A Xunta de Goberno da Deputación de Ourense ven de conceder unha achega económica de 80.000 euros ao concello de Avión para axudar ao mantemento de servizos sociais que xestiona a propia institución municipal, como son o Centro de Dia, o xantar sobre rodas ou a vivenda comunitaria.

Ademáis, en materia de infraestructuras, a entidade provincial ven de confirmar unha axuda ao concello que preside o alcalde Manuel Montero que se destinará a mellora de de camiños municipais, asi como a mellora do firme en varias localidades. A contía para estas actuacións ascende a 19.733 euros.

Finalmente, a Deputación financia outros dous proxectos no concello de Avión, a reforma da sala de caldeiras de biomasa na piscina municipal e a mellora e eficiencia enerxética da iluminación pública na localidade de Amiudal, actuacións ás que a Deputación destina 14.940 euros e 8.365 euros, respectivamente.

A procesión do San Cibrao, que saíu ás 11,30 h., co compañamento da banda de música de Vilatuxe, e a misa solemne no templo da Veracruz ás 12,30 h., cantada polo Orfeón,fron esta mañá de domingo o preámbulo dos actos programados para este 17 de Setembro con motivo da festividade do patrono do Carballiño.

As charangas CASTRO VELLO E CHIRIGOTA animarán as rúas durante a xornada festiva.

Ás 13:30 horas comezará na Praza de Emilia Pardo Bazán o concerto da banda de Vilatuxe.

Pola tarde, ás 17,00 h., terá lugar na explanada do Parque o Campionato de CHAVE SAN CIBRAO, e as charangas e a banda de Vilatuxe ofrecerán o segundo pasarrúas.

A partir das 21,00 h., a orquestra D´MODA ofrecerá o primeiro pase da verbena, e a orquestra PARÍS DE NOIA o faráás 22,45 h., na rúa Evaristo Vaamonde, na parte baixa da Praza da Veracruz. Esta mesma orquestra dará o último pase ás 01,45 h., e rematará ás 03,00 h.

FEIRA DA PEPA LOBA NO BARRIO DE FLORES

A Feira de Artesanía da Pepa Loba tamén ofrecerá un programa moi suxerente.

Así, ás 12,00 h., haberá demostración en vivo de artes tradicionais e obradoiros.

Ás 14,00 h., Xantar Popular, e a partir das 18,00 h., animación de rúa a cargo de Tiruleque.

A Valedora do Pobo admitíu a trámite a queixa presentada pola actitude do alcalde do Irixo Manuel Penedo que, ao non facilitar o acceso á información municipal, está obstaculizando a labor fiscalizadora da oposición municipal, actitude do rexedor que podería ser constitutiva dun delito de prevaricación.

O Portavoz do Grupo Municipal Socialista do Concello de O Irixo, Iago Fariñas Valiña, denunciou a modo de QUEIXA ANTE A VALEDORA DO POBO que dende o mes de febreiro o alcalde do Irixo nin resposta nin lle da acceso a expedientes solicitados.
A queixa presentada fundamentase na seguinte EXPOSICION DE MOTIVOS:

PRIMEIRO.- Que no artigo 77 da Lei 7/1985, de 2 de abril, reguladora das bases do réxime local, recoñécese o dereito dos membros das Entidades Locais a obter do Alcalde cantos antecedentes, datos ou informacións obren no poder dos servizos da corporación e resulten precisos para o desenrolo da súa función.

SEGUNDO.- Que na condición de concelleiro do concello do Irixo;
1º.- O pasado 16 de febreiro de 2017, se presentou “ACCESO A INFORMACIÓN QUE PRESENTA O GRUPO MUNICIPAL SOCIALISTA DO CONCELLO DE O IRIXO EN RELACIÓN O EXPEDIENTE DO PLAN PROVINCIAL 2017 DA REDE VIARIA PROVINCIAL DA DEPUTACIÓN DE OURENSE.” na que se solicitou “Copia/ou acceso de ser o caso o expediente completo do EXPEDIENTE SOBRE O PLAN PROVINCIAL 2017 DA REDE VIARIA PROVINCIAL DA DEPUTACIÓN DE OURENSE.”

2º.- O pasado 3 de marzo de 2017, se presentou solicitude de “Copia/ou acceso de ser o caso o expediente completo SOBRE UN PUNTO DE ATENCIÓN Á INFANCIA DO CONCELLO DE O IRIXO.”

3º.- O pasado 10 de marzo de 2017, se presentou “ACCESO o Modelo 347 da Declaración Anual correspondente ó exercicio 2016, coa relación de operacións con terceiras persoas. “na que se solicitou “…copia e no seu defecto acceso o Modelo 347 da Declaración Anual correspondente ó exercicio 2016, coa relación de operacións con terceiras persoas nesa anualidade por parte de este concello.”

TERCEIRO.- Que en datas de 3 e 31 de marzo de 2017 mediante sendos escritos púxose en coñecemento do Sr. Alcalde que o acceso a dita información foi concedido mediante silencio administrativo pola falla de resposta do Sr. Alcalde as peticións de acceso a dita información feita por este concelleiro por escrito os pasados 16 de febreiro, 3 de marzo e 10 de marzo de 2017 respectivamente, isto supón a concesión da autorización solicitada por silencio, unha vez transcorridos os cinco días establecidos (arts. 77.2 LRBRL y 14.2 ROF).

CUARTO.- Que en ditos escritos se lle recordaba que o ter concedido o acceso por silencio administrativo, o Sr. Alcalde deste concello debe sen máis demora dar acceso o mesmo, de non proceder a conceder o acceso o mesmo se mais demora, se lle advirte que esta vostede cometendo un presunto delito de “PREVARICACIÓN ADMINISTRATIVA” penado entre outras penas con inhabilitación para desempeñar cargo publico e do que se dará conta a autoridade competente se non da acceso os expediente nos próximos días.

QUINTO.- Que a pesar de todo elo, e pasados xa mais de 6 meses dende as solicitudes, o Sr. Alcalde segue sen dar resposta as petición formuladas a sabendas, o que e escandaloso ademais de estar cometendo como xa reiteramos, un presunto delito de prevaricación administrativa, feito este que xa se ten producido en ocasión anteriores.

SEXTO.- Que debo apuntar que o concello de O Irixo e un concello de pouco mais de 1.500 habitantes que dispón entre o seu funcionariado de dous administrativos, que nos últimos anos estiveron sempre no seu posto de traballo, non existiron baixas laborais nin períodos vacacionais dende as solicitudes de información referidas, que puideran afectar o correcto funcionamento da actividade administrativa deste concello e que puideran ocasionar a falla de resposta nas súas petición a este concelleiro, ademais de que hai tres membros do goberno municipal con tres dedicacións parciais remuneradas en mais de 73 mil euros, o que fai inxustificable que non se atendan as petición deste concelleiro.

SEPTIMO.- Que o único motivo e impedir o acceso de este concelleiro a información para que non poida facer a súa labor fiscalizadora, e non poida ter coñecemento dos expedientes referidos e así non poda informar a veciñanza.

A caballiñesa Mari Vázquez resultou gañadora do sorteo celebrado este mediodía na Praza de Abastos con motivo do remate da campaña de promoción do verán. O premio consiste nunha viaxe dunha semana a Palma de Mallorca con voo directo dende Santiago e réxime de media pensión. A papeleta gañadora foi extraída por unha nena dun total de 20.000 papeletas depositadas nas urnas pola clientela. A campaña comezou o 18 de xullo e foi moi positiva a tenor das papeletas recollidas, según dixo o presidente da asociación de praceiros, Eligio González. Durante estes tres últimos meses incrementouse a clientela da praza de xeito considerable, e non só do Carballiño e da comarca, senón de Galicia e de fóra. Así, Eligio González asegura que tiveron clientes das Rías Baixas, de Barcelona, de Andalucía, de Madrid e incluso de Palma de Mallorca, que amosaron a súa sorpresa pola promoción que estaba a realizar a Praza de Abastos. Por isto, o presidente da asociación agradeceu a colaboración de todos os praceiros e praceiras, así como a do concello. Ao acto tamén asistiu o concelleiro de Promoción Económica, Adolfo Nogueira, que chamou a atención sobre as 20.000 papeletas depositadas, o que amosa a vitalidade da praza de abastos, según dixo. Finalmente, felicitou aos praceiros e á gañadora.

As atraccións e barracas das festas patronais comezaron a instalarse esta noite, co obxectivo de que o fagan paulatinamente para crear os menores problemas de tráfico posibles.

A instalación destas atraccións e barracas, así como dun escenario que irá na Praza Emilia Pardo Bazán, obrigan a realizar algúns cambios no tráfico no centro da vila, ainda que as atraccións distribuiranse por diversas prazas e rúas, de maneira que supoña o menor contratempo posible tanto para os veciños como para os coches.

As atraccións de maior envergadura ubicaranse na Praza da Veracruz, como a gran montaña rusa “Super Ratón”, a Barca Pirata e o Saltamontes, entre outras. As demáis instalaranse na Praza do Emigrante, Alameda e Praza Irmáns Prieto, así como no primeiro tramo da rúa Xullo R. Soto (Aparthotel Arenteiro) e rúa Conde Vallellano (entre o cruce coa rúa do Paseo e a rúa Aldara). A montaña rusa comezará a instalarse na madrugada do mércores. Finalmente, o escenario da Praza Emilia Pardo Bazán ocupará unha parte da calzada da confluencia da rúa Cesáreo Tizón coa rúa Ribeiro.

Por este motivo, o concello e a comisión de festas piden disculpas polas molestias que se poden crear estes días pero que son absolutamente necesarias para desenvolver o programa de atraccións e actividades previstas nesta edición das Festa do San Cibrao.

PROGRAMA

O programa de festas do San Cibrao comezará o xoves 14 de setembro, coa apertura das atraccións, o Festival da Mocidade con grupos de pop-rock e reggae do Carballiño e un tributo a Los Suaves, que se celebrará na parte de abaixo da Praza da Veracruz (escenario na rúa Evaristo Vaamonde); e o encendido do alumeado artístico, e rematará o martes 19, día do Romería da Saleta, se ben as atraccións celebrarán o día de neno o mércores 20 de setembro.

Entre as actividades musicais destacan os concertos das bandas de música A Lira de Rabadavia xunto co Orfeón do Carballiño, a Banda de Música de Vilatuxe e a Banda Escola de Música do Carballiño, así como da Coral Polifónica Casablanca de Vigo. E entre as orquestras destacan a París de Noia, o Combo Dominicano e Claxxon, xunto con tres orquestras máis; un tributo da música dos 80, un tributo a Los Suaves e varios grupos do Carballiño, así como charangas e grupos de gaitas.

As festas tamén contarán coa novidade da tirada de fogo voador na explanada da entrada do parque municipal o sábado 16 de setembro.

LIBRO DAS FESTAS

O libro de man das festas, que está a ter unha gran demanda, pode solicitarse na Oficina Municipal de Turismo (Alameda) ou na Oficina de Recadación Municipal (rúa Faustino Santalices, tras do concello).

O Portavoz do Grupo Municipal Socialista do Concello de O Irixo, Iago Fariñas Valiña, presentou unha moción no día de hoxe no rexistro municipal do Irixo para ser tratada no próximo Pleno da Corporación, PARA DOTAR DE SANEAMENTO OS MÁIS DE 25 POBOS DO IRIXO QUE NON TEÑEN.

Os socialistas na súa moción expoñen;

PRIMEIRO.- Que O Irixo na actualidade ten máis de 25 núcleos de poboación sen servizo de saneamento, algún incluso sen abastecemento de auga corrente.

SEGUNDO.- Que o grupo socialista ven de constatar que os núcleos de: Cangues, A Pedriña, Santiso, Outeiro de Readegos, Cerdeira de arriba, Cerdeira de abaixo, As Antas, Valdesoiro, Paredes, A Ermida, Frixe, Surribas de Froufe, Zebral, O Espiño, Sidre, Covelo, Espiñeira, A Esfarrapa de abaixo, Vila, Trabazón, Munin, Nabas, Barro de San Cosme, Rio, O Coto, Chelos, Zacarade....

TERCEIRO.- Que é impensable que un goberno despois de máis de 31 anos ininterrompidos de mandato non fora capaz de acometer, con axuda de outras administracións ou cos seus propios recursos, o saneamento de todos estes pobos ou núcleos de poboación.

CUARTO.- Que debemos recordar que o concello de O Irixo ven nos últimos anos facendo alarde de ter diñeiro sobrante dos presupostos municipais, no ultimo exercicio máis de 295 mil euros.

QUINTO.- Que debemos recordar que o concello do Irixo, ten ata 3 fontaneiros traballando para o concello, e outros operarios así como maquinaria para poder acometer polos seus propios medios algunhas destas obras de saneamento.

SEXTO.- Que entendemos unha falta de traballo imperdoable do goberno municipal, que tendo medios e recursos económicos para acometer o saneamento dos núcleos de poboación do concello non o fai, mestres gasta parte dos seus recursos noutras obras que non son prioritarias como sí o é que os veciños teñan o saneamento das súas vivendas garantido.

SEPTIMO.- Que é especialmente preocupante tamén que, nalgún pobo como o caso de Zacarade, se acometese a instalación de saneamento das casas do pobo e finalmente se canalizase e deixase a ceo aberto vertendo por un rego sen finalizar nunha fosa séptica como tamén ocorre nalgún outro pobo.

Por todo o manifestado, o Grupo Municipal Socialista do Concello de O Irixo presentou para a súa consideración e aceptación polo Pleno Municipal a seguinte MOCIÓN instando ó Concello a:

Que o Concello de O Irixo mediante unha modificación de crédito habilite unha partida orzamentaria para poñer en marcha cos seus propios medios e/ou a axuda de outras administracións o saneamento integral de tódolos pobos de O Irixo.

Un home, de 67 anos de idade,  perdeu a vida este sábado no incendio da  vivenda familiar na localidade de Lagorzos, na parroquia de San Cosme de Cusanca, no municipio do Irixo.

O lume declarouse nunha das habitacións da casa, que consta de planta baixa, un piso e ático, e ao parecer a súa construcción é relativamente recente, dunhos dez anos de antiguidade. 

O lume so afectou á habitación na que dormía a victima, á que os Bombeiros do Carballiño encontraron xa morta cando accederon ao interior do inmoble. 

Ademáis da persoa falecida, na vivenda encontrabanse outras dúas persoas, un irmán da vitima e a nai de ambos, que estaban xa fora da casa cando chegaron os bombeiros, ainda que o irmán do falecido tivo que ser trasladado para recibir asistencia por intoxicación e feridas leves causadas no intento de rescatar ao seu irmán.

Polo momento descoñecense as causas que provocaron o incendio.