taxas poderían cobrarse xa nas propias dependencias municipais. Din de igual forma que se instalaría un caixeiro no propio Concello e tamén afirmaron que con esta medida se mellora a democratización do funcionamento e transparencia do concello".

Non obstante, afirma o Partido Popular que "a realidade a 4 de xaneiro de 2018, é que non se cobra aínda ningunha taxa nin grande nin pequena no propio concello do Carballiño, de igual forma é que non está instalado ningún caixeiro de ningunha entidade financeira nas dependencias municipais, e o que aínda é mais grave, o servizo de recadación volve a estar en precario, pois a vixencia da enésima prórroga e cesión do contrato rematou o pasado día 31 de decembro de 2017 e aínda non saíu a concurso o novo procedemento que se contempla de 1 ano + outro de prórroga, e nin aprobado está o prego de condicións".

E van máis alá os populares ao afirmar "se pretenden con este incumprimento falar de democratización e transparencia, e están equivocados de cheo, pois democratización nada de nada, este é un secuestro consentido do goberno municipal por parte do único concelleiro de Alternativa Veciñal, e de transparencia nada de nada, pois imos de mentira en mentira".

Dende o Grupo Municipal do Partido Popular, están sorprendidos "de cada episodio que non queren facer ver tanto dende alcaldía como dende Alternativa Veciñal, pois a Fumega interésalle facer que fai e a Bernardo esta mentira só lle vale para que ante os seus colaborades pareza que está todo municipalizado e que le fixo algo", remarcan

Respecto a cobrar no concello certas taxas,os populares manifestan "ser sabedores do malestar existente entre o persoal laboral, maioritario respecto do persoal funcionario que en gran medida están en contra de ter que facer cobros sexa polo sistema que sexa, pois non está nas súas funcións do posto de traballo, tamén a data de hoxe non existe ningún regulamento nin disposición municipal que regule dentro do concello esta nova fórmula de cobro".

Finalmente, recordan que solicitaron dende o Grupo municipal do PP no derradeiro Pleno, que se informe por parte de secretaría a legalidade de que persoal laboral non funcionario, poida facer este tipo de traballo "que parece máis adecuado por lei aos funcionarios".